ପାଟନା,୩୦।୮: ବିହାରରେ ନିତିଶ କୁମାରଙ୍କ ସରକାର ମଦ ପରେ ଏବେ ଗୁଟଖା, ପାନ ମସଲା ଉପରେ ବଡ ଧରଣର ନିଷ୍ପତ୍ତି ନେଇଛନ୍ତି। ବିହାର ସରକାର ରାଜ୍ୟରେ ଯେଉଁ ପାନ୍ ମସଲାରେ ଅଧିକ ପରିମାଣର ମାଗ୍ନେସିୟମ କାରବୋନେଟ୍ ରହିଛି, ସେଗୁଡ଼ିକର ବିକ୍ରି, ନିର୍ମାଣ ଓ ବିତରଣ ଉପରେ ବିହାର ସରକାର ରୋକ ଲଗାଇଛନ୍ତି। ଏହା ପୂର୍ବରୁ ବିହାରର ଫୁଡ୍ ଓ ସେଫ୍ଟି ବିଭାଗ ବିଭିନ୍ନ ସ୍ଥାନରେ ଚଢ଼ଉ କରି ଏକାଧିକ ବ୍ରାଣ୍ଡର ପାନ ମସଲା ପ୍ୟାକେଟ ଜବତ କରିଥିଲା। ପରୀକ୍ଷା ବେଳେ ଏଥିରେ ମାଗ୍ନେସିୟମ କାରବୋନେଟ୍ ରହିଥିବା ଜାଣିବାକୁ ପାଇଥିଲା। ଏବେ ସେହି କାରଣ ପାଇଁ ଏହାକୁ ରାଜ୍ୟରେ ନିଷିଧ କରାଯାଇଛି।
wp:gallery {"ids":[39977]}ବିହାର ସରକାର ପରୀକ୍ଷା କରିଥିବା ପାନ ମସଲାର କମ୍ପାନୀ ଗୁଡ଼ିକ ମଧ୍ୟରେ ରଜନୀଗନ୍ଧା ପାନ ମସଲା, ରାଜ ନିୱାସ, ସୁପ୍ରିମ ପାନ ପରାଗ, ପାନ ପରାଗ, ବାହାର ପାନ ମସଲା, ବାହୁବଳୀ ପାନ ମସଲା, ରାଜଶ୍ରୀ ପାନ ମସଲା, ରୌନକ ପାନ ମସଲା, ସିଗନେଚର ପାନ ମସଲା, କମଲା ଓ ମଧୁ ପାନ ମସଲା ରହିଛି। ଏବେ ଏହି କମ୍ପାନୀର ଗୁଡିକର ପାନ ମସଲା ଉପରେ ରାଜ୍ୟରେ ରୋକ ଲଗାଇ ଦିଆଯାଇଛି।
wp:gallery {"ids":[39978]}ଉଲ୍ଲେଖନୀୟ ଯେ, ବିହାର ବିଭିନ୍ନ ଜିଲାରୁ ଚଳିତ ବର୍ଷ ଜୁନରୁ ଅଗଷ୍ଟ ମଧ୍ୟରେ ୨୦ଟି ନାମୀଦାମୀ ପାନ ମସଲା କମ୍ପାନୀର ନମୁନା ଜବତ କରାଯାଇଥିଲା। ତେବେ ଯାଞ୍ଚ ବେଳେ ଜଣାପଡିଥିଲା ଯେ, ପାନ ମସଲାରେ ମାଗ୍ନେସିୟମ କାର୍ବୋନେଟ ମାତ୍ରା ଅଧିକ ରହିଛି। କାର୍ବୋନେଟର ବାରମ୍ବାର ସେବନ ଦ୍ୱାରା ହୃଦ୍ଘାତ ଏବଂ ଆକ୍ୟୁଟ ହାଇପର ମାଗ୍ନେସିୟା ଭଳି ରୋଗ ହୋଇଥାଏ। ତେଣୁ ନିତିଶ କୁମାରଙ୍କ ସରକାର ଗୁଟଖା ଓ ପାନ ମସଲା ଉତ୍ପାଦନ, ବିକ୍ରି ଏବଂ ବିତରଣ ଉପରେ ପ୍ରତିବନ୍ଧକ ଲଗାଇଛନ୍ତି।