ଭଦ୍ରକ ୫/୫: କରୋନା ମହାମାରୀ ସମୟରେ ଲୋକଙ୍କର ବିପଦର ବନ୍ଧୁ ଭାବେ ଠିଆ ହୋଇଛି ଆର୍ଯ୍ୟ ସମାଜ । ଭଦ୍ରକ ଜିଲ୍ଲାର ବିଭିନ୍ନ ସ୍ଥାନରେ ଅନୁଷ୍ଠାନ ପକ୍ଷରୁ ବିଭିନ୍ନ କାର୍ଯ୍ୟକ୍ରମ ଆୟୋଜିତ ହେଉଛି । ସଚେତନତା କାର୍ଯ୍ୟକ୍ରମ , ବିଭିନ୍ନ ଅଞ୍ଚଳ ରେ ସାନିଟାଇଜେସନ୍ ଓ ରିଲଫ୍ ବଣ୍ଟନ ଆଦି କର୍ଯ୍ୟକ୍ରମମାନ ହାତକୁ ନିଆଯାଇଛି ।
ଯୁବ ଆର୍ଯ୍ୟ ସମାଜ ପକ୍ଷରୁ ଜିଲ୍ଲାର ବିଭିନ୍ନ ବ୍ଲକ ଯେମିତି କି ବାସୁଦେବପୁର ବ୍ଲକରେ ନିତିଦିନ ସେବା କାର୍ଯ୍ୟ କରୁଛନ୍ତି ଆର୍ଯ୍ୟସମାଜର ଭାଇ ଓ ଭଉଣୀମାନେ । ଭଦ୍ରକ ସହରର ବାଗୁରାଇ ସ୍ଥିତ କୁଷ୍ଠ କଲୋନୀରେ ଓଡିଶାର ଆର୍ଯ୍ୟ ସମାଜର ବିଶିଷ୍ଠ ବୈଦିକ ବିଦ୍ବାନ୍ ବୀରେନ୍ଦ୍ର କୁମାର ପଣ୍ଡାଙ୍କ ନେତୃତ୍ୱରେ ଅନୁଷ୍ଠାନର କର୍ମକର୍ତ୍ତାମାନେ ରିଲିଫ୍ ବଣ୍ଟନ କରିଥିଲେ । କଲୋନୀରେ ୧୬ ପରିବାରକୁ ଖାଦ୍ୟ ସାମଗ୍ରୀ ବଣ୍ଟନ କରାଯାଇଛି । ପନିପରିବା ସହ ଅନ୍ୟାନ୍ୟ ଶୁଖିଲା ଖାଦ୍ୟ ପ୍ରଦାନ କରିଛନ୍ତି । ବଣ୍ଟନ ବେଳେ ସାମାଜିକ ଦୂରତ୍ୱ ଉପରେ ମଧ୍ୟ ଗୁରୁତ୍ୱ ଦିଆଯାଇଛି ।