PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର : ବହୁ ଚର୍ଚ୍ଚିତ ବୁଲିବାଇ ଆପ୍ ମାମଲା, ଭୁବନେଶ୍ଵରରୁ ମୁଖ୍ୟ ଅଭିଯୁକ୍ତ ଗିରଫ
  • ||
  • ମାଲକାନଗିରି : ଦାନ୍ତେୱାଡାରେ ଏନକାଉଣ୍ଟର, ହାର୍ଡକୋର୍ ମାଓନେତା ମୁଇଆ ମାଡକାମ ନିହତ
  • ||
  • ବାଲିପାଟଣା : କଟନି ଛଟନୀକୁ ବିରୋଧ କରି ଚାଷୀଙ୍କ ରାସ୍ତାରୋକ
  • ||
  • ରାୟଗଡ଼ା : ବିଷାକ୍ତ ମଦ୍ୟପାନ କରି ଦୁଇ ଭାଇଙ୍କ ମୃତ୍ୟୁ ଅଭିଯୋଗ
  • ||
  • କାମାକ୍ଷାନଗର : ସାହି ଭିତରେ ପଶି ଆକ୍ରମଣ କଲା ଜଙ୍ଗଲୀ ବାରହା, ୬ ଆହତ ଜଣେ ଗୁରୁତର
  • ||
  • ଭୁବନେଶ୍ଵର: ଆଇସିୟୁରେ ରୋଗୀ ନାହାଁନ୍ତି, ଅକ୍ସିଜେନ୍‌ର ଆବଶ୍ୟକତା ନାହିଁ, ସ୍ଥିତି ନିୟନ୍ତ୍ରଣାଧୀନ : ଜନସ୍ଵାସ୍ଥ୍ୟ ନିର୍ଦ୍ଦେଶକ
  • ||
  • ଭୁବନେଶ୍ୱର: ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୦୧କୁ ବୃଦ୍ଧି
  • ||
  • କଟକ : ଲିଙ୍ଗ ନିରୂପଣ ମାମଲାରେ ଦୁଇ ଦଲାଲ୍‌ ଗିରଫ, ଦେଢ଼ ହଜାର କମିସନ୍‌ ରଖି ମହିଳାଙ୍କୁ ପଠାଉଥିଲେ
  • ||
  • ଚୌଦ୍ଵାର : ସୁନା ବ୍ୟବସାୟୀଙ୍କ ଉପରକୁ ଗୁଳିମାଡ଼, ଲକ୍ଷାଧିକ ଟଙ୍କାର ସୁନାଗହଣା ଲୁଟିନେଲେ ୩ ଦୁର୍ବୃତ୍ତ
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ୧୦,୩୬୮ ଜଣ କରୋନା ପଜିଟିଭ
  • ||
  • ଭୁବନେଶ୍ୱର : ବଦଳିଲା ପାଗ, ଆସନ୍ତାକାଲିଠୁ ପୁଣି ବର୍ଷିବ
  • ||

ଜାତୀୟ ଯୁବ ଦିବସ ପାଳିଲା ଓସାକ୍ସ 3 ବର୍ଷରେ ଏଡସ ସଂକ୍ରମଣ କମିଛି

ଭୁବନେଶ୍ବର,12।1(ବୁୟରୋ): 3 ବର୍ଷ ମଧ୍ୟରେ ସଚେତନତା ଯୋଗୁ ରାଜ୍ୟରେ ଏଡ୍ସ ସଂକ୍ରମଣ ହାର .24ରୁ ଖସି .13 ହୋଇପାରିଛି। ଅର୍ଥ।ତ ପାଖାପାଖି 50 ଭାଗ ସଂକ୍ରମଣକୁ ରୋକାଯାଇ ପାରିଛି। ଯେତେବେଳେ କି ଜାତୀୟସ୍ତରରେ ଏହି ହାର .22 ରହିଛି। ଓଡ଼ିଶାରେ ଏବେ ଏଚ୍ଆଇଭି ସଂକ୍ରମଣ ହାର ରୋକିବାରେ ଜାତୀୟ ହାରଠୁ ଭଲ ରହିଛି ବୋଲି ସ୍ବାସ୍ଥ୍ୟମନ୍ତ୍ରୀ ପ୍ରତାପ ଜେନା କହିଛନ୍ତି।
ଓଡ଼ିଶା ଏଡ୍ସ ନିୟନ୍ତ୍ରଣ ସମିତି(ଓସାକ୍ସ) ଓ ରେଡ଼କ୍ରସ ଭୁବନେଶ୍ବର ଶାଖା ପକ୍ଷରୁ ଆୟୋଜିତ ଜାତୀୟ ଯୁବ ଦିବସ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗଦେଇ ଶ୍ରୀ ଜେନା କହିଛନ୍ତି, ଗତବର୍ଷ ଚିହ୍ନଟ ହୋଇଥିବା ନୂଆ ଏଡ୍Ùସ ରୋଗୀଙ୍କ ମଧ୍ୟରେ 38 ପ୍ରତିଶତ ହେଉଛନ୍ତି ଯୁବକ। ତେଣୁ ଯୁବଗୋଷ୍ଠୀ ସଚେତନ ହେଲେ ଏହି ରୋଗ ନିୟନ୍ତ୍ରଣ ହେବ। ଯୁବଶକ୍ତି ସୁସ୍ଥ ରହିଲେ ଯାଇ ଆମେ ଉନ୍ନତ ଓଡ଼ିଶା ଆଉ ଭାରତ ଗଠନ କରି ପାରିବା। ମନ୍ତ୍ରୀ କହିଲେ ଯେ, ଏଡ୍ସ ସଚେତନତା ପାଇଁ ଭିତ୍ତିଭୂମିକୁ ଅନେକ ମାତ୍ରାରେ ସୁଦୃଢ କରାଯାଇଛି। ଏଥିପାଇଁ ଆଜିଠୁ 5 ଜିଲ୍ଲାରେ ଭ୍ୟାନ୍ ବୁଲିବ। 3 ବର୍ଷ ତଳେ ରାଜ୍ୟର 40 ଭାଗ ଲୋକଙ୍କ ପରୀକ୍ଷା (ସ୍କ୍ରନିଂ) କରିପାରିବା ଭଳି କ୍ଷମତା ଥିବା ବେଳେ ଏବେ ଏହି କ୍ଷମତା 90 ପ୍ରତିଶତକୁ ବୃଦ୍ଧି କରିଛନ୍ତି ସରକାର। ମୃତୁୟହାର ମଧ୍ୟ କମିଛି। ଏଚ୍ଆଇଭି ରୋଗୀଙ୍କୁ ମାଗଣା ଔଷଧ ସହ ବିଭିନ୍ନ ସୁବିଧା ସୁଯୋଗ ସରକାର ଯୋଗାଇ ଦେଉଛନ୍ତି। ଶ୍ରୀ ଜେନା କହିଛନ୍ତି, ସରକାର ମ୍ୟାଲେରିଆମୁକ୍ତ ଓଡ଼ିଶା, ଅନ୍ଧତ୍ବ ମୁକ୍ତ ରାଜ୍ୟ ଗଠନ ଲକ୍ଷ୍ୟ ରଖିଥିବା ବେଳେ ଏଚ୍ଆଇଭି ମୁକ୍ତ ଓଡ଼ିଶା ଗଠନ ପାଇଁ ମଧ୍ୟ ଲକ୍ଷ୍ୟ ରଖିବେ। ପ୍ରତ୍ୟେକ ଓଡ଼ିଆ ଯୁବକ, ଯୁବତୀମାନେ ଏଥିପାଇଁ ସହଯୋଗ କଲେ, ଏହା ସମ୍ଭବ ହୋଇପାରିବ ବୋଲି ଶ୍ରୀ ଜେନା କହିଛନ୍ତି। କାର୍ଯ୍ୟକ୍ରମରେ ଭୁବନେଶ୍ବର ଉତ୍ତର ବିଧାୟକ ପ୍ରିୟଦର୍ଶୀ ମିଶ୍ର କହିଛନ୍ତି, ପ୍ରତ୍ୟେକ ଯୁବକ, ଯୁବତୀ ନିଜେ ସୁସ୍ଥ ହେବା ସହ ଅନ୍ୟମାନଙ୍କୁ ସଚେତନ କରିବା ଉଚିତ।