PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଂଗ୍ରେସ ପ୍ରାର୍ଥୀ ଅଜିତ ମଙ୍ଗରାଜଙ୍କ ମୃତ୍ୟୁ ପରେ ପିପିଲି ଉପନିର୍ବାଚନ ନେଇ ସ୍ଥଗିତାଦେଶ ଜାରି କଲେ ପୁରୀ ଏଡିଏମ
  • ||
  • କଟକ: ମାତା ମଠ ନିକଟରେ ସିଲଭରସିଟି ବୋଟିଂ କ୍ଲବର ଭିଡିଓ କନଫରେନ୍ସିଂ ଜରିଆରେ ଲୋକାର୍ପଣ କଲେ ମୁଖ୍ୟମନ୍ତ୍ରୀ
  • ||
  • ବୌଦ୍ଧ: କାର୍ ଧକ୍କାରେ ବାଇକ ଚାଳକଙ୍କ ମୃତ୍ୟୁ
  • ||
  • ସିବିଏସଇ ଦଶମ ଶ୍ରେଣୀ ପରୀକ୍ଷା ବାତିଲ, ଦ୍ବାଦଶ ଶ୍ରେଣୀ ପରୀକ୍ଷା ସ୍ଥଗିତ
  • ||
  • କର୍ଲାମୁଣ୍ଡା : କରୋନାରେ ଚାଲିଗଲା ଯୁବ ଶିକ୍ଷକଙ୍କ ଜୀବନ
  • ||
  • ତେଲକୋଇ: ଶାବକ ବାରହା ଢ଼ୁଡ ପୁଣି ନିଖୋଜ, ଗତ କିଛି ଦିନ ତଳେ ମାଆ କୁନ୍ତଳାଙ୍କ କୋଳକୁ ଫେରିଥିଲା
  • ||
  • ସମ୍ବଲପୁର: ଭିମସାରରେ ମୁଖ୍ୟ ସଚିବ ସୁରେଶ ମହାପାତ୍ର ଓ ସ୍ବାସ୍ଥ୍ୟ ସଚିବ ପ୍ରମୁଖଙ୍କ କୋଭିଡ ମୁକାବିଲା ସମୀକ୍ଷା, ବୁର୍ଲାରେ ମୋଟ୍ ୫୨୫ ଶଯ୍ୟା କୋଭିଡ ହସପିଟାଲ ହେବ ବୋଲି ଶ୍ରୀ ମହାପାତ୍ରଙ୍କ ସୂଚନା
  • ||
  • ନିଆଳି: ବାଲିକୁଦା ଜଙ୍ଗଲରୁ ମୃତଦେହ ଉଦ୍ଧାର, ପରିବାର ଲୋକ ଆଣିଲେ ହତ୍ୟା ଅଭିଯୋଗ, ୩ଦିନ ଧରି ଏହି ଯୁବକ ନିଖୋଜ ଥିଲେ
  • ||
  • ମେଲଚ୍ଛାମୁଣ୍ଡା : ହାତୀ ଆକ୍ରମଣରେ ଜଣେ ମୃତ
  • ||
  • ବୌଦ୍ଧ: ବୌଦ୍ଧ ଆଇ.ଟି.ଆଇ. ଅଧ୍ୟକ୍ଷଙ୍କ କାର୍ଯ୍ୟାଳୟକୁ ଘେରିଲେ ଉତ୍ତ୍ୟକ୍ତ ଛାତ୍ରଛାତ୍ରୀ
  • ||
  • ସାଲେପୁର: ବିଦ୍ୟୁତଘାତରେ କେବୁଲ ଅପେରେଟର ମୃତ୍ୟୁ। ବିଦ୍ୟୁତ ଖୁଣ୍ଟରେ ଚଢ଼ି କେବୁଲ କାର୍ଯ୍ୟ କରୁଥିବା ବେଳେ ଅଘଟଣ
  • ||
  • ଭୁବନେଶ୍ଵର: ରମ୍‌ଜାନ୍ ଓ ପଣା ସଂକ୍ରାନ୍ତି ଉପରେ ବିଏମ୍‌ସିର କଟକଣା, ଖୁବଶୀଘ୍ର ଆସିବ ଏସ୍‌ଓପି
  • ||
  • ଜଳେଶ୍ୱର: ମହିଳାଙ୍କ ଅର୍ଦ୍ଧଦଗ୍ଧ ମୃତ ଦେହ ଠାବ
  • ||
  • ନୟାଗଡ଼: କଟକ ଅବକାରୀ ଗୋଇନ୍ଦା ବିଭାଗ ଦ୍ବାରା ୨କିଲୋ ୩୦୦ଗ୍ରାମ ଅଫିମ ଜବତ, ଜଣେ ଗିରଫ
  • ||
  • ପୁରୀ: ଶ୍ରୀମନ୍ଦିର ସହ ଜଡ଼ିତ ୨୩ଜଣ କରୋନା ପଜିଟିଭ୍ ଚିହ୍ନଟ : ସେବାୟତଙ୍କ ସମେତ ଏକାଧିକ କର୍ମଚାରୀ ସଂକ୍ରମିତ
  • ||
  • ଗଞ୍ଜାମ: ୭ ଦିନ ପାଇଁ ସମସ୍ତ ଧର୍ମାନୁଷ୍ଠାନ, ସର୍ବସାଧାରଣ ସ୍ଥାନ ଯଥା- ପାର୍କ ସମୁଦ୍ରକୂଳ ବନ୍ଦ ନିର୍ଦ୍ଦେଶ, ମେରୁ ଯାତ୍ରା ଓ ପଣା ସଂକ୍ରାନ୍ତି ସର୍ବସାଧାରଣରେ ମନା
  • ||
  • ମାଲକାନଗିରି: ଚିତ୍ରକୋଣ୍ଡା ସ୍ୱାଭିମାନ ଅଞ୍ଚଳ ପାପରମେଟଲା ଥାନା ଅନ୍ତର୍ଗତ ଜାମୁଝାଡୀ ଜଙ୍ଗଲରୁ ଅଚିହ୍ନା ଯୁବକର ମୃତଦେହ ଉଦ୍ଧାର
  • ||
  • କଳାହାଣ୍ଡି: ଜାଲ୍ ସାର୍ଟିଫିକେଟ୍ ଦେଇ ୨୫ ଶିକ୍ଷକ ବହିଷ୍କୃତ
  • ||
  • ଯାଜପୁର: ଡଙ୍କାରୀରେ ବଡ ଧରଣର ଚଢ଼ାଉ, କଳାପଥର ଗାଡି ଜବତ, ଏକାଧିକ ଲୁଟେରା ଗିରଫ
  • ||
  • ବୋଲଗଡ଼: ବାଇକ୍- ବୁଲେଟ ମୁଁହା ମୁଁହି ଧକ୍କା, ୨ ଗୁରୁତର
  • ||

ଆରମ୍ଭ ହେଲା ‘ଆପୋଷ’ ଯୋଜନା, ବସ୍ତିବାସିନ୍ଦାଙ୍କ ନିକଟତର ହେବ ପୁଲିସ

ଭୁବନେଶ୍ୱର,୧୧ ।୨(ବ୍ୟୁରୋ): ଟୁଇନ୍‌ସିଟିର ବସ୍ତିଗୁଡି଼କରେ ଅପରାଧର ମାତ୍ରା ବଢ଼ିଚାଲିଛି । ବସ୍ତିବାସିନ୍ଦାଙ୍କ ଭିଡ଼ରେ ଅପରାଧୀମାନେ ଲୁଚିରହି ଅପରାଧ ଘଟାଉଛନ୍ତି । ଏପରିକି ସେଠାକାର ଅସହାୟ ବ୍ୟକ୍ତି ଓ ଯୁବପିଢ଼ିଙ୍କୁ ଅପରାଧିକ କାର୍ଯ୍ୟକଳାପରେ ସାମିଲ କରାଉଛନ୍ତି । ସେମାନଙ୍କୁ ଧରି ଏପ୍ରକାର ଅପରାଧର ମାତ୍ରା କମାଇବାକୁ କମିଶନରେଟ ପୁଲିସ ଏକ ନୂଆ ଉପାୟ ଆପଣାଇଛି । ଆଜିଠୁ ‘ଆପୋଷ’(ଅଲ୍‌-ରାଉଣ୍ଡ ପ୍ରମୋଶନ ଅଫ୍‌ ସ୍ପୋର୍ଟ୍ସ ଇନ୍‌ ସ୍ଲମ୍‌ ୟଙ୍ଗ ଆଣ୍ଡ ଜୁଭେନାଇଲ ଏଗେନଷ୍ଟ ନାରକୋଟିକ୍ସ ଆବ୍ୟୁଜ୍‌) ଯୋଜନା ଆରମ୍ଭ କରିଛି । ଏହି ଯୋଜନା ଜରିଆରେ ବସ୍ତିବାସିନ୍ଦାଙ୍କ ସହ ଆପୋଷ ସମ୍ପର୍କ ରଖି ଅପରାଧିକ କାର୍ଯ୍ୟକଳାପ ରୋକାଯାଇ ପାରିବ ବୋଲି ପୁଲିସ ଆଶା ରଖିଛି ।
ଉନ୍ନୟନ କମିଶନର ତଥା ଅତିରିକ୍ତ ମୁଖ୍ୟ ଶାସନ ସଚିବ(ଗୃହ ବିଭାଗ) ଅସୀତ୍‌ ତ୍ରିପାଠୀ ଆଜି ଅପରାହ୍ନରେ କମିଶନରେଟ୍‌ ବିଲ୍ଡିଂରେ ଏହି ଯୋଜନାର ଶୁଭାରମ୍ଭ କରିଛନ୍ତି । ପୁଲିସ ମହାନିର୍ଦ୍ଦେଶକ ଡା ରାଜେନ୍ଦ୍ର ପ୍ରସାଦ ଶର୍ମା ଉତ୍ସବରେ ମୁଖ୍ୟ ଅତିଥି ଭାବେ ଯୋଗ ଦେଇ କହିଛନ୍ତି, ଅପରାଧ ଓ ନିଶା କାରବାର ପ୍ରାୟ ୬୦ଭାଗ ବସ୍ତିରେ ଘଟୁଛି । ଏଠାରେ ପୁଲିସ ପାଟ୍ରୋଲିଂ କରିବା ସମ୍ଭବପର ନୁହେଁ । ତେଣୁ ଅପରାଧୀମାନେ ପୁଲିସକୁ ଚକମା ଦେଇ ବସ୍ତିରେ ଆତ୍ମଗୋପନ କରୁଛନ୍ତି । ଏହି ଯୋଜନା ଜରିଆରେ ବସ୍ତିବାସିନ୍ଦାଙ୍କ ନିକଟତର ହୋଇ ଅପରାଧୀଙ୍କୁ ଠାବ କରିବା ସହ ଅପରାଧିକ କାର୍ଯ୍ୟକଳାପ ରୋକାଯାଇ ପାରିବ । ଉତ୍ସବରେ ଯୋଜନାର ଲୋଗୋକୁ ମଧ୍ୟ ଉନ୍ମୋଚନ କରାଯାଇଥିଲା । ପ୍ରାଥମିକ ପର୍ଯ୍ୟାୟରେ ଭୁବନେଶ୍ୱରର ୫ଟି ଓ କଟକର ଗୋଟିଏ ବସ୍ତିରେ ଏହାକୁ କାର୍ଯ୍ୟକାରୀ କରାଯାଇଛି । ବସ୍ତି ପିଲାଙ୍କ ପାଇଁ ଆବଶ୍ୟକୀୟ କ୍ରୀଡ଼ା ଉପକରଣ ଯୋଗାଇ ଦିଆଯାଇଛି । ଖୁବଶୀଘ୍ର ବସ୍ତିରେ କ୍ରୀଡ଼ା ପ୍ରତିଯୋଗିତା ଆୟୋଜନ କରାଯିବ ।
ସହରର ମୋଟ ଜନସଂଖ୍ୟାର ୪୦ ପ୍ରତିଶତ ହେଉଛନ୍ତି ବସ୍ତିବାସିନ୍ଦା । ପ୍ରାୟ ୪ ଶହରୁ ଅଧିକ ଛୋଟବଡ଼ ବସ୍ତିରେ ବର୍ତ୍ତମାନର ମୁଖ୍ୟ ସମସ୍ୟା ହେଉଛି ଦୁର୍ବଳ ସାମାଜିକ ନିୟନ୍ତ୍ରଣ ପ୍ରକ୍ରିୟା । ଯାହାର ଫାଇଦା ନେଇ ଅପରାଧୀମାନେ ବସ୍ତିରେ ଆଡ୍ଡା ଜମାଉଛନ୍ତି । ନିଶା କାରବାରର ମୁଖ୍ୟ ପେଣ୍ଠସ୍ଥଳୀ ପାଲଟୁଛି ବସ୍ତି । ଏହି ଯୋଜନା ମାଧ୍ୟମରେ ବସ୍ତିବାସିନ୍ଦାଙ୍କ ଦୃଷ୍ଟିଭଙ୍ଗିରେ ପରିବର୍ତ୍ତନ ଆସିବ । ବସ୍ତିରେ ଟୁର୍ଣ୍ଣାମେଣ୍ଟ ବେଳେ ସେମାନଙ୍କୁ ନିଜ ସାମାଜିକ ଦାୟିତ୍ୱବୋଧ ବୁଝାଇବା ସହ ଅପରାଧିକ କାର୍ଯ୍ୟକଳାପ ଓ ନିଶାସେବନରୁ ଦୂରେଇ ରହିବା ନେଇ ସଚେତନତା ବାର୍ତ୍ତା ବଣ୍ଟାଯିବ । ଅପରାଧ ନିୟନ୍ତ୍ରଣରେ ଆଗକୁ ସେମାନେ ପୁଲିସକୁ ସହଯୋଗର ହାତ ବଢ଼ାଇବେ ବୋଲି ପୁଲିସ ଆଶା ରଖିଛି ।
ପୁଲିସ କମିଶନର ସତ୍ୟଜିତ୍‌ ମହାନ୍ତି କହିଛନ୍ତି, ଯୋଜନାର ମୂଳ ଲକ୍ଷ୍ୟ ହେଲା ବସ୍ତିବାସିନ୍ଦାଙ୍କ ସହ ସମ୍ପର୍କ ଯୋଡି଼ବା । ପୁଲିସ ପ୍ରତି ଥିବା ଭୟକୁ କମାଇବା । ବରିଷ୍ଠ ନାଗରିକଙ୍କ ସୁରକ୍ଷା ଦାୟିତ୍ୱରେ ଥିବା ନୋଡାଲ ଅଫିସରଙ୍କୁ ଏହି ଯୋଜନା ତଦାରଖର ଦାୟିତ୍ୱ ଦିଆଯିବ । ଏହି ଯୋଜନାକୁ ସଫଳ କରିବା ଲାଗି ବିଏମସି, କ୍ରୀଡ଼ା, ଯୁବ ବ୍ୟାପାର ଓ ନଗର ଉନ୍ନୟନ ବିଭାଗକୁ ସାମିଲ କରାଯାଇଛି । ଉତ୍ସବରେ ଡିସିପି(ଭୁବନେଶ୍ୱର) ଅନୁପ ସାହୁ, ଡିସିପି (କଟକ)ଅଖିଳେଶ ସିଂଙ୍କ ସମେତ ବହୁବରିଷ୍ଠ ଅଧିକାରୀ ଉପସ୍ଥିତ ଥିଲେ ।