ନୋଏଡା ୧୧।୪: ଆଚାର୍ଯ୍ୟ ଅଶୋକାନନ୍ଦ ମହାରାଜକୁ ପୂର୍ବ ଦିଲ୍ଲୀର ସକରପୁର ଥାନା ପୁଲିସ ଠକେଇ ମାମଲାରେ ଗିରଫ କରିଛି। ଅଭିଯୋଗ ଏହା ହୋଇଛି କି, ଅଶୋକନନ୍ଦ ନିଜ ଭକ୍ତର ଟଙ୍କାକୁ ଦୁଇଗୁଣା କରିଦେବ କହି ସେମାନଙ୍କଠାରୁ ଟଙ୍କା ଲୁଟୁଥିଲା। ଏବେ ପୁଲିସ ଅଭିଯୁକ୍ତକୁ ଗିରଫ କରିଛି।

{"id":11763,"width":745,"height":559}

ପୁଲିସ କହିବାନୁସାରେ, ଏବେ ପର୍ଯ୍ୟନ୍ତ ଅଶୋକାନନ୍ଦ ବିରୁଧରେ ୧୫ଜଣ ଲୋକ ପାଖାପାଖି ୭୦ ଲକ୍ଷ ଟଙ୍କା ଠକେଇ ନେଇଛି ବୋଲି ଅଭିଯୋଗ ମାମଲା ରୁଜୁ କରିଛନ୍ତି। ଡିସିପି ଜସମିତ ସିଂହ କହିଛନ୍ତି, ଅଶୋକାନନ୍ଦ ମହାରାଜକୁ ନୋଏଡାର ବିସରଖ ଗାଁରୁ ଗିରଫ କରାଯାଇଛି। ଦୀର୍ଘ ଦିନ ଧରି ଏହି ବାବା ମହିଳାମାନଙ୍କୁ ନିଜ ଜାଲରେ ଫସାଉଥିଲା। ସେମାନଙ୍କ ଟଙ୍କାକୁ ନେଇ ବ୍ୟାଙ୍କରେ ଦେଲେ ଅଧିକ ଟଙ୍କା ମିଳିବ କହି ଏହି ବାବା ସେମାନଙ୍କୁ ଭଣ୍ଡାଉଥିଲା।

{"id":11764,"width":738,"height":596}

ପୁଲିସ କହିବାନୁସାରେ ଅଶୋକାନନ୍ଦ ଧାର୍ମିକ କାର୍ଯ୍ୟକ୍ରମର ଆୟୋଜନ କରୁଥିଲା। ଉକ୍ତ କାର୍ଯ୍ୟକ୍ରମ​ରେ ସାମିଲ ହେଉଥିବା ମହିଳାଙ୍କୁ ସେ ମୋହନ ଇଫ୍ରାମାର୍ଟ ପ୍ରାଇବେଟ୍ ଲିମିଟେଡ୍ କମ୍ପାନୀରେ ମାସିକ ନିବେଶ କରାଇବା ପାଇଁ ବୁଝାଉଥିଲା। ଯେତେବେଳେ ଲୋକେ ସେହି କମ୍ପାନୀରେ ନିବେଶ କରୁଥିଲେ ସେତେବେଳେ ତାଙ୍କୁ ଟଙ୍କା ଫେରସ୍ତ କରୁନଥିଲା। ଓଲଟା ଯେତେବେଳେ ଟଙ୍କା ଫେରସ୍ତର ସମୟ ଆସୁଥିଲା ଯେତେବେଳେ ଭକ୍ତଙ୍କୁ ଇନଭେଷ୍ଟ କରିବା ପାଇଁ ବୁଝାଉଥିଲା।

{"id":11766,"width":741,"height":541}

ଅଶୋକାନନ୍ଦ ମହାରାଜ ବିରୁଧରେ ୨୦୧୮ ନଭେମ୍ବରରେ ୧୪ଲକ୍ଷ ୩୦ହଜାର ଟଙ୍କା ଠକେଇ ଅଭିଯୋଗରେ ମାମଲା ରୁଜୁ ହୋଇଥିଲା। ଏହା ପରେ ବାବା ଫେରାର ହୋଇଯାଇଥିଲା। ପୁଲିସ ଲଗାତାର ଭାବେ ଖୋଜିଚାଲିଥିଲା ବାବାକୁ। ଶେଷରେ ମିଳିଥିବା ସୂଚନା ଅନୁଯାୟୀ ପୁଲିସ ଆଜି ବାବାକୁ ଗିରଫ କରିଛି।