PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆଦିଲ୍ଲୀ: ଜ୍ଞାନବ୍ୟାପୀ ମସଜିଦ୍‌ ବିବାଦ। ୩୦ରେ ଦୁଇ ପକ୍ଷଙ୍କୁ ମିଳିପାରେ ସର୍ଭେ ଭିଡିଓ। ଜ୍ଞାନବ୍ୟାପୀ ସର୍ଭେ ଭିଡିଓକୁ ନେଇ ଜିଲ୍ଲା କୋର୍ଟଙ୍କ ନିର୍ଦ୍ଦେଶ। ଆସନ୍ତା ୩୦ରୋ ଦୁଇ ପକ୍ଷଙ୍କୁ ମିଳିପାରେ ଭିଡିଓ।
  • ||
  • କଟକ : ଅନୁଭବ ଓ ବର୍ଷାଙ୍କୁ ହାଇକୋର୍ଟଙ୍କ କଡ଼ା ତାଗିଦ୍, ସୋସିଆଲ ମିଡିଆରେ ପରସ୍ପରକୁ ଆକ୍ଷେପ ନ କରିବାକୁ ନିର୍ଦ୍ଦେଶ
  • ||
  • ସୋର: ରାସ୍ତାରେ ହଟହଟା ହେଲେ ଖଇରା ବିଦ୍ୟୁତ୍ ବିଭାଗ ଏସଡିଓ, ଅସ୍ଥାୟୀ ମିଟର ରିଡର କର୍ମଚାରୀଙ୍କ ବହିଷ୍କାର ଆଶଙ୍କାରେ ଆକ୍ରୋଶର ଶିକାର…
  • ||
  • ଭୁବନେଶ୍ବର: ଟିଚିଂ ହସ୍ପିଟାଲ ଭାବେ ଘୋଷଣା ହେଲା କ୍ୟାପିଟାଲ ହସ୍ପିଟାଲ, ଆଗାମୀ ୫୦ ବର୍ଷକୁ ଦୃଷ୍ଟିରେ ରଖି ରାଜ୍ୟ ସରକାରଙ୍କ ମାଷ୍ଟର ପ୍ଲାନ୍, ୨୮୫ କୋଟି ଅନୁମୋଦନ…
  • ||
  • ଭୁବନେଶ୍ୱର: ପେଟ୍ରୋଲିୟମ ଡିଲର୍ସ ଆସୋସିଏସନର ପକ୍ଷରୁ ଦୁଇ ଦିନିଆ ଧର୍ମଘଟ, ସନ୍ଧ୍ୟା ୬ରୁ ସକାଳ ୬ ବନ୍ଦ ରହିବ ସମସ୍ତ ପେଟ୍ରୋଲ ଟାଙ୍କି
  • ||
  • ଭୁବନେଶ୍ଵର: ରାଜ୍ୟରେ ତଳକୁ ଖସିଲା ଆକ୍ଟିଭ କେସ୍, ୨୪ ଘଣ୍ଟା ମଧ୍ୟରେ ବାହାରିଲେ ୦୯ ଜଣ କରୋନା ପଜିଟିଭ
  • ||
  • ଭୁବନେଶ୍ୱର: ‘କୋକୋ’ ଆପ୍‌ରେ ଋଣ ଠକେଇ ମାମଲା : ଦିଲ୍ଲୀରୁ ଧରାପଡି଼ଲା ମୁଖ୍ୟ କାର୍ପଟଦାର ରାମ, ୧୦୫୮ ଭର୍ଚୁଆଲ୍‌ ବ୍ୟାଙ୍କ ଆକାଉଣ୍ଟ ଫ୍ରିଜ୍
  • ||
  • ଚିଲିକା : ଯାତ୍ରୀବାହୀ ଡଙ୍ଗାର ଭାଙ୍ଗିଲା ମେସିନ୍ ସ୍ଲାବ, ଚିଲିକା ମଝିରେ ଅଟକିଲେ ୪୦ରୁ ଅଧିକ ଯାତ୍ରୀ
  • ||
  • କଟକ: ଅନୁଭବ-ବର୍ଷା ବିବାହ ବିବାଦ: “ବର୍ଷା ନିଜେ ଚଲାଉଛନ୍ତି ଫ୍ୟାନ୍‌ କ୍ଲବ୍‌ ପେଜ୍‌’
  • ||
  • ଭୁବନେଶ୍ୱର: ଆସିବ ସ୍ୱଚ୍ଛତା, ଲୋକଙ୍କୁ ମିଳିବ ସୁବିଧା: ଆଜିଠୁ ଅନ୍‌ଲାଇନ୍‌ରେ ହୋଲ୍ଡିଂ ଟ୍ୟାକ୍ସ ଆଦାୟ କରିବ ବିଏମ୍‌ସି
  • ||
  • ସୁନ୍ଦରଗଡ : ଓସିଏଲ୍‌ ଆଇରନ କାରଖାନାରୁ ଲୁହା ଚୋରି କରୁଥିଲା ଚୋର, ଛାତରୁ ପଡି ଚାଲିଗଲା ଜୀବନ
  • ||
  • ଭୁବନେଶ୍ୱର: ଟ୍ରାଫିକ୍‌ ଯନ୍ତ୍ରଣାରୁ ମିିଳିବ ମୁକ୍ତି: ଜୟଦେବ ବିହାରରୁ ନନ୍ଦନକାନନ ମଧ୍ୟରେ ନିର୍ମାଣ ହେବ ସବୁଠାରୁ ଦୀର୍ଘତମ ଫ୍ଲାଏଓଭର
  • ||

ଗୁଣିଆ ସନ୍ଦେହରେ ହତ୍ୟା ମାମଲାର ଐତିହାସିକ ରାୟ, ୧୪ ଜଣଙ୍କୁ ଆଜୀବନ ଜେଲ୍‌

ରାୟଗଡ଼ା,୨୪ା୧(ଆପ୍ର): ଗୁଣିଆ ସନ୍ଦେହରେ ହତ୍ୟା ମାମଲାର ଶୁଣାଣି କରି ଅତିରିକ୍ତ ଜିଲ୍ଲା ଓ ଦୌରାଜଜ୍‌ ଦେବଦତ୍ତ ଦାସମହାପାତ୍ର ଏକ ଐତିହାସିକ ରାୟ ଶୁଣାଇଛନ୍ତି । ମାମଲାରେ ୧୪ ଜଣଙ୍କୁ ଦେଇଛନ୍ତି ଆଜୀବନ କାରାଦଣ୍ଡାଦେଶ । ଏଥିସହ ୨୫ ହଜାର ଟଙ୍କା ଲେଖାଏଁ ଜରିମାନା ଆଦାୟ ଲାଗି ନିର୍ଦ୍ଦେଶ ଦିଆଯାଇଛି । ଆସାମୀମାନଙ୍କଠାରୁ ଯେଉଁ ଜରିମାନା ଆଦାୟ ହେବ, ସେଥିରୁ ୨ ଲକ୍ଷ ୫୦ ହଜାର ଟଙ୍କା କ୍ଷତିପୂରଣ ବାବଦରେ ଡେକିନାଙ୍କ ସ୍ତ୍ରୀ ଅନ୍ଦୁରୀଙ୍କୁ ପ୍ରଦାନ କରାଯିବ ବୋଲି କୋର୍ଟ ତାଙ୍କ ରାୟରେ ସ୍ପଷ୍ଟ କରିଛନ୍ତି । ଦଣ୍ଡାଦେଶ ପାଇଥିବା ଆସାମୀମାନେ ହେଲେ ରାୟଗଡ଼ା ବ୍ଲକ ଚାଞ୍ଚଡ଼ାଦୃଗମ ଗାଁର ବୁଲୁକା ତାଡ଼ିଙ୍ଗି, ଦଣ୍ଡାସ ତାଡ଼ିଙ୍ଗି, ନାର୍ସେୟା ତାଡ଼ିଙ୍ଗି, କିଶା ତାଡ଼ିଙ୍ଗି, ଯୋଗୀ ତାଡ଼ିଙ୍ଗି, ମୋହନ ତାଡ଼ିଙ୍ଗି, ସୁକୃ ତାଡ଼ିଙ୍ଗି, ମନୋଜ ତାଡ଼ିଙ୍ଗି, ପ୍ରହଲ୍ଲାଦ ତାଡ଼ିଙ୍ଗି, ଗୁମ୍ପା ତାଡ଼ିଙ୍ଗି, ଶଙ୍କର ତାଡ଼ିଙ୍ଗି, ନାଇଡ଼ା ତାଡ଼ିଙ୍ଗି, ଆନନ୍ଦ ତାଡ଼ିଙ୍ଗି ଓ କିଟା ତାଡ଼ିଙ୍ଗି ।
ମାମଲାରୁ ପ୍ରକାଶ, ୨୦୧୭ ନଭେମ୍ବର ୧୮ ତାରିଖ ରାତିରେ ଚାଞ୍ଚଡ଼ାଦୃଗମ ଗାଁର ଡେକିନା ତାଡିଙ୍ଗିଙ୍କୁ ଗୁଣିଆ ସନ୍ଦେହରେ ହତ୍ୟା କରାଯାଇଥିଲା । ଡେକିନା ଓ ତାଙ୍କ ସ୍ତ୍ରୀ ଅନ୍ଦୁରୀ ମିଳିତ ଭାବେ ସେହିଦିନ ରାତିରେ ଗାଁ ନିକଟ ନିଜ ଜମିରେ ଥିବା କୁଡ଼ିଆକୁ ଯାଉଥିଲେ । ସେହି ସମୟରେ ଉପରୋକ୍ତ ୧୪ ଜଣ ସେମାନଙ୍କୁ ଅଟକାଇଥିଲେ । ଗୁଣି କାମ କରୁଥିବା ସଂପର୍କରେ ପଚାରିଥିଲେ । ପରେ ଠେଙ୍ଗାବାଡ଼ି ଓ ଅନ୍ୟାନ୍ୟ ମାରଣାସ୍ତ୍ରରେ ଡେକିନାଙ୍କୁ ଆକ୍ରମଣ କରିଥିଲେ । ଆକ୍ରମଣ ପରେ ଭୟଭୀତ କରାଇ ଅନ୍ଦୁରୀଙ୍କୁ ସେଠାରୁ ତଡ଼ି ଦେଇଥିଲେ ଏବଂ ଡେକିନାଙ୍କୁ ସଂଘବଦ୍ଧ ହତ୍ୟା କରିଥିଲେ । ଡେକିନାଙ୍କ ମୃତ୍ୟୁ ପରେ ଗାଁ ନିକଟ ଶ୍ମଶାନରେ ମିଳିତ ଭାବେ ଶବ ପୋଡ଼ି ଦେଇଥିଲେ । ଏ ସଂପର୍କରେ ସେହି ମାସ ୧୯ ତାରିଖରେ ଡେକିନାଙ୍କ ଭାଇ ପ୍ରଶାନ୍ତ ତାଡ଼ିଙ୍ଗି ଶେଷଖାଲ ଥାନାରେ ଲିଖିତ ଅଭିଯୋଗ କରିଥିଲେ । ଅଭିଯୋଗ ପାଇବା ପରେ ପୁଲିସ ମାମଲା ରୁଜୁ କରିଥିଲା । ଉପରୋକ୍ତ ୧୪ ଜଣଙ୍କୁ ଗିରଫ କରି କୋର୍ଟଚାଲାଣ କରିଥିଲା ।