ଆଝାର ପ୍ରସଙ୍ଗରେ ଆମେରିକା-ଚୀନ ମୁହାଁମୁହିଁ, ଜାତିସଂଘରେ ଅଣାଯିବ ନୂଆ ପ୍ରସ୍ତାବ

ଓ୍ବାଶିଂଟନ୍, ୨୮।୩: ଆତଙ୍କବାଦୀ ସଂଗଠନ ଜୈଶ-ଇ-ମହମ୍ମଦର ମୁଖ୍ୟ ମାସୁଦ ଆଝାରକୁ ନେଇ  ଭାରତକୁ ଆମେରିକାର ସମର୍ଥନ ମିଳିଛି। ଏହି ପ୍ରସଙ୍ଗ ନେଇ ଏବେ ଆମେରିକା ଓ ଚୀନ ମୁହାଁମୁହିଁ ପରିସ୍ଥିତିରେ। ଏନେଇ ଆଜି ଆମେରିକା ପକ୍ଷରୁ ଚୀନକୁ ଚେତାବନୀ ଦିଆଯାଇଛି। ଆମେରିକା କହିଛି ମାସୁଦ ଆଝାର ପାଇଁ ଚୀନ ଢାଲ ନହେଉ। ଆଗକୁ ଆଝାରକୁ ବିଶ୍ବ ଆତଙ୍କବାଦୀ ଘୋଷିତ କରିବା ପାଇଁ ଆମେରିକା ଜାତିସଂଘର ସୁରଷା ପରିଷଦରେ ନୂଆ ପ୍ରସ୍ତାବ ଆଣିବ। ଆମେରିକାର ଏହି ପଦକ୍ଷେପକୁ ଚୀନ ବିରୋଧ କରିଛି। ଚୀନ କହିଛି ଆମେରିକା ଜାତିସଂଘର ଅଧିକାରକୁ କମ୍ କରୁଛି। ଏଭଳି କରିବା ଦ୍ବାରା ଏହି ପ୍ରସଙ୍ଗରେ ଆହୁରି ସମସ୍ୟା ସୃଷ୍ଟି ହୋଇପାରେ।

source: https://abpnews.abplive.in

ଆମେରିକା ଚୀନକୁ କଡା ନିନ୍ଦା କହିବା​‌ ସହ କହିଛ ଚୀନ ଦୋମୁହାଁ ନୀତିକୁ ବନ୍ଦ କରୁ। ଗୋଟିଏ ପଟେ ନିଜ ଦେଶରେ ଥିବା ଲକ୍ଷ ଲକ୍ଷ ମୁସଲମାନଙ୍କୁ ଉତ୍ପୀଡନ ଦେଉଛି ଓ ଅନ୍ୟପକ୍ଷେ ଆତଙ୍କବାଦୀଙ୍କୁ ଜାତିସଂଘରେ କଟକଣା ଲଗାଇବା ଉପରେ ପ୍ରତିବନ୍ଧକ ସାଜୁଛି ବୋଲି ଆମେରିକାର ବୈଦେଶିକ ମନ୍ତ୍ରୀ ମାଇକ୍ ପୋମ୍ପିଓ କହିଛନ୍ତି।

source: http://knowledge.wharton.upenn.edu

ଉଲ୍ଳେଖନୀୟ ଯେ ମାସୁଦ ଆଝାରକୁ ବିଶ୍ବ ଆତଙ୍କବାଦୀ ଘୋଷଣା କରିବା ନେଇ ଆମେରିକା ସହିତ ଫ୍ରାନ୍ସ ଏବଂ ବ୍ରିଟେନ ମଧ୍ୟ ସମର୍ଥନ କରୁଛନ୍ତି। କିନ୍ତୁ ଚୀନ ନିଜର ଭିଟୋ ପାଓ୍ବାରକୁ ନେଇ ବାରମ୍ବାର ଆଝାରକୁ ବଞ୍ଚାଇବାରେ ସଫଳ ହୋଇଛି। ପୁଲଓ୍ବାମା ଆତଙ୍କବାଦୀ ଆକ୍ରମଣ ପାଇଁ ଜୈଶ ନିଜକୁ ଦାୟୀ କରିବା ପରେ ସାରା ବିଶ୍ବ ଭାରତକୁ ସମର୍ଥନ କରିଥିଲା। ଆମେରିକା, ଫ୍ରାନ୍ସ ଏବଂ ବ୍ରିଟେନ ଜାତିସଂଘର ସୁରକ୍ଷା ପରିଷଦରେ ଆଝାର ବିରୋଧରେ ବିଶ୍ବ ଆତଙ୍କବାଦୀ ଘୋଷିତ କରିବା ନେଇ ପ୍ରସ୍ତାବ ଆଣିଥିଲେ। କିନ୍ତୁ ଚୀନ ପୁନର୍ବାର ତାକୁ ବଞ୍ଚାଇ ଦେଇଥିଲା।  

   ସମ୍ବନ୍ଧିତ ଖବର


ଏହି ରାଜ୍ୟରେ ଜୁନ୍ ମାସ ପର୍ଯ୍ୟନ୍ତ ମିଳିବ ମାଗଣା ଚାଉଳ

ଆସାମର ପୂର୍ବତନ ମୁଖ୍ୟମନ୍ତ୍ରୀ ତରୁଣ ଗୋଗଇଙ୍କର ପରଲୋକ-ତିନିମାସ ତଳେ କରୋନା ଆକ୍ରାନ୍ତ ହୋଇଥିଲେ

ଚିରା ପାସପୋର୍ଟ ଯୋଗୁଁ ଏୟାରପୋର୍ଟରେ ଖୋଲିଗଲା ପତିଙ୍କ ରାଜ୍, ରାଗରେ ପତ୍ନୀ ନେଲେ ଏମିତି ନିଷ୍ପତ୍ତି…

ଜୀବିତ ଯୁବକଙ୍କ ପୋଷ୍ଟମର୍ଟମ ! ଆଉ ତା ପରେ…

କରୋନା:ଭାରତରେ ଟ୍ରାଏଲ୍‌ ଚାଲିଥିବା ଅକ୍ସଫର୍ଡ ଟିକା ୯୦ ପ୍ରତିଶତ ପ୍ରଭାବୀ

ତରୁଣ ଗୋଗୋଇଙ୍କ ସ୍ବାସ୍ଥ୍ୟବସ୍ଥା ଗୁରୁତର,ଗସ୍ତ କାର୍ଯ୍ୟକ୍ରମ ରଦ୍ଦ କରି ଗୌହାଟି ପହଁଞ୍ଚିଲେ ମୁଖ୍ୟମନ୍ତ୍ରୀ ସର୍ବାନନ୍ଦ ସୋନଓ୍ବାଲ