PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକ: କଟକରୁ ଧରାପଡ଼ିଥିବା ନକଲି କରୋନା ଔଷଧ ଝାରସୁଗୁଡ଼ାର ଏକ ମେଡିକାଲ ଷ୍ଟୋରରୁ ଠାବ, ଜବତ କଲେ ଝାରସୁଗୁଡ଼ା ଡ୍ରଗ୍ ଇନ୍ସପେକ୍ଟର
  • ||
  • କୋକସରା: ଶୌଚ ପାଇଁ ଯାଇ ଘରକୁ ଫେରିନଥିଲେ, ପୋଖରୀରୁ ଉଦ୍ଧାର ହେଲା ମୃତଦେହ
  • ||
  • କଳାହାଣ୍ଡି : ହିମାଚଳ ପ୍ରଦେଶରୁ କରୋନା ସଂପର୍କିତ ନକଲି ଔଷଧ ଆଣି ବିତରଣ ଅଭିଯୋଗରେ କେସିଙ୍ଗା ସ୍ଥିତ ବିଜୟ ଫାର୍ମାସିଟିକାଲ ଓ ଧର୍ମଗଡ ସ୍ଥିତ ଜୟହୀନ୍ଦ ଟ୍ରେଡର୍ସ ଉପରେ ଚଢ଼ାଉ
  • ||
  • ନବରଙ୍ଗପୁର: ଭାରସାମ୍ୟ ହରାଇ ଓଲଟିଲା ଟ୍ରାକ୍ଟର, ତଳେ ଚାପି ହୋଇଚାଲିଗଲା ଡ୍ରାଇଭରଙ୍କ ଜୀବନ
  • ||
  • ଭୁବନେଶ୍ୱର: ଜୁନ୍ ଶେଷ ସୁଦ୍ଧା ପ୍ରକାଶ ପାଇବ ମାଟ୍ରିକ୍ ରେଜଲ୍ଟ : ଗଣଶିକ୍ଷା ମନ୍ତ୍ରୀ
  • ||
  • ସମ୍ବଲପୁର: ପୁଣି ଚର୍ଚ୍ଚାରେ ସମ୍ବଲପୁର ଜେଲ, କଏଦୀକୁ ଗଞ୍ଜେଇ ବିକି ଧରାପଡିଲେ ଜେଲ୍ ଓ୍ବାର୍ଡର୍, ବଣେଇଗଡ ଜେଲକୁ ହେଲେ ବଦଳି
  • ||
  • ରାଜସୁନାଖଳା: ଜାଗା ବାଡ଼ି ମଧ୍ୟସ୍ଥତାକୁ ନେଇ ରକ୍ତାକ୍ତ ସଂଘର୍ଷ, ଜଣେ ଗୁରୁତର
  • ||
  • କଣ୍ଟାବାଞ୍ଜି : ବର୍ଷା ଦାଉରୁ ଆଶ୍ରୟ ପାଇଁ ଦୋକାନ ପିଣ୍ଡାକୁ ଯାଇ ଷଣ୍ଢକୁ ଲାଗିଲା ବିଜୁଳି ଝଟକା, ଘଟଣାସ୍ଥଳରେ ଟଳିପଡିଲା…
  • ||
  • ନୀଳଗିରି: ଯୁବକର ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର, ହତ୍ୟା ନା ଆତ୍ମହତ୍ୟା ସନ୍ଦେହ, ପୁଲିସ ତଦନ୍ତ ଆରମ୍ଭ
  • ||
  • ପୁରୀ : ମହାପ୍ରଭୁଙ୍କ ସ୍ନାନପୂର୍ଣ୍ଣିମା ପ୍ରସ୍ତୁତି, ଭୋର ୪ଟା ସୁଦ୍ଧା ପହଣ୍ଡ ବିଜେ ନୀତି, ସାମାଜିକ ଦୂରତାକୁ ଗୁରୁତ୍ୱ
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟାରେ ମଧ୍ୟରେ ୪୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୩୩ଶହ ଟପିଲା
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟାରେ ଚିହ୍ନଟ ହେଲେ ଆଉ ୪ ହଜାର ୪୬୯ କରୋନା ପଜିଟିଭ, ସଂକ୍ରମିତଙ୍କ ସଂଖ୍ୟା ୮ ଲକ୍ଷ ୫୧ ହଜାର ପାର୍
  • ||
  • ପୁରୀ : ରଥଖଳା ହାଲ୍‌ଚାଲ, ୨୧ ଅଖରେ ଲାଗିଲା ୪୨ ଚକ, ପ୍ରଭା ଅପସରା କାମ ଆରମ୍ଭ
  • ||
  • ଭୁବନେଶ୍ୱର : ବର୍ଷାରେ ଧୋଇଯିବ ରଜ ମଉଜ, ୪୮ ଘଣ୍ଟା ଭିତରେ ଲଘୁଚାପ ଘନୀଭୂତ ହୋଇ ଅବପାତ ରୂପ ନେଇପାରେ, ଉପକୂଳରେ ବର୍ଷା ଜାରି-ଆଭ୍ୟନ୍ତରୀଣରେ ବଢ଼ିବ
  • ||
  • ବାମରା : ପରିବାରର ୬ ଜଣଙ୍କୁ ହାଣି ଆତ୍ମହତ୍ୟା କଲା ସଂକ୍ରମିତ ବାପା, ଝିଅ ମୃତ, ପୁଅ- ୩ ଝିଅ ଓ ମା’ ଆହତ
  • ||
  • କଟକ : ଲକ୍‌ଡାଉନ୍‌ ବେଳେ କଟକରେ ବେଧଡ଼କ ଚାଲିଛି ଦେହ ବ୍ୟବସାୟ, ଦୁଇଟି ସ୍ଥାନରେ ଚଢ଼ଉ ବେଳେ ୫ ଯୁବତୀ ଉଦ୍ଧାର, ର‌୍ୟାକେଟ୍‌ର ମୁଖ୍ୟ ଓ ଜଣେ ଗ୍ରାହକ ଗିରଫ
  • ||
  • ଭୁବନେଶ୍ୱର : ଓଡ଼ିଶାରେ ସୁଧୁରୁଛି ସ୍ଥିତି, ୨୬ ଜିଲ୍ଲାରେ ହୋଇପାରେ ଅନଲକ, ୪ ଜିଲ୍ଲା ପାଇଁ ସ୍ୱତନ୍ତ୍ର ଷ୍ଟ୍ରାଟେଜି
  • ||

ପ୍ରମେୟ ନ୍ୟୁଜ-୭ର ପ୍ରଭାବ: ଅଦିନିଆ ରଥଯାତ୍ରାକୁ ବିରୋଧମୁଣ୍ଡ ନୁଆଁଇଲା ଇସ୍କନ୍‌

ଭୁବନେଶ୍ୱର୧୦/୯ : ଅଦିନରେ ରଥଯାତ୍ରା ଯୋଜନା କରିଥିବା ଇସ୍କନ୍‌ ବିରୋଧରେ ବିଭିନ୍ନ ମହଲରୁ ତୀବ୍ର ପ୍ରତିକ୍ରିୟା ପ୍ରକାଶ ପାଇଥିଲା । ଖାଲି ସେତିକି ନୁହେଁ ରାଜ୍ୟର ବିଭିନ୍ନ ଥାନାରେ ଇସ୍କନ୍‌ ନାଁରେ ଏତଲା ମଧ୍ୟ ହେଲା । ସବୁଆଡ଼ୁ ଚାପ ପଡ଼ିବା ପରେ ଇସ୍କନ୍‌ ପକ୍ଷରୁ କ୍ଷମା ପ୍ରାର୍ଥନା କରାଯାଇଛି । ଏପଟେ ସୋମବାର ଭୁବନେଶ୍ୱର କ୍ୟାପିଟାଲ ଥାନାରେ ଇସ୍କନ ବିରୋଧରେ ଏତଲା ଦେଇଛି ବିଜେପି ଲ’ ଆଣ୍ଡ ଲିଗାଲ୍‌ ସେଲ୍‌ ।  ସୋମବାର ସନ୍ଧ୍ୟାରେ ଭୁବନେଶ୍ୱର ଇସ୍କନ୍‌ ଶାଖାର ସମ୍ପାଦକ ବନମାଳୀ ଦାସ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି, ଇସ୍କନ୍‌(ଲୁଧିଆନା ଶାଖା) ପକ୍ଷରୁ ଯେଉଁ ଅଦିନିଆ ରଥଯାତ୍ରା ଆୟୋଜିତ ହୋଇଥିଲା ତାହା କୋଟି କୋଟି ଓଡ଼ିଆଙ୍କ ଭାବନାକୁ କୁଠାରାଘାତ କରୁଛି । ଏହାକୁ ଦୃଷ୍ଟିରେ ରଖି ଆମେ ଉକ୍ତ ରଥଯାତ୍ରାକୁ ବନ୍ଦ କରୁଛୁ । ବିଧି ମୁତାବକ ପ୍ରତି ବର୍ଷ ଆଷାଢ଼ ଶୁକ୍ଳପକ୍ଷ ଦ୍ୱିତୀୟାରେ ଶ୍ରୀକ୍ଷେତ୍ରରେ ରଥଯାତ୍ରା ବେଳେ ଆମେ ରଥଯାତ୍ରା ପାଳନ କରିବୁ ।
 

ଇସ୍କନ୍‌ (ଲୁଧିଆନା ଶାଖା)ର ଏଭଳି କାର୍ଯ୍ୟକଳାପ ବିରୋଧରେ ପ୍ରଥମେ ସ୍ୱର ଉଠାଇଥିଲା ‘ପ୍ରମେୟ ନ୍ୟୁଜ୍‌-୭’ । ଏହାପରେ ଆରମ୍ଭ ହୋଇଥିଲା ତନାଘନା । ବହୁ ମହଲରୁ ତୀବ୍ର ପ୍ରତିକ୍ରିୟା ପ୍ରକାଶ ପାଇଥିଲା । ବାଧ୍ୟ ହୋଇ ଅଦିନିଆ ରଥଯାତ୍ରା ବନ୍ଦ କରିବାକୁ ରାଜି ହୋଇଥିଲେ ଇସ୍କନ୍‌ କର୍ତ୍ତୃପକ୍ଷ । ପରେ ଲୁଧିଆନା ଇସ୍କନ୍‌ ପରିଚାଳନା ସଦସ୍ୟ ଅମିତ ଗର୍ଗଙ୍କ ମନ୍ତବ୍ୟକୁ ବ୍ୟକ୍ତିଗତ କହି ସମସ୍ୟାକୁ ଏଡ଼ାଇବାକୁ ଚେଷ୍ଟା କରିଥିଲେ ଅନ୍ୟ ବରିଷ୍ଠ କର୍ମକର୍ତ୍ତା । ‘ପ୍ରମେୟ ନ୍ୟୁଜ୍‌-୭’କୁ ଜଗନ୍ନାଥ ସଂସ୍କୃତି ଓ ପରମ୍ପରାକୁ ନେଇ ଅପମାନଜନକ ମନ୍ତବ୍ୟ ଦେଇଥିଲେ ଅମିତ ଗର୍ଗ । ତେବେ ଶେଷରେ ବଦଳିଛି ଇସ୍କନ୍‌ର ଆଭିମୁଖ୍ୟ । ନଭେମ୍ବରରେ ଲୁଧିଆନାରେ ହେବାକୁ ଥିବା ଇସ୍କନ୍‌ ରଥ ଯାତ୍ରା ବନ୍ଦ ହେବ ବୋଲି ଇସ୍କନ ଘୋଷଣା କରିଛି ।

 ଅନ୍ୟ ପକ୍ଷରେ ‘ପ୍ରମେୟ ନ୍ୟୁଜ୍‌-୭’କୁ ଜଗନ୍ନାଥ ସଂସ୍କୃତି ଓ ପରମ୍ପରା ବିରୋଧରେ ଅମିତ ଯେଉଁ ଅପମାନଜନକ ମନ୍ତବ୍ୟ ଦେଇଥିଲେ ତାକୁ ଏଡ଼ାଇ ଦେଇଛନ୍ତି ଭୁବନେଶ୍ୱର ଇସ୍କନ୍‌ ସମ୍ପାଦକ ଶ୍ରୀ ଦାସ । ଏପଟେ ବିବାଦ ବଢ଼ୁଥିବା ଦେଖି ଅମିତ ନିଜ ମନ୍ତବ୍ୟ ପାଇଁ କ୍ଷମା ପ୍ରାର୍ଥନା କରିଛନ୍ତି ।
 

ବଡ଼କଥା ହେଲା ଅଦିନିଆ ରଥଯାତ୍ରା ନ କରିବା ପାଇଁ ଜଗନ୍ନାଥଙ୍କ ଆଦ୍ୟ ସେବକ ଗଜପତି ମହାରାଜଙ୍କ ଚିଠିକୁ ବି ଅଣଦେଖା କରିଥିଲା ଇସ୍କନ୍‌ । ‘ପ୍ରମେୟ ନ୍ୟୁଜ୍‌-୭’ ଏହି ପ୍ରସଙ୍ଗକୁ ଉଠାଇବା ବେଳେ ନିଜ ଭୁଲ ସୁଧାରିବାକୁ ଆଗକୁ ଆସିଥିଲେ ଇସ୍କନ୍‌ କର୍ତ୍ତୃପକ୍ଷ । ବିଭିନ୍ନ ସ୍ଥାନରେ ହେଉଥିବା ଅଦିନିଆ ରଥଯାତ୍ରା ଉପରେ ରୋକ ଲଗାଇବାକୁ ଶ୍ରୀଜଗନ୍ନାଥ ପ୍ରଶାସନ ନିଷ୍ପତ୍ତି ନେଇଥିଲେ ମଧ୍ୟ ନିଜ ଜିଦ୍‌ରେ ଅଟଳ ଥିଲା ଇସ୍କନ୍‌ । ହେଲେ ‘ପ୍ରମେୟ ନ୍ୟୁଜ୍‌-୭’ର ପ୍ରୟାସ ପରେ ବାଟକୁ ଆସିଛି ଇସ୍କନ୍‌ ।
 

ଅପରପକ୍ଷରେ କ୍ୟାପିଟାଲ ଥାନାରେ ଇସ୍କନ ବିଜେପି ଲ’ ଆଣ୍ଡ ଲିଗାଲ୍‌” ସେଲ୍‌ ପକ୍ଷରୁ ଦିଆ ଯାଇଥିବା ଏତଲାରେ ଉଲ୍ଲେଖ ରହିଛି, ବିଧି ଅନୁସାରେ ପ୍ରତି ବର୍ଷ ଆଷାଢ଼ ଶୁକ୍ଳ ପକ୍ଷ ଦ୍ୱିତୀୟାରେ ସାରା ବିଶ୍ୱରେ ରଥଯାତ୍ରା ପାଳନ କରାଯାଏ । ହେଲେ ଜଗନ୍ନାଥ ସଂସ୍କୃତିକୁ ଦଳିମକଚି ୨୦୧୯ ନଭେମ୍ବର ୨୭ ତାରିଖରେ ଇସ୍କନ୍‌(ଲୁଧିଆନା ଶାଖା) ପକ୍ଷରୁ ପଞ୍ଜାବରେ ଶ୍ରୀଜଗନ୍ନାଥଙ୍କ ରଥଯାତ୍ରା ଆୟୋଜନ କରିବାକୁ ଯାଉଛନ୍ତି । ଏହା ସମ୍ପୂର୍ଣ୍ଣ ଭାବେ ବେଆଇନ୍‌ । ଇସ୍କନ୍‌ର ଏମିତି ପାଗଳାମି କୋଟି କୋଟି ଜଗନ୍ନାଥପ୍ରେମୀକୁ ଆଘାତ ଦେଉଛି ବୋଲି ବିଜେପି ଅଭିଯୋଗ କରିଛି । ବିଜେପି ଦାବି କରିଛି ଇସ୍କନ୍‌ ବିରୋଧରେ ଦୃଢ଼ କାର୍ଯ୍ୟନୁଷ୍ଠାନ ଗ୍ରହଣ କରାଯାଉ । ନ’ ହେଲେ ରାଜ୍ୟବ୍ୟାପୀ ଆନ୍ଦୋଳନ କରାଯିବ । ବିଜେପି ଏତଲା ଦେବାର କିଛି ସମୟ ପରେ ସ୍ପଷ୍ଟୀକରଣ ଦେଇଛନ୍ତି ଶ୍ରୀ ଦାସ । ସୂଚନାଯୋଗ୍ୟ, ରବିବାର ଦିନ ମଧ୍ୟ ଇସ୍କନ ବିରୋଧରେ ପୁରୀ ଟାଉନ୍‌ ଥାନାରେ ଏତଲା ଦେଇଥିଲେ କିଛି ଜଗନ୍ନାଥ ପ୍ରେମୀ ।

ସମ୍ବନ୍ଧିତ ଖବର