PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଳାହାଣ୍ଡି ସନ୍‌ସାଇନ୍‌ ସ୍କୁଲ୍‌ ସଭାପତି ଗୋବିନ୍ଦ ସାହୁ ଗିରଫ , ମମିତା ମର୍ଡର ମିଷ୍ଟ୍ରିର ମୋଷ୍ଟ ୱାଣ୍ଟେଡ୍‌ ଗୋବିନ୍ଦ ସାହୁ
  • ||
  • ବଲାଙ୍ଗୀର: ମୁଖ୍ୟଅଭିଯୁକ୍ତ ଚମ୍ପଟ ପରେ ଜବତ କାରର ବଢ଼ିଲା ସୁରକ୍ଷା, ଗୋବିନ୍ଦଙ୍କ ପରେ କାରକୁ ଉଠାଇଥିଲା ପୁଲିସ
  • ||
  • ବଲାଙ୍ଗୀର : ଫେରାର୍ ଗୋବିନ୍ଦ ସାହୁକୁ ଧରିବା ପାଇଁ ବଢିଲା ପୁରସ୍କାର ରାଶି, ସୂଚନା ଦେଲେ ମିଳିବ ୧ ଲକ୍ଷ୍ୟ ଟଙ୍କା ପୁରସ୍କାର ରାଶି
  • ||
  • ବଲାଙ୍ଗୀର: ମୋଷ୍ଟ ଓ୍ବାଣ୍ଟେଡ ଗୋବିନ୍ଦ ସାହୁ, ଧରାଇ ଦେଲେ ଦିଆଯିବ ୨୦ ହଜାର ଟଙ୍କାର ପୁରଷ୍କାର
  • ||
  • ବ୍ରହ୍ମପୁର: ଗୋପାଳପୁର ଛକ ନିକଟରେ ବାଇକକୁ ଧକ୍କା ଦେଲା କାର୍, ଜଣେ ମୃତ ଓ ଦୁଇ ଜଣ ଆହତ
  • ||
  • ବଲାଙ୍ଗୀର: ମହାଲିଙ୍ଗ ମିନି ଷ୍ଟାଡିୟମରୁ ପୋତା ଯାଇଥିବା ମମିତା ମେହେରଙ୍କ ମୃତ ଦେହ ଉଦ୍ଧାର, ଡିଏନଏ ପରୀକ୍ଷା ପରେ ସ୍ପଷ୍ଟ ହେବ।
  • ||
  • ରଙ୍ଗେଇଲୁଣ୍ଡା: ଚାଟ୍ ମାଗିବାକୁ ନେଇ ଗଣ୍ଡଗୋଳରେ ଜଣେ ଗୁରୁତର, ଦମ୍ପତ୍ତି ଆହତ
  • ||
  • ଟିକିଟି: ସିଦ୍ଧ ବାରାହୀ ପୀଠରୁ ଚୋରି, ଦେବୀଙ୍କ ପିତଳ ମୁକୁଟ (ପ୍ରାୟ ଦେଢ଼ କିଲୋ) ସହ ୨୦ ତୋଳାରୁ ଅଧିକ ରୁପା ଅଳଙ୍କାର ଚୋରି ଅଭିଯୋଗ
  • ||
  • ଭୁବନେଶ୍ୱର: ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୨୯୪କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟାରେ ଚିହ୍ନଟ ହେଲେ ୫୫୬ କୋଭିଡ୍ ପଜିଟିଭ୍
  • ||
  • ସାଲେପୁର : ବନ୍ଦ କୋଠରୀରୁ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର
  • ||
  • ନୀଳଗିରି: ନିଶ୍ଚିତପୁରରେ ଭାଲୁ ଆକ୍ରମଣରେ ଜଣେ ଗୁରୁତର
  • ||
  • ଜଳେଶ୍ବର: ଜଳେଶ୍ବର ଷ୍ଟେସନ ବଜାରସ୍ଥିତ ଡାଇମଣ୍ଡ ହୋଟେଲ ଉପରେ ଚଢାଉ, ୨ କୋଟିରୁ ଊର୍ଦ୍ଧ୍ବ ଟଙ୍କାର ବ୍ରାଉନସୁଗାର ଜବତ
  • ||

ଭାରତକୁ ହରାଇ ଫାଇନାଲ୍ସରେ ଇଟାଲୀ

କୋଲକାତା,୨ା୨(ଏଜେନ୍ସି): ଚଳିତ ଡେଭିସ୍‌ କପ୍‌ ସିଜିନ୍‌ ଆରମ୍ଭରୁ ଭାରତକୁ ପରାଜୟର ସାମ୍ନା କରିବାକୁ ପଡ଼ିଛି । ନକ୍‌ ଆଉଟ୍‌ ଯୋଗ୍ୟତା ପର୍ଯ୍ୟାୟ ମୁକାବିଲାରେ ଭାରତ ୧-୩ରେ ଇଟାଲୀଠୁ ହାରି ଗ୍ରୁପ୍‌ ଜୋନ୍‌କୁ ଫେରିଛି । ଅନ୍ୟ ପଟରେ ଇଟାଲୀ ବିଶ୍ୱ ଗ୍ରୁପ୍‌ ଫାଇନାଲ୍ସକୁ ଯୋଗ୍ୟତା ଅର୍ଜନ କରିଛି । ସାଉଥ୍‌ କ୍ଲବ୍‌ରେ କ୍ରମାଗତ ୨ଦିନ ଧରି ଭ୍ରମଣକାରୀ ଦଳ ଆଧିପତ୍ୟ ଜାରି ରଖିଥିଲା । ୩ଟି ଯାକ ସିଙ୍ଗଲ୍ସ ମୁକାବିଲାରେ ଇଟାଲୀ ବିଜୟ ହାସଲ କରିଥିଲା । କେବଳ ଡବଲ୍ସରେ ଭାରତ ବିଜୟ ସ୍ୱାଦ ଚାଖିଥିଲା ।
ପ୍ରଥମ ଦିବସରେ ଅନୁଷ୍ଠିତ ପ୍ରଥମ ସିଙ୍ଗଲ୍ସରେ ରାମକୁମାର ରାମନାଥନ ୪-୬, ୨-୬ ସେଟ୍‌ରେ ଆନ୍ଦ୍ରେସ ସେପ୍ପିଙ୍କ ଠାରୁ ପରାଜିତ ହୋଇଥିଲେ । ସେହିପରି ଦ୍ୱିତୀୟ ସିଙ୍ଗଲ୍ସରେ ପ୍ରଜେ୍ଞଶ ଗୁଣେଶ୍ୱରନ୍‌ ୪-୬, ୩-୬ ସେଟ୍‌ରେ ମାଟିଓ ବେରେଟିନିଙ୍କ ଠାରୁ ହାରିଥିଲେ ।
ଦ୍ୱିତୀୟ ଦିବସରେ ଭାରତ ପାଇଁ ବିଜୟ ଆଣିଥିଲେ ରୋହନ ବୋପାନ୍ନା ଓ ଦିବିଜ ଶରଣ ଯୋଡି । ଗତ ଏସୀୟ କ୍ରୀଡ଼ାରୁ ଏକତ୍ର ଖେଳୁଥିବା ବୋପାନ୍ନା-ଶରଣ ଯୋଡି ଲଢୁଆ ଖେଳ ପ୍ରଦର୍ଶନ କରି ୪-୬, ୬-୩, ୬-୪ ସେଟ୍‌ରେ ସିମୋନ ବୋଲେଲି ଓ ମାଟିଓ ବେରେଟିନି ଯୋଡିଙ୍କୁ ହରାଇଥିଲେ । ଏହି ମ୍ୟାଚ୍‌ ଜିତିବା ପାଇଁ ଭାରତୀୟ ଯୋଡିଙ୍କୁ ୧ଘଣ୍ଟା ୪୩ମିନିଟ୍‌ ଲାଗିଥିଲା । ପ୍ରଥମ ସେଟ୍‌ରେ ଭାରତୀୟ ଯୋଡି ପରାଜିତ ହୋଇଥିଲେ । ଏହାପରେ ଉଭୟ ଆକର୍ଷଣୀୟ ଖେଳ ପ୍ରଦର୍ଶନ କରି ପରବର୍ତ୍ତୀ ଦୁଇଟି ଯାକ ସେଟ୍‌ ଜିତିଥିଲେ । ଏହି ମ୍ୟାଚ୍‌ରେ ଭାରତୀୟ ଯୋଡି ୩ଟି ବ୍ରେକ୍‌ ପଏଣ୍ଟ ହାସଲ କରିଥିଲେ ।
ଉଭୟ ଦଳର ନିଷ୍ପତ୍ତି କ୍ରମେ ଆଉ ଏକ ସିଙ୍ଗଲ୍ସ ଖେଳିବାକୁ ନିଷ୍ପତ୍ତି ନିଆଯାଇଥିଲା । ୩୭ତମ ମାନ୍ୟତା ପ୍ରାପ୍ତ ଇଟାଲୀର ଅଭିଜ୍ଞ ଆନ୍ଦ୍ରେସ ସେପ୍ପିଙ୍କୁ ସାମ୍ନା କରିଥିଲେ ପ୍ରଜେ୍ଞଶ । ସେପ୍ପିଙ୍କ ନିଖୁଣ ସର୍ଭିସ ଓ ରିଟର୍ଣ୍ଣର ଉତ୍ତର ପ୍ରଜେ୍ଞଶଙ୍କ ନିକଟରେ ନଥିଲା । ପ୍ରଥମ ସେଟ୍‌ରୁ ସେ ତ୍ରୁଟି କରିଥିଲେ । ସେପ୍ପି ୬-୧, ୬-୪ ସେଟ୍‌ରେ ଏହି ମ୍ୟାଚ୍‌ ଜିତିଥିଲେ । ୬୨ମିନିଟର ଏହି ମୁକାବିଲାରେ ସେପ୍ପି ୩ଟି ବ୍ରେକ୍‌ ପଏଣ୍ଟ ହାସଲ କରିଥିଲେ । ଏହି ବିଜୟ ସହ ଇଟାଲୀ ଅନ୍ୟ ୧୧ଟି ଦଳ ସହ ବିଶ୍ୱଗ୍ରୁପ୍‌ ଫାଇନାଲ୍‌ସରେ ପ୍ରବେଶ କରିଛି । ଗତ ବର୍ଷର ଚାମ୍ପିଅନ୍‌ କ୍ରୋଏସିଆ, ରନର୍ସଅପ୍‌ ଫ୍ରାନ୍ସ, ସେମି ଫାଇନାଲ୍‌ ଖେଳିଥିବା ଆମେରିକା ଓ ସ୍ପେନ୍‌ ପୂର୍ବରୁ ଫାଇନାଲ୍ସକୁ ସିଧା ସଳଖ ଯୋଗ୍ୟତା ଅର୍ଜନ କରିଛନ୍ତି । ବ୍ରିଟେନ୍‌ ଓ ଆର୍ଜେଣ୍ଟିନା ୱାଇଲ୍ଡ କାର୍ଡ ଜରିଆରେ ଫାଇନାଲ୍ସରେ ପ୍ରବେଶ କରିଛନ୍ତି । ୧୮ଟି ଦଳକୁ ନେଇ ଫାଇନାଲ୍ସ ଖେଳାଯିବ । ଅନ୍ୟ ସମସ୍ତ ଦଳ ଗ୍ରୁପ୍‌ ଜୋନ୍‌କୁ ଫେରିବେ ।

ସମ୍ବନ୍ଧିତ ଖବର