PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ଓଡ଼ିଶା ଅନଲକ୍‌ ହେବା ନେଇ ସୋସିଆଲ ମିଡିଆରେ ପ୍ରଚାର ହେଉଛି ଗୁଜବ, ସ୍ପଷ୍ଟୀକରଣ ଦେଲେ SRC- ଏଭଳି ମାର୍ଗଦର୍ଶିକା ଜାରି ହୋଇନି
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟାରେ ଚିହ୍ନଟ ହେଲେ ଆଉ ୪ ହଜାର ୩୩୯ କରୋନା ପଜିଟିଭ, ସଂକ୍ରମିତଙ୍କ ସଂଖ୍ୟା ୮ ଲକ୍ଷ ୫୬ ହଜାର ପାର୍
  • ||
  • ଭୁବନେଶ୍ୱର : ଗଣପର୍ବ ରଜ ଅବସରରେ ଶୁଭେଚ୍ଛା ଓ ଅଭିନନ୍ଦନ ଜଣାଇଲେ ମୁଖ୍ୟମନ୍ତ୍ରୀ ନବୀନ ଓ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ
  • ||
  • ନୂଆଦିଲ୍ଲୀ : ଆଜିଠାରୁ ରାଜଧାନୀରେ ଖୋଲିବ ମଲ୍, ବଜାର ଏବଂ ଦୋକାନ, ୫୦ ପ୍ରତିଶତ କ୍ଷମତାରେ ଚାଲିବ ମେଟ୍ରୋ
  • ||
  • ନୂଆଦିଲ୍ଲୀ : ଇସ୍ରାଇଲରେ ନେତ୍‌ନ୍ୟାହୁଙ୍କ ଯୁଗ ଶେଷ, ନଫତାଲୀ ବେନେଟ୍ ହେଲେ ନୂଆ ପ୍ରଧାନମନ୍ତ୍ରୀ
  • ||
  • ଭୁବନେଶ୍ୱର : ରଜ ପାଇଁ ଓଟିଡିସି ଆରମ୍ଭ କଲା ‘ପିଠା ଅନ୍‌ ହ୍ୱିଲ୍‌’, ଭୁବନେଶ୍ୱର ସହ ସମ୍ବଲପୁର ଓ କଟକରେ ମିଳିବ ପିଠା
  • ||
  • ବଅଁରପାଳ : ସୁନାର ସଂସାରକୁ ଛାରଖାର କରିଦେଲା କରୋନା, ଆଗପଛ ହୋଇ ଚାଲିଗଲେ ପୁଅ-ବୋହୂ ଓ ମା, ଅନାଥ ହୋଇଗଲା ୧୪ ମାସର ଶିଶୁପୁତ୍ର
  • ||
  • ପୁରୀ : ଆଜି ଶ୍ରୀମନ୍ଦିରରେ କନ୍ୟା ଚୋରି ନୀତି
  • ||
  • ଭୁବନେଶ୍ୱର : ଆଜି ପହିଲି ରଜ, ଗାଁଠାରୁ ସହର ସବୁଠି ଜମୁଛି ପିଠାପଣାର ଆସର
  • ||
  • ଭୁବନେଶ୍ୱର : ସାରା ରାଜ୍ୟକୁ ଛୁଇଁଲା ମୌସୁମୀ, ଆହୁରି ଦୁଇଦିନ ସ୍ୱଳ୍ପରୁ ମଧ୍ୟମ ବର୍ଷା ସମ୍ଭାବନା, ୧୫ ପର୍ଯ୍ୟନ୍ତ ଧୀବରଙ୍କୁ ସମୁଦ୍ର ମନା
  • ||

ମୋଦିଙ୍କୁ ପ୍ରଶଂସା କରି ଅଡୁଆରେ ଥରୁର୍‌: କାରଣ ଦର୍ଶାଅ ନୋଟିସ ଜାରି କଲା କଂଗ୍ରେସ

ଥିରୁବନନ୍ତପୁରମ ୨୭/୮ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଖୋଲାଖୋଲି ଭାବେ ପ୍ରଶଂସା କରିବା ପରେ ବରିଷ୍ଠ କଂଗ୍ରେସ ନେତା ତଥା ଥିରୁବନନ୍ତପୁରମ୍‌ ସାଂସଦ ଶଶି ଥରୁରଙ୍କର ଅଡ଼ୁଆ ବଢ଼ିଯାଇଛି । ଏନେଇ କେରଳ କଂଗ୍ରେସ କମିଟି ପକ୍ଷରୁ ଥରୁରଙ୍କୁ କାରଣ ଦର୍ଶାଅ ନୋଟିସ ଜାରି କରାଯାଇଛି । କେବଳ ଏତିକି ନୁହେଁ ରାଜ୍ୟ କଂଗ୍ରେସ ଏହି ବିଷୟରେ ଅଖିଳ ଭାରତ କଂଗ୍ରେସ କମିଟି ନିକଟରେ ଅଭିଯୋଗ କରିବ ବୋଲି ମଧ୍ୟ ନିଷ୍ପତ୍ତି ନିଆଯାଇଛି ।

କେରଳ ପ୍ରଦେଶ କଂଗ୍ରେସ କମିଟି ସଭାପତି ମୁଲାପ୍ପଲ୍ଲୀ ରାମଚନ୍ଦ୍ରନ ଏବଂ ରାଜ୍ୟ ବିରୋଧୀ ଦଳ ନେତା ଚେନ୍ନତଲ୍ଲା ଏହାକୁ ପ୍ରସଙ୍ଗ କରି ଥରୁର୍‌ଙ୍କୁ ବିରୋଧରେ ସ୍ୱର ଉଠାଇଛନ୍ତି । ଏନେଇ ଥରୁର୍‌ ନିଜ ଜବାବ ରଖି ସାରିବା ପରେ ତାଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ମୁଲ୍ଲାପଲ୍ଲୀ ପ୍ରକାଶ କରିଛନ୍ତି । ସେ ଆହୁରି ମଧ୍ୟ କହିଛନ୍ତି ଯେ, ‘କୌଣସି ବି ସ୍ଥିତିରେ କଂଗ୍ରେସ ସଂଘ ପରିବାରର ଆଦର୍ଶକୁ ଗ୍ରହଣ କରିବ ନାହିଁ । କଂଗ୍ରେସର କୌଣସି ବି ନେତା ମୋଦିଙ୍କ ଦ୍ୱାରା ନିଆଯାଉଥିବା ପଦକ୍ଷେପକୁ ଗ୍ରହଣ କରିବା ଉଚିତ ନୁହେଁ’ ।

ଉଲ୍ଲେଖଯୋଗ୍ୟ ଯେ, ମୋଦିଙ୍କୁ ଖଳନାୟକ ଭାବେ ଉପସ୍ଥାପନ କରା ନ ଯାଉ ବୋଲି କଂଗ୍ରେସ ନେତା ଜୟରାମ ରମେଶ ଦେଇଥିବା ବୟାନକୁ ଶଶି ଥରୁର୍‌ ସମର୍ଥନ ଜଣାଇ ଟୁଇଟ କରିଥିଲେ । ସେ ଲେଖିଥିଲେ ଯେ, ମୋଦି ଯେତେବେଳେ ଭଲ କାମ କରୁଛନ୍ତି ତାଙ୍କର ପ୍ରଶଂସା କରାଯିବା ଆବଶ୍ୟକ । ଯାହାଫଳରେ କି ସେ ଯେବେ ଭୁଲ କରିବେ ତେବେ ଆମେ ତାଙ୍କୁ ବିରୋଧ କରିବା ବେଳେ ଲୋକମାନଙ୍କର ଆମ ପ୍ରତି ବିଶ୍ୱାସନୀୟତା ବଢ଼ିବ ।