PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଧାୟକ ପ୍ରଦୀପ ପାଣିଗ୍ରାହୀଙ୍କ ଘରେ ଚଢ଼ାଉ , ତାଙ୍କର ସହଯୋଗୀ ଓ ସଂପର୍କୀୟଙ୍କ ଘରେ ମଧ୍ୟ ଚଢ଼ାଉ , ସହଯୋଗୀଙ୍କ ଘରୁ ୨୦ ଲକ୍ଷ ଟଙ୍କା ଜବତ , ବିଭିନ୍ନ କାଗଜପତ୍ର ମଧ୍ୟ ଜବତ କଲା ଭିଜିଲାନ୍ସ ଟିମ୍
  • ||
  • ଜମ୍ମୁ-କଶ୍ମୀରରେ ୨ ଅଣକାଶ୍ମୀରୀଙ୍କୁ ହତ୍ୟା କଲେ ଆତଙ୍କବାଦୀ , ଯବାନଙ୍କ ପକ୍ଷରୁ ସର୍ଚ୍ଚ ଅପରେସନ ଜୋରଦାର
  • ||
  • କଟକ ଜଗତପୁର ଶିଳ୍ପାଞ୍ଚଳରେ ଅଗରବତୀ ଫ୍ୟାକ୍ଟ୍ରିରେ ଅଗ୍ନିକାଣ୍ଡ , ଏସ୍ଏସ୍ ଏଣ୍ଟରପ୍ରାଇଜର୍ସ ନାମକ କାରଖାନାରେ ନିଆଁ , ନିଆଁ ଆୟତ୍ତ ପାଇଁ ଅଗ୍ନିଶମ ବାହିନୀର ଉଦ୍ୟମ , ଫ୍ୟାକ୍ଟ୍ରିରେ ତିଆରି ହେଉଥିଲା ମଙ୍ଗଲଦୀପ୍ ବ୍ରାଣ୍ଡର ଅଗରବତୀ
  • ||
  • ରାୟଗଡା ସହର ଉପକଣ୍ଠ ନାଗାବଳି ନଦୀରେ ପାରଳାଖେମୁଣ୍ଡି ସହରର ଦୁଇ ଜଣ ପର୍ଯ୍ୟଟକ ନିଖୋଜ ।
  • ||
  • ପାରଳାଖେମୁଣ୍ଡି : ମନ୍ତ୍ରୀ ଜଗନ୍ନାଥ ସାରକାଙ୍କ ପାଇଲଟ ଗାଡ଼ି ଦୁର୍ଘଟଣାଗ୍ରସ୍ତ, ଡ୍ରାଇଭରଙ୍କ ସମେତ ୫ ଆହତ
  • ||
  • ବ୍ରହ୍ମପୁର : ଗୋପାଳପୁର ବିଧାୟକ ଓ ସମର୍ଥକଙ୍କ ଘରେ ଭିଜିଲାନ୍ସ ଚଢ଼ାଉ
  • ||
  • ଭୋଗରାଇ : ବେଳାଭୂମି ନିକଟ ହୋଟେଲରେ ସେକ୍ସ ରାକେଟ୍‌ର ପର୍ଦ୍ଦାଫାସ୍
  • ||
  • ଭୁବନେଶ୍ୱର : ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୨୮୫କୁ ବୃଦ୍ଧି
  • ||
  • ଚଣ୍ଡିଖୋଲ : ପାରିବାରିକ କଳହର କରୁଣ ପରିଣତି, ବୋହୂକୁ ପଥରରେ ଛେଚି ହତ୍ୟା କଲା ଶାଶୂ
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟାରେ ଚିହ୍ନଟ ହେଲେ ୪୪୩ କୋଭିଡ୍ ପଜିଟିଭ୍
  • ||
  • ବାଲିଗୁଡା : ବିଦ୍ୟୁତ ତାର ଲାଗି ଯୁବକଙ୍କ ମୃତ୍ୟୁ ଘଟଣାରେ ତୁମୁଡିବନ୍ଧ ଠାରେ ଜାତୀୟ ରାଜପଥ ଅବରୋଧ, ମୁନିଗୁଡା ଓ ଭବାନୀପାଟନାକୁ ଯାତାୟତ ଠପ୍
  • ||
  • ଭୁବନେଶ୍ୱର : ରାଜ୍ୟରେ ଆଉ ୩ ଦିନ ବର୍ଷା, ଆସନ୍ତାକାଲି ମୟୂରଭଞ୍ଜ ଓ ବାଲେଶ୍ୱରରେ ପ୍ରବଳ ବର୍ଷବ
  • ||
  • ଭୁବନେଶ୍ୱର : ଆଜିଠୁ ଓଜେଇଇ କାଉନ୍‌ସିଲିଂ, ୫ ନଭେମ୍ବରରେ ପ୍ରଥମ ପର୍ଯ୍ୟାୟ ଆଲର୍ଟମେଣ୍ଟ
  • ||
  • ଅଲ୍‌ ଅମିରତ୍‌ : ଆଜିଠୁ ଟି-୨୦ ବିଶ୍ବକପ୍, ସଙ୍ଘର୍ଷପୂର୍ଣ୍ଣ ହେବ ବାଂଲାଦେଶ-ସ୍କଟ୍‌ଲାଣ୍ଡ ମୁକାବିଲା
  • ||

ଦାରିଦ୍ର‌୍ୟ ହ୍ରାସରେ ବଡ଼ ସଫଳତା: ୫ କୋଟିକୁ କମିଛି ଅତି ଗରିବ ସଂଖ୍ୟା

ନୂଆଦିଲ୍ଲୀ,୨୭ା୧(ଏଜେନ୍ସି): ଦାରିଦ୍ର‌୍ୟ ହ୍ରାସ କ୍ଷେତ୍ରରେ ଭାରତ ବଡ଼ ସଫଳତା ହାସଲ କରିଛି । ଦେଶର ଅତି ଗରିବଙ୍କ ସଂଖ୍ୟାରେ ବଡ଼ଧରଣର ହ୍ରାସ ଦେଖିବାକୁ ମିଳିଛି । ଏମାନଙ୍କ ସଂଖ୍ୟା ୨୭ କୋଟିରୁ ୫ କୋଟିକୁ କମିଆସିଛି । ୨୦୩୦ ସୁଦ୍ଧା ଅତି ଦରିଦ୍ରଙ୍କ ସଂଖ୍ୟା ଆଶାତୀତ ଖସି ୩୦ ଲକ୍ଷକୁ ହ୍ରାସ ପାଇଯିବ । ଜୁନ୍‌ରେ ପ୍ରକାଶ ପାଇବାକୁ ଥିବା ଦାରିଦ୍ର‌୍ୟ ରିପୋର୍ଟରେ ଏହି ଚିତ୍ର ଦେଖିବାକୁ ମିଳିବ ବୋଲି ଏକ ରିପୋର୍ଟ ଦାବି କରିଛି ।
ବିଶ୍ୱ ଦାରିଦ୍ର‌୍ୟ ହାରକୁ ଅତ୍ୟାଧୁନିକ ପରିସଂଖ୍ୟାନ ପଦ୍ଧତିରେ ମାପୁଥିବା ‘ୱାର୍ଲଡ୍‌ ଡାଟା ଲାବ୍‌’ ପକ୍ଷରୁ ଏଭଳି ରିପୋର୍ଟ ପ୍ରକାଶ ପାଇଛି । ସଂସ୍ଥା ଏହାର ରିପୋର୍ଟରେ ଦର୍ଶାଇଛି ଯେ ୨୦୧୧ରେ ଦେଶରେ ଅତି ଗରିବ ଲୋକଙ୍କ ସଂଖ୍ୟା ୨୬.୮ କୋଟି ରହିଥିଲା । ଏମାନେ ଦିନକୁ ୧୩୪ ଟଙ୍କା (୧.୯୦ ଡଲାର)ଠାରୁ କମ୍‌ରେ ବଞ୍ଚୁଥିଲେ । ଏତେ କମ୍‌ ଟଙ୍କାରେ ବଞ୍ଚୁଥିବା ଲୋକ ସଂଖ୍ୟା ଏବେ ୫ କୋଟିକୁ ଖସିଆସିଛି । ଓଡ଼ିଶା, ବିହାର, ଝାଡ଼ଖଣ୍ଡ ଭଳି ରାଜ୍ୟ ପାଇଁ ଏହା ଭଲ ଖବର ବୋଲି ସଂସ୍ଥା ଦର୍ଶାଇଛି ।
ସଂସ୍ଥା ନିଜର ଏହି ସଦ୍ୟତମ ରିପୋର୍ଟରେ ଆହୁରି ଦର୍ଶାଇଛି ଯେ ଭାରତ ଦାରିଦ୍ର‌୍ୟ ଦୂରୀକରଣ ବାବଦରେ ଦ୍ରୁତ ସଫଳତା ହାସଲ କରୁଛି । ଏଥିପାଇଁ କେନ୍ଦ୍ର ଓ ରାଜ୍ୟ ସ୍ତରରେ ବିଭିନ୍ନ କାର୍ଯ୍ୟକ୍ରମ ଫଳପ୍ରସୂ ହୋଇପାରିଛି । ଏମ୍‌ଜିଏନ୍‌ଆର୍‌ଇଜିଏ, ପ୍ରଧାନମନ୍ତ୍ରୀ ଗ୍ରାମ ସଡ଼କ ଯୋଜନା ଏବଂ ଅନ୍ୟ ସାମାଜିକ କ୍ଷେତ୍ର କାର୍ଯ୍ୟକ୍ରମ ପାଇଁ ଡିବିଟିଏଲ୍‌ ଲାଗୁ ହେବା ଯୋଗୁ ହିତାଧିକାରୀମାନେ ଉପକୃତ ହୋଇପାରୁଛନ୍ତି ।
ବର୍ତ୍ତମାନର ସ୍ଥିତିକୁ ଦେଖିଲେ, ଭାରତ ଏହି ଧାରା ଜାରି ରଖିବାରେ ସମର୍ଥ ହେବ ଏବଂ ଏହା ଦାରିଦ୍ର‌୍ୟ ହ୍ରାସ କ୍ଷେତ୍ରରେ ସହାୟକ ହୋଇପାରିବ । ୨୦୩୦ ସୁଦ୍ଧା ଭାରତର ଅତି ଗରିବଙ୍କ ସଂଖ୍ୟା ୩୦ ଲକ୍ଷକୁ ହ୍ରାସ ପାଇବ ଏବଂ ପରେ ପରେ ଏହି ସଂଖ୍ୟା ଆହୁରି କମିବ ବୋଲି ରିପୋର୍ଟ ଦର୍ଶାଇଛି । ରିପୋର୍ଟ ଆହୁରି କହିଛି ଯେ ୨୦୩୦ ସୁଦ୍ଧା ଅତି ଦରିଦ୍ର ଦୃଷ୍ଟିରୁ ୧୦ଟି ପ୍ରମୁଖ ଦେଶ ତାଲିକାରୁ ଭାରତ ବାଦ୍‌ ପଡ଼ିବ । ଅନ୍ୟପକ୍ଷରେ ଏହି ତାଲିକାରେ ଆଫ୍ରିକାର ୯ଟି ରାଷ୍ଟ୍ର ସ୍ଥାନ ପାଇବେ ।
ଅର୍ଥନୀତିଜ୍ଞଙ୍କ କହିବାନୁଯାୟୀ ଦ୍ରୁତ ଅର୍ଥନୈତିକ ଅଭିବୃଦ୍ଧି ଏବଂ ସାମାଜିକ କ୍ଷେତ୍ର କାର୍ଯ୍ୟକ୍ରମରେ ପ୍ରଯୁକ୍ତି ବ୍ୟବହାର ଯୋଗୁ ଦାରିଦ୍ର‌୍ୟ ହାରରେ ବଡ଼ ହ୍ରାସ ଦେଖିବାକୁ ମିଳିଛି । ନ୍ୟାସ୍‌ନାଲ୍‌ ଇନ୍‌ଷ୍ଟିଚ୍ୟୁଟ୍‌ ଅଫ୍‌ ପବ୍ଲିକ୍‌ ଫାଇନାନ୍ସ ଆଣ୍ଡ ପଲିସିର ପ୍ରଫେସର ଏନ୍‌ ଆର୍‌ ଭାନୁମୂର୍ତ୍ତି କହିଛନ୍ତି, ୨୦୦୪-୦୫ରୁ ଅତି ଦାରିଦ୍ର‌୍ୟ ନିରନ୍ତର ଭାବେ କମିଛି । ସରକାରଙ୍କ ଦ୍ୱାରା ଆର୍ଥିକ ଅନ୍ତର୍ଭୁକ୍ତୀକରଣ କାର୍ଯ୍ୟକ୍ରମ ଏଥିରେ ବ୍ୟାପକ ସହାୟକ ହୋଇଛି ।

ସମ୍ବନ୍ଧିତ ଖବର