ମୁମ୍ବାଇ: ଆଡିଡାସ୍‌ ପରେ ଅଧିନାୟକ ରୋହିତ ଶର୍ମା ଏବଂ ବସିସିଆଇ ସଚିବ ଜୟ ଶାହ ଟି-୨୦ ବିଶ୍ବକପ ଲାଗି ଟିମ ଇଣ୍ଡିଆର ନୂଆ ଜର୍ସି ଉନ୍ମୋଚନ କରିଛନ୍ତି ।  ଅହମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମ୍‌ରେ ଆୟୋଜିତ କାର୍ଯ୍ୟକ୍ରମରେ ନୂଆ ଜର୍ସି ସହ ସମସ୍ତ କିଟ୍ ଉନ୍ମୋଚିତ ହୋଇଛି । ଏଥିରେ ଟ୍ରେନିଂ କିଟ୍, କୋଚିଂ ଷ୍ଟାଫ୍ କିଟ୍ ଓ ମୁଖ୍ୟ କିଟ୍ ସାମିଲ ରହିଛି। 

ଏହା ପୂର୍ବରୁ ଆଡିଡାସ ସୋସିଆଲ୍ ମିଡିଆରରେ ଭିଡିଓ ପୋଷ୍ଟ କରି ବିଶ୍ବକପ ଲାଗି ଟିମ୍‌ ଇଣ୍ଡିଆ ନୂଆ ଜର୍ସି ସାମ୍ନାକୁ ଆଣିଥିଲା । ଏହି ଭିଡିଓରେ ରୋହିତ ଶର୍ମା, କୁଲଦୀପ ଯାଦବ ଓ ରବିନ୍ଦ୍ର ଜାଡ଼େଜା ନୂଆ ଜର୍ସି ପିନ୍ଧିଥିବା ଦେଖିବାକୁ ମିଳିଥିଲା । ଆଉ ଆଜି ନୂଆ ଜର୍ସି ଏବଂ କିଟ୍‌ର ଔପଚାରିକ ଭାବେର ଉନ୍ମୋଚନ କରିଛନ୍ତି ରୋହିତ ଶର୍ମା ଏବଂ ଜୟ ଶାହ । 

It is time to welcome our team in new colors.

Presenting the new T20I #TeamIndia Jersey with our Honorary Secretary @JayShah, Captain @ImRo45 and official Kit Partner @adidas. pic.twitter.com/LKw4sFtZeR

— BCCI (@BCCI) May 13, 2024

ଟି-୨୦ ବିଶ୍ୱକପ୍ ପାଇଁ ଭାରତୀୟ ଟିମ୍

ରୋହିତ ଶର୍ମା (ଅଧିନାୟକ), ଯଶସ୍ବୀ ଜୟସ୍ବାଲ, ବିରାଟ କୋହଲି, ସୂର୍ଯ୍ୟକୁମାର ଯାଦବ, ରିଷଭ ପନ୍ତ (ୱିକେଟ କିପର), ସଞ୍ଜୁ ସାମସନ୍ (ଓ୍ବିକେଟ କିପର), ହାର୍ଦ୍ଦିକ ପାଣ୍ଡ୍ୟା (ଉପଅଧିନାୟକ), ଶିବମ୍ ଦୁବେ, ରବିନ୍ଦ୍ର ଜାଡେଜା, ଅକ୍ଷର ପଟେଲ, କୁଲଦୀପ ଯାଦବ, ୟୁଜବେନ୍ଦ୍ର ଚହଲ, ଅର୍ଶଦୀପ ସିଂହ, ଜସପ୍ରୀତ ବୁମରା  ଓ ମହମ୍ମଦ ସିରାଜ।