କୋଲକାତା: ବିଧାନସଭା ନିର୍ବାଚନ ପାଇଁ ପଶ୍ଚିମବଙ୍ଗରେ ଏବେ ରାଜନୈତିକ ପାଣିପାଗ ଉଷ୍ମ ହୋଇଛି । ଆଗକୁ ଚତୁର୍ଥ ପର୍ଯ୍ୟାୟ ନିର୍ବାଚନ ଆସୁଥିବାରୁ ପ୍ରଚାରକୁ ଜୋରଦାର କରିଛି ବିଜେପି । ନିର୍ବାଚନରେ ରୋଡ୍ ସୋ ପାଇଁ ବୁଧବାର ଗୃହମନ୍ତ୍ରୀ ଅମିତ ଶାହା ପଶ୍ଚିମବଙ୍ଗର ହାୱାର ଜିଲ୍ଲାର ଡୋମଜୁରରେ ପହଞ୍ଚିଛନ୍ତି । ଏହି ସମୟ ମଧ୍ୟରେ ସେ ଜଣେ ରିକ୍ସା ଚାଳକଙ୍କ ଘରେ ଭୋଜନ କରିଥିଲେ । ଯିଏକି ବିଜେପିର ଜଣେ ସମର୍ଥକ ମଧ୍ୟ । ଅମିତ ଶାହା ଅପରାହ୍ନରେ ରିକ୍ସା ଚାଳକଙ୍କ ଘରେ ମଧ୍ୟାହ୍ନ ଭୋଜନ କରିଥିଲେ । ତାଙ୍କ ସହ ଦଳର ଅନ୍ୟ ନେତା ମଧ୍ୟ ଥିଲେ । ସେମାନଙ୍କ ମଧ୍ୟରେ ଡୋମଜୁର ବିଧାନସଭା ଆସନରୁ ବିଜେପି ପ୍ରାର୍ଥୀ ରାଜୀବ ବାନାର୍ଜୀ ଥିଲେ। ଅମିତ ଶାହା ଭୂମିରେ ବସି ପାରମ୍ପାରିକ ଶୈଳୀରେ ଖାଦ୍ୟ ଖାଉଥିବା ଦେଖିବାକୁ ମିଳିଥିଲା । ଏହାପୂର୍ବରୁ ମଧ୍ୟ ସେ ଅନେକ ସାଧାରଣ ବିଜେପି କର୍ମୀ ଏବଂ ଅନ୍ୟମାନଙ୍କ ଘରେ ଖାଇଥିବାର ନଜର ଆସିଛନ୍ତି ।
wp:embed {"url":"https://twitter.com/ANI/status/1379732265052213249?ref_src=twsrc%5Etfw%7Ctwcamp%5Etweetembed%7Ctwterm%5E1379732265052213249%7Ctwgr%5E%7Ctwcon%5Es1_\u0026ref_url=https%3A%2F%2Fwww.livehindustan.com%2Fassembly-elections%2Fbengal-election-2021%2Fstory-amit-shah-takes-lunch-at-rickshaw-pu","type":"rich","providerNameSlug":"twitter","responsive":true,"className":""}ଡୋମଜୁରରେ ଖାଦ୍ୟ ଏବଂ ରୋଡ୍ ସୋ କରିବା ପରେ ଅମିତ ଶାହା କହିଛନ୍ତି ଯେ ସେ ଏହି ଆସନ ଜିତିବା ଉପରେ ଆତ୍ମବିଶ୍ୱାସୀ ଅଛନ୍ତି । ଗୃହମନ୍ତ୍ରୀ କହିଛନ୍ତି, 'ମୁଁ କେବଳ ଗୋଟିଏ ଗ୍ରାମ ପଞ୍ଚାୟତକୁ ଯାଇଥିଲି, କିନ୍ତୁ ଲୋକଙ୍କ ଉତ୍ସାହରୁ ମୁଁ ଏହା ଦେଖିଛି ଯେ ରାଜୀବ ବାନାର୍ଜୀ ବହୁମତ ସହ ନିର୍ବାଚନରେ ଜିତିବେ । ମଇ ୨ ରେ, ୨୦୦ ଟି ଆସନ ସହିତ ସରକାର ଗଠନ ପାଇଁ ବିଜେପି ଦାବି କରିବ । ମମତା ବାନାର୍ଜୀ ପାଗଳ ହୋଇଯାଇଛନ୍ତି ।
