ଚେତୁ ନାହାଁନ୍ତି ଅମାନିଆ ଅଟୋ ଚାଳକ: ରାସ୍ତା ମଝିରେ ଗାଡ଼ି ରଖି ଖୋଜୁଛନ୍ତି ଗ୍ରାହକ

ଉତ୍ତର ଭୁବନେଶ୍ୱର, ୧୩ା୨(ଆପ୍ର): ରାସ୍ତାରେ ନିୟନ୍ତ୍ରିତ ଓ ନିରାପଦ ଯାତାୟତ ନିମନ୍ତେ ଟ୍ରାଫିକ ବିଭାଗ ଦ୍ୱାରା ବିଭିନ୍ନ ସମୟରେ ଅନେକ ସଂସ୍କାର ଆଣିବା ସହ ବହୁ ପଦକ୍ଷେପ ବି ନିଆ ଯାଇଛି । ଫଳ ସ୍ୱରୂପ କିଛି ଦିନ ପୂର୍ବେ କମିସେନରଟ ପୁଲିସର ଟ୍ରାଫିକ ବିଭାଗ ଅଟୋ ଚାଳକଙ୍କ ନିମନ୍ତେ ରହଣିସ୍ଥଳ ନିର୍ଦ୍ଧାରଣ କରିବା ସହ ସବୁ ସ୍ଥାନରୁ ଯାତ୍ରୀ ଉଠାଇବା ଉପରେ ରୋକ ଲଗାଇଥିଲେ । ପରବର୍ତ୍ତୀ ସମୟରେ ଉକ୍ତ ଅଟୋ ଚାଳକ ମାନଙ୍କୁ ଏ ବାବଦରେ ତାଲିମ ବି ଦିଆ ଯାଇଥିଲା । କିନ୍ତୁ ଅନୁଶାସନ ଓ ଦଣ୍ଡବିଧି କୋହଳ ହେବା କାରଣରୁ କିଛି ଦିନ ଅନୁଶାସନକୁ ମାନି ଏବେ ସମସ୍ତେ ଏକ ପ୍ରକାର ଭୁଲି ଯିବା ସ୍ଥିତିରେ । ଫଳ ସ୍ୱରୂପ ପୂର୍ବ ଭଳି ଏବେ ମଧ୍ୟ ସହରର ସମସ୍ତ ବ୍ୟସ୍ତ ବହୁଳ ଛକ ଗୁଡ଼ିକର ମଝି ରାସ୍ତାରେ ଲମ୍ବା ସମୟ ଧରି ଅଟୋ ସବୁ ଠିଆ କରି ପାସିର ଖୋଜିବା କାରଣରୁ ଅଯଥା ଛକ ଗୁଡ଼ିକରେ ଜାମ ପରିଲକ୍ଷିତ ହେଉଛି । ସେହିପରି ଏବେବି ବାଟରେ ଯାତ୍ରୀ ଦେଖିବା କ୍ଷଣି ଅଟୋ ଚାଳକ ମାନେ ଆଗ ପଛ କିଛି ନ ଦେଖି ସିଧାସଳଖ ଲୋକ ଉଠାଇବା କାରଣରୁ ଅନ୍ୟ ଯାନ ବାହନ ଗୁଡ଼ିକ ନାନାଦି ବିପଦର ସାମନା କରୁଛନ୍ତି । ତେଣୁ ଏବେ ପୁଣି ଏହି ନିୟମକୁ କଡ଼ାକଡ଼ି ଭାବେ ଲାଗୁ କରାଇବାକୁ ସାଧାରଣରେ ଚର୍ଚ୍ଚା ହେଉଛି ।

   ସମ୍ବନ୍ଧିତ ଖବର


ମଦ କାଉଣ୍ଟର ଖାଲି ଗ୍ରାହକ ବୁଝିପାରୁ ନାହାନ୍ତି ‘ଇ-ଟୋକନ୍‌’ କେମିତି ହେବ

ଭୁବନେଶ୍ବରରେ ଆଉ ୧୩ କରୋନା ପଜିଟିଭ ଚିହ୍ନଟ, ୫ ଜଣ ସ୍ଥାନୀୟ ସଂକ୍ରମିତ

ସାଙ୍ଘାତିକ ଷଡଯନ୍ତ୍ର: ଉତ୍କଳର ନଖ, ମ୍ୟୁଜିୟମର ନାକ କାଟିବେ…

ରାଜ୍ୟରେ ଆଉ ୨୨୯ କରୋନା ପଜିଟିଭ୍‌ ଚିହ୍ନଟ୍: ଆକ୍ରାନ୍ତଙ୍କ ସଂଖ୍ୟା ସଢ଼େ ୭ ହଜାର ପାର୍

ରାଜଧାନୀରେ ଦୁଇ ଦିନରେ ୨୩ଜଣ କରୋନା ପଜିଟିଭ ଚିହ୍ନଟ: ବରିଷ୍ଠ ନେତାଙ୍କ ପରିବାରରୁ ୭ ସଂକ୍ରମିତ

ମନ୍ତ୍ରିମଣ୍ଡଳ ଅସ୍ତ୍ରୋପଚାର ହେବ ! ଖୁବ୍‌ଶୀଘ୍ର ଛାମୁଆ ସଂଗଠନ କର୍ମକର୍ତ୍ତା…