PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୪ ରାଜ୍ୟସଭା ଆସନ ପାଇଁ ବିଜେଡିର ପ୍ରାର୍ଥୀ ଘୋଷଣା : ପୁଣି ରାଜ୍ୟସଭା ଯିବେ ସସ୍ମିତ ପାତ୍ର, ୩ ନୂଆ ମୁହଁଙ୍କୁ ସୁଯୋଗ
  • ||
  • ଭୁବନେଶ୍ଵର : କେରଳ ଛୁଇଁଲା ମୌସୁମୀ ବାୟୁ
  • ||
  • ନେପାଳରେ ଯାତ୍ରୀବାହୀ ବିମାନ ତାରା ଏୟାର ୯ NAET ର ମିଳୁନି ପତ୍ତା , ୪ ଭାରତୀୟଙ୍କ ସମେତ ୧୯ ଯାତ୍ରୀ ଥିବା ସୂଚନା
  • ||
  • ବ୍ରହ୍ମପୁର : ସନ୍ଧ୍ୟାବେଳେ ବେଳାଭୂମିରେ ବସିଥିବା ବେଳେ ମୁଣ୍ଡ ଉପରେ ପଡ଼ିଲା ଚଡ଼କ, ଛାତ୍ର ମୃତ ଛାତ୍ରୀ ଗୁରୁତର
  • ||
  • ବିଶ୍ୱର ସବୁଠୁ ବଡ଼ କ୍ରିକେଟ ଷ୍ଟାଡ଼ିୟମ୍‌ରେ ଖେଳା ଯିବ ଆଇପିଏଲ ୨୦୨୨ ଫାଇନାଲ
  • ||
  • ଆନନ୍ଦପୁର : ଝରକା ଗ୍ରୀଲ୍ ଭାଙ୍ଗି ଶିକ୍ଷକଙ୍କ ଘରେ କଳାକନା ବୁଲାଇଦେଲେ ଦୁର୍ବୃତ୍ତ, ୧୫ ଭରି ସୁନାଅଳଙ୍କାର ସହ ନଗଦ ୫୨ ହଜାର ଟଙ୍କା ଲୁଟ୍
  • ||
  • ସୋର : ଗୋରୁ ବୋଝେଇ କଣ୍ଟେନର ଜବତ, ୪୦ ରୁ ଉର୍ଦ୍ଧ୍ଵ ଗୋରୁ ଉଦ୍ଧାର, ୧୧ ଗିରଫ
  • ||
  • ସମାନ ନାଗରିକ ସଂହିତା ଲାଗୁ କରିବା ପ୍ରସ୍ତୁତିରେ ମୋଦି ସରକାର , ପ୍ରଥମେ ଉତ୍ତରାଖଣ୍ଡରେ ଏହି ଆଇନ୍‌ ଲାଗୁ କରାଯିବାର ଅଭ୍ୟାସ ଆରମ୍ଭ କରାଯାଇଛି
  • ||
  • ଗୁଜରାଟରେ ବଡ଼ ବିଜୟର ପ୍ରସ୍ତୁତିରେ ବିଜେପି , କଂଗ୍ରେସ ଦୁର୍ବଳତାର ବି ମିଳିବ ଫାଇଦା
  • ||

ପୁଣି ଦଳକୁ ବାହୁଡ଼ିଲେ ବିଜୟ, ଆସନ୍ତାକାଲି ମୋଦିଙ୍କ ଉପସ୍ଥିତିରେ ଯୋଗ ଦେବେ

ଭୁବନେଶ୍ବର ୨୮।୩: ସବୁ କଳ୍ପନାଜଳ୍ପନାର ଅନ୍ତ ଘଟାଇ ବିଜେପିରୁ ଇସ୍ତଫା ଦେଇଥିବା ବରିଷ୍ଠ ନେତା ବିଜୟ ମହାପାତ୍ର ପୁଣି ଦଳକୁ ଫେରିଛନ୍ତି । ତାଙ୍କୁ ମନାଇବାରେ ସଫଳ ହୋଇଛନ୍ତି ଦଳର ତୁଙ୍ଗ ନେତାଗଣ। 
ବିଜେପିର ରାଜ୍ୟ ପ୍ରଭାରୀ ଅରୁଣ ସିଂହ ଏବଂ ବିଜେପିର ରାଷ୍ଟ୍ରୀୟ ଉପାଧ୍ୟକ୍ଷ ତଥା ରାଷ୍ଟ୍ରୀୟ ମୁଖପାତ୍ର ବୈଜୟନ୍ତ ପଣ୍ଡା ତାଙ୍କ ବାସଭବନରେ ପହଞ୍ଚି ତାଙ୍କ ସହ ଆଲୋଚନା କରିଥିଲେ । ଆସନ୍ତାକାଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉପସ୍ଥିତିରେ ବିଜୟ ମହାପାତ୍ର ବିଜେପିରେ ଯୋଗଦେବେ । କୋରାପୁଟ ଜିଲ୍ଲା ଜୟପୁରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନିର୍ବାଚନୀ ସଭାରେ ବିଜୟ ମହାପାତ୍ର ଦଳରେ ସାମିଲ ହେବେ ।

ସୂଚନାଯୋଗ୍ୟ ଯେ, ବିଜୟ ମହାପାତ୍ର ଏବଂ ରାଉରକେଲା ବିଧାୟକ ଦିଲ୍ଲୀପ ରାୟ ଏକାଠି ବିଜେପି ଛାଡିଥିଲେ । ବ୍ରାହ୍ମଣୀ ନଦୀ ଉପରେ ଦ୍ବିତୀୟ ସେତୁ ନିର୍ମାଣ ପାଇଁ କେନ୍ଦ୍ର ସରକାର ତାଙ୍କ ପ୍ରତିଶୃତି ପୂରଣ ନକରିବା ପ୍ରତିବାଦରେ ଦିଲ୍ଲୀପ ଦଳ ଛାଡିଥିଲେ । ଉଭୟ ଦିଲ୍ଲୀପ ରାୟ ଏବଂ ବିଜୟ ମହାପାତ୍ର ବିଜେପିର ରାଷ୍ଟ୍ରୀୟ କାର୍ଯ୍ୟକାରିଣୀ ସଦସ୍ୟ ଥିଲେ । ତେବେ ଦଳ ତାଙ୍କୁ ଅଣଦେଖା କରୁଥିବା ପ୍ରତିବାଦରେ ବିଜୟ ଦଳ ଛାଡିଥିଲେ ।

ଦଳ ଛାଡିବା ପରେ ବିଜୟ ଓ ଦିଲ୍ଲୀପ ବିଜେଡିକୁ ଫେରିବେ ବୋଲି ଚର୍ଚ୍ଚା ଜୋର ଧରିଥିଲା । ଦିଲ୍ଲୀପ ନବୀନ ନିବାସ ଯାଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହ ସାକ୍ଷାତ କରି ଆସିଥିଲେ । ଏହାପରେ ସେ ବିଜେଡିରେ ସାମିଲ ହେଉଥିବା ଚର୍ଚ୍ଚା ସାଂଗକୁ କେନ୍ଦ୍ରାପଡାରୁ ଲୋକସଭା ଆସନ ପାଇଁ ବିଜେଡି ପ୍ରାର୍ଥୀ ହେବେ ବୋଲି ଚର୍ଚ୍ଚା ଜୋର ଧରିଥିଲା ।

ଅପରପକ୍ଷରେ ବିଜୟଙ୍କୁ ବିଜେଡିର ଗୋଟିଏ ଗୋଷ୍ଠୀ ବିରୋଧ କରିବା ସହ ବିଜେଡିକୁ ତାଙ୍କ ପ୍ରବେଶ କରାଇନଦେବା ଲାଗି ଉଦ୍ୟମ କରୁଥିବା ମଧ୍ୟ ଶୁଣିବାକୁ ମିଳୁଥିଲା । କୌଣସି ଦଳରେ ବିଜୟ ଯୋଗ ଦେଉନଥିବାରୁ ଚଳିତ ନିର୍ବାଚନରେ ତାଙ୍କ ଭୂମିକା କଣ ହେବ ତାକୁ ନେଇ ବିଭିନ୍ନ କଳ୍ପନା ଜଳ୍ପନା ପ୍ରକାଶ ପାଇ ଆସୁଥିଲା । ବୈଜୟନ୍ତ ପଣ୍ଡା ଏବଂ ଡାକ୍ତର ଦମୋଦର ରାଉତ ବିଜେପିରେ ଯୋଗ ଦେବାପରେ ତାଙ୍କୁ ପୁଣି ଦଳକୁ ଫେରାଇ ଆଣିବା ପାଇଁ ବିଜେପି ଉଦ୍ୟମ କରିଥିଲା । କେନ୍ଦ୍ରୀୟ ନେତାମାନେ ବିଜୟଙ୍କ ସହ ସିଧାସଳଖ କଥା ହୋଇଥିବାବେଳେ ବୈଜୟନ୍ତ ପଣ୍ଡା ମଧ୍ୟ ବିଜୟଙ୍କ ସହ ବିଜେପି ତରଫରୁ ଆଲୋଚନା କରିଥିଲେ । ଶେଷରେ ବିଜୟ ପୁଣି ବିଜେପିକୁ ଫେରିବା ଲାଗି ସମ୍ମତି ପ୍ରକାଶ କରିଥିବା ବିଜୟଙ୍କ ନିକଟତମ ସୂତ୍ରରୁ ପ୍ରକାଶ ।

ସୂଚନାଯୋଗ୍ୟ ଯେ, ବିଜୁ ପଟ୍ଟନାୟକଙ୍କ ମୁଖ୍ୟମନ୍ତ୍ରୀତ୍ବ ସମୟରେ ୧୯୯୦ରୁ ୧୯୯୫ ମସିହା ମଧ୍ୟରେ ବିଜୟ ମହାପାତ୍ର ଜଣେ ପ୍ରଭାବଶାଳୀ ମନ୍ତ୍ରୀ ଥିଲେ । ତତ୍କାଳୀନ ଜନତା ଦଳ ରାଜ୍ୟ ଶାଖାର ସେ ରାଜନୈତିକ ବ୍ୟାପାର କମିଟିର ଆବାହାକ ମଧ୍ୟ ଥିଲେ । ତେବେ ୨୦୦୦ ମସିହାରେ ନବୀନ ତାଙ୍କୁ ପାଟକୁରା ନିର୍ବାଚନମଣ୍ଡଳିରୁ ଶେଷ ମୁହୂର୍ତ୍ତରେ ଟିକେଟ ଦେଇନଥିଲେ । ଫଳରେ ବିଜୟ ମହାପାତ୍ର ନିର୍ବାଚନ ଲଢି ପାରିନଥିଲେ । ତେବେ ବିଜେଡିକୁ ଉଚିତ ଜବାବ ଦେବାପାଇଁ ଏନସିପି ବିଧାୟକଙ୍କୁ ପାଟକୁରାରେ ସମର୍ଥନ କରିଥିଲେ । ପରବର୍ତ୍ତି ସମୟରେ ବିଜୟ ମହାପାତ୍ର ଓଡିଶା ଗଣ ପରିଷଦ ନାମକ ଏକ ନୂଆ ଦଳ ଗଠନ କରିଥିଲେ । ୨୦୦୪ ମସିହା ନିର୍ବାଚନରେ ବିଜୟ ମହାପାତ୍ରଙ୍କ ଓଡିଶା ଗଣ ପରିଷଦ ୨ଟି ଆସନରେ ବିଜୟୀ ହୋଇଥିଲେ ମଧ୍ୟ ନିଜେ ବିଜୟ ମହାପାତ୍ର ପାଟକୁରାରୁ ହାରିଯାଇଥିଲେ ।

ପରବର୍ତ୍ତି ସମୟରେ ଶରଦ ପାୱାରଙ୍କ ଏନସିପି ଦଳରେ ଓଡିଶା ଗଣ ପରିଷଦ ବିଲୀନ ହୋଇଯାଇଥିଲା । ତେବେ ଶରଦ ପାୱାର ଏନସିପି ସହ ମେଣ୍ଟ କରିବାରୁ ୨୦୦୯ ମସିହା ନିର୍ବାଚନ ପୂର୍ବରୁ ବିଜୟ ମହାପାତ୍ର ଏନସିପି ଛାଡି ବିଜେପିରେ ଯୋଗ ଦେଇଥିଲେ । ପଞ୍ଚାୟତ ନିର୍ବାଚନ ବେଳେ ବିଜୟ ବିଜେପିର ମଙ୍ଗ ଧରିଥିଲେ । ପଞ୍ଚାୟତ ନିର୍ବାଚନରେ ବିଜେପି ଭଲ ପ୍ରଦର୍ଶନ ମଧ୍ୟ କରିଥିଲା । ତେବେ ମହାନଦୀ ପ୍ରସଂଗଠୁ ଆରମ୍ଭ କରି ବିଭିନ୍ନ ପ୍ରସଂଗରେ ଦଳ ସହ ବିଜୟଙ୍କ ଆଭିମୁଖ୍ୟ ମିଶିନଥିଲା । ବିଜୟ ଦଳ ସମ୍ପର୍କରେ ଖୋଲା ଖୋଲି ଗଣମାଧ୍ୟରେ ସମାଲୋଚନା କରିବାକୁ ପଛାଇନଥିଲେ । ଏପରିକି ଭୁବନେଶ୍ବରଠାରେ ଅନୁଷ୍ଠିତ ବିଜେପି ରାଷ୍ଟ୍ରୀୟ କାର୍ଯ୍ୟକାରିଣୀରେ ମଧ୍ୟ ବିଜୟ ଯୋଗ ଦେଇନଥିଲେ । ଧୀରେ ଧୀରେ ଦଳ ଓ ବିଜୟଙ୍କ ମଧ୍ୟରେ ତିକ୍ତତା ବୃଦ୍ଧି ପାଇବାରେ ଲାଗିଥିଲା ଓ ଗତ ଡିସେମ୍ବର ୧ ତାରିଖରେ ବିଜୟ ଦଳ ଛାଡିବା ଘୋଷଣା କରିଥିଲେ ।

ଏବେ ବିଜୟ ପୁଣି ବିଜେପିକୁ ଫେରିଲେ ବିଜେପି ନିଶ୍ଟୟ ଶକ୍ତିଶାଳୀ ହେବ । ବିଜୟଙ୍କୁ ଉପକୂଳ ଓଡିଶାର ମଂଗୁଆଳ ଦାୟିତ୍ବ ପ୍ରଦାନ କରି ଦଳ ସଫଳତା ହାସଲ ପାଇଁ ରଣନୀତି ପ୍ରସ୍ତୁତ କରିଥିବା ବିଶ୍ବସ୍ଥ ସୂତ୍ରରୁ ଜଣାପଡିଛି ।