PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଉଚ୍ଚ ମାଧ୍ୟମିକ ଶିକ୍ଷା ପରିଷଦ ପକ୍ଷରୁ ନୋଟିସ, ଘୁଞ୍ଚିଲା +୨ ପରୀକ୍ଷା
  • ||
  • ମହାରାଷ୍ଟ୍ରରେ ମର୍ମନ୍ତୁଦ ଦୁର୍ଘଟଣା: କାଠ ବୋଝେଇ ଟ୍ରକକୁ ଧକ୍କା ଦେବାପରେ ଡିଜେଲ ଟ୍ୟାଙ୍କରରେ ଲାଗିଲା ନିଆଁ, ୯ ଜଣ ଜୀବନ୍ତ ଦଗ୍ଧ
  • ||
  • ସରେଣ୍ଡର୍ କଲେ କଂଗ୍ରେସ ନେତା ନବଜୋତ ସିଂହ ସିଦ୍ଧୁ, ୩୪ ବର୍ଷ ପୂର୍ବ ରୋଡ୍‌ ରେଜ୍‌ ମାମଲାରେ ହୋଇଛି ବର୍ଷେ ସଶ୍ରମ କାରାଦଣ୍ଡ
  • ||
  • ଭୁବନେଶ୍ଵର : ରାସନ ସାମଗ୍ରୀ ବଣ୍ଟନରେ ଅନିୟମିତତା ଅଭିଯୋଗ, ସ୍ଥିତି ସମୀକ୍ଷା କଲେ ବିଏମ୍ସି ମେୟର ସୁଲୋଚନା ଦାସ
  • ||
  • ଭୁବନେଶ୍ଵର : ରାଜଧାନୀରେ ଚାଞ୍ଚଲ୍ୟ, ଜଗନ୍ନାଥ ନଗରରେ ବୋମା ମାଡ଼
  • ||
  • ନୂଆଦିଲ୍ଲୀ : ୨୭ ମାସ ପରେ ଜେଲ୍‌ରୁ ମୁକୁଳିଲେ ଆଜମ ଖାନ, ସ୍ଵାଗତ କଲେ ଶିବପାଳ ଯାଦବ
  • ||
  • ଭୁବନେଶ୍ଵର : ରାଜ୍ୟରେ ଖସୁଛି କରୋନା ଗ୍ରାଫ୍, ୨୪ ଘଣ୍ଟା ମଧ୍ୟରେ ୧୦ ପଜିଟିଭ୍ ଚିହ୍ନଟ
  • ||
  • ସିବିଆଇ ପଞ୍ଝାରେ ପୁଣି ଲାଲୁ ପ୍ରସାଦ : ରେଲୱେ ନିଯୁକ୍ତିରେ ଦୁର୍ନୀତି ଅଭିଯୋଗ, ୧୭ଟି ଠିକଣାରେ ଚାଲିଛି ରେଡ୍
  • ||

ଗାଡ଼ି ଫେରାଇବାକୁ କହି ଫସିଲା ଲୁଟେରା

ଭୁବନେଶ୍ୱର,୨୫ା୩(ବ୍ୟୁରୋ): ଓଏଲ୍‌ଏକ୍ସରେ ବିଜ୍ଞାପନ ଦେଖିଲେ । ଯୋଗାଯୋଗ ହେଲା । ତେବେ ଟ୍ରାଏଲ୍‌ କରିବା ବାହାନାରେ ବାଇକ୍‌ ଲୁଟେିନଲେ । ହେଲେ ପରେ ଟଙ୍କା ବଦଳରେ ବାଇକ୍‌ ଫେରାଇବାକୁ କହି ଫସିଛନ୍ତି ଦୁଇ ଲୁଟେରା । ଟଙ୍କା ନେଇ ବାଇକ୍‌ ଫେରାଇବାକୁ ଆସଥିବିା ବେଳେ ଦୁଇ ଲୁଟେରାଙ୍କୁ ମାଡ଼ି ବସି କାବୁ କରିଛନ୍ତି ନିଜେ ଗାଡ଼ି ମାଲିକ । ଆଜି ଏମିତି ଘଟଣା ଘଟିଛି ମାଷ୍ଟରକ୍ୟାଣ୍ଟିନ ଛକରେ । ଅଭିଯୋଗକ୍ରମେ ମଞ୍ଚେଶ୍ୱର ଥାନା ପୁଲିସ ଦୁଇ ଲୁଟେରାଙ୍କୁ ଗିରଫ କରିଛି । ସେମାନଙ୍କୁ ଆସନ୍ତାକାଲି କୋର୍ଟ ଚାଲଣ କରାଯିବ ।

ଘଟଣାଟି ଏମିତି, ସୋନପୁର ଜିଲ୍ଲାର ରଜତ ପାତ୍ର ସିଆର୍‌ପି ଛକରେ ରହୁଛନ୍ତି । ୬ ମାସ ତଳେ ସେ ଅଢ଼େଇ ଲକ୍ଷ ଟଙ୍କାରେ ଏକ ନୂଆ ବାଇକ୍‌(ଓଡି୩୩ ୟୁ ୦୬୧୪) କିଣିଥିଲେ । ଉକ୍ତ ବାଇକ୍‌କୁ ବିକିବା ଉଦ୍ଦେଶ୍ୟରେ ଓଏଲ୍‌ଏକ୍ସରେ ମାସେ ତଳେ ଏକ ବିଜ୍ଞାପନ ଦେଇଥିଲେ । ୧ଲକ୍ଷ ୪୦ ହଜାର ଟଙ୍କା ବାଇକ୍‌ର ଦାମ ରଖଥିେିଲେ । ଦୁଇ ଲୁଟେରା ପୁରୀ ଅଞ୍ଚଳର ବୋଲି ପରିଚୟ ଦେଇ ତାଙ୍କୁ ଫୋନ୍‌ରେ ଯୋଗାଯୋଗ କରିଥିଲେ । ବାଇକ୍‌ ଦେଖିବା ପାଇଁ ୨୧ ତାରିଖରେ ତାଙ୍କୁ ଡମଣା ଛକ କେଳୁଚରଣ ପାର୍କ ନିକଟକୁ ଡାକିଥିଲେ । ରଜତ ବାଇକ୍‌ ନେଇ ସନ୍ଧ୍ୟା ସାଢ଼େ ୭ଟାରେ ଯାଇଥିଲେ । ଟ୍ରାଏଲ କରିବା ବାହାନାରେ ଜଣେ ଲୁଟେରା ଗାଡ଼ି ଚଳାଇଥିଲା । ଅନ୍ୟ ଜଣଙ୍କ ସହ ରଜତ ବାଇକ୍‌ ପଛରେ ବସିଥିଲେ । ପରେ ଦୁଇ ଲୁଟେରା ରଜତଙ୍କୁ ଠେଲି ତଳେ ପକାଇଦେଇ ବାଇକ୍‌ ନେଇ ପଳାଇଥିଲେ । ଏନେଇ ରଜତ ମଞ୍ଚେଶ୍ୱର ଥାନାରେ ଅଭିଯୋଗ କରିଥିଲେ ।

ତେବେ ରବିବାର ଲୁଟେରାମାନେ ରଜତଙ୍କୁ ଫୋନ୍‌ କରିଥିଲେ । ୧୦ ହଜାର ଟଙ୍କା ଦେଲେ, ବାଇକ୍‌ ଫେରାଇ ଦେବୁ ବୋଲି କହିଥିଲେ । ଟଙ୍କା ନେଇ ମାଷ୍ଟରକ୍ୟାଣ୍ଟିନ ଛକକୁ ଆସିବା ପାଇଁ କହିଥିଲେ । ରଜତ ତାଙ୍କ କଥା ମୁତାବକ ଆଜି ସକାଳ ସାଢ଼େ ୧୦ଟା ବେଳେ ମାଷ୍ଟରକ୍ୟାଣ୍ଟିନ ଛକରେ ପହଞ୍ଚିଥିଲେ । ଅନ୍ୟ ଏକ ବାଇକ୍‌ରେ ରଜତଙ୍କୁ ମଝିରେ ବସାଇ ଦୁଇ ଲୁଟେରା ଲୁଟ୍‌ ବାଇକ୍‌ ପାଖକୁ ନେଉଥିଲେ । ସୁଯୋଗ ଦେଖି ରଜତ ବାଇକ୍‌ ଚଳାଉଥିବା ଲୁଟେରାଙ୍କୁ ବେକକୁ ତଣ୍ଟିଆ ମାରିଥିଲେ । ଲୁଟେରା ଜଣକ ଭାରସାମ୍ୟ ହରାଇ ବାଇକ୍‌ ସହିତ ପଡ଼ି ଯାଇଥିଲେ । ରଜତ ସ୍ଥାନୀୟ ଲୋକଙ୍କ ସହାୟତାରେ ଦୁଇ ଲୁଟେରାଙ୍କୁ କାବୁ କରି ପୁଲିସର ଜିମା ଦେଇଛନ୍ତି ।