କଟାମୁଣ୍ଡକୁ ଯୋଡିବା ସହ ମସ୍ତିଷ୍କକୁ ବିକଶିତ କରିପାରନ୍ତି ଏହି ୮ଟି ପ୍ରଜାତିର କୃମି

ଓ୍ବାଶିଂଟନ,୭।୩: ବୈଜ୍ଞାନିକମାନେ ଏଭଳି ୪ଟି ପ୍ରଜାତିର ସାମୁଦ୍ରିକ ଫିତା କୃମିକୁ ଚିହ୍ନଟ କରିଛନ୍ତି, ଯେଉଁମାନେ କି ନିଜର କଟିଯାଇଥିବା ମୁଣ୍ଡକୁ ପୁଣିଥରେ ଯୋଡି ପାରନ୍ତି। ଏପରିକି ସେମାନେ କଟି ଯାଇଥିବା ନିଜ ମୁଣ୍ଡକୁ ଯୋଡିବା ସହ ନିଜର ମସ୍ତିଷ୍କକୁ ବିକଶିତ କରିପାରିତାନ୍ତି। ଏହା ପୂର୍ବରୁ ଏଭଳି ୪ଟି ପ୍ରଜାତିର କୃମିକୁ ଚିହ୍ନଟ କରାଯାଇ ସାରିଛି। କିନ୍ତୁ ଏବେ ଯେଉଁ କୃମିକୁ ଚିହ୍ନଟ କରାଯାଇଛି ତାହା ଟିକେ ଖାସ୍, କାରଣ ଏମାନଙ୍କ ପୂର୍ବଜଙ୍କ ନିକଟରେ ଏଭଳି କ୍ଷମତା ନଥିଲା। ଏମାନେ ସମୟ ସହିତ ନିଜକୁ ବିକଶିତ କରିପାରିଛନ୍ତି।

 ଝିଟିପିଟି ବା ଗୋଧି ଜାତୀୟ ପ୍ରାଣୀ, ବୁଢିଆଣୀ ଓ କିଛି ସାମୁଦ୍ରିକ ମାଛ ନିଜର ଅଙ୍ଗକୁ ପୁଣିଥରେ ଯୋଡିବାର କ୍ଷମତା ରଖିଥାନ୍ତି। ତେବେ ଫିତା କୃମିର ମଧ୍ୟ ଏଭଳି ଏକ ପ୍ରଜାତି ରହିଛି, ଯାହାକି ନିଜ ଟିସୁର ଛୋଟ ଛୋଟ ଟୁକୁଡାକୁ ପୁଣିଥରେ ନୂଆ ଭାବରେ ତିଆରି କରିବାରେ।  କୁହାଯାଏ ଯେ ଅଙ୍ଗକୁ ପୁନଃ ଗଠନ କରିବା ବିଶେଷ କୌଶଳ ସେମାନଙ୍କ ପୂର୍ବଜଙ୍କ ମଧ୍ୟରେ ରହିଥାଏ। କିନ୍ତୁ ଏଭଳି କିଛି ଜୀବ ରହିଛନ୍ତି ସେମାନେ ପୀଢି ପରେ ପୀଢି ଏହି ବିଶେଷତ୍ବକୁ ବଜାୟ ରଖିଥାନ୍ତି, ତେବେ କିଛି ଜୀବଙ୍କର ସମୟ ସହିତ ଏହା ଶେଷ ହୋଇଯାଇଥାଏ। ନୂତନ ଅଧ୍ୟୟନରେ ବୈଜ୍ଞାନିକମାନେ ମସ୍ତିଷ୍କ ସହିତ ସମ୍ପୂର୍ଣ୍ଣ ମୁଣ୍ଡକୁ ପୁଣିଥରେ  ଯୋଡିବାର କ୍ଷମତା ଭିନ୍ନ-ଭିନ୍ନ ୪ଟି ପ୍ରଜାତିରେ ଦେଖିବାକୁ ପାଇଛନ୍ତି।

ଆମେରିକାର ୟୁନିଭର୍ସିଟି ଅଫ୍ ମାରିଲାଣ୍ଡର ଆସୋସିଏଟ୍ ପ୍ରଫେସର ଏଲେକ୍ଲୋଞ୍ଜଡା ବେଲି କହିଛନ୍ତି ଏଥରୁ ଜଣାପଡୁଛି ଆମେ ଯେତେବେଳେ ଜୀବଙ୍କର ତୁଳନା କରିଥାଉ  ଏହା ମାନିବା ଠିକ୍ ନୁହେଁ ଯେ ସେମାନେ ତାଙ୍କର ଅଙ୍ଗକୁ ଯୋଡିବାର କ୍ଷମତା ତାଙ୍କ ପୂର୍ବଜଙ୍କ ଠାରୁ ପାଇଛନ୍ତି। ପ୍ରତ୍ୟେଜ ଜୀବ ଭିତରେ ଏଭଳି କ୍ଷମତା ରହିଛି। ଏପରିକି ମଣିଷ ଶରୀରରେ  ଯଦି କିଛି କ୍ଷତ ଥାଏ  ତେବେ କିଛି ଦିନ ପରେ  ସେହି ସ୍ଥାନରେ ତ୍ବଚା ପୁନଃର୍ବାର କ୍ଷତସ୍ଥାନକୁ ପୂରଣ କରିଥାଏ। ବିକାଶ କ୍ରମରେ ବହୁତ ପଛରେ ରହିଯାଇଥିବା କିଛି ସୁକ୍ଷ୍ମଜୀବ ଏଭଳି ରହିଛନ୍ତି, ଯେଉଁମାନେ ନିଜ ଖଣ୍ଡବିଖଣ୍ଡିତ ଶରୀରକୁ ଯୋଡିବା ସହ ଏହାକୁ ବିକଶିତ ମଧ୍ୟ କରିନେଇଥାନ୍ତି।  ଯେଉଁ ଜୀବ ବିକାଶ କ୍ରମରେ ଆଗକୁ ବଢିବାରେ ଲାଗିଲେ ଓ ଯେଉଁମାନଙ୍କର ଗଠନ ଜଟିଳ ହୋଇଚାଲିଲା, ଅଙ୍ଗର ପୁନଃ ଗଠନ କରିବାର ତାଙ୍କର କ୍ଷମତା କମ୍ ହେବାରେ ଲାଗିଲା ବୋଲି ବୈଜ୍ଞାନିକ ଜଣକ ମତପ୍ରକାଶ

   ସମ୍ବନ୍ଧିତ ଖବର


କରୋନା ରୋଗୀ କେବଳ ଗୋଟିଏ ଡୋଜ୍‌ ଦିଆଯିବା ଦ୍ୱାରା ସୁସ୍ଥ! ଆଶା ବଢ଼ାଇଲା ଜନ୍‌ସନ୍‌ ଟିକା

ନିଜେ ପୋଲ ନିର୍ମାଣ କଲେ ଗ୍ରାମବାସୀ

କରୋନା ବଳେ ଚାକିରି ହରାଇଥିବା ଲୋକଙ୍କ ପାଇଁ ଖୁସୀ ଖବର- ୫୦% ବେକାରି ଭତ୍ତା ପାଇଁ ରାସ୍ତା ସଫା

ସାଲାଡ ବିକି ଲକ୍ଷପତି ହେଲେ ଏହି ମହିଳା, ୩ ହଜାର ଟଙ୍କାରୁ ଆରମ୍ଭ କରିଥିଲେ କାମ

ସପରିବାର ଛୁଟି କଟାଇବାକୁ ଯାଉଛନ୍ତି କି?ରହିବନି ଚୋରି ଭୟ, ଏବେ ପୋଲିସ ରଖିବ ଆପଣଙ୍କ ଘର ଉପରେ ନଜର

୩ ଦଶନ୍ଧିରେ ଏକା ଖୋଳିଲେ ୩ କିମିର କେନାଲ, ପୂରା ଗାଁ ଉପକୃତ