ନୂଆଦିଲ୍ଲୀ ୪/୩: ବ୍ୟାଙ୍କରେ ଯଦି କୌଣସି ଜରୁରୀ କାମ ପେଣ୍ଡିଂ ପଡିଛି ତେବେ ଫଟାଫଟ୍ ସାରିଦିଅନ୍ତୁ । କାରଣ ସରକାରୀ ବ୍ୟାଙ୍କମାନଙ୍କରେ ହରତାଳ ହେବାକୁ ଯାଉଛି । କାନାରା ବ୍ୟାଙ୍କ ନିଜ ଗ୍ରାହକଙ୍କୁ ଆଗରୁ ସତର୍କ କରିଦେଇଛି କି ତାଙ୍କ ବ୍ୟାଙ୍କ ସେବାରେ ପ୍ରସ୍ତାବିତ ହରତାଳ ଯୋଗୁଁ ପ୍ରଭାବ ପଡିପାରେ ।

କାନାରା ବ୍ୟାଙ୍କ କହିଛି କି ‘ଆମକୁ Indian Banks' Association (IBA) ତରଫରୁ ଏହି ସୂଚନା ଦିଆଯାଇଛି ଯେ United Forum of Bank Unions (UFBU) ବ୍ୟାଙ୍କିଂ ଇଣ୍ଡଷ୍ଟ୍ରୀରେ ୧୫ ମାର୍ଚ୍ଚ ଓ ୧୬ ମାର୍ଚ୍ଚରେ ହରତାଳ କରିବା ନେଇ ଘୋଷଣା କରିଛି ।‘ କାନାରା ବ୍ୟାଙ୍କ କହିଛି କି ସେ ପ୍ରସ୍ତାବିତ ହରତାଳ ଦିନ ମଧ୍ୟ ବ୍ୟାଙ୍କର ଶାଖା ଓ ଅଫିସରେ ସୂଚାରୁରୂପେ କାମ ଚଳାଇବା ପାଇଁ ସମସ୍ତ ପଦକ୍ଷେପ ଉଠାଇବ, ତଥାପି କାମ ଉପରେ ପ୍ରଭାବ ପଡିପାରେ ।

ବ୍ୟାଙ୍କ ୟୁନିୟନ୍ସ All India Bank Employees' Association (AIBEA), All India Bank Officers' Confederation (AIBOC), NCBE, AIBOA, BEFI, INBEF, IBOC, NOBW, NOBO ଓ AINBOF ୨ଟି ବ୍ୟାଙ୍କର ପ୍ରସ୍ତାବିତ ମିଶ୍ରଣ ବିରୁଦ୍ଧରେ ହରତାଳ ଘୋଷଣା କରିଛନ୍ତି ।

କହିରଖୁଛୁ ସରକାର ବଜେଟ୍ ୨୦୨୧ରେ ୨ ସରକାରୀ ବ୍ୟାଙ୍କ ଓ ଏକ ଇନସ୍ୟୁରାନ୍ସ କମ୍ପାନୀର ଘରୋଇକରଣର ନିଷ୍ପତି ନେଇଥିଲେ । ସରକାର ପୂର୍ବରୁ ମଧ୍ୟ ୪ ବର୍ଷ ଭିତରେ ୧୪ଟି ସରକାରୀ ବ୍ୟାଙ୍କର ମିଶ୍ରଣ  କରିସାରିଛନ୍ତି । ୨୦୧୯ରେ ସରକାର ଏଲଆଇସିରେ ଆଇଡିବିଆଇ ବ୍ୟାଙ୍କର ମେଜୋରିଟି ଭାଗ ବିକିଥିଲେ । ଏବେ ଦେଶରେ ୧୨ଟି ସରକାରୀ ବ୍ୟାଙ୍କ ଅଛି । ଏହା ପରେ ଏହି ସଂଖ୍ୟା ହ୍ରାସ ପାଇ ୧୦ ହୋଇଯିବ । ୨ଟି ବ୍ୟାଙ୍କର ଘରୋଇକରଣ ଆର୍ଥିକ ବର୍ଷ ୨୦୨୧-୨୨ରେ କରାଯିବ  ।

ଏହି ମାସରେ ଅନେକ ଦିନ ବ୍ୟାଙ୍କ ବନ୍ଦ ରହିବ । ୧୧ ମାର୍ଚ୍ଚରେ ମହାଶିବରାତ୍ରୀ ଯେଉଁଥିପାଇଁ ବ୍ୟାଙ୍କ ଛୁଟି ରହିବ । ୧୬ ମାର୍ଚ୍ଚ ପରେ ୨୧ ମାର୍ଚ୍ଚ ରବିବାର ଯୋଗୁଁ ଛୁଟି ରହିବ । ୨୨ ମାର୍ଚ୍ଚରେ ବିହାର ଦିବସ ପାଇଁ ବ୍ୟାଙ୍କ ବନ୍ଦ ରହିପାରେ । ୨୭ ମାର୍ଚ୍ଚରେ ଚତୁର୍ଥ ଶନିବାର ଓ ୨୮ ମାର୍ଚ୍ଚରେ ରବିବାର । ୨୯ ମାର୍ଚ୍ଚରେ ହୋଲି ଯୋଗୁଁ ବ୍ୟାଙ୍କ ବନ୍ଦ ରହିବ ।