PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର: ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୧୩୫କୁ ବୃଦ୍ଧି
  • ||
  • ଗଞ୍ଜାମ: କୋଦଳା ଖଦାଳ ସାହିରେ ଗୋଷ୍ଠୀ ସଂଘର୍ଷ, ଜଣେ ମୃତ
  • ||
  • ଭୁବନେଶ୍ୱର: ରାଜ୍ୟରେ ଉପର ତଳ ହେଉଛି କରୋନା ଗ୍ରାଫ୍, ୨୪ ଘଣ୍ଟା ମଧ୍ୟରେ ଆଉ ୬୬୩ ଜଣ ପଜିଟିଭ୍ ଚିହ୍ନଟ
  • ||
  • ଭୁବନେଶ୍ୱର: ୨୦ରୁ ଯୁକ୍ତ ୩ ଦ୍ୱିତୀୟ ବର୍ଷ କ୍ଲାସ୍‌ ରୁମ୍‌ ପଢ଼ା, ଆଜିଠୁ ଖୋଲିବ ହଷ୍ଟେଲ
  • ||
  • ଭୁବନେଶ୍ୱର: BBI ଓ OOPRE ବାରକୁ ସିଲ୍ କଲା ବିଏମ୍‌ସି, ମ୍ୟାନେଜରଙ୍କ ସହ ୪ ଜଣ ଅଟକ
  • ||
  • ଭୁବନେଶ୍ୱର: ରାଷ୍ଟ୍ରୀୟ ମର୍ଯ୍ୟାଦା ସହକାରେ ହେବ ମନୋରମା ମହାପାତ୍ରଙ୍କ ଶେଷକୃତ୍ୟ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କଲେ ଘୋଷଣା
  • ||

କରୋନାର ଚିକିତ୍ସାରେ ପ୍ରଭାବହୀନ azithromycin, ଘାତକ ସାଇଡ ଇଫେକ୍ଟ ହେଉଥିବା ନେଇ ବିଶେଷଜ୍ଞଙ୍କ ସୂଚନା

https://www.dnaindia.com

ନୂଆଦିଲ୍ଲୀ,୨୪।୩: ଆଜିଥ୍ରୋମାଇସିନ୍ (azithromycin) ଔଷଧକୁ କରୋନାରୁ ସୁସ୍ଥ ହେବା ପାଇଁ ଗତ ବର୍ଷ ଖୁବ୍ ବ୍ୟବହାର କରାଯାଉଥିଲା। ତେବେ କରୋନା ରୋଗୀଙ୍କୁ ଦିଆଯାଉଥିବା ଏହି ଆଣ୍ଟିବାୟୋଟିକ୍ ଔଷଧ ଏବେ ରୋଗୀଙ୍କ ପାଇଁ ପ୍ରାଣଘାତୀ ସାଜିଛି। ଏକ ଷ୍ଟଡିରୁ ଜଣାପଡିଛି ଏହି ଔଷଧ ରୋଗୀଙ୍କ ଚିକିତ୍ସା ବଦଳରେ ପ୍ଲେସେବୋ ବା ଗୋଟିଏ ନିଷ୍କ୍ରିୟ ଚିକିତ୍ସା ଭାବରେ କାମ କରିଥାଏ। ଔଷଧ, ଟିକା କିମ୍ବା ଅନ୍ୟ କୌଣସି ପଦ୍ଧତି ଦ୍ୱାରା କରାଯାଇଥିବା ନକଲି ଚିକିତ୍ସାକୁ ପ୍ଲେସେବୋ କୁହାଯାଏ। ପ୍ଲେସବୋରେ କୌଣସି ସକ୍ରିୟ ପଦାର୍ଥ ନଥାଏ ଯାହା ସ୍ୱାସ୍ଥ୍ୟ ଉପରେ ସିଧାସଳଖ ପ୍ରଭାବ ପକାଇବ।

Azithromycin ଏକ ବ୍ୟାପକ ସ୍ପେକ୍ଟ୍ରମ ଆଣ୍ଟିବାୟୋଟିକ୍ ଅଟୋ, ଯାହାକି ବ୍ୟାପକ ରୂପରେ ଉପଲବ୍ଧ ଅଟେ। ଏହା ବହୁ ପ୍ରକାର ବ୍ୟାକ୍ଟେରିଆଲ ଇମ୍ପେକସନ୍ ପାଇଁ ଦିଆଯାଇଥାଏ। ଆରମ୍ଭରୁ ଏହି ଔଷଧର ବ୍ୟବହାର କରୋନାର ଚିକିତ୍ସାରେ କରାଯାଉଥିଲା। ଭାରତରେ ଏହାର ବହୁଳ ବ୍ୟବହାର କରାଯାଉଥିଲା। ବିଶେଷଜ୍ଞଙ୍କ ମତରେ ଗତ ବର୍ଷ ତୁଳନାରେ ଏହି ଔଷଧର ବ୍ୟବହାର ଖୁବ୍ କମ୍ ହୋଇଛି। ଏହାକୁ ନ୍ୟାସନାଲ ଷ୍ଟେଟ୍ ଗାଇଡଲାଇଫ୍ ଫର ଟ୍ରୀଟମେଣ୍ଟ ଅଫ୍ କୋଭିଡ୍-୧୯ ରୁ ବାହାର କରାଯାଇଥିଲା।

ଏହି ଷ୍ଟଡି ଗତ ସପ୍ତାହରେ ‘ଜର୍ନାଲ ଅଫ୍ ଦ ଆମେରିକାନ୍ ଆସୋସିଏସନ୍’ରେ ପ୍ରକାଶିତ ହୋଇଥିଲା। ଏହି ଷ୍ଟଡିରେ ୟୁନିଭର୍ସିଟି ଅଫ୍ କାଲିଫର୍ନିଆ, ସାନ୍ ଫ୍ରାନସିସ୍କୋ ଓ ଷ୍ଟାନଫୋର୍ଡ ୟୁନିଭର୍ସିଟିର ଗବେଷକମାନେ ୨୬୩ ଭଲ୍ୟୁଣ୍ଟରଙ୍କୁ ସାମିଲ କରିଥିଲେ। ଏଥିରେ ୧୭୧ ଜଣ ଭଲ୍ୟୁଣ୍ଟର୍ସଙ୍କୁ Azithromycinର ସିଙ୍ଗିଲ ଓରାଲ ଡୋଜ୍ ଦିଆଯାଇଥିଲା, ସେଭଳି ଅନ୍ୟ ୯୨ ଜଣଙ୍କୁ ମ୍ୟାଚିଂ ପ୍ଲେସେବୋ ମିଳିଥିଲା। Azithromycin ବନାମ ମ୍ୟାଚିଂ ପ୍ଲେସେବୋର ଏହି କ୍ଲିନିକାଲ ଟ୍ରାଏଲ ମଇ ୨୦୨୦ରୁ  ନେଇ ମାର୍ଚ୍ଚ ୨୦୨୧ ପର୍ଯ୍ୟନ୍ତ ଚାଲିଥିଲା।

ଅଧ୍ୟୟନ ଲେଖକ କ୍ୟାଥରିନ୍ ଓଲଡେନବର୍ଗଙ୍କ ଅନୁଯାୟୀ, ପ୍ଲେସେବୋ ଅପେକ୍ଷା ଆଜିଥ୍ରୋମାଇସିନ୍ ର ସିଙ୍ଗିଲ ଡୋଜ୍ ସହିତ ୧୪ ଦିନରେ ଲକ୍ଷଣରୁ ମୁକ୍ତି ହେବାର ଅଧିକ ସମ୍ଭାବନା ନାହିଁ । ବିଶେଷଜ୍ଞ କହିବା ଅନୁସାରେ, ଅଧ୍ୟୟନ ତଥ୍ୟରୁ ଜଣାପଡିଛି ଯେ SARS-CoV2 ସଂକ୍ରମଣକୁ ମୁକାବିଲା କରିବା ପାଇଁ ଆଜିଥ୍ରୋମାଇସିନ୍ ବ୍ୟବହାରକୁ ସମର୍ଥନ କରେ ନାହିଁ। ଭାରତରେ Azithromycinର କରୋନା ଚିକିତ୍ସା ବେଳେ ବ୍ୟବହାର କରାଯାଉଥିଲା, କିନ୍ତୁ କାର୍ଡିଆକ୍ ଆରେଷ୍ଟ ଭଳି ସାଇଡ୍ ଇଫେକ୍ଟକୁ ଦେଖି ଏହି ଔଷଧର ବ୍ୟବହାରକୁ ବନ୍ଦ କରି ଦିଆଯାଇଥିଲା।

ସମ୍ବନ୍ଧିତ ଖବର