କଂଗ୍ରେସରେ ଯୋଗଦେଲେ ଭିମସାରର ପୂର୍ବତନ ନିର୍ଦ୍ଦେଶକ ଡାକ୍ତର ଅଶ୍ୱିନୀ ପୂଜାହାରୀ

ଭୁବନେଶ୍ୱର ୨୪/୩: ହାତ ଧରିଲେ ଡାକ୍ତର ଅଶ୍ୱିନୀ ପୂଜାହାରୀ । ଆଜି(ରବିବାର) କଂଗ୍ରେସ ଭବନରେ ଡାକ୍ତର ଅଶ୍ୱିନୀ ପୂଜାହାରୀ କଂଗ୍ରେସରେ ଯୋଗଦେଇଛନ୍ତି । ଚାକିରୀରୁ ଇସ୍ତଫା ଦେବାପରେ ଭିମସାରର ପୂର୍ବତନ ନିର୍ଦ୍ଦେଶକ ଡାକ୍ତର ପୂଜାହାରୀ ରାଜନୀତିରେ ଯୋଗଦେବେ ବୋଲି ଚର୍ଚ୍ଚା ହେଉଥିଲା । ତେବେ ଆଜି ସେ କଂଗ୍ରେସରେ ଯୋଗଦେଇଛନ୍ତି ।

ପୂଜାହାରୀଙ୍କ ନାମରେ ଲୁଣ ଚିକିତ୍ସା ଅଭିଯୋଗ ଉଠିବା ପରେ ସରକାର ତାଙ୍କୁ ଅନିର୍ଦ୍ଦିଷ୍ଟ କାଳ ଯାଏଁ ଛୁଟିରେ ରହିବାକୁ ନିର୍ଦ୍ଦେଶ ଦେଇଥିଲେ । ଏହାର କିଛି ଦିନ ପରେ ସେ ନିଜ ତରଫରୁ ଇସ୍ତଫା ଦେଇଦେଇଥିଲେ । ଏହାପରେ ସେ ରାଜନୀତିକୁ ଆସିବେ ବୋଲି ଚର୍ଚ୍ଚା ହେଉଥିଲା । କିନ୍ତୁ ସେ କେଉଁ ଦଳରେ ଯୋଗଦେବେ ତାହା ସ୍ପଷ୍ଟ ହୋଇନଥିଲା । ହେଲେ ଆଜି ସବୁ ସ୍ପଷ୍ଟ କରି ହାତ ଧରିଛନ୍ତି ଡାକ୍ତର ପୂଜାହାରୀ । ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ଉପସ୍ଥିତିରେ ବିଧିବଦ୍ଧ ଭାବେ ସେ କଂଗ୍ରେସରେ ମିଶିଛନ୍ତି ।

କଂଗ୍ରେସରେ ମିଶିବା ପରେ ପ୍ରତିକ୍ରିୟା ରଖିଛନ୍ତି ଅଶ୍ବିନୀ ପୂଜାହାରୀ । ସେ କହିଛନ୍ତି ଯେ ତାଙ୍କର ମୂଳ ଲକ୍ଷ୍ୟ ହେଲା ଭୀମସାରର ଉନ୍ନତି । ସବୁ ଲୋକ ଯେମିତି ମାଗଣା ଚିକିତ୍ସା ସୁବିଧା ପାଇବେ ସେଥିପାଇଁ ସେ କାମ କରିବେ ବୋଲି କହିଛନ୍ତି । ସେ ଏହା ମଧ୍ୟ କହିଛନ୍ତି ଯେ ସେ ଗୋଟିଏ ଛୋଟିଆ ନିର୍ବାଚନ ମଣ୍ଡଳୀରୁ ଲଢିବା ପାଇଁ ଚାହୁଁଥିଲେ । ମାତ୍ର ସେସବୁ ନିର୍ବାଚନ ମଣ୍ଡଳୀର ପ୍ରାର୍ଥୀ ଘୋଷଣା ସରିଛି । ତେଣୁ ଏବେ ଦଳ ଯେଉଁଠୁ ଚାହିଁବ ସେଇଠୁ ଲଢିବେ ବୋଲି କହିଛନ୍ତି ପୂଜାହାରୀ ।

   ସମ୍ବନ୍ଧିତ ଖବର


ABP CVoterର ରିପୋର୍ଟ: ବିହାରରେ ସରକାର ଗଢ଼ିବ କିଏ? ଜନତାଙ୍କ ନଜରରେ ଏହି ନେତା ହେବେ ମୁଖ୍ୟମନ୍ତ୍ରୀ

ବିହାର ରାଜନୀତି: ଆଶାୟୀ ବିଧାୟକ ପ୍ରାର୍ଥୀ ଶ୍ରୀନାରାୟଣଙ୍କୁ ଗୁଳିକରି ହତ୍ୟା, ତାଙ୍କ ନାମରେ ଥିଲା ଅପରାଧିକ ମାମଲା

ମାନବିକତାର ପରିଚୟ ଦେଲେ କୈଳାଶ, ଏଟିଏମରେ ଛାଡ଼ି ଯାଇଥିବା ଟଙ୍କାକୁ ଆତ୍ମସାତ୍‌ ନକରି ସୋସିଆଲ ମିଡିଆରେ ଜଣାଇଲେ

ନିର୍ବାଚନ ପୂର୍ବରୁ ବିଜେପିକୁ ଝଟକା –ଦେବେନ୍ଦ୍ର ଫଡନାଭିସ୍‌ଙ୍କୁ କରୋନା

ନବରାତ୍ରୀରେ ସୁଶାନ୍ତ ସିଂ ରାଜପୁତଙ୍କୁ ସ୍ବତନ୍ତ୍ର ଶ୍ରଦ୍ଧାଞ୍ଜଳି, ପୂଜା ପେଣ୍ଡାଲରେ ଲାଗିଲା ତାଙ୍କର ପେଣ୍ଟିଂ

ଭିଡିଓ ଭାଇରାଲ ହେବାପରେ‘ରୋଟି ଓ୍ବାଲି ଆାମ୍ମା’ଙ୍କୁ ମିଳିଲା ନୂଆ ଦୋକାନ,୨୦ ଟଙ୍କାରେ ଦେଉଥିଲେ ପେଟପୁରା ଖାଦ୍ୟ