ନୁଆଦିଲ୍ଲୀ ୧୭/୯: ସୋସିଆଲ ମିଡିଆରେ କେବେ କାହାର ଭିଡିଓ ଭାଇରାଲ ହେଇଯିବ ଏହା କହିବା କଷ୍ଟକର । ନିକଟରେ ସୋସିଆଲ ମିଡିଆରେ ଭାଇରାଲ ହୋଇଥିବା ପଶ୍ଚିମବଙ୍ଗରେ ରହୁଥିବା ରାନୁ ମଣ୍ଡଲଙ୍କ ଏକ ଭିଡିଓ ତାଙ୍କ ଜୀବନ ବଦଳାଇଦେଇଥିଲା । କାଲି ପର୍ଯ୍ଯନ୍ତ ଯିଏ ରେଲୱେ ଷ୍ଟେସନରେ ଗୀତ ବୋଲି ଯିଏ ନିଜ ପେଟ ପୋଷୁଥିଲା ଆଜି ସିଏ ସେଲିବ୍ରିଟି । ଏହା ହେଉଛି ସୋସିଆଲ ମିଡିଆର ପାୱାର । ତେବେ ରାନୁଙ୍କ ପରେ ଏବେ ସୋସିଆଲ ମିଡିଆରେ ଆଉ ଏକ ଭିଡିଓ ଭାଇରାଲ ହେବାରେ ଲାଗିଛି ।
ଏହି ଭାଇରାଲ ଭିଡିଓରେ ଜଣେ କ୍ୟାବ୍ ଡ୍ରାଇଭରଙ୍କ ଆୱାଜ ସୋସିଆଲ ମିଡିଆରେ ସମସ୍ତଙ୍କୁ ଦିୱାନା କରିଛି । ପ୍ରକୃତରେ ଏହି ଭିଡିଓଟି ଲକ୍ଷ୍ନୌରେ ସୁଟ୍ କରାଯାଇଛି । ଏବଂ ଏହି ଭିଡିଓରେ ଗୀତ ବୋଲୁଥିବା ବ୍ୟକ୍ତି ଜଣକ କ୍ୟାବ୍ ଡ୍ରାଇଭର ବୋଲି କୁହାଯାଉଛି । ଏହି ବ୍ଯକ୍ତିଙ୍କ ନାମ ବିନୋଦ । ସେ ‘ନଜର କେ ସାମନେ’ ଗୀତ ଗାଉଥିବା ନଜର ଆସୁଛନ୍ତି ।
Met an @Uber_India driver Vinod ji in Lucknow. He is an amazing singer and asked to sing a song for me after finishing his ride. Aur kya chaiye.
— #SavePriyanshu (@crowngaurav) September 14, 2019
Please watch this video and make him famous. He is also having his own @YouTube @youtubemusic channel. #Lucknow #Uber pic.twitter.com/G4zu8u2531
ସୋସିଆଲ ମିଡିଆ ଅନେକଙ୍କୁ ସଫଳତାର ସ୍ୱାଦ ଚଖେଇଛି । ସେ ପ୍ରିୟା ପ୍ରକାଶ ୱାରିୟର ହୁଅନ୍ତୁ କିମ୍ବା ଡବ୍ବୁ ଅଙ୍କଲ କିମ୍ବା ରାନୁ ମଣ୍ଡଲ । କିଛି ବ୍ୟକ୍ତିମାନେ ଅନେକ ପ୍ରତିଭାର ଅଧିକାରୀ କିନ୍ତୁ ସେମାନଙ୍କ ଏହି ପ୍ରତିଭାକୁ ସମସ୍ତଙ୍କ ନଜରକୁ ଆଣିବାରେ ସୋସିଆଲ ମିଡିଆ ଏକ ଗୁରୁ ଦାୟିତ୍ୱ ବହନ କରୁଛି ।