PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର: ଗୋଷ୍ଠୀ ସଂକ୍ରମଣ ମୁହାଁ ଓଡ଼ିଶା, ସାମାନ୍ୟ ଲକ୍ଷଣ ଥିଲେ ଟେଷ୍ଟ କରନ୍ତୁ : ଜନସ୍ଵାସ୍ଥ୍ୟ ନିର୍ଦ୍ଦେଶକ
  • ||
  • ଚଣ୍ଡିଖୋଲ: ଭାରସାମ୍ୟ ହରାଇ ବ୍ରିଜ୍ ତଳକୁ ଖସିଲା ଟ୍ରକ୍, ଅଳ୍ପକେ ବର୍ତ୍ତିଲେ ଡ୍ରାଇଭର୍
  • ||
  • ଢେଙ୍କାନାଳ :ଢେଙ୍କାନାଳ ସିଭିଲ କୋର୍ଟକୁ ସିଲ , ୧୦ରୁ ଅଧିକ କର୍ମଚାରୀ ସଂକ୍ରମିତ ଚିହ୍ନଟ ପରେ ମାଇକ୍ରୋ କଣ୍ଟେନମେଣ୍ଟ ଘୋଷଣା କଲା ପୌରପ୍ରଶାସନ
  • ||
  • ଭୁବନେଶ୍ଵର: ରାଜ୍ୟରେ ତଳମୁହାଁ କରୋନା ଗ୍ରାଫ୍, ଦଶମ ଓ ଦ୍ଵାଦଶ ପରୀକ୍ଷା ପାଇଁ ପ୍ରସ୍ତୁତ ରୁହ : ଗଣଶିକ୍ଷା ମନ୍ତ୍ରୀ
  • ||
  • ବୌଦ୍ଧ: ବାଇକ୍‌କୁ ଧକ୍କା ଦେଲା ଅଜଣା ଗାଡି, ଜଣେ ମୃତ ଅନ୍ୟ ଜଣେ ଗୁରୁତର
  • ||
  • ପାଟଣା: ଜମିବାଡ଼ି ବିବାଦକୁ କେନ୍ଦ୍ରକରି ଦୁଇ ପରିବାର ଭିତରେ ଗଣ୍ଡଗୋଳ, ବଡ଼ ଭାଇ ମୁଣ୍ଡରେ ପଥର ଛେଚିଦେଲେ ସାନ ଭାଇର ପରିବାର
  • ||
  • ଭୁବନେଶ୍ଵର: ରାଜ୍ୟସ୍ତରୀୟ ସାଧାରଣତନ୍ତ୍ର ଦିବସ ପାଇଁ ଗାନ୍ଧୀ ମାର୍ଗରେ ହେଉଛି ଫୁଲଡ୍ରେସ୍ ରିହର୍ସଲ, ସୁରକ୍ଷା ବ୍ୟବସ୍ଥା ପାଇଁ ଟ୍ରାଫିକ୍ କଟକଣା
  • ||
  • ଭୁବନେଶ୍ଵର: ରାଜ୍ୟରେ ତଳକୁ ଖସିଲା ସଂକ୍ରମଣ ଗ୍ରାଫ୍ : ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ୭୨୯୧ ଜଣ କରୋନା ପଜିଟିଭ
  • ||
  • ଭୁବନେଶ୍ଵର: ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ଖଲ୍ଲିକୋଟ: ପରିବା ବୋଝେଇ ଅଟୋକୁ ଧକ୍କା ଦେଲା ବାଲି ବୋଝେଇ ଟ୍ରକ୍, ଜଣେ ମୃତ ୨ ଗୁରୁତର
  • ||
  • ପୁରୀ: ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ କୋଭିଡ୍ ପଜିଟିଭ୍‌, ହସ୍ପିଟାଲରେ ଭର୍ତ୍ତି
  • ||
  • ଭୁବନେଶ୍ୱର : ମାସେ ଚିକିତ୍ସା ପରେ ଜଙ୍ଗଲକୁ ଫେରିଲା ୧୨ ଫୁଟର ଅହିରାଜ, ଢ଼େଲାମାଡ଼ରେ ଭାଙ୍ଗିଥିଲା ପିଞ୍ଜରା ହାଡ଼
  • ||
  • ଭୁବନେଶ୍ଵର : ଆଉ ଦୁଇ ଦିନ ଭିଜିବ ଓଡ଼ିଶା, ଉପକୂଳ ସମେତ ୭ ଜିଲ୍ଲାରେ ସ୍ୱଳ୍ପରୁ ମଧ୍ୟମ ଧରଣର ବର୍ଷା ଆଶଙ୍କା
  • ||
  • ଲମତାପୁଟ : ପିକଅପ୍ ଭ୍ୟାନ୍‌ରୁ ୨ କୁଇଣ୍ଟାଲ ଗଞ୍ଜେଇ ଜବତ, ୨ ମାଫିଆ ଗିରଫ
  • ||

ବିଜେପି ନେତାଙ୍କ ଆକ୍ରମଣର ଅଭିନବ ପ୍ରତିବାଦ: କାର୍ଯ୍ୟକ୍ରମକୁ ହେଲମେଟ୍‌ ପିନ୍ଧି ଯାଉଛନ୍ତି ସାମ୍ବାଦିକ

source:www.ndtv.com

ରାୟପୁର,୭ ।୨(ଏଜେନ୍ସି): ହାତରେ ବୁମ୍‌, କାନ୍ଧରେ କ୍ୟାମେରା ଓ ମୁଣ୍ଡରେ ହେଲମେଟ୍‌ । ଛତିଶଗଡରେ ବିଜେପି ନେତାଙ୍କ କାର୍ଯ୍ୟକ୍ରମରେ ଏଭଳି ବେଶରେ ଏବେ ଦେଖିବାକୁ ମିଳିଛି ସାମ୍ବାଦିକମାନଙ୍କୁ । ମୁଣ୍ଡରେ ହେଲମେଟ ଦେବାର କାରଣ ହେଉଛି ସେମାନଙ୍କ ପ୍ରତି ବିଜେପି ନେତାଙ୍କ ଆକ୍ରମଣ ଭୟ । ଗତ ସପ୍ତାହରେ ଜଣେ ସାମ୍ବାଦିକଙ୍କୁ କିଛି ବିଜେପି ନେତା ଆକ୍ରମଣ କରିବା ପରେ ଅନ୍ୟ ସାମ୍ବାଦିକମାନେ ଏଭଳି ଅଭିନବ ପ୍ରତିବାଦ ଜଣାଇଛନ୍ତି ।
ସୂଚନା ଅନୁସାରେ ଗତ ଶନିବାର ରାୟପୁରରେ ବିଜେପି ଜିଲ୍ଲାସ୍ତରୀୟ କାର୍ଯ୍ୟକର୍ତ୍ତାଙ୍କ ଏକ ସମ୍ମିଳନୀ ଚାଲିଥିଲା । ସେଥିରେ ଗତ ବିଧାନସଭା ନିର୍ବାଚନରେ ଦଳର ପରାଜୟ ନେଇ ସରଗରମ ଆଲୋଚନା ହୋଇଥିଲା । ସ୍ଥାନୀୟ ଡିଜିଟାଲ ନ୍ୟୁଜ ପୋର୍ଟାଲ ‘ଦି ଭଏସ୍‌’ର ସାମ୍ବାଦିକ ସୁମନ ପାଣ୍ଡେ ସେଠାକୁ ଖବର ସଂଗ୍ରହ ପାଇଁ ଯାଇଥିଲେ । ସେ ନିଜ ମୋବାଇଲ ଫୋନ୍‌ରେ କାର୍ଯ୍ୟକ୍ରମର ଭିଡିଓ ରେକର୍ଡିଂ କରୁଥିଲେ । ଆଲୋଚନା ଚାଲିଥିଲା ବେଳେ କୌଣସି ପ୍ରସଙ୍ଗକୁ ନେଇ କାର୍ଯ୍ୟକର୍ତ୍ତାଙ୍କ ମଧ୍ୟରେ ଗଣ୍ଡଗୋଳ ଓ ହାତାହାତି ଘଟିଲା । ସୁମନ ତାହାର ରେକର୍ଡିଂ କରିଥିଲେ । ଏକଥା ଦେଖିବା ପରେ ବିଜେପି ରାୟପୁର ଶାଖା ସଭାପତି ରାଜୀବ ଅଗ୍ରୱାଲ ଓ ତାଙ୍କର କିଛି ସହଯୋଗୀ ସୁମନଙ୍କୁ ସେହି ଗଣ୍ଡଗୋଳର ଭିଡିଓ ଡିଲିଟ କରିବାକୁ କହିଲେ । ମାତ୍ର ସେ ମନା କରିବାରୁ ସେମାନେ ତାଙ୍କୁ ମାଡ଼ ମାରିଥିଲେ । ଏଥିରେ ତାଙ୍କ ମୁଣ୍ଡରେ ଗଭୀର ଆଘାତ ଲାଗିଥିଲା । ତାଙ୍କଠାରୁ ମୋବାଇଲ ଫୋନ୍‌ ଛଡାଇ ନେଇ ସେହି ଭିଡିଓକୁ ଅଗ୍ରୱାଲ ଓ ତାଙ୍କ ସାଥୀମାନେ ଡିଲିଟ କରିଦେଇଥିଲେ ।
କେବଳ ଏତିକିରେ ସେମାନଙ୍କ ମନ ମାନିନଥିଲା । ସେମାନେ ସୁମନଙ୍କୁ ସଭା ଶେଷ ହେବା ପର୍ଯ୍ୟନ୍ତ ସେଠାରେ ବଳପୂର୍ବକ ବସାଇ ରଖିଥିଲେ । ସେଠାରୁ ଫେରିବା ପରେ ସୁମନ ଅନ୍ୟ ସାମ୍ବାଦିକଙ୍କୁ ଘଟଣା ସମ୍ପର୍କରେ ଜଣାଇବା ସହ ଥାନାରେ ଅଭିଯୋଗ କରିଥିଲେ । ସାମ୍ବାଦିକମାନେ ଏକାଠି ହୋଇ ବିଜେପି କାର୍ଯ୍ୟାଳୟ ନିକଟରେ ଏଭଳି ଆକ୍ରମଣର ପ୍ରତିବାଦ କରିବା ସହ ଧାରଣା ଦେଇଥିଲେ । ଶେଷରେ ପୁଲିସ ପହଞ୍ଚି ସୁମନଙ୍କୁ ମାଡ ମାରିଥିବା ଅଭିଯୋଗରେ ଅଗ୍ରୱାଲ ଓ ତାଙ୍କର ଅନ୍ୟ ୩ ଜଣ ସହଯୋଗୀଙ୍କୁ ଗିରଫ କରିଥିଲା । ତେବେ ଅଗ୍ରୱାଲ କହିଛନ୍ତି ବୈଠକ ପରେ ସେମାନେ ସୁମନଙ୍କୁ ସେଠାରୁ ଚାଲିଯିବାକୁ କହିବା ସତ୍ତେ୍ୱ ସେ ଯାଇ ନଥିଲେ । ଗଣ୍ଡଗୋଳ ଭିଡିଓ ଡିଲିଟ କରିବାକୁ ମଧ୍ୟ ମନା କରିଥିଲେ ।