PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର: ରାଜ୍ୟରେ ଉପର ତଳ ହେଉଛି କରୋନା ଗ୍ରାଫ୍: ୨୪ ଘଣ୍ଟା ମଧ୍ୟରେ ୧୨ ଜଣ କୋଭିଡ୍ ପଜିଟିଭ ଚିହ୍ନଟ
  • ||
  • ସମ୍ବଲପୁର: ଶୀତଳ ଷଷ୍ଠୀ ପାଇଁ ପୂର୍ବ ପ୍ରସ୍ତୁତି: ୩ ତାରିଖରୁ ୭୨ ଘଣ୍ଟା ପାଇଁ ସମସ୍ତ ମଦ ଦୋକାନ ସିଲ୍
  • ||
  • ଭୁବନେଶ୍ୱର: ଆଜିଠୁ ଅଲ୍‌ ଓଡ଼ିଶା ସନ୍ତରଣ ପ୍ରତିଯୋଗିତା, ୨୦ଟି ଜିଲ୍ଲାରୁ ୨୫୮ ଜଣ ପ୍ରତିଯୋଗୀ ହେବେ ସାମିଲ
  • ||
  • ଭୁବନେଶ୍ୱର: ଆହୁରି କଲବଲ କରିବ ଅସହ୍ୟ ତାତି ସାଙ୍ଗକୁ ଗୁଳୁଗୁଳି , ଜୁନ୍‌ ୨ ତାରିଖ ଯାଏଁ ଜାରି ରହିବ ଗ୍ରୀଷ୍ମ ପ୍ରକୋପ
  • ||
  • ବାରଙ୍ଗ: ନନ୍ଦନକାନନରେ ଆଖିବୁଜିଲା ଆଫ୍ରିକୀୟ ସିଂହ, ୧୬କୁ ହ୍ରାସ ପାଇଲା ସିଂହଙ୍କ ସଂଖ୍ୟା
  • ||

ମହାଖଳାକୁ ଆସିବେ ଅନୁପ ଜଲୋଟା

ଭୁବନେଶ୍ୱର,୧ ।୩(ବ୍ୟୁରୋ): ମହାପ୍ରଭୁ ଶ୍ରୀଲିଙ୍ଗରାଜଙ୍କ ମହାଶିବରାତ୍ରି ଅବସରରେ ମହାଖଳାରେ ଭଜନ ପରିବେଷଣ କରିବାକୁ ଏଥର ଭଜନ ସମ୍ରାଟ ଅନୁପ ଜଲୋଟା ଆସୁଛନ୍ତି । ତାଙ୍କ ସହିତ ବଲିଉଡ୍‌ କଣ୍ଠଶିଳ୍ପୀ ଅନୁରାଧା ପୌଡ଼ୁୱାଲ ମଧ୍ୟ ଆସିବେ ବୋଲି ଆୟୋଜକ ସଂଗଠନ ଏକାମ୍ର ସାଂସ୍କୃତିକ ପ୍ରକାଶନୀ ପକ୍ଷରୁ କୁହାଯାଇଛି ।
ଆଜି ଅପରାହ୍ଣରେ ମହାଖଳାସ୍ଥିତ ପ୍ରକାଶନୀର କାର୍ଯ୍ୟାଳୟ କକ୍ଷରେ ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀରେ ଗଣମାଧ୍ୟମ ପ୍ରତିନିଧିଙ୍କୁ ସଂଗଠନର ସଭାପତି ତଥା ପୂର୍ବତନ ମନ୍ତ୍ରୀ ସୁରେଶ କୁମାର ରାଉତରାୟ ଏହି ସୂଚନା ଦେଇଛନ୍ତି । ଚଳିତ ବର୍ଷ କାର୍ଯ୍ୟକ୍ରମ ଉପରେ ଅଧିକ ସୂଚନା ଦେଇ ସେ କହିଥିଲେ ମୁମ୍ବାଇର କଳାକାର ଲାଲାଜୀ ଶର୍ମା ଓ ନେହା କାକ୍କର ମଧ୍ୟ ଭଜନ ପରିବେଷଣ କରିବାକୁ ଆସୁଛନ୍ତି । ସଙ୍ଗୀତ ନିର୍ଦ୍ଦେଶକ ମନ୍ମଥ ମିଶ୍ରଙ୍କ ନିର୍ଦ୍ଦେଶନାରେ ଏଥିରେ ଓଡ଼ିଶାର ନାମୀ କଳାକାରଙ୍କ ମଧ୍ୟରେ ସୌରଭ ନାୟକ, କୁମାର ବାପି, ଶାନ୍ତିଲତା ଛୋଟରାୟ, ରବି ମହାପାତ୍ର, ଶ୍ରୀଚରଣ ମହାନ୍ତି, କ୍ରିଷ୍ଣା ମିଶ୍ର, ଦିବ୍ୟା ଦାସ, ସୁଧାକର ମିଶ୍ର, ପିନାକୀ ନାୟକ, ପ୍ରଭୁପ୍ରସାଦ ନନ୍ଦ, ଅଞ୍ଜଳି ମିଶ୍ର, ଅର୍ପିତା ଚୌଧୁରୀ, ଅନ୍ତରା ଚକ୍ରବର୍ତ୍ତୀ, ପ୍ରଦୀପ ପଲାଇ, ଆଲୋକ କୁଣ୍ଡୁ, ଅମରେଶ ମିଶ୍ର, ପ୍ରଫୁଲ୍ଲ ବେହେରା ପ୍ରମୁଖ ଭଜନ ପରିବେଷଣ କରିବେ ।
ସେହିଭଳି ଶିବରାତ୍ରି ଅବସରରେ ଭକ୍ତଙ୍କ କଷ୍ଟ ଲାଘବ ନିମନ୍ତେ ସଂଗଠନ ପକ୍ଷରୁ ଅନେକ ଆଧ୍ୟାତ୍ମିକ କାର୍ଯ୍ୟକ୍ରମର ଆୟୋଜନ ହୋଇଛି । ଶିବରାତ୍ରି ପ୍ରତ୍ୟୁଷ ୪ଟାରେ ଶଙ୍ଖଧ୍ୱନିରେ କାର୍ଯ୍ୟକ୍ରମର ଶୁଭାରମ୍ଭ ହେବ । ଏହାପରେ ବେଦ ପାଠ, ଶିବ ସହସ୍ରନାମ, ଭାଗବତ ପାଠ, ଶିବଚେତନା, ହରିହର ଭଜନ, ରାମ ଚରିତ ମାନସ, ପ୍ରବଚନ ଆଦି ଅଧ୍ୟାତ୍ମିକ କାର୍ଯ୍ୟକ୍ରମ ଦିନତମାମ ଲାଗିରହିବ ।
ସନ୍ଧ୍ୟାରେ ଏହି ଜାତୀୟସ୍ତରୀୟ ଭଜନ ସମାରୋହରେ ମୁଖ୍ୟ ଅତିଥି ଭାବେ ରାଜ୍ୟପାଳ ଗଣେଶୀ ଲାଲ ଯୋଗଦେଇ ଏହାକୁ ଆନୁଷ୍ଠାନିକ ଭାବେ ଉଦ୍‌ଘାଟନ କରିବେ । ଅନ୍ୟ ଅତିଥିଙ୍କ ମଧ୍ୟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ,ପିସିସି ସଭାପତି ନିରଞ୍ଜନ ପଟ୍ଟନାୟକ, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ସମେତ ବହୁ ବିଶିଷ୍ଟ ବ୍ୟକ୍ତିଙ୍କ ଯୋଗଦେବାର କାର୍ଯ୍ୟକ୍ରମ ରହିଛି ବୋଲି ପ୍ରକାଶନୀର ସମ୍ପାଦକ ସନତ ମିଶ୍ର ସୂଚନା ଦେଇଛନ୍ତି ।