PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର: ରାଜ୍ୟରେ ଉପର ତଳ ହେଉଛି କରୋନା ଗ୍ରାଫ୍: ୨୪ ଘଣ୍ଟା ମଧ୍ୟରେ ୧୨ ଜଣ କୋଭିଡ୍ ପଜିଟିଭ ଚିହ୍ନଟ
  • ||
  • ସମ୍ବଲପୁର: ଶୀତଳ ଷଷ୍ଠୀ ପାଇଁ ପୂର୍ବ ପ୍ରସ୍ତୁତି: ୩ ତାରିଖରୁ ୭୨ ଘଣ୍ଟା ପାଇଁ ସମସ୍ତ ମଦ ଦୋକାନ ସିଲ୍
  • ||
  • ଭୁବନେଶ୍ୱର: ଆଜିଠୁ ଅଲ୍‌ ଓଡ଼ିଶା ସନ୍ତରଣ ପ୍ରତିଯୋଗିତା, ୨୦ଟି ଜିଲ୍ଲାରୁ ୨୫୮ ଜଣ ପ୍ରତିଯୋଗୀ ହେବେ ସାମିଲ
  • ||
  • ଭୁବନେଶ୍ୱର: ଆହୁରି କଲବଲ କରିବ ଅସହ୍ୟ ତାତି ସାଙ୍ଗକୁ ଗୁଳୁଗୁଳି , ଜୁନ୍‌ ୨ ତାରିଖ ଯାଏଁ ଜାରି ରହିବ ଗ୍ରୀଷ୍ମ ପ୍ରକୋପ
  • ||
  • ବାରଙ୍ଗ: ନନ୍ଦନକାନନରେ ଆଖିବୁଜିଲା ଆଫ୍ରିକୀୟ ସିଂହ, ୧୬କୁ ହ୍ରାସ ପାଇଲା ସିଂହଙ୍କ ସଂଖ୍ୟା
  • ||

ବିଜେପିକୁ ୫ ବର୍ଷ ସମୟ ଦିଅନ୍ତୁ, ନୂଆ ଓଡି଼ିଶା ତିଆରି କରିବୁ: ଶାହ

ବରଗଡ ୭/୪: ବରଗଡରେ ବିଜେପି ରାଷ୍ଟ୍ରୀୟ ଅଧ୍ଯକ୍ଷ ଅମିତ ଶାହ । ବିଜେପିର ବିଜୟ ସଙ୍କଳ୍ପ ସମାବେଶରେ ଅମିତ ଶାହ ଯୋଗଦାନ କରି ଉଦବୋଧନ ଦେଇଛନ୍ତି । ମା ସମଲେଶ୍ୱରୀ, ଅଷ୍ଟଶମ୍ବୁ ଓ ନୃସିଂହନାଥଙ୍କୁ ପ୍ରଣାମ କଲେ । ପୁଲୱାମା ଆକ୍ରମଣରେ ସହିଦ ହୋଇଥିବା ଓଡିଶାର ୨ ଯବାନଙ୍କୁ  ଶ୍ରଦ୍ଧାଞ୍ଜଳୀ ଦେଇ ଅଭିଭାଷଣ ଆରମ୍ଭ କଲେ  ଶାହ ।

କଂଗ୍ରେସ ଓ ବିଜେଡି ଉପରେ ବର୍ଷିଲେ ଶାହ । ବିରୋଧୀଙ୍କ ମେଣ୍ଟକୁ ସମାଲୋଚନା କରି ରାହୁଲଙ୍କ ମଜା ଉଡାଇଲେ । ମେଣ୍ଟକୁ ବହୁମତ ମିଳିଲେ କିଏ ପ୍ରଧାନମନ୍ତ୍ରୀ ହେବ ରାହୁଲ କହିପାରୁନାହାନ୍ତି । ତାଙ୍କ ପାଖରେ ସେମିତି ନେତା ହିଁ ନାହାନ୍ତି ଯିଏ ପ୍ରଧାନମନ୍ତ୍ରୀ ହୋଇପାରିବ । ଚନ୍ଦ୍ରବାବୁ ନାଇଡୁ, ଅଖିଳେଶ ଯାଦବ, ଲାଲୁ ପ୍ରସାଦ ଯାଦବ ସମସ୍ତେ ଗୋଟେ ଗୋଟେ ଦିନ ପ୍ରଧାନମନ୍ତ୍ରୀ ହେବେ ବୋଲି କହି ମେଣ୍ଟକୁ ସମାଲୋଚନା କଲେ ଶାହ ।

ବିଜେଡିକୁ ମଧ୍ଯ ଟାର୍ଗେଟ୍ କଲେ । ବିଜେଡିକୁ ପୁଣି ପୋଡା ଟ୍ରାନ୍ସଫର୍ମର ସହ ତୁଳନା କଲେ ଅମିତ ଶାହା । ଆଗରେ ନବୀନ କିନ୍ତୁ ପଛରେ ବାବୁମାନେ ଶାସନ କରୁଛନ୍ତି । ବିଜେପି ଶାସନକୁ ଆସିଲେ ଓଡିଶାକୁ ମଡେଲ ରାଜ୍ଯରେ ପରିଣତ କରାଯିବ । କେନ୍ଦ୍ରରେ ମୋଦି ସରକାର ନିଶ୍ଚୟ ଆସିବ । ଓଡିଶାରେ ମଧ୍ଯ ବିଜେପି ସରକାର ଆସିଲେ ରାଜ୍ଯର ଦ୍ରୁତ ବିକାଶ ହେବ । ଡବଲ ଇଞ୍ଜିନ ହେଲେ ଦ୍ରୁତ ବେଗରେ ବିକାଶ ଗଡିବ । ଓଡିଶାରେ ସ୍ୱଚ୍ଛ ପାନୀୟ ଜଳ ଲୋକଙ୍କୁ ମିଳୁନି  । ଓଡିଶାରେ ସମସ୍ତ ଘରକୁ ବିଜୁଳି ପହଞ୍ଚିନି । ଏବ ପୋଡା ଟ୍ରାନ୍ସଫର୍ମରକୁ ବଦଳାଇବାର ସମୟ ଆସିଛି । ବିଜେପିକୁ ୫ ବର୍ଷ ସମୟ ଦେଲେ ନୂଆ ଓଡିଶା ତିଆରି କରିବୁ ବୋଲି କହିଲେ ଶାହ ।