PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ରାଜଧାନୀରେ କାୟା ମେଲାଉଛି ଡେଙ୍ଗୁ, ୧୨ ଦିନରେ ଆକ୍ରାନ୍ତଙ୍କ ସଂଖ୍ୟା ୨୫୦ ପାର୍
  • ||
  • ପାରଳାଖେମୁଣ୍ଡି : ଏସିଏଫ୍‌ ସୌମ୍ୟରଞ୍ଜନ ଡେଥ୍ ମିଷ୍ଟ୍ରି, ବଲାଙ୍ଗୀରରେ ପାରଳା ପୁଲିସର ୫ଜଣିଆ ଟିମ୍‌, ବିଦ୍ୟାଙ୍କ ପାର୍ଟି ସହ ସୌମ୍ୟ ମୃତ୍ୟୁର ଲିଙ୍କ୍‌ ଖୋଜିବ
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୩୩ ଜଣ କରୋନା ପଜିଟିଭ୍
  • ||
  • ଜଳେଶ୍ଵର : ମନ୍ଦାର ଫୁଲ ଗଛ କଟାକୁ ନେଇ ଶଳାକୁ ଭିଣୋଇର ସଙ୍ଘବଦ୍ଧ ଆକ୍ରମଣ, ସଜ୍ଞାହୀନ ଅବସ୍ଥାରେ ନଦୀ କୂଳରୁ ଉଦ୍ଧାର
  • ||
  • ଭୁବନେଶ୍ୱର : ୨୮ରେ ପୁଣି ଏକ ଲଘୁଚାପ, ୨୭ରୁ ବଢ଼ିବ ବର୍ଷା
  • ||

ଟମାଟୋ ପରେ ପାକିସ୍ତାନରେ ମହଙ୍ଗା ହୋଇପାରେ ପାନ; ପାକିସ୍ତାନକୁ ପାନ ପଠାଇବା ପାଇଁ ମନାକଲେ ଭାରତୀୟ ପାନଚାଷୀ

ଭୋପାଲ,୨୫।୨:  ପୁଲୱାମା ଆକ୍ରମଣ ପରେ ପାକିସ୍ତାନ ବିରୋଧରେ କେନ୍ଦ୍ର ସରକାର କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବା ପୂର୍ବରୁ କୃଷକମାନେ ନିଜ ସ୍ତରରେ କାର୍ଯ୍ୟାନୁଷ୍ଠାନ ଆରମ୍ଭ କରିଦେଇଛନ୍ତି । କୃଷକଙ୍କ ଠାରୁ ଆରମ୍ଭ କରି ବ୍ୟବସାୟୀଙ୍କ ପର୍ଯ୍ୟନ୍ତ ସବୁ ବର୍ଗର ଲୋକେ  ପାକିସ୍ତାନ ବିରୋଧରେ ସ୍ୱର ଉତ୍ତୋଳନ କରୁଛନ୍ତି । ମଧ୍ୟପ୍ରଦେଶର ଛତ୍ରପୁର ଜିଲ୍ଲାର ପାନଚାଷୀମାନେ ପାକିସ୍ତାନକୁ ପାନ ପଠାଇବା ପାଇଁ ମନା କରିଦେଇଛନ୍ତି ।

ଛତରପୁର ଜିଲ୍ଲାର ଗଡ଼ିମଲହରା, ମହାରାଜପୁର, ପପଟ୍, ପନାଗାର ଓ ମହୋବାରେ ପାନ ଉତ୍ପାଦନ ଭଲ ହୁଏ । ଏଠାରୁ ଭାରତର ଅନେକ ସହରକୁ ପାନ ପଠାଯାଏ । ଏହାବ୍ୟତୀତ ଏହି ସ୍ଥାନରୁ ପାକିସ୍ତାନ, ଶ୍ରୀଲଙ୍କା ଆଦି ଦେଶକୁ ପାନ ରପ୍ତାନି କରାଯାଏ । ପାନଚାଷୀଙ୍କ କହିବା ଅନୁସାରେ ପୁଲୱାମା ଆକ୍ରମଣରେ ଆମେ ଆହତ । ଆତଙ୍କବାଦୀଙ୍କ ଆକ୍ରମଣ ଦେଶ ବୀର ପୁତ୍ରଙ୍କୁ ହରାଇଛି । ଏପରିସ୍ଥଳେ ପାକିସ୍ତାନକୁ ଆମେ ପାନ ବିକ୍ରି କରିବୁ ନାହିଁ । କ୍ଷତି ପହଞ୍ଚିଲେ ମଧ୍ୟ ଆମେ ଶତ୍ରୁ ଦେଶକୁ ପାନ ପଠାଇବୁ ନାହିଁ ।

ସୂଚନାଯୋଗ୍ୟ ଛତରପୁରର ପାନ ମେରଠ ଓ ଶହାରଙ୍ଗପୁର ଠାରୁ ପାକିସ୍ତାନ ପଠାଯାଏ । ପ୍ରତି ସପ୍ତାହରେ ୩ ଦିନ ୪୫ରୁ ୫୦ ଗାଡ଼ି ପାନ ପାକିସ୍ତାନ ପଠାଯାଏ । ଏକ ଗାଡ଼ି ଏକ ପାନର ମୂଲ୍ୟ ୩୦ ହଜାର ଟଙ୍କା । ଏପରି ସ୍ଥଳେ ଆନୁମାନିକ ଭାବେ ପାନ ଚାଷୀମାନେ ପାକିସ୍ତାନକୁ ପାନ ନ ପାଠଇଲେ ୧୩ରୁ ୧୫ ଲକ୍ଷ ଟଙ୍କା ହରାଇବେ । ଯେତେ କ୍ଷତି ହେଲେ ବି ଚିନ୍ତା ନାହିଁ, କିନ୍ତୁ ଶତ୍ରୁ ଦେଶକୁ ପାନ ପଠାଯିବ ନାହିଁ ବୋଲି କହିଛନ୍ତି ପାନ ଚାଷୀ।