ବ୍ରହ୍ମଗିରି,୦୬/୦୬: ଶୁକ୍ରବାର ଶ୍ରୀକ୍ଷେତ୍ରରେ ସ୍ନାନବେଦିରେ ଶ୍ରୀଜଗନ୍ନାଥ ୧୦୮ ଗରା ପାଣିରେ ଗାଧୋଇବା ପରେ ଶନିବାରଠାରୁ ଆରମ୍ଭ ହେଉଛି ଅଣସର ପର୍ବ । ଏହି ସମୟରେ ଶ୍ରୀଅଲାରନାଥଙ୍କ ପୀଠକୁ ଅଣସର ଦର୍ଶନ ପାଇଁ ରାଜ୍ୟ ବାହାରୁ ଓ ରାଜ୍ୟ ଭିତରୁ ଲକ୍ଷ ଲକ୍ଷ ଭକ୍ତ ଆସି ଥାଆନ୍ତେ । କିନ୍ତୁ କରୋନା ମହାମାରୀ ନିମନ୍ତେ ଲକ୍ଡାଉନ୍ ଓ ସଟ୍ଡାଉନ୍ ଯୋଗୁଁ ଅଣସର ଦର୍ଶନ ସଂପୂର୍ଣ୍ଣ ବନ୍ଦ ।
{"id":128720,"width":716,"height":596,"sizeSlug":"large"}ଏ ନେଇ ଗତ ୩ ତାରିଖରେ ଅଲାରନାଥ ପୀଠରେ ଉପଜିଲ୍ଲାପାଳଙ୍କ ଉପସ୍ଥିତିରେ ଅନୁଷ୍ଠିତ ବୈଠକରେ ସ୍ପଷ୍ଟ କରାଯାଇଥିଲା । କଟକଣାକୁ ଆହୁରି କଡ଼ାକଡ଼ି କରିବା ପାଇଁ ପ୍ରଶାସନ ପକ୍ଷରୁ ୧୪୪ ଧାରା ଜାରି କରାଯାଇଛି । ଆଜି ମଧ୍ୟ ରାତ୍ରରୁ ୨୦ ତାରିଖ ମଧ୍ୟରାତ୍ର ପର୍ଯ୍ୟନ୍ତ ଏହା ବଳବତ୍ତର ରହିବ । ୩୦ ତାରିଖ ପର୍ଯ୍ୟନ୍ତ ସାଧାରଣ ଦର୍ଶନ ବନ୍ଦ ରହିବ ବୋଲି ତହସିଲଦାର କିଶୋର କୁମାର ପଣ୍ଡା ସୂଚନା ଦେଇଛନ୍ତି ।