PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଓମିକ୍ରନ୍ ଭୟ : ତାମିଲନାଡୁର ଏକ ସ୍କୁଲ୍‌ରେ କରୋନା ଆତଙ୍କ , ୨୫ ପିଲାଙ୍କୁ କୋଭିଡ୍‌ ପଜିଟିଭ୍
  • ||
  • ୨୯ ଦେଶକୁ ମାଡ଼ି ଗଲାଣି ଓମିକ୍ରନ୍ – ପ୍ରେସମିଟ୍‌ରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟର ସୂଚନା
  • ||
  • ଭାରତରେ ଓମିକ୍ରନ ,କର୍ଣ୍ଣାଟକରୁ ଚିହ୍ନଟ ହେଲେ ୨ ଓମିକ୍ରନ ଆକ୍ରାନ୍ତ , ପ୍ରେସ୍‌ମିଟ୍‌ରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟର ସୂଚନା
  • ||
  • ତେଲେଙ୍ଗାନାରେ ଚିହ୍ନଟ ହୋଇନି ଓମିକ୍ରନ , ଏ ନେଇ ଖବରକୁ ଖଣ୍ଡନ କଲା ତେଲେଙ୍ଗାନା ସ୍ୱାସ୍ଥ୍ୟ ବିଭାଗ । ବ୍ରିଟେନ୍‌ ଫେରନ୍ତା ମହିଳା କୋଭିଡ୍‌ ପଜିଟିଭ ଚିହ୍ନଟ
  • ||
  • ଭାରତରେ ପ୍ରଥମ ଓମିକ୍ରନ ଭାରିଆଣ୍ଟ ଚିହ୍ନଟ , ତେଲେଙ୍ଗାନାରୁ ଓମିକ୍ରନ୍‌ ଭାରିଆଣ୍ଟ ଆକ୍ରାନ୍ତ ଚିହ୍ନଟ , ଆକ୍ରାନ୍ତ ମହିଳାଙ୍କର ବୟସ ୩୫ ବର୍ଷ , ଇଂଲଣ୍ଡରୁ ଫେରିଥିଲେ ସଂପୃକ୍ତ ମହିଳା
  • ||
  • କଟକ: ଗାଡ଼ି ଟଣା ବେଳେ ଫାଇନାନ୍ସ କମ୍ପାନି କର୍ମଚାରୀ ଉପରକୁ ବ୍ଲାଙ୍କ ଫାଇରିଙ୍ଗ୍ ଘଟଣା, ଦୁଇ ଅଭିଯୁକ୍ତକୁ ଧରିବା ପାଇଁ କଟକ ପୋଲିସ ଟିମ୍ ଗଞ୍ଜାମରେ
  • ||
  • ଅମ୍ବାଦଳା: ୮ ଲକ୍ଷରୁ ଉର୍ଦ୍ଧ୍ବ ଟଙ୍କାର ଗଞ୍ଜେଇ ଜବତ, ବାଇକ ସହ ୩ ଗିରଫ
  • ||
  • ବ୍ରହ୍ମପୁର: ବିଶିଷ୍ଟ ସିପିଏମ୍ ନେତା ବସନ୍ତ ନନ୍ଦଙ୍କ ହୃଦଘାତରେ ବିୟୋଗ
  • ||
  • ରାୟଗଡା: ୩ ବର୍ଷ ଅଙ୍ଗନବାଡି ଚାକିରି କରିବା ପରେ ଚାକିରିରୁ ବାହାର କରାଯାଇଥିବା ଅଭିଯୋଗ
  • ||
  • କାଶୀପୁର: ହାତଗୁଞ୍ଜା ବିନା ଘୁଞ୍ଚୁନି ଫାଇଲ, ପ୍ରାପ୍ୟ ପାଇବାରେ ହଇରାଣ ଅବସର ଶିକ୍ଷକ
  • ||
  • ପାପଡାହାଣ୍ଡି: ମହୁ ମାଛି ଆକ୍ରମଣରେ ବୃଦ୍ଧ ଗୁରୁତର!
  • ||
  • ସୁନ୍ଦରଗଡ଼: କୋଇଡାରେ ଥମୁନି ହାତୀ ଉପଦ୍ରବ, ଘରେ ଶୋଇଥିବା ବେଳେ ଟାଣି ଦଳି ଦେଲା ଦନ୍ତା, ଘଟଣା ସ୍ଥଳରେ ବୃଦ୍ଧଙ୍କ ଉଡିଗଲା ପ୍ରାଣ ବାୟୁ
  • ||
  • ଭୁବନେଶ୍ୱର: ବିଧାନସଭାର ଶୀତକାଳୀନ ଅଧିବେଶର ଦ୍ବିତୀୟ ଦିନ, ଆରମ୍ଭରୁ ବିରୋଧୀଙ୍କ ହୋହଲ୍ଲା ଓ ହଟ୍ଟଗୋଳ, ୪ ଯାଏଁ ଗୃହ ମୁଲତବୀ
  • ||
  • ଭୁବନେଶ୍ୱର: ୧୨ ଘଣ୍ଟାରେ ଅବପାତ, ୨୪ ଘଣ୍ଟା ମଧ୍ୟରେ ବାତ୍ୟା ରପୂ ନେବ ସମ୍ଭାବନା
  • ||
  • ଭୁବନେଶ୍ୱର: ରାଜ୍ୟରେ ଆଉ ୨ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୧୫କୁ ବୃଦ୍ଧି
  • ||
  • ଭୁବନେଶ୍ଵର: ୨୪ ଘଣ୍ଟାରେ ୨୫୨ କୋଭିଡ୍ ପଜିଟିଭ୍ ଚିହ୍ନଟ, ଆକ୍ରାନ୍ତଙ୍କ ସଂଖ୍ୟା ୧୦୪୯୫୯୭ ଜଣକୁ ବୃଦ୍ଧି
  • ||
  • ନୂଆଦିଲ୍ଲୀ:୨୩ ରାଷ୍ଟ୍ରକୁ ବ୍ୟାପିଲା ଓମ୍ରିକନ୍, ଆନ୍ତର୍ଜାତିକ ବିମାନ ଉଡାଣ ସ୍ଥଗିତ
  • ||
  • ସୋର: ମନ୍ଦିରରୁ ଲକ୍ଷାଧିକ ଟଙ୍କାର ସୁନା ଓ ରୂପା ଗହଣା ଚୋରି
  • ||
  • କୋକସରା: ବିଦ୍ୟୁତ ସଂଯୋଗ ପାଇଁ ରାସ୍ତା ଅବରୋଧ କଲେ ଗ୍ରାମବାସୀ
  • ||
  • କନ୍ଧମାଳ: ପେଟ୍ରୋଲ ପମ୍ପକୁ ତେଲ ପକାଇବା ଆସିଥିବା ଗାଡ଼ିରୁ ମୋବାଇଲ ଚୋରି
  • ||

ସିନେମା ହଲ୍‌ରେ ମହିଳାଙ୍କୁ ଅସଦାଚରଣ, ଗୁଣ୍ଡାରାଜ: ପ୍ରତିବାଦ କରିବାରୁ ସାମ୍ବାଦିକଙ୍କୁ ମରଣାନ୍ତକ ଆକ୍ରମଣ

ଭୁବନେଶ୍ୱର,୨୭ା୧(ବ୍ୟୁରୋ): ମହାରାଜା ସିନେମା ହଲ୍‌ରେ ଆତଙ୍କରାଜ । ଫିଲ୍ମ ସୋ’ ଚାଲିଥିବାବେଳେ କିଛି ଅସାମାଜିକ ଯୁବକ ଚଳାଇଥିଲେ ଗୁଣ୍ଡାଗିରି । ହଲ୍‌ ଭିତରେ ମହିଳାମାନଙ୍କୁ ଅଶ୍ଳିଳ ଭାଷା ପ୍ରୟୋଗ କରୁଥିଲେ । କାହାକୁ ପରୱା କରୁନଥିଲେ । ଗାଳିଗୁଲଜ, ହୋହଲ୍ଲାରେ କମ୍ପୁଥିଲା ସିନେମା ହଲ୍‌ । ଏହାର ପ୍ରତିବାଦ କରିଥିଲେ ‘ପ୍ରମେୟ’ ସାମ୍ବାଦିକ କପିଳେନ୍ଦ୍ର ପ୍ରଧାନ । ଯାହାର ପରିଣାମ ଥିଲା ଅତି ଭୟାନକ । ହଲ୍‌ ଭିତରେ ସାମ୍ବାଦିକଙ୍କୁ ହେଲା ମରଣାନ୍ତକ ଆକ୍ରମଣ । ଗୋଇଠା, ବିଧା, ମୁଥ, ଚାପୁଡ଼ା ସହ ମାରଣାସ୍ତ୍ରରେ ତାଙ୍କୁ ଲହୁଲୁହାଣ କରିଦେଲେ । ତଣ୍ଟି ଚିପି ମାରିବାକୁ ବି ଚେଷ୍ଟା କଲେ । ୧୫ରୁ ୨୦ ମିନିଟ୍‌ ଧରି ଚାଲିଥିଲା ଏମିତି ଆତଙ୍କ । ପୁଲିସ ପହଞ୍ଚିବାରୁ ବଞ୍ଚିଗଲା ସାମ୍ବାଦିକଙ୍କ ଜୀବନ । ସାଧାରଣତନ୍ତ୍ର ଦିବସରେ ଏଭଳି ଆତଙ୍କରାଜ ରାଜଧାନୀର ଛାତି ଥରାଇ ଦେଇଛି ।
ଏହି ଘଟଣାକୁ ନେଇ ଗତକାଲିଠାରୁ ରାଜ୍ୟ ତମାମ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି । ଆକ୍ରମଣକାରୀଙ୍କ ଗିରଫ ଦାବିରେ ସାମ୍ବାଦିକମାନେ ଆଜି ପ୍ରତିବାଦକୁ ଓହ୍ଲାଇଛନ୍ତି । ଚାରିଆଡ଼ୁ ପ୍ରତିବାଦର ସ୍ୱର ଉଠିବା ପରେ ରବିବାର ସନ୍ଧ୍ୟାରେ ୩ ଜଣ ଅଭିଯୁକ୍ତଙ୍କୁ ଗିରଫ କରିଛି ସହିଦନଗର ଥାନା ପୁଲିସ । ଗିରଫ ଅଭିଯୁକ୍ତମାନେ ହେଲେ ସୌମ୍ୟ ରଂଜନ, ଅନନ୍ତ ସାମନ୍ତରାୟ ଓ ସୁବ୍ରତ ବିଶ୍ୱାଳ (ଚିକୁ) । ଅନ୍ୟ ଆକ୍ରମଣକାରୀଙ୍କୁ ଖୁବଶୀଘ୍ର ଗିରଫ କରାଯିବ ବୋଲି ପୁଲିସ କହିଛି ।
ପୂରା ଘଟଣାଟି ଥିଲା ଏଭଳି । ଶନିବାର କପିଳେନ୍ଦ୍ର ନିଜର ଜଣେ ସାମ୍ବାଦିକ ବନ୍ଧୁଙ୍କ ସହ ମହାରାଜା ହଲ୍‌କୁ ଫିଲ୍ମ ଦେଖିବାକୁ ଯାଇଥିଲେ । ଫିଲ୍ମ ଆରମ୍ଭରୁ ହିଁ କେତେକ ଯୁବକ ହଲ୍‌ ଭିତରେ ହୋହଲ୍ଲା, ପାଟିତୁଣ୍ଡ ଚଳାଇଥିଲେ । ସେମାନଙ୍କ ମୁହଁରୁ କେବଳ ଅଶ୍ଳିଳ ଭାଷା ବାହାରୁଥିଲା । ବିଶେଷ କରି ଫିଲ୍ମ ଦେଖୁଥିବା ମହିଳାମାନଙ୍କୁ ଅତି ଅଭଦ୍ର ଭାଷାରେ କମେଣ୍ଟ କରୁଥିଲେ । ଏହି ଯୁବକମାନେ ଏମିତି ଆତଙ୍କ ଚଳାଇଥିଲେ ହଲ୍‌ରେ । ଲୋକେ ଏଥିରେ ଅତିଷ୍ଠ ହେଲେ ବି ଭୟରେ ମୁହଁ ଖୋଲୁନଥିଲେ । ସେମାନଙ୍କ ପ୍ରାଦୁର୍ଭାବ ସୀମା ଟପିବାରୁ ମୁହଁ ଖୋଲି ପ୍ରତିବାଦ କଲେ କପିଳେନ୍ଦ୍ର । ଅତିି ଭଦ୍ର ଓ ନମ୍ରତାର ସହ ଏଭଳି ବ୍ୟବହାର ନ କରିବା ପାଇଁ ଅନୁରୋଧ କଲେ । ବାସ୍‌, ଏଥିରେ ଉତ୍‌କ୍ଷିପ୍ତ ହୋଇ ପଡ଼ିଲେ ଏହି ଅସାମାଜିକ ଗୋଷ୍ଠୀ । ମାଡ଼ି ଆସିଲେ କପିଳେନ୍ଦ୍ରଙ୍କ ପାଖକୁ । ତାଙ୍କ କଲାର୍‌ ଧରି ଘୋଷାଡ଼ି ଆଣିଥିଲେ ସିଟ୍‌ରୁ । କହିଥିଲେ, ତୁ କିଏ ବେ… ମୁହଁ ଖୋଲିଲୁ… ଏଠି ଆମ ରାଜ୍‌…. କେହି କିଛି କରିପାରିବେନି…. । ଏହା ପରେ ଘୋଷାଡ଼ି ଆଣି ମାଡ଼ ଆରମ୍ଭ କରିଥିଲେ । ବହୁ କଷ୍ଟରେ କପିଳେନ୍ଦ୍ର ନିଜର ଜଣେ ସହକର୍ମୀଙ୍କୁ ଫୋନ୍‌ କରି ତୁରନ୍ତ ପୁଲିସ ପଠାଇବାକୁ କହିଥିଲେ । ଏଥିରେ ଅସାମାଜିକ ଯୁବକମାନେ ଆହୁରି ଉତ୍ତ୍ୟକ୍ତ ହୋଇ କପିଳେନ୍ଦ୍ରଙ୍କୁ ଜୀବନରୁ ମାରିବାକୁ ଚେଷ୍ଟା କରିଥିଲେ । ୧୦/୧୨ ଜଣ ଯୁବକ ସଂଘବଦ୍ଧ ଭାବେ କପିଳେନ୍ଦ୍ରଙ୍କୁ ଟାଣି ଆଣି ତଳେ ପକାଇ ନିର୍ଘାତ୍‌ ପିଟିଲେ । ଜୀବନ ରକ୍ଷା ପାଇଁ କପିଳେନ୍ଦ୍ର ଗୁହାରି କରିଥିଲେ । କିନ୍ତୁ, କେହି ଶୁଣିନଥିଲେ । କପିଳେନ୍ଦ୍ର ଉଠିବାକୁ ପ୍ରୟାସ କରିବାବେଳେ ତାଙ୍କ ଗଳା ଚିପି ହତ୍ୟା କରିବାକୁ ଚେଷ୍ଟା କରାଯାଇଥିଲା । ଅଣନିଃଶ୍ୱାସୀ ହୋଇ ପଡ଼ିଥିଲେ ସେ । ଅନ୍ୟପକ୍ଷରେ କପିଳେନ୍ଦ୍ରଙ୍କ ବନ୍ଧୁଙ୍କୁ କେତେକ ଯୁବକ ଘେରି ରହିଥିଲେ । ୧୫ରୁ ୨୦ ମିନିଟ୍‌ ଧରି ଏମିତି ଆତଙ୍କରାଜ ଚାଲିଥିଲା ମହାରାଜା ସିନେମା ହଲ୍‌ ଭିତରେ ।
ମାତ୍ର ମହାରାଜା ହଲ୍‌ର କୌଣସି କର୍ମଚାରୀ କିମ୍ବା ସୁରକ୍ଷା କର୍ମୀ କପିଳେନ୍ଦ୍ରଙ୍କୁ ରକ୍ଷା କରିବା ପାଇଁ ସେଠାକୁ ଆସିନଥିଲେ । ଗୋଟିଏ ପଟେ ମରଣାନ୍ତକ ଆକ୍ରମଣ ଚାଲିଥିବାବେଳେ ଅନ୍ୟ ପଟେ ହଲ୍‌ରେ ଫିଲ୍ମ ଚାଲିଥିଲା । ହଲ୍‌ କର୍ମଚାରୀ ସବୁ ଦେଖୁଥିଲେ । ମାତ୍ର କେହି ଜଣେ ବି ପାଟି ଖୋଲୁନଥିଲେ । କପିଳେନ୍ଦ୍ରଙ୍କ ସହକର୍ମୀଠୁ ଫୋନ୍‌ ପାଇବା ପରେ ସହିଦନଗର ଥାନା ପୁଲିସ ହଲ୍‌ରେ ପହଞ୍ଚିଥିଲା । ଆଉ ଜୀବନ ବଞ୍ଚିଯାଇଥିଲା କପିଳେନ୍ଦ୍ରଙ୍କର । ହେଲେ ସେତେବେଳକୁ ମୁଥ, ବିଧା, ଗୋଇଠା ଓ ମୁଥରେ ପିନ୍ଧା ଯାଉଥିବା ମାରଣାସ୍ତ୍ରରେ କପିଳେନ୍ଦ୍ରଙ୍କ ଛାତି, ପେଟ, ପିଠି, କାନ୍ଧ ରକ୍ତାକ୍ତ ହୋଇଯାଇଥିଲା । ମୁଣ୍ଡରେ ବି ଗଭୀର ଆଘାତ ଲାଗିଥିଲା । ସାର୍ଟ ଚିରି ଯାଇଥିବାବେଳେ ଆକ୍ରମଣକାରୀମାନେ ତାଙ୍କ ବେକରୁ ସୁନା ଚେନ୍‌, ଓ ସାମ୍ବାଦିକ ପରିଚୟପତ୍ର ଛଡ଼ାଇ ନେଇଥିଲେ । ଚଷମା ବି ଭାଙ୍ଗି ଦେଇଥିଲେ ।
କପିଳେନ୍ଦ୍ରଙ୍କ ପୁଲିସ କ୍ୟାପିଟାଲ ହସ୍ପିଟାଲ ନେଇ ଆଶୁ ଚିକିତ୍ସା କରାଇଥିଲା । ହସ୍ପିଟାଲରୁ ଫେରିବା ପରେ କପିଳେନ୍ଦ୍ର ସହିଦନଗର ଥାନାରେ ଏତଲା ଦେଇଥିଲେ । ଘଟଣା ପରେ ପୁଲିସ ଆକ୍ରମଣକାରୀଙ୍କୁ ତୁରନ୍ତ ଚିହ୍ନଟ କରିଥିଲା । ମାତ୍ର ହାତକଡ଼ି ପକାଇବାକୁ ହାତ ଥରିଥିଲା । ଏହାକୁ ନେଇ ସାମ୍ବାଦିକଙ୍କ ମହଲରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଥିଲା । ବିଭିନ୍ନ ସାମ୍ବାଦିକ ସଂଘ, ବୁଦ୍ଧିଜୀବୀ ଆକ୍ରମଣର ତୀବ୍ର ନିନ୍ଦା କରିଥିଲେ ।
ଆଜି ସାମ୍ବାଦିକ ସୁରକ୍ଷା ମଞ୍ଚ ପକ୍ଷରୁ ସାମ୍ବାଦିକ ସମ୍ମିଳନୀ ଡକାଯାଇ ତୁରନ୍ତ ଆକ୍ରମଣକାରୀଙ୍କୁ ଗିରଫ କରିବାକୁ ଦାବି କରାଯାଇଥିଲା । ସନ୍ଧ୍ୟାରେ ଶତାଧିକ ଗଣମାଧ୍ୟମ ପ୍ରତିନିଧି ପୁଲିସ ମହାନିର୍ଦ୍ଦେଶକଙ୍କୁ ଭେଟି ଏହି ଘଟଣାରେ କାର୍ଯ୍ୟାନୁଷ୍ଠାନ ଦାବି କରିଥିଲେ । ଡିଜିପି ଡ.ଆର୍‌.ପି.ଶର୍ମା ତୁରନ୍ତ କାର୍ଯ୍ୟାନୁଷ୍ଠାନର ପ୍ରତିଶ୍ରୁତି ଦେଇଥିଲେ । ଡିଜିପିଙ୍କ କଡ଼ା ନିର୍ଦ୍ଦେଶ ପରେ ସହିଦନଗର ପୁଲିସ ୩ଜଣଙ୍କୁ ଗିରଫ କରିବାକୁ ବାଧ୍ୟ ହୋଇଥିଲା ।
ଏହି ଘଟଣା ପରେ ରାଜ୍ୟରେ ସାମ୍ବାଦିକଙ୍କ ସୁରକ୍ଷା ପାଇଁ ଆଇନ ପ୍ରଣୟନ ଲାଗି ଦାବି ତେଜିଛି ।