PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶିଶୁ ଅପହରଣ ଉଦ୍ୟମ ପଣ୍ଡ, ବାଇକ ରୁ ଲମ୍ଫ ମାରି ଦୁର୍ବୃତ୍ତଙ୍କ କବଳରୁ ମୁକୁଳିଲା ୧୨ ବର୍ଷର ଶିଶୁ ପୁତ୍ର, ଜଗତସିଂହପୁର ଥାନାରେ ମାମଲା।
  • ||
  • ଢେଙ୍କାନାଳ: ସାଇକୃପା ଆବାସିକ ମହାବିଦ୍ୟାଳୟରୁ ୪ଜଣ ଛାତ୍ର କୋଭିଡ ପଜିଟିଭ ଚିହ୍ନଟ, ଆରଟିପିସିଆର ଟେଷ୍ଟ ପାଇଁ ୨୬୦ ଜଣଙ୍କର ସାମ୍ପଲ ପାଠାଗଲା
  • ||
  • କମ୍ପିବ ବିଧାନସଭା: ମମିତା ମେହେର ହତ୍ୟା ଘଟଣା, ଧାନମଣ୍ଡି ଅବ୍ୟବସ୍ଥା, ଦୁର୍ନୀତି ପ୍ରସଙ୍ଗରେ ସରକାରଙ୍କୁ ଘେରିବ ବିଜେପି
  • ||
  • ନରସିଂହପୁର: ପିଉସୀ ଘରକୁ ବୁଲିବାକୁ ଆସିଥିବା ବେଳେ କୂଅରେ ପଡ଼ି ଚାଲିଗଲା ବାଳକ ଜୀବନ
  • ||
  • ନରସିଂହପୁର: ନରସିଂହପୁରରେ ମାତିଲେ ଦୁର୍ବୁତ୍ତ, ସ୍କାଏ ଲାଇଟ ଭାଙ୍ଗି ଲୁଟିନେଲେ ଟଙ୍କା ଆସବାବପତ୍ର
  • ||
  • ଜଗତସିଂହପୁର : ଆରମ୍ଭ ହେଲା ୨ଦିନିଆ ସାଗର କବଚ ଓଡି -୨୧ ସମରାଭ୍ୟାସ
  • ||
  • ଚନ୍ଦ୍ରଶେଖରପୁର : ଜଣଙ୍କ ପାଇଁ ଦୁଇ ପ୍ରେମିକ ମଧ୍ୟରେ ହଣାମରା, ବିଚ୍ ରାସ୍ତାରେ ଚାଲିଲା ଖଣ୍ଡଯୁଦ୍ଧ
  • ||
  • ସୋନପୁର : ସୋନପୁରରେ ଇଷ୍ଟଦେବୀ ସୁରେଶ୍ଵରୀ ମନ୍ଦିରରୁ ଚୋରି
  • ||
  • ଭୁବନେଶ୍ୱର : ଆଜି ଅଭିନେତ୍ରୀ ଗୁନ୍‌ଗୁନ୍‌ଙ୍କ ବିବାହ, ଅଭିସ୍ମିତଙ୍କ ସହ ପଡିବ ହାତଗଣ୍ଠି
  • ||
  • ଭୁବନେଶ୍ୱର : ଆସୁଛି ସମ୍ଭାବ୍ୟ ବାତ୍ୟା ‘ଜୱାଦ୍‌’, ୩ ତାରିଖ ଯାଏଁ ଥରାଇବ ଶୀତ, ୪ରେ ନିର୍ଧୁମ ବର୍ଷା ସମ୍ଭାବନା
  • ||
  • ସୁକିନ୍ଦା : ଶତାୟୁ ପଦ୍ମଶ୍ରୀ ନନ୍ଦ ସାର୍ କରୋନା ସଂକ୍ରମିତ, ଘରୋଇ ହସ୍ପିଟାଲରେ ଭର୍ତ୍ତି
  • ||

ଉତ୍ପାତ ଚଳାଇଛନ୍ତି ନିଶାଦିଆ ଲୁଟେରା, ଯବାନଙ୍କୁ ଲୁଟି ରାସ୍ତା କଡ଼ରେ ଫିଙ୍ଗିଲେ

ଭୁବନେଶ୍ୱର,୨୨ା୧(ବ୍ୟୁରୋ): ରେଳ ଷ୍ଟେସନ ଓ ବରମୁଣ୍ଡା ବସ୍‌ଷ୍ଟାଣ୍ଡରେ ଉôପାତ ଚଳାଇଛନ୍ତି ନିଶାଦିଆ ଲୁଟେରା । ଆଜି ଜଣେ ଯବାନଙ୍କୁ ଲୁଟ୍‌ପାଟ କରିବା ପରେ ରାସ୍ତା କଡ଼ରେ ଫିଙ୍ଗି ପଳାଇଛନ୍ତି । ଲୁଟ୍‌ର ଶିକାର ଯବାନଙ୍କ ନାମ ଜିତୁ ବାଲିଆ (୨୫) । ବାପାଙ୍କ ନାମ ପ୍ରଭାତ ବାଲିଆ । ଘର ନୟାଗଡ଼ ଜିଲ୍ଲା ଖଣ୍ଡପଡ଼ା ନିକଟ ଫତେଗଡ଼ ।
ମିଳିଥିବା ସୂଚନା ଅନୁଯାୟୀ, ଜିତୁ ନୌସେନାର ଜଣେ କର୍ମଚାରୀ । ସେ ମୁମ୍ବାଇରେ କାର୍ଯ୍ୟରତ । ଜିତୁ କୋଣାର୍କ ଏକ୍ସପ୍ରେସ୍‌ରେ ଘରକୁ ଫେରୁଥିଲେ । ଆଜି ଭୋର ସମୟରେ ସେ ଭୁବନେଶ୍ୱର ଷ୍ଟେସନରେ ଓହ୍ଲାଇଥିଲେ । ସେଠାରୁ ବରମୁଣ୍ଡା ଯିବା ପାଇଁ ବାହାରିଥିଲେ । ଜଣେ ଅଟୋ ଚାଳକ ତାଙ୍କୁ ବରମୁଣ୍ଡାରେ ଛାଡ଼ିଦେବ ବୋଲି କହିଥିଲା । ଜିତୁ ଅଟୋରେ ବସିବା ପରେ ଚାଳକ ଜଣଙ୍କୁ ତାଙ୍କୁ ପ୍ରଥମେ ମାଷ୍ଟରକ୍ୟାଣ୍ଟିନ୍‌ ଛକରେ ଚା’ ପିଇବାକୁ ଦେଇଥିଲା । ତା’ପରେ ସେ କିଛି ଜାଣିପାରି ନଥିଲେ । ଆଚାର୍ଯ୍ୟବିହାର ଛକ ନିକଟ ରାସ୍ତା କଡ଼ରୁ ତାଙ୍କୁ ପିସିଆର୍‌ ପୁଲିସ ଅଚେତ ଅବସ୍ଥାରେ ଉଦ୍ଧାର କରି କ୍ୟାପିଟାଲ୍‌ ହସ୍ପିଟାଲ୍‌ରେ ଭର୍ତ୍ତି କରିଥିଲା । ହସ୍ପିଟାଲ୍‌ରେ ‘ସହାୟ’ ଅନୁଷ୍ଠାନର ସ୍ୱେଚ୍ଛାସେବୀମାନେ ଚିକିତ୍ସାରେ ସହଯୋଗ କରିବା ସହ ତାଙ୍କ ଘର ଲୋକଙ୍କୁ ଖବର କରିଛନ୍ତି । ଜିତୁଙ୍କ ଠାରୁ ୮ ହଜାର ଟଙ୍କା, ମୋବାଇଲ୍‌ ଫୋନ୍‌ ଓ ଲଗେଜ୍‌ ଲୁଟ୍‌ ହୋଇଥିବା ଜଣାପଡ଼ିଛି ।
ସୂଚନା ଥାଉ କି, ନିଶାଦିଆ ଲୁଟେରାମାନେ ୨୦୧୭ରେ ୧୬୪ ଜଣଙ୍କୁ ଲୁଟ୍‌ପାଟ କରିଥିବା ବେଳେ ୨୦୧୮ରେ ୯୮ ଜଣଙ୍କୁ ଲୁଟିଥିଲେ । ଚଳିତ ବର୍ଷ ୨୨ ଦିନ ମଧ୍ୟରେ ୧୪ ଜଣଙ୍କୁ ଲୁଟ୍‌ପାଟ କଲେଣି । ବାରମ୍ବାର ନିଶାଦିଆ ଲୁଟେରା ଲୁଟ୍‌ପାଟ କରି ଆତଙ୍କ ଖେଳାଇ ଚାଲିଥିବା ବେଳେ ପୁଲିସ ପକ୍ଷରୁ କୌଣସି କାର୍ଯ୍ୟାନୁଷ୍ଠାନ ନିଆଯାଉ ନଥିବାରୁ ସେମାନଙ୍କ ଉôପାତ ବଢ଼ି ବଢ଼ି ଚାଲିଛି ।

ସମ୍ବନ୍ଧିତ ଖବର