PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆନନ୍ଦପୁର : ଝରକା ଗ୍ରୀଲ୍ ଭାଙ୍ଗି ଶିକ୍ଷକଙ୍କ ଘରେ କଳାକନା ବୁଲାଇଦେଲେ ଦୁର୍ବୃତ୍ତ, ୧୫ ଭରି ସୁନାଅଳଙ୍କାର ସହ ନଗଦ ୫୨ ହଜାର ଟଙ୍କା ଲୁଟ୍
  • ||
  • ସୋର : ଗୋରୁ ବୋଝେଇ କଣ୍ଟେନର ଜବତ, ୪୦ ରୁ ଉର୍ଦ୍ଧ୍ଵ ଗୋରୁ ଉଦ୍ଧାର, ୧୧ ଗିରଫ
  • ||
  • ସମାନ ନାଗରିକ ସଂହିତା ଲାଗୁ କରିବା ପ୍ରସ୍ତୁତିରେ ମୋଦି ସରକାର , ପ୍ରଥମେ ଉତ୍ତରାଖଣ୍ଡରେ ଏହି ଆଇନ୍‌ ଲାଗୁ କରାଯିବାର ଅଭ୍ୟାସ ଆରମ୍ଭ କରାଯାଇଛି
  • ||
  • ଗୁଜରାଟରେ ବଡ଼ ବିଜୟର ପ୍ରସ୍ତୁତିରେ ବିଜେପି , କଂଗ୍ରେସ ଦୁର୍ବଳତାର ବି ମିଳିବ ଫାଇଦା
  • ||

କୃଷକଙ୍କ ପ୍ରେମରେ ପଡ଼ିଲେ ଆମେରିକା ଝିଅ, ହୋଲିରେ କଲେ ବିବାହ

ହୋଶଙ୍ଗବାଦ ୨୨।୩: କୁହାଯାଏ ପ୍ରେମ ଜାତି ଧର୍ମ ବର୍ଣ୍ଣ କିଛି ମାନେନା। ଆଉ ସେହି ପ୍ରେମକୁ ପାଇବାକୁ ହେଲେ ପ୍ରେମିକ ଓ ପ୍ରେମିକା ସାତ ସମୁଦ୍ର ବି ପାର କରିଦେବେ ଏଥିରେ କୈାଣସି ସନ୍ଦେହ ନାହିଁ। ଏମିତି ହିଁ ଏକ ମାମଲା ମଧ୍ୟପ୍ରଦେଶର ହୋଶଙ୍ଗବାଦରେ ଦେଖିବାକୁ ମିଳିଛି। ନିଜ ସ୍ବପ୍ନର ସାଥୀକୁ ପାଇବା ପାଇଁ ପ୍ରେମିକା ଆମେରିକାରୁ ବାହାରି ହୋଲି ଦିନ ଭାରତରେ ପହଞ୍ଚିଛି।

ସିଓ୍ବନୀ ମାଲଓ୍ବା ସ୍ଥିତ ବିସୈାନିକଲାର ନିବାସୀ ଦୀପକ ରାଜପୁତ ଓ ଦକ୍ଷିଣ ଆମେରିକାର ଆବଲୀ ଟାସ ବେଲବିଆ ସହରର ଜେଲିକା ଲିଜେଥ ଟେରାଜସଙ୍କ ସହିତ ଚାଲିଥିଲା ପ୍ରେମ ସମ୍ପର୍କ । ୩ ବର୍ଷ ଧରି କ୍ଷେତରେ କାମ କରୁଥିବା କୃଷକ ଦୀପକଙ୍କ ପ୍ରେମ ଫେସବୁକରୁ ଆରମ୍ଭ ହୋଇଥିଲା। ସେହି ପ୍ରେମ ଆଜି ଭଳି ପବିତ୍ର ଦିନରେ ବିବାହରେ ପରିଣତ ହୋଇଥିଲା। ଜେଲିକା ଲିଜେଥ ଆମେରିକାର ମାନବ ସମ୍ଭଳ ବିଭାଗର ଅଧିକାରୀ ।

ଦୀପକ ଓ ପ୍ରେମିକା ଜେଲିକା ଲିଜେଥଙ୍କ ଦୋସ୍ତୀ ୬ ମାସ ତଳେ ଆରମ୍ଭ ହୋଇଥିଲା। ପ୍ରଥମେ ଫେସବୁକରେ ଚାଟିଂ ହେବା ପରେ ହ୍ବାଟସଅପ୍ ଚାଟିଂ ହୋଇଥିଲା। ଯେବେଠୁ ଫୋନରେ କଥା ହେବା ଆରମ୍ଭ କଲେ ସେବେଠୁ ଦୁହିଁଙ୍କ ଦୋସ୍ତୀ ପ୍ରେମରେ ପରିଣତ ହେଲା।

ଗତ ଦୁଇ ମାସ ହେଲା ଜେଲିକା ଲିଜେଥ ଭାରତ ଭ୍ରମଣରେ ଆସୁଛନ୍ତି। ଦୁହେଁ ଦୁହିଁଙ୍କୁ ଦେଖା ମଧ୍ୟ କରିଥାନ୍ତି। ଆଜି ଭଳି ପବିତ୍ର ଦିନରେ ଦୁହେଁ ନର୍ମଦା ନଦୀ ସ୍ଥିତ ଚିତ୍ରଗୁପ୍ତ ମନ୍ଦିରରେ ବୈଦିକ ରୀତିନୀତିରେ ବିବାହ କରିଥିଲେ। ଏହା ପରେ ଜେଲିକା ଏବଂ ଦୀପକ ପରଷ୍ପରକୁ ଅବିର ଲଗାଇଥିଲେ ଏବଂ ସାତ ଜନ୍ମ ପର୍ଯ୍ୟନ୍ତ ଦୁହେଁ ଏକାଠି ରହିବେ ବୋଲି ନିଷ୍ପତ୍ତି ନେଇଛନ୍ତି। ଦୀପକ ଓ ଜେଲିକାଙ୍କ ପରିବାର ଲୋକଙ୍କ ସହମତିରେ ଏହି ବିବାହ ହୋଇଥିଲା।

ସମ୍ବନ୍ଧିତ ଖବର