PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆଦିଲ୍ଲୀ: ଜ୍ଞାନବ୍ୟାପୀ ମସଜିଦ୍‌ ବିବାଦ। ୩୦ରେ ଦୁଇ ପକ୍ଷଙ୍କୁ ମିଳିପାରେ ସର୍ଭେ ଭିଡିଓ। ଜ୍ଞାନବ୍ୟାପୀ ସର୍ଭେ ଭିଡିଓକୁ ନେଇ ଜିଲ୍ଲା କୋର୍ଟଙ୍କ ନିର୍ଦ୍ଦେଶ। ଆସନ୍ତା ୩୦ରୋ ଦୁଇ ପକ୍ଷଙ୍କୁ ମିଳିପାରେ ଭିଡିଓ।
  • ||
  • କଟକ : ଅନୁଭବ ଓ ବର୍ଷାଙ୍କୁ ହାଇକୋର୍ଟଙ୍କ କଡ଼ା ତାଗିଦ୍, ସୋସିଆଲ ମିଡିଆରେ ପରସ୍ପରକୁ ଆକ୍ଷେପ ନ କରିବାକୁ ନିର୍ଦ୍ଦେଶ
  • ||
  • ସୋର: ରାସ୍ତାରେ ହଟହଟା ହେଲେ ଖଇରା ବିଦ୍ୟୁତ୍ ବିଭାଗ ଏସଡିଓ, ଅସ୍ଥାୟୀ ମିଟର ରିଡର କର୍ମଚାରୀଙ୍କ ବହିଷ୍କାର ଆଶଙ୍କାରେ ଆକ୍ରୋଶର ଶିକାର…
  • ||
  • ଭୁବନେଶ୍ବର: ଟିଚିଂ ହସ୍ପିଟାଲ ଭାବେ ଘୋଷଣା ହେଲା କ୍ୟାପିଟାଲ ହସ୍ପିଟାଲ, ଆଗାମୀ ୫୦ ବର୍ଷକୁ ଦୃଷ୍ଟିରେ ରଖି ରାଜ୍ୟ ସରକାରଙ୍କ ମାଷ୍ଟର ପ୍ଲାନ୍, ୨୮୫ କୋଟି ଅନୁମୋଦନ…
  • ||
  • ଭୁବନେଶ୍ୱର: ପେଟ୍ରୋଲିୟମ ଡିଲର୍ସ ଆସୋସିଏସନର ପକ୍ଷରୁ ଦୁଇ ଦିନିଆ ଧର୍ମଘଟ, ସନ୍ଧ୍ୟା ୬ରୁ ସକାଳ ୬ ବନ୍ଦ ରହିବ ସମସ୍ତ ପେଟ୍ରୋଲ ଟାଙ୍କି
  • ||
  • ଭୁବନେଶ୍ଵର: ରାଜ୍ୟରେ ତଳକୁ ଖସିଲା ଆକ୍ଟିଭ କେସ୍, ୨୪ ଘଣ୍ଟା ମଧ୍ୟରେ ବାହାରିଲେ ୦୯ ଜଣ କରୋନା ପଜିଟିଭ
  • ||
  • ଭୁବନେଶ୍ୱର: ‘କୋକୋ’ ଆପ୍‌ରେ ଋଣ ଠକେଇ ମାମଲା : ଦିଲ୍ଲୀରୁ ଧରାପଡି଼ଲା ମୁଖ୍ୟ କାର୍ପଟଦାର ରାମ, ୧୦୫୮ ଭର୍ଚୁଆଲ୍‌ ବ୍ୟାଙ୍କ ଆକାଉଣ୍ଟ ଫ୍ରିଜ୍
  • ||
  • ଚିଲିକା : ଯାତ୍ରୀବାହୀ ଡଙ୍ଗାର ଭାଙ୍ଗିଲା ମେସିନ୍ ସ୍ଲାବ, ଚିଲିକା ମଝିରେ ଅଟକିଲେ ୪୦ରୁ ଅଧିକ ଯାତ୍ରୀ
  • ||
  • କଟକ: ଅନୁଭବ-ବର୍ଷା ବିବାହ ବିବାଦ: “ବର୍ଷା ନିଜେ ଚଲାଉଛନ୍ତି ଫ୍ୟାନ୍‌ କ୍ଲବ୍‌ ପେଜ୍‌’
  • ||
  • ଭୁବନେଶ୍ୱର: ଆସିବ ସ୍ୱଚ୍ଛତା, ଲୋକଙ୍କୁ ମିଳିବ ସୁବିଧା: ଆଜିଠୁ ଅନ୍‌ଲାଇନ୍‌ରେ ହୋଲ୍ଡିଂ ଟ୍ୟାକ୍ସ ଆଦାୟ କରିବ ବିଏମ୍‌ସି
  • ||
  • ସୁନ୍ଦରଗଡ : ଓସିଏଲ୍‌ ଆଇରନ କାରଖାନାରୁ ଲୁହା ଚୋରି କରୁଥିଲା ଚୋର, ଛାତରୁ ପଡି ଚାଲିଗଲା ଜୀବନ
  • ||
  • ଭୁବନେଶ୍ୱର: ଟ୍ରାଫିକ୍‌ ଯନ୍ତ୍ରଣାରୁ ମିିଳିବ ମୁକ୍ତି: ଜୟଦେବ ବିହାରରୁ ନନ୍ଦନକାନନ ମଧ୍ୟରେ ନିର୍ମାଣ ହେବ ସବୁଠାରୁ ଦୀର୍ଘତମ ଫ୍ଲାଏଓଭର
  • ||

ଆଲବମ କୁଇନ୍ ଏବେ ମାତା ମାହେଶ୍ୱରୀ

ଜୟପୁର,୧୭ା୧(ବ୍ୟୁରୋ): ୯୦ ଦଶକର ଆଲବମ୍ ଓ ଚଳଚ୍ଚିତ୍ର ଅଭିନେତ୍ରୀ ଶ୍ୱେତା ମଲ୍ଲିକ ପାଲଟି ଯାଇଛନ୍ତି ମାତା ମାହେଶ୍ୱରୀ । ଗ୍ଲାମର ଦୁନିଆ ଛାଡ଼ି ଚାଲିଛନ୍ତି ଆଧ୍ୟାତ୍ମିକ ରାସ୍ତାରେ । ଦୀର୍ଘ ୧୮ ବର୍ଷ ଧରି କୁଆଡ଼େ ଦେଶ ଓ ଦେଶ ବାହାରେ ଆୟୋଜନ କରି ଆସୁଛନ୍ତି ବିଶ୍ୱଶାନ୍ତି କଳକୀ ମହାଯଜ୍ଞ । ଅନୁଗାମୀ ଓ ଶ୍ରଦ୍ଧାଳୁଙ୍କୁ ଶୁଣାଉଛନ୍ତି ଶାନ୍ତି ଓ ପ୍ରଗତିର ଅଭୟବାଣୀ । ଆଉ ତାଙ୍କ ସହିତ ଅଛନ୍ତି ପ୍ରସିଦ୍ଧ ସମ୍ରାଟ୍ କ୍ୟାସେଟ୍ କମ୍ପାନିର ପୂର୍ବତନ ମାଲିକ ସମ୍ରାଟ ସାହୁ ତଥା ଏବର ତଥାକଥିତ ବାବା ବିଶ୍ୱମ୍ବର । ଜନକଲ୍ୟାଣ ଲାଗି ଏଭଳି ମହାଯଜ୍ଞ ଆଗକୁ ଜାରି ରହିବ ବୋଲି ଉଭୟ କହିଛନ୍ତି ।

ସ୍ଥାନୀୟ ସଉରାଗୁଡ଼ା ଗାଁ ନିକଟ ସିରିଡିସାଇ ମନ୍ଦିର ପାଖ ପଡିଆରେ ଆୟୋଜିତ ହୋଇଥିଲା ୨୭ତମ କଳକୀ ମହାଯଜ୍ଞ । ଏଥିରେ ଯୋଗଦେଇ ମାତା ମାହେଶ୍ୱରୀ କହିଛନ୍ତି, ଏକ ଦୈବୀ ବାଣୀ ପରେ ସେ ଗ୍ଲାମର ଦୁନିଆକୁ ବାୟ ବାୟ କରିଥିଲେ । ଚାକଚକ୍ୟ ଜୀବନଶୈଳୀ , ଟଙ୍କାପଇସା ଏବଂ ସମ୍ମାନ ଛାଡି ଆଧ୍ୟାତ୍ମିକ ଦୁନିଆରେ ପାଦ ଦେଇଥିଲେ । ଦେଶ ଓ ଦେଶ ବାହାରେ କଳକୀ ମହାଯଜ୍ଞ କରିବା ଲାଗି ତାଙ୍କୁ ଶୂନ୍ୟବାଣୀ ହୋଇଥିଲା । ୨୦୦୦ ମସିହାରୁ ବିଶ୍ୱମ୍ୱର ଓ ସେ ୨୬ଟି ସ୍ଥାନରେ ଏହି ଯଜ୍ଞ କରିସାରିଛନ୍ତି । ପଡୋଶୀ ନେପାଳ ସହ ଓଡିଶାର ବିଭିନ୍ନ ସ୍ଥାନ ଓ କୋରାପୁଟ ଜିଲ୍ଲାର ସୁନାବେଡାରେ ମଧ୍ୟ ଏହି ଯଜ୍ଞ ହୋଇସାରିଛି । ୨୮ତମ ଯଜ୍ଞ ଶ୍ରୀଲଙ୍କାରେ କରିବା ଲାଗି ଶୂନ୍ୟବାଣୀ ହୋଇଛି ।

ଶ୍ରଦ୍ଧାଳୁଙ୍କୁ ଗୁଣିଗାରେଡି, ଝଡାଫୁଙ୍କା, ଐଶ୍ୱରିକ ଶକ୍ତି ବଳରେ ଧନପ୍ରାପ୍ତି କିମ୍ବା ରୋଗରୁ ମୁକ୍ତି ପରି କୌଣସି ଆଶ୍ୱାସନା ଦିଆଯାଉନି । ଯଜ୍ଞରେ ଭାଗ ନେଉଥିବା ଲୋକଙ୍କୁ କେବଳ ଶାନ୍ତି, ମୌତ୍ରୀ ଓ ପରସ୍ପର ସହ ଉତ୍ତମ ବ୍ୟବହାର ରଖିବା ଲାଗି ପରାମର୍ଶ ଦିଆଯାଉଛି । ଗ୍ଲାମର ଦୁନିଆରେ ସବୁ କିଛି ନକଲିଥିବା ବେଳେ ଏବେ ସବୁ ଅସଲି ବୋଲି କହିଛନ୍ତି ଉଭୟ ବାବା ଓ ମାତା ।

ଗତ ୧୦ ତାରିଖରୁ ଆରମ୍ଭ ହୋଇଥିଲା ଏହି ଯଜ୍ଞ । ଆଜି ପୂର୍ଣ୍ଣାହୁତି ଦିଆଯାଇଛି । ଭୁବନେଶ୍ୱରର ଶ୍ରୀ ଶ୍ରୀ ଆଦା ଅନନ୍ତ ପରିବାର ପକ୍ଷରୁ ଏହି ଯଜ୍ଞ ପରିଚାଳନା କରାଯାଉଛି । ସ୍ଥାନୀୟ ସଉରାଗୁଡାର ଜନସାଧାରଣଙ୍କ ସହ ଆଖପାଖର ବହୁ ଲୋକ ଏହିରେ ଯଜ୍ଞରେ ସାମିଲ ହୋଇଥିଲେ । ତେବେ ପଦ୍ମ ଉପରେ ମାତା ଏବଂ ନାଗଫଣା ତଳେ ବାବା ବସିବା ନେଇ ଚର୍ଚ୍ଚା ଜୋର୍ ଧରିଛି ।