ଟିକେଟ ନ ମିଳିବାରୁ ଅଫିସରୁ ଚୌକି ନେଇଗଲେ କଂଗ୍ରେସ ବିଧାୟକ

ମୁମ୍ବାଇ,୨୭ ।୩ (ଏଜେନ୍ସି): ଲୋକସଭା ନିର୍ବାଚନ ପାଇଁ ଟିକେଟ ନମିଳିବାରୁ ଏଥିରେ କ୍ଷୁବ୍ଧ ହୋଇ ଜଣେ କଂଗ୍ରେସ ବିଧାୟକ ଦଳୀୟ କାର୍ଯ୍ୟାଳୟରୁ ପ୍ରାୟ ୩୦୦ ଚୌକି ବୋହି ନେଇଛନ୍ତି । ସେ ହେଉଛନ୍ତି ମହାରାଷ୍ଟ୍ରର ଔରଙ୍ଗାବାଦ ଜିଲ୍ଲା ସିଲୋଦ ନିର୍ବାଚନମଣ୍ଡଳୀର ବିଧାୟକ ଅବଦୁଲ ସତ୍ତାର । ଏଥିସହିତ ସେ ମଧ୍ୟ ଦଳରୁ ଇସ୍ତଫା ଦେଇଛନ୍ତି । ମହାରାଷ୍ଟ୍ରରେ କଂଗ୍ରେସ ଓ ଏନ୍‌ସିପି ମଧ୍ୟରେ ଆସନ ବୁଝାମଣା ହୋଇଛି । ଔରଙ୍ଗାବାଦ ଲୋକସଭା ଆସନରୁ ପ୍ରାର୍ଥୀ ହେବାକୁ ସତ୍ତାର ଦୃଢ଼ ଦାବିଦାର ଥିଲେ । ମାତ୍ର ଦଳ ବଧିାନ ପରଷିଦ ସଦସ୍ୟ ସୁଭାଷ ଝାମ୍ବଦଙ୍କୁ ଟେିକଟ ଦେଇଥିଲା । ଏଥିରେ ସତ୍ତାର କ୍ଷୁବ୍ଧ ହୋଇଥିଲେ ।

ଆଜି ସ୍ଥାନୀୟ ଶାହାଗଞ୍ଜ ଅଞ୍ଚଳରେ ଥିବା କଂଗ୍ରେସ କାର୍ଯ୍ୟାଳୟରେ ଦଳର ଏକ ନିର୍ବାଚନ ବୈଠକ ହେବାର ଥିଲା । ତେବେ ଖବର ପାଇ ସତ୍ତାର କାର୍ଯ୍ୟାଳୟରେ ପହଞ୍ଚି ଥିଲେ ଏବଂ ବୈଠକ ଆରମ୍ଭ ପୂର୍ବରୁ ସେଠାରେ ଥିବା ସମସ୍ତ ୩୦୦ ଚୌକି ନେଇଯାଇଥିଲେ । ଏହା ଉପରେ ପ୍ରତିକ୍ରିୟା ଦେଇ ସତ୍ତାର କହିଛନ୍ତି ଏହି ଚୌକି ତାଙ୍କର । ସେ ଦଳ ଛାଡିଥିବାରୁ ଚୌକଗିୁଡକିୁ ନେଇଯାଇଛନ୍ତି । ଯାହାକୁ ପ୍ରାର୍ଥୀ କରାଯାଇଛି ସେ ଚୌକି ଆଣନ୍ତୁ । ଅନ୍ୟପକ୍ଷରେ ଝାମ୍ବଦ କହିଛନ୍ତି ସତ୍ତାରଙ୍କୁ ଚୌକି ଦରକାର ଥିଲା । ସେ ନେଇଗଲେ । ଦଳ ସହ ତାଙ୍କର କୌଣସି ମତାନ୍ତର ନାହିଁ । ସେ କଂଗ୍ରେସରେ ଅଛନ୍ତି । ତାଙ୍କର ଇସ୍ତଫାପତ୍ର ଗ୍ରହଣ କରାଯାଇନାହିଁ ।

   ସମ୍ବନ୍ଧିତ ଖବର


୩୦ ବିସ୍ଥାପିତ ପାକ୍‌ ନାଗରିକଙ୍କୁ ଅନ୍‌ଲାଇନ୍‌ରେ ଭାରତର ନାଗରିକତା ପ୍ରଦାନ କଲେ ରାଜସ୍ଥାନ ସରକାର

ଅଷ୍ଟ୍ରେଲିଆରେ ଆଦାନୀଙ୍କୁ ବିରୋଧ, ସିଡନୀ ଓ୍ବାନଣ୍ଡେରେ ଧଷେଇ ପଶି ଆସିଲେ ପଡ଼ିଆକୁ ଆନ୍ଦୋଳନକାରୀ , କ୍ୟାମେରାକୁ ଦେଖାଇଲେ ପ୍ଲାକାର୍ଡ

ସୁଶୀଲ ମୋଦୀଙ୍କୁ ରାଜ୍ୟସଭା ଟିକେଟ୍: ପାଶଓ୍ବାନଙ୍କ ସ୍ଥାନରେ ହେଲେ ବିଜେପି ପ୍ରାର୍ଥୀ, ପୂର୍ବତନ ଉପମୁଖ୍ୟମନ୍ତ୍ରୀ କେନ୍ଦ୍ରରେ ହୋଇ ପାରନ୍ତି ମନ୍ତ୍ରୀ

ସାବରିମାଲାରେ କରୋନା ଆତଙ୍କ – ୨୭ କର୍ମଚାରୀଙ୍କ ସହ ୩୯ଲୋକ ସଂକ୍ରମିତ

କରୋନାରେ ଆର୍ଥିକ ପ୍ରଭାବ ପାଇଁ କିମ୍‌ ଜୋଙ୍ଗ୍‌ଙ୍କ ବଢ଼ିଲା କ୍ରୋଧ – ଲୋକଙ୍କୁ ଫାଶୀ ଖୁଣ୍ଟରେ ଝୁଲାଇଲେ, ମାଛ ମାରିବାରେ ଲଗେଇଲେ ରୋକ୍‌

ଅଷ୍ଟ୍ରିଆର ଏକ ଗାଁର ନାଁ ବଦଳାଇବା ପାଇଁ ଭୋଟିଂ, କାରଣ ହେଉଛି…