PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଲାଙ୍ଗୀର:ହାତୀଦାନ୍ତ ରାକେଟକୁ ମାଡିବସିଲା ଏସ୍ ଟି ଏଫ୍ ଟିମ୍, ଦୁଇ ଜଣଙ୍କୁ ଅଟକ ରଖି ପଚରାଉଚୁରା ଜାରି, ବଲାଙ୍ଗୀର ରେଞ୍ଜ ଦେଓଗାଁ ଅଞ୍ଚଳରୁ ରାକେଟ ଧରାପଡ଼ିଥିବା ସୂଚନା
  • ||
  • ଭୁବନେଶ୍ୱର ନୟାପଲ୍ଲୀରୁ କଣ୍ଟ୍ରାକ୍ଟ କିଲର ଗିରଫ ମାମଲା , ଦ୍ୱିତୀୟ ପର୍ଯ୍ୟାୟରେ ୪ଦିନିଆ ରିମାଣ୍ଡରେ ଯିବେ ୨ କିଲର( ସମ୍ପଦ ସାହୁ , ପ୍ରଶାନତ ଦାସ), ରିମାଣ୍ଡ ଅନୁମତି ଦେଲେ ଭୁବନେଶ୍ୱର ଏସ୍‌ଡିଜେଏମ୍‌ କୋର୍ଟ
  • ||
  • ସମ୍ବଲପୁର ସହରର ଟାଂଗରପାଲିରେ ଟ୍ରକ ଧକ୍କାରେ ଗୋଟିଏ ପରିବାରର ୪ ଗୁରୁତର
  • ||
  • ଆସନ୍ତାକାଲି ସକାଳ ୧୦.୩୦ ଯାଏ ବିଧାନସଭା ମୁଲତବୀ , ସର୍ବଦଳୀୟ ବୈଠକରେ ବାହାରିଲାନି କୌଣସି ନିଷ୍କର୍ଷ ବୋଲି କହିଲେ ବାଚସ୍ପତି
  • ||
  • ଗୃହ ସୁପରିଚାଳନା ପାଇଁ ସର୍ବଦଳୀୟ ବୈଠକ ଡାକିଲେ ବାଚସ୍ପତି
  • ||
  • ୧୦ ରେ ବିଧାନସଭା ଘେରାଉ କରିବ ଛାତ୍ର କଂଗ୍ରେସ
  • ||
  • ନାକଟିଦେଉଳ: ବାରହା ମାଂସ ଜବତ, ଜନ୍ତୁ ଶିକାର ଅଭିଯୋଗରେ ଶିକାରୀ କୋର୍ଟ ଚାଲାଣ ।
  • ||
  • ଭବାନୀପାଟଣା: ବସ୍‌କୁ ସଜାଡୁଥିଲେ ଡ୍ରାଇଭର, ଅଚାନକ ଗାଡ଼ି ଜେକ ଖସି ଯିବାରୁ ଚକା ତଳେ ଚାପି ହୋଇ ଚାଲିଗଲା ଚାଳକଙ୍କ ଜୀବନ
  • ||
  • ପୁରୀ: ପୁରୀ ଅଜମେର ଟ୍ରେନରେ ଧୂଆଁ, ଗୋଟିଏ ଘଣ୍ଟା ବିଳମ୍ବ
  • ||
  • ଖୋର୍ଦ୍ଧା: ଭିଜିଲାନ୍ସ ଜାଲରେ ଧରାପଡିଲେ ଖୋର୍ଦ୍ଧା ସହକାରୀ ଯନ୍ତ୍ରୀ, ଜଣେ ଠିକାଦରଙ୍କଠୁ ୧୦ ହଜାର ଲାଞ୍ଚ ନେବା ବେଳେ ଧରାପଡିଲେ
  • ||
  • ଭୁବନେଶ୍ଵର : ଷଷ୍ଠ ଦିନରେ ବିଧାନସଭା ଅଚଳ, ବିରୋଧୀଙ୍କ ଘଣ୍ଟ ମାଡ଼ରେ କମ୍ପିଲା ଗୃହ, ଗଙ୍ଗା ଜଳ ଛିଞ୍ଚିଲା ବିଜେଡି
  • ||
  • ତେଲକୋଇ : ତେଲକୋଇ ଫରେଷ୍ଟ ବିଟ୍‌ରେ ହାତୀ ଉପଦ୍ରବ, ନଷ୍ଟକଲେ ଏକର ଏକର ଧାନ ଫସଲ
  • ||
  • ବାଲିକୁଦା : ବିଦ୍ୟୁତ୍ ଟ୍ରାନ୍ସଫର୍ମର ଲୁଟ୍ କରିବା ବେଳେ ଧରାପଡ଼ିଲେ ୩ ଚୋର, ଖୋର୍ଦ୍ଧାରେ ବିକ୍ରି କରୁଥିଲେ ଚୋରି ଯନ୍ତ୍ରାଂଶ
  • ||
  • କଟକ : ଭିଜିଲାନ୍ସ ଜାଲରେ OSAP ସିପାହୀ, ନଗଦ ୨ ଲକ୍ଷ ୯୪ ହଜାର ଟଙ୍କା ଜବତ
  • ||
  • କଳାହାଣ୍ଡି : ରୋଗୀ ଆଣିବାକୁ ଯିବାବେଳେ ଦୁର୍ଘଟଣା, ଭାରସାମ୍ୟ ହରାଇ ରାସ୍ତା ତଳକୁ ଖସିଲା ଆମ୍ବୁଲାନ୍ସ
  • ||
  • ଭୁବନେଶ୍ଵର: ରାଜ୍ୟରେ ୨୪ ଘଣ୍ଟା ମଧ୍ୟରେ ଆଉ ୧୫୧ ଜଣ କରୋନା ପଜିଟିଭ ଚିହ୍ନଟ, ଆଉ ଜଣଙ୍କ ଜୀବନ ନେଲା କୋଭିଡ୍
  • ||
  • ଗଜପତି: ଏଟିଏମ୍ ଲୁଟ୍ ଉଦ୍ୟମ ପଣ୍ଡ, ୩ ଲୁଟେରାଙ୍କୁ ଗୋଡାଇ ଗୋଡାଇ କାବୁ କଲା ପୋଲିସ
  • ||
  • ଚାନ୍ଦବାଲି: ସ୍ଥାୟୀ ଘରଡିହ ପଟା ପାଇଁ ଦାବି କରିବାରୁ ବାସହରା ହେଲେ ୧୧ ପରିବାର, ରାଜରାସ୍ତାରେ ଶୀତ କାକରରେ କଟୁଛି ଜୀବନ
  • ||
  • ବୁର୍ଲା: ଭିମସାରରେ ୨ ଛାତ୍ରଛାତ୍ରୀଙ୍କ ଠାରେ ଡେଲ୍ଟା ଭାରିଆଣ୍ଟ ଚିହ୍ନଟ
  • ||
  • ପାରଳାଖେମୁଣ୍ଡି: ଭିଜିଲାନ୍ସ ପଞ୍ଝାରେ ଫରେଷ୍ଟର, ଏକକାଳୀନ ୪ଟି ସ୍ଥାନରେ ରେଡ୍
  • ||

କେନ୍ଦ୍ରାପଡ଼ାରେ ଆକ୍ଟର-ହେଲିକପ୍ଟର ଲଢ଼େଇ

କେନ୍ଦ୍ରାପଡା/ଜଗତସିଂହପୁର ୨୭/୩: ହାଇପ୍ରୋଫାଇଲ୍ କେନ୍ଦ୍ରାପଡା ଲୋକସଭା ଆସନ ପାଇଁ ରାଜ୍ଯସଭା ସାଂସଦ ତଥା ଓଲିଉଡ୍‌ର ସୁପର୍‌ଷ୍ଟାର୍‌ ଅନୁଭବ ମହାନ୍ତିଙ୍କୁ ମଇଦାନ୍‌କୁ ଉତାରିଛି ଶାସକ ବିଜୁ ଜନତା ଦଳ । ଆଜି ଆନୁଷ୍ଠାନିକ ଭାବେ ଦଳର ଅନ୍ୟ ପ୍ରାର୍ଥୀଙ୍କ ସମେତ ଅନୁଭବଙ୍କ ନାଁରେ ମୋହର ମାରିଛନ୍ତି ବିଜେଡି ସୁପ୍ରିମୋ । ଏଠାରେ ପୂର୍ବରୁ ବିଜେପି ବୈଜୟନ୍ତ ପଣ୍ଡାଙ୍କ ନାମ ଘୋଷଣା କରିଛି । ଏଥରକ କେନ୍ଦ୍ରାପଡ଼ା ବାସୀ ଆକ୍ଟର (ଅନୁଭବ) ବନାମ ହେଲିକପ୍ଟର (ବୈଜୟନ୍ତ) ଲଢ଼େଇ ଦେଖିବାକୁ ପାଇବେ । ବିଗତ ଦୁଇଟି ନିର୍ବାଚନରେ ଏଠାରୁ ବିଜେଡିର ସାଂସଦ ଭାବେ ନିର୍ବାଚିତ ହୋଇଥିବା ବୈଜୟନ୍ତ ପଣ୍ଡା, ପରିବର୍ତ୍ତିିତ ପରିସ୍ଥିତିରେ ଏଥର ବିଜେପିରୁ ଏଠୁ ଲଢୁଥିବା ବେଳେ ତାଙ୍କୁ ମାତ୍‌ ଦେବାକୁ ବିଜେଡି କାହାକୁ ମଇଦାନ୍‌କୁ ଉତାରିବ ତା ଉପରେ ସବୁରି ନଜର ନିବଦ୍ଧ ଥିଲା ।

ବିଜେଡି ଆଜି ଅନୁଭବଙ୍କୁ ଦଳୀୟ ପ୍ରାର୍ଥୀ ଘୋଷଣା କରିବା ପରେ ଏଠାରେ ବୈଜୟନ୍ତଙ୍କ ସହିତ ଅନୁଭବଙ୍କର ସିଧାସଳଖ ଟକ୍କର ହେବା ସ୍ପଷ୍ଟ ହୋଇଯାଇଛି । କେନ୍ଦ୍ରାପଡ଼ାର ବାରୋଠାରେ ଆୟୋଜିତ ମିଶନ ଶକ୍ତି ମହିଳା ସମାବେଶରେ ଅନୁଭବଙ୍କ ଯୋଗଦାନ ଦିନରୁ ତାଙ୍କୁ ପ୍ରାର୍ଥୀ କରାଯିବା ନେଇ ଅସ୍ପଷ୍ଟ ଆଭାସ ମିଳିଥିଲା । ସେଦିନଠାରୁ ବେଶ କିଛି ଦିନ ଅନୁଭବ କେନ୍ଦ୍ରାପଡ଼ାରେ ବିଜେଡି ଲୋକସଭା ପ୍ରାର୍ଥୀ ଘୋଷଣା ହୋଇପାରନ୍ତି ବୋଲି ଆଲୋଚନା ଚାଲିଥିଲା । ତେବେ ସମୟ ଗଡ଼ିବା ସହ ଭେଟେରାନ୍‍ ରାଜନେତା ବିଜୟ ମହାପାତ୍ର ଓ ଦିଲ୍ଲୀପ ରାୟଙ୍କ ନାଁ ବି ପ୍ରାର୍ଥିତ୍ୱ ଚର୍ଚ୍ଚାରେ ସାମିଲ ହୋଇଥିଲା । କିନ୍ତୁ ଉଭୟ ବିଜେଡିକୁ ଫେରିବା ନେଇ କିଛି ସ୍ପଷ୍ଟ ଇଙ୍ଗିତ ନମିଳିବାରୁ ଚର୍ଚ୍ଚା ବି ମିଳେଇ ଯାଇଥିଲା । ଶେଷରେ ଅନୁଭବଙ୍କ ଉପରେ ଆସ୍ଥା ରଖି ଦଳ ତାଙ୍କୁ ମଇଦାନରେ ଓହ୍ଲାଇଛି । ଫଳରେ କେନ୍ଦ୍ରାପଡ଼ାରେ ହାଇଭୋଲ୍‌ଟେଜ୍‌ ଲଢେଇ ହେବ ବୋଲି ଏକପ୍ରକାର ସ୍ପଷ୍ଟ ହୋଇଯାଇଛି । କେନ୍ଦ୍ରାପଡ଼ାର ୩ ବିଧାନସଭା ଆସନ ପାଇଁ ମଧ୍ୟ ଦଳ ପକ୍ଷରୁ ଆଜି ପ୍ରାର୍ଥୀ ଘୋଷଣା କରାଯାଇଛି ।

ଆଳି, ପାଟକୁରା, ମହାକାଳପଡ଼ାରେ ଦଳ ନିଜର ପୁରୁଣା ନିର୍ଭରଯୋଗ୍ୟ ପ୍ରାର୍ଥୀଙ୍କୁ ଭରସା କରିଛି । ଗତଥର ଆଳିରୁ ବିଧାନସଭା ପ୍ରାର୍ଥୀ ହୋଇଥିବା ବର୍ତ୍ତମାନର ରାଜ୍ୟସଭା ସାଂସଦ ପ୍ରତାପ ଦେବ, ପାଟକୁରାର ବିଧାୟକ ବେଦପ୍ରକାଶ ଅଗ୍ରୱାଲ, ମହାକାଳପଡ଼ାର ବିଧାୟକ ଅତନୁ ସବ୍ୟସାଚୀ ନାୟକଙ୍କୁ ଦଳ ଟିକେଟ୍‌ ଦେଇଛି । ତେବେ କେନ୍ଦ୍ରାପଡ଼ାର ଅନ୍ୟ ଦୁଇ ନିର୍ବାଚନମଣ୍ଡଳୀ କେନ୍ଦ୍ରାପଡ଼ା ଓ ରାଜନଗର ବିଧାନସଭା କ୍ଷେତ୍ରରେ ବିଜେଡି ପ୍ରାର୍ଥୀ ଚୟନ ନିଷ୍ପତ୍ତିକୁ ଝୁଲାଇ ରଖିଛି । ଏଣୁ କେନ୍ଦ୍ରାପଡା ବିଧାୟକ କିଶୋର ତରାଇ ଓ ରାଜନଗର ପାଇଁ ଗତଥରର ଦଳୀୟ ପ୍ରାର୍ଥୀ ଥିବା କେନ୍ଦ୍ରାପଡା ଜିଲ୍ଲା ବିଜେଡି ସଭାପତି ଧ୍ରୁବ ସାହୁଙ୍କ ଭାଗ୍ୟ ବି ଝୁଲି ରହିଯାଇଛି । ସେହିପରି ଜଗତସିଂହପୁର ଲୋକସଭା ଆସନ ପାଇଁ ତିର୍ତ୍ତୋଲ ବିଧାୟିକା ଡା. ରାଜଶ୍ରୀ ମଲ୍ଲିକଙ୍କୁ ଦଳ ପକ୍ଷରୁ ଟିକେଟ ଦିଆଯାଇଛି ।

ଏହି ଘୋଷଣା ପରେ ରାଜଶ୍ରୀଙ୍କ ସମର୍ଥକମାନେ ଖୁସିରେ ବିଭୋର ହୋଇ ଉଠିଥିବାବେଳେ ତିର୍ତ୍ତୋଲ ନିର୍ବାଚନମଣ୍ଡଳୀର ଦଳୀୟ ଅସନ୍ତୁଷ୍ଟ କର୍ମୀ ଓ ନେତାମାନେ ଚମକି ପଡିଛନ୍ତି । ତେବେ ଜଗତ୍‌ସିଂହପୁର ଜିଲ୍ଲାର ୪ଟି ବିଧାନସଭା ନିର୍ବାଚନମଣ୍ଡଳୀ ଯଥା ଜଗତସିଂହପୁର, ତିର୍ତ୍ତୋଲ୍‌, ପାରାଦୀପ ଓ ଏରସମା-ବାଲିକୁଦା ପାଇଁ ଟିକେଟ୍‌ ଘୋଷଣା କରାଯାଇନାହିଁ । ଅନ୍ୟପଟେ କଂଗ୍ରେସ ଓ ବିଜେପି ପକ୍ଷରୁ ଜଗତସିଂହପୁର ଲୋକସଭା ଆସନ ନିମନ୍ତେ ଏ ପର୍ଯ୍ୟନ୍ତ ପ୍ରାର୍ଥୀ ଘୋଷଣା କରାଯାଇ ନାହିଁ । କଂଗ୍ରେସ କେନ୍ଦ୍ରାପଡାର ସାଂସଦ ପ୍ରାର୍ଥୀ ବି ଘୋଷଣା କରିନାହିଁ ।

ଲୋକଙ୍କୁ ମିଛ କହିବିନି କି ଦଳକୁ ଠକିବିନି : ଅନୁଭବ
ବିଜେଡି ସାଂସଦ ପ୍ରାର୍ଥୀ ଘୋଷଣା କରିବାର ୧୦ ମିନିଟ୍‌ ମଧ୍ୟରେ ନବୀନ ନିବାସରେ ପହଞ୍ଚିଥିଲେ କେନ୍ଦ୍ରାପଡ଼ା ପ୍ରାର୍ଥୀ ଓଲିଉଡ୍‌ ଷ୍ଟାର୍‌ ଅନୁଭବ ମହାନ୍ତି । ନବୀନଙ୍କୁ ଦେଖା କରିବା ସହ ଆର୍ଶୀବାଦ ନେବାକୁ ଆସିଥିଲେ ବୋଲି ଗଣମାଧ୍ୟମକୁ କହିଛନ୍ତି । ଅନୁଭବ କହିଛନ୍ତି, ସେ ରାଜ୍ୟ ସରକାରଙ୍କ ଯୋଜନା ଓ ବାର୍ତ୍ତାକୁ ଲୋକଙ୍କ ପାଖରେ ପହଞ୍ଚାଇବାକୁ ଚେଷ୍ଟା କରିବେ । ସମସ୍ତଙ୍କୁ ନେଇ ସେ କେନ୍ଦ୍ରାପଡ଼ା ମାଟିର ବିକାଶ ପାଇଁ ସବୁ ପ୍ରୟାସ କରିବେ । ନବୀନଙ୍କ ଅର୍ଶୀବାଦ ପାଇ କେନ୍ଦ୍ରାପଡ଼ାରୁ ଦୁଇ ଦୁଇ ଥର ବିଜେଡି ଜିତିଛି । ଯଦି ଲୋକଙ୍କ ଆର୍ଶୀବାଦ ରୁହେ, ତେବେ ବିଜେଡି ପୁଣିଥରେ କେନ୍ଦ୍ରାପଡ଼ାବାସୀଙ୍କ ସେବା କରିବାକୁ ସୁଯୋଗ ପାଇବ । ତେବେ ସେ ସବୁବେଳେ ନବୀନଙ୍କ ସହ ଅଛନ୍ତି । କେବେ ତାଙ୍କୁ ଠକିବେନି । ଲୋକଙ୍କୁ ମିଛ ମଧ୍ୟ କହିବେନି କି ଦଳ ସହ ବେଇମାନି କରିବେନି ।