PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶଦ୍ରୋହୀ ୟାସିନ ମଲିକକୁ ଆଜୀବନ ଜେଲ, ଆତଙ୍କବାଦୀଙ୍କୁ ପାଣ୍ଠି ଯୋଗାଇବା ମାମଲାରେ କୋର୍ଟ ଶୁଣାଇଲେ ଦଣ୍ଡାଦେଶ
  • ||
  • ସମ୍ୱଲପୁର : ଭବାନୀପାଲି ଠାରେ ମର୍ମନ୍ତୁଦ ସଡ଼କ ଦୁର୍ଘଟଣା , ଟ୍ରକ୍ ଧକ୍କାରେ ୩ ବାଇକ୍ ଆରୋହୀଙ୍କ ମୃତ୍ୟୁ , ମୃତକଙ୍କ ପରିଚୟ ମିଳନାହିଁ
  • ||
  • କଳିଙ୍ଗା ଘାଟିରେ ଟୁରିଷ୍ଟ ବସ୍ ଦୁର୍ଘଟଣାରେ ୬ ମୃତ୍ୟୁ ଘଟଣା, ଏଣିକି କଳିଙ୍ଗା ଘାଟି ଦେଇ ଯାଇପାରିବ ନାହିଁ ଟୁରିଷ୍ଟ ବସ୍ , ରାଜ୍ୟ ପରିବହନ ମନ୍ତ୍ରୀ ପଦ୍ମନାଭ ବେହେରାଙ୍କ ସୂଚନା
  • ||
  • ଝାରସୁଗୁଡ଼ା : ଝାରସୁଗୁଡ଼ାରୁ ପ୍ରାୟ ୧୭ ଗ୍ରାମ୍‌ର ବ୍ରାଉନସୁଗର ଜବତ, ୩ ଗିରଫ
  • ||
  • ଜଳେଶ୍ଵର : ପାର୍କିଂ କରୁଥିବା ବେଳେ ଚଢିଗଲା ଟ୍ରକ୍, ହେଲ୍‌ପର୍ ମୃତ
  • ||
  • କଂଗ୍ରେସକୁ ଝଟକା, ସମାଜବାଦୀ ପାର୍ଟି ଟିକେଟରୁ ନାମାଙ୍କନ ପତ୍ର ଦାଖଲ କଲେ କପିଲ ସିବଲ
  • ||
  • ସମ୍ବଲପୁର : ହୀରାକୁଦରୁ ଛଡ଼ାଯିବ ପ୍ରଥମ ବନ୍ୟାଜଳ, ତଳ ମୁଣ୍ଡର ୧୨ ଜିଲ୍ଲାକୁ ସତର୍କ ସୂଚନା ଜାରି
  • ||
  • ଭୁବନେଶ୍ଵର : ରାଜ୍ୟରେ ହାରୁଛି କରୋନା, ୨୪ ଘଣ୍ଟା ମଧ୍ୟରେ ୩ ପଜିଟିଭ୍ ଚିହ୍ନଟ
  • ||
  • ଭୁବନେଶ୍ୱର : ୧୦ ଜିଲ୍ଲାରେ ପ୍ରବଳ ବର୍ଷିଲା, ଆଜିଠୁ ବଢ଼ିବ ତାପମାତ୍ରା
  • ||
  • ଭଞ୍ଜନଗର : ଭାରସାମ୍ୟ ହରାଇ ଓଲଟିଲା ଟୁରିଷ୍ଟ ବସ୍, ୬ ମୃତ ୩୦ରୁ ଉର୍ଦ୍ଧ୍ଵ ଆହତ
  • ||
  • ରାଇରଙ୍ଗପୁର : ସାପ୍ତାହିକ ହାଟରେ ଗୁଳିକାଣ୍ଡ, ଗୋରୁ ବେପାରୀଙ୍କୁ ଗୁଳି କରି ୨୦ଲକ୍ଷ ଟଙ୍କା ଲୁଟିନେଲେ ଦୁର୍ବୃତ୍ତ
  • ||

ଜେଲ୍‌ ଯିବେନି ଅନିଲ, ପରିଶୋଧ କଲେ ୪୬୨ କୋଟି

source:www.jagran.com

ନୂଆଦିଲ୍ଲୀ,୧୮ା୩(ଏଜେନ୍ସି):ଜେଲ୍‌ ଯିବେନି ରିଲାଏନ୍ସ କମ୍ୟୁନିକେସନ୍ସ(ଆର୍‌କମ୍‌) ଅଧ୍ୟକ୍ଷ ଅନିଲ ଅମ୍ବାନି । ସ୍ୱିଡେନ୍‌ଭିତ୍ତିକ ଟେଲିକମ୍‌ ଉପକରଣ ନିର୍ମାତା ଏରିକ୍‌ସନ୍‌କୁ ୪୬୨ କୋଟି ଟଙ୍କା ପରିଶୋଧ କରି ଅନିଲଙ୍କ ଜେଲ୍‌ ଦଣ୍ଡକୁ ଅଟକାଇଦେଇଛି ଆର୍‌କମ୍‌ । ସୁପ୍ରିମ୍‌କୋର୍ଟଙ୍କ ନିର୍ଦ୍ଦେଶ ଅନୁସାରେ ଯଦି ମାର୍ଚ୍ଚ ୧୯ ସୁଦ୍ଧା ଆର୍‌କମ୍‌ ଏରିକ୍‌ସନ୍‌କୁ ଏହାର ବକେୟାରାଶି ଶୁଝି ନ ଥାନ୍ତା ତା’ହେଲେ ଏହାର ଅଧ୍ୟକ୍ଷ ଅନିଲ ଅମ୍ବାନି ଜେଲ୍‌ ଯାଇଥାନ୍ତେ । ବିଭିନ୍ନ ଦିଗରୁ ନିରାଶ ହେବା ପରେ ଶେଷରେ ଆର୍‌କମ୍‌ ଟଙ୍କା ପରିଶୋଧ କରି ଏରିକ୍‌ସନ୍‌ର ମୁହଁ ବନ୍ଦ କରିଦେଇଛି । ଦୁଇ କମ୍ପାନି ମଧ୍ୟରେ ବର୍ଷ ବର୍ଷ ଧରି ଚାଲିଥିବା ଆଇନଗତ ବିବାଦର ଅନ୍ତ ଘଟିଛି । ଆର୍‌କମ୍‌ର ଅର୍ଥ ପରିଶୋଧକୁ ନେଇ ଏରିକ୍‌ସନ୍‌ର ଓକିଲ ସୋମବାର ସ୍ପଷ୍ଟ କରିଛନ୍ତି ।

ଯଦି ଆର୍‌କମ୍‌ ଟଙ୍କା ପରିଶୋଧ କରି ନ ଥାନ୍ତା ତା’ହେଲେ ଅନିଲ ୩ ମାସ ପାଇଁ ଜେଲ ଯାଇଥାନ୍ତେ । ଏରିକ୍‌ସନ୍‌ ପକ୍ଷରୁ ଦାଏର୍‌ କରାଯାଇଥିବା ଅଦାଲତ ଅବମାନନା ମାମଲାରେ ଗତ ଫେବ୍ରୁଆରୀରେ ସର୍ବୋଚ୍ଚ ନ୍ୟାୟାଳୟ ଅନିଲ୍‌ଙ୍କୁ ଦୋଷୀ ସାବ୍ୟସ୍ତ କରିଥିଲେ । ଉଦ୍ଦେଶ୍ୟମୂଳକ ଭାବେ ଅନିଲ୍‌ ଟଙ୍କା ପରିଶୋଧ କରୁ ନ ଥିବା ଦର୍ଶାଇ ଏରିକ୍‌ସନ୍‌ ତାଙ୍କ ବିରୋଧରେ ମାମଲା ଦାଏର୍‌ କରିଥିଲା । ଏହାର ଶୁଣାଣି କରି କୋର୍ଟ କହିଥିଲେ ଯେ, ୪ ସପ୍ତାହ ମଧ୍ୟରେ ଟଙ୍କା ପରିଶୋଧ ନ କଲେ ଆର୍‌କମ୍‌ ଅଧ୍ୟକ୍ଷ ଅନିଲ ଅମ୍ବାନି, ରିଲାଏନ୍ସ ଇନ୍‌ଫ୍ରାଟେଲ୍‌ ଅଧ୍ୟକ୍ଷ ଛାୟା ଭିରାନି ଏବଂ ରିଲାଏନ୍ସ ଟେଲିକମ୍‌ ଅଧ୍ୟକ୍ଷ ସତୀଶ ସେଠ୍‌ ଜେଲ ଯିବେ ।

ଏରିକ୍‌ସନ୍‌ ଏବଂ ଆର୍‌କମ୍‌ ମଧ୍ୟରେ ଲଢ଼େଇ ସେତେବେଳେ ଆରମ୍ଭ ହୋଇଥିଲା ଯେତେବେଳେ ଏରିକ୍‌ସନ୍‌ ୨୦୧୭ରେ ଆର୍‌କମ୍‌ ବିରୋଧରେ ଦେବାଳିଆ କୋର୍ଟଙ୍କ ଦ୍ୱାରସ୍ଥ ହେଲା । ଆର୍‌କମ୍‌ର ପରିଚାଳନା ଏବଂ ଦେଶବାପୀ ଏହାର ନେଟ୍‌ୱର୍କର ଦେଖାରେଖା ପାଇଁ ୨୦୧୩ରେ ଏରିକ୍‌ସନ୍‌ ଏହା ସହ ଏକ ୭ ବର୍ଷିଆ ଚୁକ୍ତି ସ୍ୱାକ୍ଷର କରିଥିଲା । ଏ ବାବଦ ଆର୍‌କମ୍‌ ଉପରେ ଏହାର ପାଖାପାଖି ୧୫୦୦ କୋଟି ଟଙ୍କା ବକେୟା ଥିଲା । ପ୍ରଥମେ ମାମଲା ଜାତୀୟ କମ୍ପାନି ଆଇନ ଟ୍ରିବ୍ୟୁନାଲ(ଏନ୍‌ସିଏଲ୍‌ଟି) ନିକଟକୁ ଯାଇଥିଲା । ପରେ ଏହା ଜାତୀୟ କମ୍ପାନି ଆଇନ ଆପିଲେଟ୍‌ ଟ୍ରିବ୍ୟୁନାଲ(ଏନ୍‌ସିଏଲ୍‌ଏଟି) ନିକଟକୁ ଗଲା । ଏହା ପରେ ମାମଲା ସୁପ୍ରିମ୍‌କୋର୍ଟଙ୍କ ନିକଟକୁ ଗଲା । ଏରିକ୍‌ସନ୍‌ର ବକେୟା ରାଶି ପୈଠ କରିବା ପାଇଁ ସୁପ୍ରିମ୍‌କୋର୍ଟ ଆର୍‌କମ୍‌କୁ ଦୁଇଟି ଡେଡ୍‌ଲାଇନ୍‌ ଦେଇଥିଲେ ।

କିନ୍ତୁ ଉଭୟ ଡେଡ୍‌ଲାଇନ୍‌ ମଧ୍ୟରେ ଟଙ୍କା ପରିଶୋଧ କରିବାରେ ଆର୍‌କମ୍‌ ବିଫଳ ହୋଇଥିଲା । ଏହା ପରେ ଏରିକ୍‌ସନ୍‌ ଅନିଲ ଅମ୍ବାନି ଏବଂ ଆର୍‌କମ୍‌ର ଅନ୍ୟ ଦୁଇ ସହଯୋଗୀ କମ୍ପାନିର ଅଧ୍ୟକ୍ଷମାନଙ୍କ ବିରୋଧରେ ଅଦାଲତ ଅବମାନନା ମାମଲା ଦାଏର୍‌ କଲା । ୪୬,୦୦୦ କୋଟି ଟଙ୍କାର ଋଣ ବୋଝରେ ବୁଡିଥିବା ଆର୍‌କମ୍‌ ରିଲାଏନ୍ସ ଜିଓକୁ ଏହାର ଆସେଟ୍‌ଗୁଡିକୁ ବିକ୍ରି କରି ଟଙ୍କା ଯୋଗାଡ କରିବାର ନିକଟତର ହୋଇଥିଲା । କିନ୍ତୁ ଏଥିରେ ମଧ୍ୟ ବାଧକ ସୃଷ୍ଟି ହୋଇଥିଲା । ସେ ଯାହା ହେଉ ପରିଶେଷରେ ଆର୍‌କମ୍‌ ଟଙ୍କା ଯୋଗାଡ କରିବାରେ ସଫଳ ହୋଇଛି ଏବଂ ଜେଲ୍‌ଦଣ୍ଡରୁ ଅନିଲ୍‌ଙ୍କୁ ମୁକ୍ତ କରିଛି ।

ସମ୍ବନ୍ଧିତ ଖବର