PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କାହାକୁ ଆଧାର କାର୍ଡ ପଠାଇବା ପୂର୍ବରୁ ହୋଇଯାନ୍ତୁ ସାବଧାନ , ନୂଆ ଆଡଭାଇଜରୀ ଜାରି କଲେ ସରକାର , ହୋଟେଲ ଓ ସିନେମା ହଲ୍ ପରି ସଂସ୍ଥାକୁ ଆଧାର କପି ଦିଅନ୍ତୁ ନାହିଁ
  • ||
  • ୪ ରାଜ୍ୟସଭା ଆସନ ପାଇଁ ବିଜେଡିର ପ୍ରାର୍ଥୀ ଘୋଷଣା : ପୁଣି ରାଜ୍ୟସଭା ଯିବେ ସସ୍ମିତ ପାତ୍ର, ୩ ନୂଆ ମୁହଁଙ୍କୁ ସୁଯୋଗ
  • ||
  • ଭୁବନେଶ୍ଵର : କେରଳ ଛୁଇଁଲା ମୌସୁମୀ ବାୟୁ
  • ||
  • ନେପାଳରେ ଯାତ୍ରୀବାହୀ ବିମାନ ତାରା ଏୟାର ୯ NAET ର ମିଳୁନି ପତ୍ତା , ୪ ଭାରତୀୟଙ୍କ ସମେତ ୧୯ ଯାତ୍ରୀ ଥିବା ସୂଚନା
  • ||
  • ବ୍ରହ୍ମପୁର : ସନ୍ଧ୍ୟାବେଳେ ବେଳାଭୂମିରେ ବସିଥିବା ବେଳେ ମୁଣ୍ଡ ଉପରେ ପଡ଼ିଲା ଚଡ଼କ, ଛାତ୍ର ମୃତ ଛାତ୍ରୀ ଗୁରୁତର
  • ||
  • ବିଶ୍ୱର ସବୁଠୁ ବଡ଼ କ୍ରିକେଟ ଷ୍ଟାଡ଼ିୟମ୍‌ରେ ଖେଳା ଯିବ ଆଇପିଏଲ ୨୦୨୨ ଫାଇନାଲ
  • ||
  • ଆନନ୍ଦପୁର : ଝରକା ଗ୍ରୀଲ୍ ଭାଙ୍ଗି ଶିକ୍ଷକଙ୍କ ଘରେ କଳାକନା ବୁଲାଇଦେଲେ ଦୁର୍ବୃତ୍ତ, ୧୫ ଭରି ସୁନାଅଳଙ୍କାର ସହ ନଗଦ ୫୨ ହଜାର ଟଙ୍କା ଲୁଟ୍
  • ||
  • ସୋର : ଗୋରୁ ବୋଝେଇ କଣ୍ଟେନର ଜବତ, ୪୦ ରୁ ଉର୍ଦ୍ଧ୍ଵ ଗୋରୁ ଉଦ୍ଧାର, ୧୧ ଗିରଫ
  • ||
  • ସମାନ ନାଗରିକ ସଂହିତା ଲାଗୁ କରିବା ପ୍ରସ୍ତୁତିରେ ମୋଦି ସରକାର , ପ୍ରଥମେ ଉତ୍ତରାଖଣ୍ଡରେ ଏହି ଆଇନ୍‌ ଲାଗୁ କରାଯିବାର ଅଭ୍ୟାସ ଆରମ୍ଭ କରାଯାଇଛି
  • ||
  • ଗୁଜରାଟରେ ବଡ଼ ବିଜୟର ପ୍ରସ୍ତୁତିରେ ବିଜେପି , କଂଗ୍ରେସ ଦୁର୍ବଳତାର ବି ମିଳିବ ଫାଇଦା
  • ||

୭୧ ବର୍ଷରେ ଭୁବନେଶ୍ୱର; ସ୍ମାର୍ଟ ସିଟି ଏବେ ବି ସ୍ୱପ୍ନ

ଭୁବନେଶ୍ୱର,୧୨ ।୪(ବ୍ୟୁରୋ): ୭୧ ବର୍ଷରେ ପାଦ ଦେଇଛି ରାଜଧାନୀ ଭୁବନେଶ୍ୱର । ଏହି ଲମ୍ବା ଯାତ୍ରା ଭିତରେ ଅନେକ ମାଇଲଖୁଣ୍ଟ ଛିଡ଼ା ହୋଇଛି । ଦେଶର ଏକ ନମ୍ବର ସ୍ମାର୍ଟ ସିଟିର ମାନ୍ୟତା ପାଇଛି । ହକି ବିଶ୍ୱକପ୍‌ର ଧମାକାଦାର ଆୟୋଜନ କରି ସାରା ବିଶ୍ୱର ହୃଦୟ ଜିତିଛି । ଏତେ ସବୁ ସଫଳ ଅଧ୍ୟାୟ ଭିତରେ ଅଧୁରା ରହି ଯାଇଛି ଅନେକ ମୌଳିକ ସମସ୍ୟାର ସମାଧାନ ।

୧୯୪୮ରୁ ୨୦୧୯ । ଏହି ଲମ୍ବା ଯାତ୍ରାରେ ଭୁବନେଶ୍ୱର ପାଇଁ ସବୁଠୁ ବଡ଼ ସଫଳତା ହେଉଛି ସ୍ମାର୍ଟ ସିଟି ଟାଇଟଲ୍‌ । ମାତ୍ର ଏହି ଟାଇଟଲ୍‌ ଓ ରିଅଲିଟି ଭିତରେ ଅନେକ ଫରକ । ହକି ବିଶ୍ୱକପ ପୂର୍ବରୁ ସ୍ମାର୍ଟ ସିଟିର ଡେଣା ମେଲାଇବା ଆରମ୍ଭ କରିଥିଲା । ଶିଶୁ ଭବନ ଛକରେ ଚକାଚକ୍‌ ସ୍ମାର୍ଟ ଜନପଥ ଓ ‘ଏକାମ୍ରକ୍ଷେତ୍ର’ ପବ୍ଲିକ୍‌ ପ୍ଲାଜା ମନରେ ଭରି ଦେଲା ନୂଆ ଉନ୍ମାଦନା । ସିଙ୍ଗାପୁର ଓ ଲଣ୍ଡନ ଭଳି ବିଦେଶୀ ସହରର ଅନୁଭୂତି ଦେଲା । ଲାଗିଲା ଏବେ ସ୍ମାର୍ଟ ସିଟି ଉଡିବ । ଆଗକୁ ମାଡ଼ି ଚାଲିବ । କିନ୍ତୁ ସବୁ ଫୁସ୍‌ । ଆଗରୁ ଯୋଉଠି ଥିଲା ଏବେବି ସ୍ମ୍ମାର୍ଟ ସିଟି ପ୍ରକଳ୍ପ ସେଇଠି ।

ସ୍ମାର୍ଟ ଜନପଥ ପ୍ରକଳ୍ପ କେବଳ ରାଜମହଲ ଛକ ଭିତରେ ଅଟକି ଯାଇଛି । କେବେ ବାଣୀବିହାର ଛକ ଛୁଇଁବ କି ଛୁଇଁବ କି ନା ତାକୁ ନେଇ ଅନିଶ୍ଚିତତା । ଏକାମ୍ରକ୍ଷେତ୍ର ପବ୍ଲିକ୍‌ ପ୍ଲାଜାର ଘାସ ଗାଲିଚାକୁ ବୁଲା ଗୋରୁ ଖାଇଗଲେଣି । ସୌନ୍ଦର୍ଯ୍ୟକରଣ ଉଜୁଡ଼ିଗଲାଣି ।
ସ୍ମାର୍ଟ ଟ୍ରାଫିକ ସିଗନାଲ୍‌ ହୁଗୁଳା ହୋଇପଡିଛି । କଣ୍ଟ୍ରୋଲ ରୁମ୍‌ ଅଛି କି ନା, ତାର କାମ କ’ଣ ଏବେବି ତା ଅସମାହିତ ପ୍ରଶ୍ନ ହୋଇ ରହିଯାଇଛି । ଅଶୋକା ମାର୍କେଟ୍‌ କେବେଠୁ ମାଟିରେ ମିଶି ସାରିଲେଣି । ସେଠାରେ ଅତ୍ୟାଧୁନିକ ମଲ୍ଟି ମୋଡାଲ ହବ୍‌ କରିବେ ବୋଲି କଥା ଦେଇଥିଲେ । କିନ୍ତୁ ଏବେ ଯାଏ ଇଟାଟିଏ ଯୋଡ଼ାହେଲାନି ।

ବିଏମ୍‌ସି ମୁଖ୍ୟାଳୟ ପାଇଁ ଜାଗା ଖୋଜା ସରିଛି । ଟେଣ୍ଡର ବି ଡକାହୋଇଛି । ମାତ୍ର ପ୍ରକଳ୍ପର ନାଁ ଗନ୍ଧ ନାହିଁ । ବହୁତଳ ପାର୍କିଂ କାମ ଚାଲିଛି ଯେ ସରିବାର ନାଁ ଧରୁନି । ସହରର ପ୍ରମୁଖ ବରମୁଣ୍ଡା ବସ୍‌ଷ୍ଟାଣ୍ଡକୁ ବିଶ୍ୱସ୍ତରୀୟ ରୂପ ଦେବାକୁ ସ୍ୱପ୍ନ ଦେଖାଇ ଚାଲିଛନ୍ତି । ମାତ୍ର ଏ ଯାଏ କାମ ଆରମ୍ଭ ହେଲାନି । ‘ମୋ ସାଇକେଲ’ ଟ୍ରାକ୍‌ରୁ ବାହାରି ଗଲାଣି । କେଉଁଠି ଅପରିତ୍ୟକ୍ତ ହୋଇ ପଡିଲାଣି ତ ଆଉ କେଉଁଠି ଚୋରି ହୋଇ ସାରିଲାଣି ।

ସତ୍ୟନଗରକୁ ଇନଷ୍ଟିଚ୍ୟୁସନାଲ୍‌ କୋର୍‌ କରିବେ ବୋଲି ସ୍ମାର୍ଟ ସିଟି ପ୍ରକଳ୍ପରେ ମେଗା ଯୋଜନା କରିଥିଲେ । କିନ୍ତୁ ଏ ଯାଏ ଯୋଜନା କାଗଜକଲମରୁ ବାହାରି ପାରିନି । ସହରକୁ ବସ୍ତିମୁକ୍ତ କରିବାକୁ ସବୁଠୁ ବଡ଼ ପ୍ରତିଶ୍ରୁତି ପ୍ରତାରଣା ପାଲଟିଛି । ଯୁଆଡେ ଦେଖିଲେ ବସ୍ତି ଓ ଜବରଦଖଲ ।

ଏବେ ଆଲୋଚନା କରିବା ଜଳବନ୍ଦୀ ସମସ୍ୟା ଉପରେ । ଯେତେବେଳେ ଭୁବନେଶ୍ୱରକୁ ରାଜଧାନୀ କରାଗଲା, ସେତେବେଳେ ଏ ସମସ୍ୟା ନଥିଲା । କିନ୍ତୁ ଯୋଜନାହୀନ ଭାବେ ସହରର ସଂପ୍ରସାରଣ ଓ ବେପରୁଆ ନିର୍ମାଣ ଯୋଗୁ ଆଜି ଜଳବନ୍ଦୀ ଭୁବନେଶ୍ୱର ପାଇଁ ବିରାଟ ସମସ୍ୟା । ଜର୍ମାନ୍‌ ସ୍ଥପତି ଓଟୋ କୋଏନସ୍‌ବର୍ଗର ଭୁବନେଶ୍ୱର ପାଇଁ ଯେଉଁ ନକ୍ସା ପରିକଳ୍ପନା କରିଥିଲେ, ତା’ ସ୍ୱପ୍ନରେ ରହିଯାଇଛି । କୁଆଖାଇ ପଠାରୁ ନେଇ ଗଙ୍ଗୁଆ ଓ ୧୦ଟି ଯାଏ ପ୍ରାକୃତିକ ନାଳ ଉପରେ କୋଠାବାଡି ଛିଡା ହୋଇଛି । ଯାହାର ପରିଣାମ ପ୍ରତିବର୍ଷ ବର୍ଷାରେ ଉବୁଟୁବୁ ହେଉଛି ଭୁବନେଶ୍ୱର । ମାତ୍ର ଆଜି ଯାଏ ଡ୍ରେନ୍‌ ସମସ୍ୟା ସମାଧାନ ପାଇଁ ସ୍ଥାୟୀ ପ୍ଲାନ୍‌ ହୋଇପାରିଲାନି ।

୧୯୪୮ ଏପ୍ରିଲ୍‌ ୧୩ ତାରିଖରେ ରାଜଧାନୀର ପ୍ରତିଷ୍ଠା କରାଯାଇଥିଲା । କିନ୍ତୁ ୭୧ ବର୍ଷ ପରେ ଆଜି ଆମେ ଏମିତି ଏକ ଜାଗାରେ ଛିଡ଼ା ହୋଇଛେ ଯେଉଁଠି ଭୁବନେଶ୍ୱର ସ୍ମାର୍ଟ ସିଟି ହେବା ଏବେବି ସ୍ୱପ୍ନ ଲାଗୁଛି ।

ସମ୍ବନ୍ଧିତ ଖବର