ଭବାନୀପାଟଣା: ଗତକାଲି ଠାରୁ ଭବାନୀପାଟଣା ସହର ଭିତରକୁ ପଶିଆସିଥିବା ଜଙ୍ଗଲି ଭାଲୁ ଦିନ ବେଳା ୬ ଜଣ ଙ୍କୁ ଆକ୍ରମଣ କରି ଘାଇଲା କରିଥିବା ବେଳେ ଗତ କାଲି ରାତି ରେ ମହାବିର ପଡା ର ଶାନ୍ତନୁ ବେହେରା ଙ୍କ ହତା ଭିତ ରୁ ବନ କର୍ମଚାରୀ ଙ୍କୁ ଚକମା ଦେଇ ବାଡା ଡେଇ ଚମ୍ପଟ ମାରିଛି । ବାଡା ଡେଇବା ପରେ ଭାଲୁ ଦୁଇଜଣ ବନ କର୍ମଚାରୀ ଙ୍କୁ ମଧ୍ୟ ଆହାତ କରିଥିଲା । ଭାଲୁ ଦୟାନିଧି ଛକ, ମାଣିକେଶ୍ୱରୀ ହାଇସ୍କୁଲ ଛକ, ରାମନଗର ପଡା ଦେଇ ଅନ୍ଧାର ରାତିରେ କୁଶା ଡଙ୍ଗରୀ ପଟକୁ ଚାଲି ଯାଇଥିଲା । ଗତକାଲି ସକାଳୁ ସହରର ପୁରୁଣା ସିନେମା ହଲ ଛକ ନିକଟରେ ଡାକ୍ତର କରୁଣାବତାର ଦେଓଙ୍କ ଘର ହତା ମଧ୍ୟ ରେ ଭାଲୁ ପଶିଥିବା ଖବର ପାଇଁ ବନ ବିଭାଗ, ପୁଲିସ ଓ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ଭାଲୁକୁ କାବୁ କରିବାପାଇଁ ଉଦ୍ୟମ ଆରମ୍ଭ କରିଥିଲେ । ତେବେ ଭାଲୁଟି ଡାକ୍ତରଙ୍କ ହାତରୁ ବାଡ ଡେଇ ସହର ମଧ୍ୟରେ ପଶି ବିଭିନ୍ନ ସ୍ଥାନରେ ୬ଜଣଙ୍କୁ ଆକ୍ରମଣ କରି ଘାଇଲା କରିଥିଲା ।
ସୂଚନାଯୋଗ୍ୟ ଭାଲୁଟିଏ ଭବାନୀପାଟଣା ସହରକୁ ଅଚଳ କରିଦେଇଥିଲା! ଶୁକ୍ରବାର ପୂର୍ବାହ୍ନ ୧୦ଟାରୁ ମଧ୍ୟାହ୍ନ ୨ଟା ଯାଏ ଭାଲୁ ଏଭଳି ଉପଦ୍ରବ ସୃଷ୍ଟିକଲା ଯେ, ପ୍ରଶାସନକୁ ମାଇକ ଯୋଗେ ପ୍ରଚାରକରି କେହି ଘରୁ ନବାହାରିବା ପାଇଁ କୁହାଗଲା । ଭାଲୁ କିନ୍ତୁ ସହରସାରା ବୁଲିବୁଲି ଜଣକପରେ ଜଣକୁ ଆକ୍ରମଣ କରିଚାଲିଥିଲା । ଭାଲୁର ଅତର୍କିତ ଆକ୍ରମଣରେ ଜଣେ ମହିଳାଙ୍କ ସତେମ ୬ଜଣ ଆହତ ହୋଇଥିବା ବେଳେ ସେମାନଙ୍କ ମଧ୍ୟରୁ ୨ଜଣଙ୍କ ଅବସ୍ଥା ଗୁରୁତର ରହିଥିଲା ।
ଗୁଲିସ ପଣ୍ଡା ନାମକ ଜଣେ ବ୍ୟକ୍ତିଙ୍କ କପାଳ ଓ ମୁଣ୍ଡ ସମ୍ମୁଖ ଭାଗକୁ ବିଦିର୍ଣ୍ଣ କରିଦେଇଛି । ଭବାନୀପାଟଣାରେ ତାଙ୍କର ପ୍ରାଥମିକ ଉପଚାର ପରେ ସ୍ୱାସ୍ଥ୍ୟାବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ଭୁବନେଶ୍ୱର ପଠାଇ ଦିଆଯାଇଛି । ସେହିଭଳି ଜଗଦୀଶ ଦାଶ ନାମକ ଅନ୍ୟଜଣେ ବ୍ୟକ୍ତି ମଧ୍ୟ ଗୁରୁତର ଆହତ ହୋଇଛନ୍ତି ।