ଭୁବନେଶ୍ୱର ୧୮/୦୫: ରାଜଧାନୀ ଉପକଣ୍ଠ ବାଲିପାଟଣା ଥାନା ବାଲିପାଟଣା-ନିମାପଡ଼ା ରାସ୍ତାରେ ମର୍ମନ୍ତୁଦ ଦୁର୍ଘଟଣା। ଆଇତଳଙ୍ଗ ରାଜସ୍ୱ ନିରିକ୍ଷକଙ୍କ କାର୍ଯ୍ୟାଳୟ ନିକଟରେ ବିଦ୍ୟୁତ୍ ଖୁଣ୍ଟକୁ ଧକ୍କା ଦେଲା କାର । ଦୁର୍ଘଟଣା ଏତେ ଯୋରଦାର ଥିଲା ଯେ ବିଦ୍ୟୁତ୍ ଖୁଣ୍ଟଟି ଉପୁଡି ପଡ଼ିବା ସହ ପ୍ରାୟ ୨୦ ଫୁଟ ଦୂରରେ ପଡ଼ିଥିଲା । କାର ସମ୍ମୁଖ ଅଂଶ ଭାଙ୍ଗିରୁଜି ଯାଇଛି । ତେବେ କାରରେ କେତେ ଜଣ ଥିଲେ ତାର ସୂଚନା ମିଳିପାରିନାହିଁ ।
ସୂଚନା ମୁତାବିକ, କାର୍ ନମ୍ବର (ଓଡ଼ି୦୨ଏସି ୮୪୩୪) ନିମାପଡ଼ାରୁ ଭୁବନେଶ୍ଵର ଅଭିମୁଖେ ଯାଉ ଥିଲା । ଭାରସାମ୍ୟ ହରାଇ କାରଟି ଆଇତଳଙ୍ଗ ରାଜସ୍ୱ ନିରିକ୍ଷକଙ୍କ କାର୍ଯ୍ୟାଳୟ ନିକଟରେ ବିଦ୍ୟୁତ୍ ଖୁଣ୍ଟରେ ପିଟି ହୋଇଥିବା ଅନୁମାନ କରାଯାଉଛି ।ଏ ସମ୍ପକରେ ସ୍ଥାନୀୟ ପୋଲିସକୁ ସୂଚନା ଦିଆଯାଇଥିଲା ।ଘଟଣାସ୍ଥଳରେ ପୋଲିସ ପହଞ୍ଚି କାର୍କୁ ଜବତ କରିଥିବା ସୂଚନା ମିଳିଛି।