PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅଧିନାୟକ ପଦ ଛାଡ଼ିବେ ବିରାଟ କୋହଲି, ଟି-୨୦ ବିଶ୍ୱକପ୍‌ ପରେ କୋହଲି ଏହି ଫର୍ମାଟ୍‌ ଅଧିନାୟକ ପଦ ଛାଡ଼ିବା ନେଇ ସୋଶଲ ମିଡିଆରେ ସୂଚନା ଦେଲେ ବିରାଟ
  • ||
  • କଟକ: ଦଶହରା ମୂର୍ତ୍ତି ଉଚ୍ଚତା ବିବାଦ ମାମଲା, ବାଲୁ ବଜାର ପୂଜା କମିଟି ଆବେଦନର ଉପରେ ଶୁଣାଣି ଶେଷ, ଆସନ୍ତା କାଲି ରାୟ ପ୍ରକାଶ କରିବେ ହାଇକୋର୍ଟ
  • ||
  • ମାଲକାନଗିରି: ମାଓବାଦୀ କ୍ୟାମ୍ପ୍‌ରୁ ବିପୁଳ ପରିମାଣର ମାଓ ସାମଗ୍ରୀ ଠାବ କଲେ ସୁରକ୍ଷାକର୍ମୀ, ଶିବିର ଛାଡ଼ି ଛତ୍ରଭଙ୍ଗ ଦେଲେ ମାଓବାଦୀ
  • ||
  • ରାୟଗଡ଼ା: ଆଜି ସନ୍ଧ୍ୟାରେ ଉତ୍କଳ ଆଲୁମିନା କାରଖାନାର ସମ୍ପ୍ରସାରଣ ପ୍ରକଳ୍ପର ଉଦଘାଟନ କରିବେ ମୁଖ୍ୟମନ୍ତ୍ରୀ
  • ||
  • ଝାରସୁଗୁଡ଼ା: ହୀରାକୁଦ ଉପର ମୁଣ୍ଡରେ ବନ୍ୟା ସ୍ଥିତି, ସେମଲିଆ ରାସ୍ତା ଉପରେ ପ୍ରବାହିତ ହେଉଛି ୪ ଫୁଟ ଉଚ୍ଚର ପାଣି
  • ||
  • ବଲାଙ୍ଗୀର: ନିଶାଶକ୍ତ ୩ ଯୁବକଙ୍କ ଜଘନ୍ୟ କାଣ୍ଡ, ବନ୍ଧୁକ ମୁନରେ ଯୁବକଙ୍କ ମଳ ଦ୍ବାରରେ ଭର୍ତ୍ତି କଲେ ଷ୍ଟିଲ୍ ଗ୍ଲାସ
  • ||
  • ସମ୍ବଲପୁର: ହୀରାକୁଦର ଖୋଲିଲା ଆଉ ୪ ଗେଟ୍, ୨୮ ଗେଟ୍ ଦେଇ ଜଳ ନିଷ୍କାସନ ଜାରି
  • ||
  • ସୋର : ଫୁଲୁଛି କାଂଶ ବାଂଶ ନଦୀ, ରାସ୍ତାର ଉପରେ ୭ ରୁ ୮ ଫୁଟ୍ ପାଣି ପ୍ରବାହିତ
  • ||
  • ଭୁବନେଶ୍ୱର: ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୧୧୮କୁ ବୃଦ୍ଧି
  • ||
  • ଭୁବନେଶ୍ୱର: ରାଜ୍ୟରେ ଉପରମୁହାଁ ହେଲା କରୋନା ଗ୍ରାଫ୍, ୨୪ ଘଣ୍ଟା ମଧ୍ୟରେ ଆଉ ୫୮୦ ପଜିଟିଭ୍ ଚିହ୍ନଟ
  • ||
  • ବରଗଡ଼ : ପୁରୀରୁ ତୀର୍ଥ ସାରି ଫେରିବା ବାଟରେ ଅଘଟଣ, ଭାରସାମ୍ୟ ହରାଇ ଓଲଟିଲା ବୋଲେରୋ, ୫ ଗୁରୁତର
  • ||
  • ବରଗଡ଼ : ୧୩ ଜିଲ୍ଲାରେ ଆତଙ୍କ ଖେଳାଇଥିବା ୨ ଅନ୍ତଃରାଜ୍ୟ ଏଟିଏମ୍ ଲୁଟେରା ଗିରଫ, ଅନ୍ୟ ୨ ଫେରାର
  • ||
  • ଭୁବନେଶ୍ୱର: ଡ଼େଲିଭରୀ ବୟ ଅପହରଣ ଘଟଣା, ମଧ୍ୟପ୍ରଦେଶରୁ ଯୁବକ ଓ ଯୁବତୀଙ୍କୁ ଭୁବନେଶ୍ୱରକୁ ଆଣିଲା କମିଶନରେଟ୍ ପୋଲିସ ସ୍ବତନ୍ତ୍ର ଟିମ୍
  • ||
  • ଭୁବନେଶ୍ୱର: ଆସୁଛି ଆଉ ଏକ ଲଘୁଚାପ, ୧୮ରୁ ପୁଣି ଢ଼ାଳିବ ବର୍ଷା
  • ||
  • ଭୁବନେଶ୍ୱର: କରାଳ ରୂପ ଧରିଛି ମହାନଦୀ, ମାଡ଼ି ଆସୁଛି ବନ୍ୟା: ହୀରାକୁଦରେ ଖୋଲିବ ଆଉ ୪ଟି ଗେଟ୍, ନରାଜରେ ଜଳସ୍ତର ସତର୍କ ସଙ୍କେତ ଟପିଲା
  • ||

ଦେଶରେ ଗତ ୨୫ ବର୍ଷରେ ହାରାହାରି ଆୟୁଷ ୮.୪ ବର୍ଷ ବଢିଛି, ବିହାରରେ ପୁରୁଷଙ୍କ ତୁଳନାରେ କମ୍ ସମୟ ବଞ୍ଚନ୍ତି ମହିଳା

ନୂଆଦିଲ୍ଲୀ,୩୧।୩: ଭାରତରେ ଲୋକଙ୍କ ହାରାହାରି ଜୀବନ କାଳ  ଗତ ୨୫ ବର୍ଷ ମଧ୍ୟରେ ୮.୪ ବର୍ଷ ବୃଦ୍ଧି ପାଇଛି। ୧୯୯୧ରେ ଲୋକଙ୍କ ହାରାହାରି ଜୀବନ କାଳ ୬୦.୩ ଥିଲା, ଯାହାକି   ବୃଦ୍ଧି ପାଇ ୨୦୧୬ରେ ୬୮.୭ ବର୍ଷରେ ପହଞ୍ଚିଛି। ସବୁଠାରୁ ଖାସ୍ କଥା ହେଉଛି  ପୁରୁଷଙ୍କ ତୁଳନାରେ ମହିଳାଙ୍କ ହାରାହାରି ଜୀବନ କାଳରେ ଅଧିକ ସୁଧାର ଆସିଛି।

୧୯୯୩ରୁ ୧୯୯୭ ମଧ୍ୟରେ ପୁରୁଷଙ୍କ ହାରାହାରି ଜୀବନ କାଳ ୬୦.୪ ବର୍ଷ ଥିଲାବେଳେ ମହିଳାଙ୍କ ହାରାହାରି ଜୀବନ କାଳ ୬୧.୮ ବର୍ଷ ଥିଲା। ୨୦୧୨ରୁ ୨୦୧୬ ମଧ୍ୟରେ ପୁରୁଷଙ୍କ ହାରାହାରି ଜୀବନ କାଳ ବୃଦ୍ଧି ପାଇ ୬୭.୪ ବର୍ଷ ଓ ମହିଳାଙ୍କ ହାରାହାରି ଜୀବନ କାଳ ବୃଦ୍ଧି ପାଇ ୭୦.୨ ବର୍ଷ ରହିଛି। ଅର୍ଥାତ ପୁରୁଷଙ୍କ ହାହାହାରି ଜୀବନ କାଳରେ ୭ ବର୍ଷ ବୃଦ୍ଧି ଘଟିଥିବାବେଳେ ମହିଳାଙ୍କ ହାରାହାରି ଜୀବନ କାଳରେ ୮.୪ ବର୍ଷ ବୃଦ୍ଧି ଘଟିଛି। ଦେଶର ଏକ ମାତ୍ର ରାଜ୍ୟ ଭାବେ ବିହାରରେ ମହିଳାଙ୍କ ହାରାହାରି ଜୀବନ କାଳ ପୁରୁଷଙ୍କ ହାରାହାରି ଜୀବନ କାଳଠାରୁ କମ୍ ରହିଛି। ବିହାରରେ ପୁରୁଷଙ୍କ ହାରାହାରି ଜୀବନ କାଳ ୬୮.୯ ବର୍ଷ ଓ ମହିଳାଙ୍କ ହାରାହାରି ଜୀବନ କାଳ ୬୮.୫ ବର୍ଷ ରହିଛି।

ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ) ଦ୍ୱାରା ପ୍ରକାଶିତ ‘ହ୍ୟାଣ୍ଡବୁକ୍‍ ଷ୍ଟାଟିଟିକ୍ସ-୨୦୧୯’ ଅନୁସାରେ ଏହି କଥା ଜଣାପଡିଛି। ରାଜ୍ୟ ହିସାବରେ ଦେଖିବାକୁ ଗଲେ ଛତିଶଗଡ଼ରେ ପୁରୁଷଙ୍କ ଆୟୁଷ ସବୁଠାରୁ କମ ରହିଛି। ଛତିଶଗଡ଼ରେ ପୁରୁଷଙ୍କ ହାରାହାରି ଜୀବନ କାଳ ୬୩.୬ ବର୍ଷ ରହିଛି। ମଧ୍ୟପ୍ରଦେଶ ଓ ଛତିଶଗଡରେ ପୁରୁଷଙ୍କ ଜୀବନକାଳ ଅନ୍ୟ ରାଜ୍ୟ ତୁଳନାରେ କମ୍ ରହିଛି।

୧୯୯୧ରେ ଏଠାରେ(ସେତେବେଳେ ମଧ୍ୟ ପ୍ରଦେଶ ଏବଂ ଛତିଶଗଡ ଏକାଠି ଥିଲେ) ପୁରୁଷଙ୍କ ହାରାହାରି ଆୟୁଷ ଦେଶରେ ସବୁଠାରୁ କମ୍ ଥିଲା। ସେତେବେଳେ ସେଠାରେ ମହିଳାଙ୍କ ହାରାହାରି ଆୟୁଷ ପୁରୁଷଙ୍କ ତୁଳନାରେ କମ ୫୫.୨ ବର୍ଷ ଥିଲା। ଏବେ ମହିଳାଙ୍କର ସବୁଠାରୁ କମ୍ ହାରାହାରି ଆୟୁଷ ଉତ୍ତର ପ୍ରଦେଶରେ(୬୫.୬ବର୍ଷ) ରହିଛି। ପୁରୁଷଙ୍କ ହାରାହାରି ଆୟୁଷ ମାମଲାରେ ମାମଲାରେ ଦିଲ୍ଳୀ ସବୁଠାରୁ ଆଗରେ ରହିଛି। ଏଠାରେ ଏହା (୭୨.୭ବର୍ଷ) ରହିଛି। ସେଭଳି ମହିଳାଙ୍କର ଆୟୁଷ (୭୨.୭) ରହିଛି। ମହିଳାଙ୍କ ସର୍ବାଧିକ ହାରାହାରି ଆୟୁଷ କେରଳରେ (୭୭.୯) ରହିଛି।

କେରଳରେ ପୁରୁଷ ଓ ମହିଳାଙ୍କ ହାରାହାରି ଜୀବନ କାଳ ଯଥାକ୍ରମେ ୭୨.୨ ବର୍ଷ ଏବଂ ୭୭.୯ ବର୍ଷ, ଜାମ୍ମୁ କାଶ୍ମୀରରେ ଯଥାକ୍ରମେ ୭୧.୬ ବର୍ଷ ଏବଂ ୭୬.୨ ବର୍ଷ ରହିଛି। ଛତିଶଗଡ଼, ମଧ୍ୟପ୍ରଦେଶ ଏବଂ ଉତ୍ତରପ୍ରଦେଶରେ ପୁରୁଷଙ୍କ ହାରାହାରି ଜୀବନ କାଳ ୬୩.୬ ବର୍ଷ ଓ ୬୩.୭ ବର୍ଷ ଏବଂ ୬୩.୯ ବର୍ଷ ରହିଥିବାବେଳେ ମହିଳାଙ୍କ ହାରାହାରି ଜୀବନ କାଳ ୬୬.୮ ବର୍ଷ, ୬୭.୨ ବର୍ଷ ଏବଂ ୬୫.୬ ବର୍ଷ ରହିଛି।