PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୋଣାର୍କ : ରୋଗ କଷ୍ଟ ସହିନପାରି ସ୍କୁଲ ହତାରେ ଆତ୍ମହତ୍ୟା କଲେ ବୃଦ୍ଧ
  • ||
  • ଭୁବନେଶ୍ଵର : ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୧୫୦କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ଉପର ତଳ ହେଉଛି କରୋନା ଗ୍ରାଫ୍, ୨୪ ଘଣ୍ଟାରେ ଚିହ୍ନଟ ହେଲେ ୭୩୪ ପଜେଟିଭ୍
  • ||
  • ନୀଳଗିରି : ମାଡ଼ିଆସୁଛନ୍ତି ନୀଳଗିରି ଆଡକୁ ଝାଡ଼ଖଣ୍ଡ ହାତୀ, ଚାଷୀ ଆତଙ୍କିତ
  • ||
  • କଳାହାଣ୍ଡି : ପୋଖରୀରେ ବୁଡି ୨ ଶିଶୁ ମୃତ
  • ||
  • ଜଳେଶ୍ଵର : ବିପଦ ସଂକେତ ଉପରେ ପ୍ରବାହିତ ହେଉଛି ଜଳକା, ବନ୍ୟା ପାଣି ଘେରରେ ୧୦ରୁ ଉର୍ଦ୍ଧ୍ଵ ଗ୍ରାମ
  • ||
  • ଲମତାପୁଟ : ଅଟୋରୁ ୧୦ ଲକ୍ଷ ଟଙ୍କାର ଗଞ୍ଜେଇ ଜବତ, ଗାଡି ଛାଡି ୨ ମାଫିଆ ଫେରାର୍
  • ||

ଥାନା ଭିତରେ ମହିଳାଙ୍କୁ ମାଡ଼: ୭୨ରୁ ୭୧ ପୁଲିସଙ୍କ ବଦଳି

source:vitruvianpost.com

ବେଙ୍ଗାଲୁରୁ,୨ ।୨(ଏଜେନ୍ସି): କର୍ଣ୍ଣାଟକର କୁମାରସ୍ୱାମୀ ଲେଆଉଟ ଥାନା ଭିତରେ ଦୁଇ ଜଣ ମହିଳାଙ୍କୁ ମାଡ଼ ମରାଯିବା ଘଟଣାର ଭିଡିଓ ଭାଇରାଲ ହେବା ପରେ ରାଜ୍ୟ ସରକାର ଏକାଥରକେ ଥାନାର ୭୨ରୁ ୭୧ ଜଣ ପୁଲିସ କର୍ମଚାରୀଙ୍କ ବଦଳି କରିଛନ୍ତି । ତା’ଛଡା ମହିଳାଙ୍କୁ ମାଡ଼ ମାରିଥିବା ତିନି କର୍ମଚାରୀଙ୍କ ବିରୋଧରେ ବିଭାଗୀୟ କାର୍ଯ୍ୟାନୁଷ୍ଠାନ ଆରମ୍ଭ କରାଯାଇଛି । ଜଣେ ମହିଳା ନିଜ ଝିଅକୁ ଅପହରଣ କରାଯାଇଥିବା ସମ୍ପର୍କରେ ଅଭିଯୋଗ କରିବାକୁ ଆଉ ଜଣେ ମହିଳାଙ୍କୁ ସାଙ୍ଗରେ ନେଇ ଥାନାକୁ ଯାଇଥିଲାବେଳେ ଉକ୍ତ ଘଟଣା ଘଟିଥିଲା ।
ବେଙ୍ଗାଲୁରୁ( ସାଉଥ ଡିଭିଜନ)ର ଡିସିପି କେ ଆନ୍ନାମଲାଇ କହିଛନ୍ତି କି ଏହି ଘଟଣା ପରେ ଥାନାର ଭାବମୂର୍ତ୍ତି ସୁଧାରିବାକୁ ଏଭଳି ପଦକ୍ଷେପ ନିଆଯାଇଛି । ସେପଟେ ପୁଲିସ ବିଭାଗର କିଛି କର୍ମଚାରୀ ସୂଚନା ଦେଇଛନ୍ତି କି ଉକ୍ତ ଥାନାରେ ଅନେକ କର୍ମଚାରୀ ଦୀର୍ଘ ବର୍ଷ ଧରି ନିୟୋଜିତ ଅଛନ୍ତି । ତେଣୁ ସେମାନେ ସେଠାରେ ଭିନ୍ନ ଭିନ୍ନ ଗୋଷ୍ଠୀ ଗଠନ କରିଛନ୍ତି ଏବଂ ଏହା ମାଧ୍ୟମରେ ସାଧାରଣ ଲୋକଙ୍କୁ ହଇରାଣ କରୁଛନ୍ତି । ମହିଳାଙ୍କୁ ମାଡ଼ ମରାଯିବାର ଭିଡିଓ ବି ସେଇ ଥାନାରେ ନିୟୋଜିତ ପୁଲିସ କର୍ମଚାରୀଙ୍କ ଏକ ଗୋଷ୍ଠୀ ଲିକ୍‌ କରିଥିଲା ।
ତେବେ ରାଜ୍ୟ ମହିଳା ଆୟୋଗର ମୁଖ୍ୟ କହିଛନ୍ତି କି ଭିଡିଓରେ ମାଡ ଖାଉଥିବା ମହିଳାଙ୍କର ପ୍ରକୃତରେ ଭୁଲ ଅଛି । ସେ ସମ୍ପତ୍ତି ବିବାଦ ଯୋଗୁ ନିଜ ଝିଅକୁ ଅପହରଣ କରିବା ପରେ ନିଜେ ଥାନା ଯାଇ ତାଙ୍କ ଝିଅକୁ ଅନ୍ୟ କେହି ଅପହରଣ କରିନେଇଛି ବୋଲି ମିଥ୍ୟା ଅଭିଯୋଗ ଦାୟର କରିବାକୁ ଚାହୁଁଥିଲେ । ମହିଳାଙ୍କ ଝିଅ ମଧ୍ୟ ସମାନ ଅଭିଯୋଗ କରିଛନ୍ତି । ସେ କହିଛନ୍ତି କି ପୁଲିସର ହସ୍ତକ୍ଷେପ ଯୋଗୁ ହିଁ ସେ ଉଦ୍ଧାର ପାଇଥିଲେ ।