ଗୌହାଟି,୨୧।୧୧: ଆସାମ ସରକାର ବିବାହର ରେଜିଷ୍ଟେ୍ରସନକୁ ପ୍ରୋତ୍ସାହନ ଦେବା ପାଇଁ ଓ ବାଲ୍ୟ ବିବାହକୁ ରୋକିବା ଉଦେଶ୍ୟରେ ଅରୁଦ୍ଧତି ସ୍ବର୍ଣ୍ଣ ଯୋଜନା ଆରମ୍ଭ ହୋଇଛି। ଏହି ଯୋଜନା ଅନୁସାରେ, ରାଜ୍ୟର ସବୁ ଝିଅ ବିବାହରେ ୧୦ ଗ୍ରାମ ସୁନା ଉପହାରରେ ଦିଆଯିବ। ଏହି ସ୍କିମ୍ ଆଗାମୀ ବର୍ଷ ଜାନୁଆରୀରୁ ଆରମ୍ଭ ହେବ।
wp:gallery {"ids":[61082]}
ରାଜ୍ୟ ଅର୍ଥମନ୍ତ୍ରୀ ହିମନ୍ତ ବିଶ୍ବ ସରମାଙ୍କ କହିବା ଅନୁସାରେ, ଅରୁନ୍ଧତି ସ୍ବର୍ଣ୍ଣ ଯୋଜନାର ଲାଗ ପାଇବା ପାଇଁ କିଛି ସର୍ତ୍ତ ରହିଛି। ପ୍ରତି ପ୍ରାପ୍ତ ବୟସ୍କ ବଧୂ, ଯିଏକି ଅତିକମରେ ୧୦ ଶ୍ରେଣୀ ପଢିଥିବେ ଓ ନିଜ ବିବାହର ପଞ୍ଜିକରଣ କରିଥିବେ ତାଙ୍କୁ ୧୦ ଗ୍ରାମ ସୁନା ଉପହାରରେ ଦିଆଯିବ। ଏହି ଯୋଜନାର ଲାଭ ନେବା ପାଇଁ ବିବାହ କରିବାକୁ ଯାଉଥିବା ଯୁବତୀଙ୍କ ପରିବାର ଲୋକଙ୍କ ବାର୍ଷିକ ଆମଦାନୀ ୫ ଲକ୍ଷ ଟଙ୍କାରୁ କମ୍ ହୋଇଥିବ। ଅରୁନ୍ଧତି ସ୍ବର୍ଣ୍ଣ ଯୋଜନାର ଲାଭ ଝିଅର ପ୍ରଥମ ଥର ବିବାହରେ ହିଁ ମିଳିବ ଓ ଏହାକୁ ସ୍ପେଶାଲ ମ୍ୟାରେଜ୍ ଆକ୍ଟ ୧୯୫୪ ଅନୁସାରେ ରେଜିଷ୍ଟର କରିବାକୁ ହେବ।
wp:gallery {"ids":[61083]}
ମନ୍ତ୍ରୀ ଏହା ମଧ୍ୟ ସ୍ପଷ୍ଟ କରିଛନ୍ତି ଯେ, ଅରୁନ୍ଧତୀ ସ୍ବର୍ଣ୍ଣ ଯୋଜନା ଅନୁସାରେ ସୁନା ହାତରେ ଦିଆଯିବ ନାହିଁ। ବିବାହର ରେଜିଷ୍ଟେ୍ରସନ୍ ଓ ଭେରିଫିକେଯସନ୍ ପରେ ୩୦,୦୦୦ ଟଙ୍କା ବିବାହ କରିବାକୁ ଥିବା ଝିଅର ଆକାଉଣ୍ଟରେ ଜମା କରିଦିଆଯିବ। ଏହାପରେ ତାଙ୍କୁ ସୁନା କିଣି ରସିଦ୍ ସବମିଟ୍ କରିବାକୁ ହେବ। ଏହି ଟଙ୍କାର ବ୍ୟବହାର ଅନ୍ୟ କୌଣସି ଉଦେଶ୍ୟ ପାଇଁ କରାଯିବ ନାହିଁ ବୋଲି ମନ୍ତ୍ରୀ ସୂଚନା ଦେଇଛନ୍ତି।
wp:gallery {"ids":[61084]}
୧୦ ଗ୍ରାମ ସୁନା ପାଇଁ ୩୦,୦୦୦ ଟଙ୍କାର ସମ୍ପୂର୍ଣ୍ଣ ବର୍ଷ ସୁନାର ହାରାହାରି ମୂଲ୍ୟକୁ ଦୃଷ୍ଟିରେ ରଖିବା ପରେ ଧାର୍ଯ୍ୟ କରାଯିବ। ଏହାକୁ ପ୍ରତି ବଜେଟରେ ସଂଶୋଧିତ କରାଯିବ। ବିବାହକୁ ଡେପୁଟି କମିଶନର କାର୍ଯ୍ୟାଳୟରେ ମଧ୍ୟ ପଞ୍ଜିକୃତ କରିବାର ଅନୁମତି ଦିଆଯିବ। କୁହାଯାଉଛି ଯେ, ଏହି ଯୋଜନା ଦ୍ବାରା ରାଜ୍ୟ ସରକାରଙ୍କ ରାଜସ୍ବରେ ବାର୍ଷିକ ପ୍ରାୟ ୮୦୦ କୋଟି ଟଙ୍କା ଖର୍ଚ୍ଚ ହେବ।
