PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟୋକିଓ ଅଲିମ୍ପିକ୍ସ: ଭାରତୀୟ ମହିଳା ହକି ଟିମ୍‌ ଜର୍ମାନୀ ଠାରୁ ୨-୦ରେ ହାରିଲା
  • ||
  • ଆନନ୍ଦପୁର : ଗାଧୋଇବା ବେଳେ ଅଘଟଣ, କେନାଲରେ ବୁଡ଼ି ଯୁବକ ମୃତ
  • ||
  • ଭୁବନେଶ୍ଵର : ରାଜଧାନୀରେ ପୁଣି ଆତଙ୍କରାଜ, ୨ ଯୁବକଙ୍କୁ ବିଚ୍ ରାସ୍ତାରେ ଗୋଡ଼ାଇ ଗୋଡ଼ାଇ ହାଣିଲେ ଦୁର୍ବୃତ୍ତ
  • ||
  • ନୂଆଦିଲ୍ଲୀ: ମୀରାବାଈ ଚାନୁଙ୍କୁ ମିଳିପାରେ ସ୍ବର୍ଣ୍ଣ ପଦକ, ଝିହୁଇ ହୋଙ୍କର ହେବ ଆଣ୍ଟି ଡୋପିଂ ଟେଷ୍ଟ
  • ||
  • କୋରାପୁଟ: ଭ୍ୟାନରୁ ୧.୮ଲକ୍ଷ ଟଙ୍କା ସହ କୋଟିଏ ଟଙ୍କାର ଗଞ୍ଜେଇ ଜବତ କଲା ଜୟପୁର ସଦର ପୋଲିସ, ଜଣେ ଗିରଫ
  • ||
  • ସମ୍ବଲପୁର: ବଲାଙ୍ଗୀର ଏନ୍‌ଏଚ୍‌ ଲୁଟ ଘଟଣା, ୬ କୁଖ୍ୟାତ୍ ଟ୍ରକ୍ ଲୁଟେରାଙ୍କୁ ଗିରଫ କଲା ପୋଲିସର ସ୍ବତନ୍ତ୍ର ସ୍କ୍ବାର୍ଡ
  • ||
  • ସମ୍ବଲପୁର: ପୁଣି ଖୋଲିଲା ହୀରାକୁଦ ଡ୍ୟାମ୍‌ର ୨ ଗେଟ୍‌, ମୋଟ ୮ଟି ଗେଟ୍ ଦେଇ ଜଳ ନିଷ୍କାସନ ଜାରି
  • ||
  • ବେଙ୍ଗାଲୁରୁ : କର୍ଣ୍ଣାଟକ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଲେ ୟେଦିୟୁରପ୍ପା
  • ||
  • ଭୁବନେଶ୍ୱର : ତୃତୀୟ ଲହରୀ ଆସିବାର ଏପର୍ଯ୍ୟନ୍ତ କୌଣସି ଲକ୍ଷଣ ନାହିଁ, ସ୍ଥିତି ଦେଖି ଅନ୍‌ଲକ୍‌ ନିଷ୍ପତ୍ତି : ଡିଏମ୍‌ଇଟି
  • ||
  • ନୂଆଦିଲ୍ଲୀ: ମହାରାଷ୍ଟ୍ର ସଦନରେ ଅଗ୍ନିକାଣ୍ଡ, ନିଆଁଲିଭା କାର୍ଯ୍ୟରେ ୪ଟି ଦମକଳ ଗାଡ଼ ନିୟୋଜିତ
  • ||
  • ସାଲେପୁର: ବାଇକ୍‌କୁ ଧକ୍କା ଦେଲା ଟ୍ରକ୍, ସ୍ଵାମୀ-ସ୍ତ୍ରୀ ଗୁରୁତର
  • ||
  • ଭୁବନେଶ୍ୱର: ଓଡ଼ିଶାରେ କମୁଛି ସଂକ୍ରମଣ, ୨୪ ଘଣ୍ଟା ମଧ୍ୟରେ ୧୬୩୭ ଜଣ କରୋନା ପଜିଟିଭ ଚିହ୍ନଟ
  • ||
  • ଭୁବନେଶ୍ୱର: ଖୋଲିଲା ସ୍କୁଲ, ପାଠପଢ଼ା ଆରମ୍ଭ କଲେ ଦଶମ ଓ ଦ୍ବାଦଶ ଛାତ୍ରଛାତ୍ରୀ
  • ||
  • ଭୋଗରାଇ : ନଦୀ ଘାଟକୁ ପାଣି ଆଣିବାକୁ ଯାଇ ଭାସିଗଲା ନାବାଳକ, ଉଦ୍ଧାର କାର୍ଯ୍ୟ ଜାରି
  • ||
  • କାର୍ଗିଲ ବିଜୟ ଦିବସ : ପାକିସ୍ତାନକୁ ଧୂଳି ଚଟାଇ କାର୍ଗିଲ ଶିଖରରେ ତ୍ରିରଙ୍ଗା ଉଡ଼ାଇଥିଲେ ଭାରତର ବୀର ଯବାନ
  • ||
  • ଭୁବନେଶ୍ୱର : ଆଜି ବାଲେଶ୍ୱରକୁ ଛାଡ଼ି ସବୁଠି ଟିକାକରଣ, ରାଜ୍ୟର ୧୩୦୨ କେନ୍ଦ୍ରରେ ଦିଆଯିବ ଟିକା
  • ||
  • ଆଠଗଡ଼ : ଶ୍ରାବଣ ମାସର ପ୍ରଥମ ସୋମବାର, ଭକ୍ତଶୂନ୍ୟ ବାବା ଧବଳେଶ୍ଵରଙ୍କ ପୀଠ
  • ||
  • ଅନଗୁଳ : ବିଳମ୍ବିତ ରାତିରେ ଘର ପୋଡ଼ିଦେଲେ ଦୁର୍ବୃତ୍ତ, ଲକ୍ଷାଧିକ ଟଙ୍କାର ସମ୍ପତ୍ତି ପୋଡ଼ି ପାଉଁଶ
  • ||
  • ଭୁବନେଶ୍ଵର : ରାଜ୍ୟରେ ଆଉ ୬୨ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୫୫୭୪କୁ ବୃଦ୍ଧି
  • ||
  • ଭୁବନେଶ୍ୱର : ଓଡ଼ିଶାରେ କମୁଛି ସଂକ୍ରମଣ, ଗତ ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ଆଉ ୧୬୩୭ ଜଣ କରୋନା ପଜିଟିଭ୍
  • ||

ବେଫିକର ଗାଡି଼ଚାଳକ, ‘ଟି’ ଜଙ୍କସନ୍‌ରେ ସବୁ ମାଫ୍‌

ଭୁବନେଶ୍ୱର,୧୧ ।୨(ବ୍ୟୁରୋ): ବଡ଼ ଟ୍ରାଫିକ୍‌ ପୋଷ୍ଟରେ ଫୁଲ୍‌ ସଚେତନ । ଜେବ୍ରା କ୍ରସିଂରୁ ଇଞ୍ଚିଏ ବି ଆଗକୁ ମାଡୁନାହାନ୍ତି । ହେଲେ ‘ଟି’ ଜଙ୍କସନରେ ଫୁଲ ବେଫିକର୍‌ ହୋଇ ଯାଉଛନ୍ତି ଆମ ସ୍ମାର୍ଟସିଟିର ଗାଡି଼ଚାଳକ । ଟ୍ରାଫିକ୍‌ ସିଗନାଲ କଥା ଛାଡନ୍ତୁ, ଗାଡି଼ ଚାଳକମାନେ ଏଠି ମନଇଚ୍ଛା ଗାଡି଼ ଚଳାଉଛନ୍ତି । ଜେବ୍ରା କ୍ରସିଂକୁ ମାଡି଼ ଡେଞ୍ଜର ଜୋନ୍‌ରେ ଗାଡି଼ ରଖୁଛନ୍ତି । ଟ୍ରାଫିକ୍‌ ଜଗିବା ଦାୟିତ୍ୱରେ ଥିବା ପୁଲିସ ବି ଏଠି ବେଫିକର । ସତେ ଯେମିତି, ଏହି ‘ଟି’ ଜଙ୍କସନରେ ଗାଡି଼ ଚାଳକଙ୍କ ପାଇଁ ସବୁ ମାଫ୍‌ । ପୁଲିସ ଏହି ନିୟମ ଭଙ୍ଗକାରୀଙ୍କୁ ଧରିବା ପରିବର୍ତ୍ତେ ହେଲମେଟ୍‌ ଚେକିଂରେ ମାତିଛି ।
ସହରର ଅନେକ ଛକରେ ଇଂରାଜୀ ଅକ୍ଷର “ଟି’ ଆକୃତିର ଟ୍ରାଫିକ୍‌ ପୋଷ୍ଟ ରହିଛି । ସମାନ ଢ଼ଙ୍ଗରେ ଟ୍ରାଫିକ୍‌ ସିଗନାଲ୍‌ ମଧ୍ୟ ଅଛି । ହେଲେ ଏଠି ଟ୍ରାଫିକ୍‌ ନିୟମ ମାନିବାକୁ ଅଧିକାଂଶ ଗାଡିଚାଳକ ନାରାଜ୍‌ । ଏଜି ଛକ, ନାଲ୍‌କୋ ଛକ ଭଳି ବଡ଼ ଟ୍ରାଫିକ୍‌ରେ ନିୟମକୁ ଅକ୍ଷରେ ଅକ୍ଷରେ ମାନୁଥିବା ଗାଡି଼ଚାଳକ “ଟି’ ଜଙ୍କସନରେ ସବୁ ନିୟମକୁ ଫୁ କରି ଉଡାଇ ଦେଉଛନ୍ତି । ପୁଲିସ କି ଫାଇନ୍‌ର ଡର ନାହିଁ । ଟ୍ରାଫିକ୍‌ ସିଗନାଲରେ ନାଲି ଆଲୁଅ ଜଳୁଥିଲେ ବି ଖାତିର୍‌ ନାହିଁ । କିଛି ପୋଷ୍ଟରେ ଟ୍ରାଫିକ୍‌ ପୁଲିସଙ୍କ ଦେଖା ମିଳୁନି । ଟ୍ରାଫିକ୍‌ ସିଗନାଲ ତା ବାଟରେ ଚାଲୁଛି । ତିନି ଆଡୁ ଏକା ବେଳକେ ଗାଡି଼ମଟର ମାଡି଼ଯିବା ଫଳରେ ଟ୍ରାଫିକ୍‌ ଜାମ୍‌ ହେଉଛି । ଏଥିରେ ସଚେତନ ଗାଡ଼ିଚାଳକମାନେ ଅଧିକ ଫସୁଛନ୍ତି । ଟ୍ରାଫିକ୍‌ ସିଗନାଲକୁ ମାନି ଯଦି ଗାଡ଼ି ଅଟକାଉଛନ୍ତି, ଓଲଟି ନିୟମ ଭାଙ୍ଗୁଥିବା ଚାଳକଙ୍କଠାରୁ ଗାଳି ଶୁଣିବାକୁ ପଡ଼ୁଛି ।
ସବୁଠୁ ହାଇ ସିକ୍ୟୁରିଟି ଜୋନ୍‌ ବୋଲାଉଥିବା ବିଧାନସଭା ସାମ୍ନା ପିଏମ୍‌ଜି ଛକ ଓ ରବୀନ୍ଦ୍ର ମଣ୍ଡପ ଛକ ହେଉ ଅବା ପୁଲିସ ମୁଖ୍ୟାଳୟ ସାମ୍ନା ୧୨୦ ବାଟାଲିୟନ ଛକ । ଏସବୁ ଛକରେ ସକାଳୁ ରାତି ଯାଏଁ ଏମିତି ରିତିମତ ଟ୍ରାଫିକ୍‌ ନିୟମକୁ ଦଳି ମକଚି ଦେଉଛନ୍ତି ଗାଡିଚାଳକ । ପ୍ରମେୟ ଅଫିସ ସାମ୍ନା ଛକ, ସୌଭାଗ୍ୟ ନଗର, ଗଙ୍ଗନଗର, ନବୀନ ନିବାସ ଆଡ଼କୁ ଥିବା ଫରେଷ୍ଟ ପାର୍କ ଛକ, ରାମ ମନ୍ଦିର, ସତ୍ୟନଗର, ଶାସ୍ତ୍ରୀନଗର ଆଦି ଛକରେ ଅନେକ ସମୟରେ ପୁଲିସ କର୍ମଚାରୀ ରହୁନାହାନ୍ତି । ଯଦି ଡ୍ୟୁଟିରେ ରହୁଛନ୍ତି, ଟ୍ରାଫିକ୍‌ ପୋଷ୍ଟ ଛାଡି ରାସ୍ତାକଡରେ ଛିଡା ହେଉଛନ୍ତି । ଫଳରେ ଗାଡିଚାଳକମାନେ ଏଠି ବେଫିକର୍‌ ହୋଇଯାଉଛନ୍ତି । ଶୈଳଶୀ ବିହାର, ରୁପାଲି ଛକ, ଆନନ୍ଦ ବଜାର, ରିଜିଓନାଲ କଲେଜ ଛକ, ରେଡ୍‌କ୍ରସ୍‌ ଛକରେ ମଧ୍ୟ ସମାନ ଅବସ୍ଥା । ଫଳରେ ଏଭଳି “ଟି’ ଜଙ୍କସନର ଛକଗୁଡ଼ିକରେ ସବୁଦିନ କିଛି ନା କିଛି ଦୁର୍ଘଟଣା ଘଟୁଛି ।
ଏସବୁ ସ୍ଥାନରେ ଟ୍ରାଫିକ୍‌ ନିୟମକୁ କଡ଼ାକଡ଼ି କରିବାକୁ ଅନେକ ବରିଷ୍ଠ ନାଗରିକ ବାରମ୍ବାର ପୁଲିସର ଦୃଷ୍ଟି ଆକର୍ଷଣ କରିଛନ୍ତି । ହେଲମେଟ୍‌ ଚେକିଂ ସହ ଏସବୁ ସ୍ଥାନରେ ସଡ଼କ ସୁରକ୍ଷା ବିଷୟରେ ମଧ୍ୟ ପୁଲିସ ଚିନ୍ତା କରିବା ଦରକାର ବୋଲି ମତ ଦେଉଛନ୍ତି । ଏବେ ବହୁସଂଖ୍ୟକ ଟ୍ରାଫିକ୍‌ ଭଲ୍ୟୁଣ୍ଟରଙ୍କୁ ଟ୍ରାଫିକ ନିୟନ୍ତ୍ରଣରେ ମୁତୟନ କରାଯାଇଛି । ଏହି ସ୍ୱେଚ୍ଛାସେବୀମାନଙ୍କ ସହ କିଛି ଗୃହରକ୍ଷୀଙ୍କୁ ‘ଟି’ ଜଙ୍କସନରେ ମୁତୟନ କରାଯାଉ । ଆଉ ନିୟମ ଭାଙ୍ଗୁଥିବା ଗାଡିଚାଳକଙ୍କଠାରୁ ଜରିମାନା ଆଦାୟ କିମ୍ବା କାର୍ଯ୍ୟାନୁଷ୍ଠାନ ନିଆଯାଉ ବୋଲି ବରିଷ୍ଠ ନାଗରିକମାନେ ଦାବି କରିଛନ୍ତି । ଫଳରେ ବିଶୃଙ୍ଖଳିତ ଚାଳକମାନେ ସାବାଡ୍‌ ହୋଇଯିବେ ବୋଲି ମତପ୍ରକାଶ ପାଇଛି ।

ସମ୍ବନ୍ଧିତ ଖବର