ଭୁବନେଶ୍ବର ୧୮/୦୫: ବଙ୍ଗୋପସାଗରରେ ଦାନା ବାନ୍ଧୁଛି ବାତ୍ୟା । ଆସନ୍ତା ୨୩ ବେଳକୁ ବଙ୍ଗୋପସାଗରରେ ବାତ୍ୟା ସୃଷ୍ଟି ହେବାର ଆଶଙ୍କା ଦେଖାଦେଇଛି । ଭୂବିଜ୍ଞାନ ମନ୍ତ୍ରଣାଳୟର ସଚିବ ମାଧବନ ରାଜୀବନ ଏ ନେଇ ଟ୍ୱିଟ କରି ସୂଚନା ଦେଇଛନ୍ତି । କେନ୍ଦ୍ରୀୟ ବଙ୍ଗୋପସାଗରରେ ଏକ ବାତ୍ୟା ସୃଷ୍ଟିହେବାର ସମ୍ଭାବନା ରହିଛି। ୨୪ କିମ୍ବା ୨୫ ବେଳକୁ ଏହା ହେବ ବୋଲି ସାଇକ୍ଲୋନ ସେଣ୍ଟର ଆଶଙ୍କା କରୁଛି । କିନ୍ତୁ ଏନେଇ ସଠିକ ଭାବେ ଏ ଯାଏଁ କିଛି ଆକଳନ କରାଯାଇନାହିଁ । ଆସନ୍ତାକାଲି ଆଡକୁ ଏନେଇ ଚିତ୍ର ସ୍ପଷ୍ଟ ହୋଇଯାଇପାରେ ବୋଲି ସୂଚନା ଦିଆଯାଇଛି ।

wp:html

Hearty Congrats to @Indiametdept for a perfect forecast of Tauktae, its track & landfall location, time & intensity

Very proud of @Indiametdept ably supported by @iitmpune @ncmrwfmoes & @ESSO_INCOIS

Early indication of another system over Bay of Bengal around 23 May! Watch. pic.twitter.com/Hoo8n1f5JR

— Madhavan Rajeevan (@rajeevan61) May 18, 2021

/wp:html

ତେବେ ଏହା ବାତ୍ୟାର ରୂପ ନେବକି ନାହିଁ। ଏହା କେଉଁ ଦିଗରେ ଗତି କରିବ ସେନେଇ ପାଣିପାଗ ବିଭାଗ ଅନୁଶୀଳନ କରୁଛି ।

ଆସନ୍ତା ୨୪ ତାରିଖବେଳକୁ ଆଣ୍ଡାମାନ ସାଗରରେ ଏକ ଲଘୁଚାପ ସୃଷ୍ଟି ହେବା ସମ୍ଭାବନା ଅଛି । କେତେକ ପାଣିପାଗ ମଡେଲ ଏଭଳି ସଙ୍କେତ ଦେଖାଉଛନ୍ତି । ଏହି ସମ୍ଭାବ୍ୟ ଲଘୁଚାପ ଘନୀଭୂତ ହୋଇ ଅବପାତ ରୂପ ନେବା ପାଇଁ ପାଣିପାଗ ଅନୁକୂଳ ହେବ । ଏହା ମିଆଁମାର ଓ ବାଂଲାଦେଶ ଉପକୂଳରେ ପ୍ରବଳ ବର୍ଷା କରାଇପାରେ । ତେବେ ଓଡ଼ିଶାରେ ଏହାର କି ପ୍ରଭାବ ପଡ଼ିବ, ତାହା ୨୨ ତାରିଖବେଳକୁ ସ୍ପଷ୍ଟ ହେବ ।

ଭାରତ ମହାସାଗରରେ ମୌସୁମୀ ବର୍ଷା ପାଇଁ ପାଗ ଅନୁକୂଳ ହେବାରେ ଲାଗିଛି । ଚଳିତ ମାସ ଚତୁର୍ଥ ସପ୍ତାହରେ କେରଳରେ ଭାରି ବର୍ଷା ସମ୍ଭାବନା ଅଛି । ସମ୍ଭବତଃ ତାହା ମୌସୁମୀ ବର୍ଷା । ୨୭ ତାରିଖବେଳକୁ କେରଳ ଛୁଇଁପାରେ ମୌସୁମୀ, ଯାହାକି ସ୍ୱାଭାବିକଠାରୁ ୪ ଦିନ ଆଗୁଆ । ଓଡ଼ିଶାରେ କେବେ ମୌସୁମୀ ଆସିବ, ତାହା ଜୁନ୍‌ ୧ ତାରିଖ ପରେ ଅଧିକ ସ୍ପଷ୍ଟ ହେବ ।

କେତେକ ମଡେଲ୍‌ର ଦୀର୍ଘ ଅବଧି ଆକଳନ ଅନୁଯାୟୀ ଓଡ଼ିଶାରେ ଜୁନ୍‌-ସେପ୍ଟେମ୍ବର ମଧ୍ୟରେ ସମୁଦାୟ ମୌସୁମୀ ବର୍ଷା ସ୍ୱାଭାବିକ ରହିଛି । ଜୁନ୍‌ ମାସରେ ଉପକୂଳର କିଛି ଅଞ୍ଚଳରେ ବର୍ଷା କମିପାରେ । ମାତ୍ର ଚାଷ କାମ ଆରମ୍ଭ ପାଇଁ ବର୍ଷା କମ୍‌ ହେବନି । ସେପ୍ଟେମ୍ବର ମାସରେ ସ୍ୱାଭାବିକଠାରୁ ଅଧିକ ବର୍ଷା ହେବ । ଜୁଲାଇ ଓ ଅଗଷ୍ଟରେ ସ୍ୱାଭାବିକଠାରୁ ବର୍ଷା କମିବା ସମ୍ଭାବନା ନାହିଁ ।

ବାତ୍ୟା ତୌତେ ପ୍ରଭାବରେ କେରଳ, କର୍ଣ୍ଣାଟକ, ମହାରାଷ୍ଟ୍ର ସହ ଗୁଜୁରାଟ ବ୍ୟାପକ କ୍ଷତିଗ୍ରସ୍ତ ହୋଇଛି । ।