ମାତ୍ର ୯ ଟଙ୍କାରେ ଯାଆନ୍ତୁ ବିଦେଶ, ‘ବିକିନି ଏୟାରଲାଇନ୍‌’ ଦେଉଛି ସୁଯୋଗ

ନୁଆଦିଲ୍ଲୀ ୨୦/୮: କମ୍ ବଜେଟରେ ବିଦେଶ ବୁଲିବାକୁ ଯିବା ପାଇଁ ଇଛା କରିଥିବା ବ୍ଯକ୍ତିମାନଙ୍କ ପାଇଁ ଖୁସିଖବର । ଭିଏତନାମର ଲୋ କଷ୍ଟ ବିକିନି ଏୟାରଲାଇନ୍ସ ଭିଯତଜେଟ୍ ବମ୍ଫର ଅଫର ଆଣିଛି । ଭିୟତଜେଟ୍ ଏୟାରଲାଇନ୍ସ ମାତ୍ର ୯ ଟଙ୍କାରେ ଭିଏତନାମ ଫ୍ଲାଇଟ୍ ଟିକେଟ୍ ଦେଉଛି । ଭିୟତଜେଟ୍, ଭାରତ ଓ ଭିଏତନାମ ମଧ୍ଯରେ ଡାଇରେକ୍ଟ ଉଡାଣ ଆରମ୍ଭ କରିବାକୁ ଯାଉଛି । ସେଥିପାଇଁ ଏହି ଦମଦାର ଅଫର ଆଣିଛି କମ୍ପାନୀ ।

କେବେ ପର୍ଯ୍ୟନ୍ତ ରହିଛି ଅଫର
ଭିଏତଜେଟ୍ ଏୟାରଲାଇନ୍ସ ୩ ଦିନ ପାଇଁ ଗୋଲ୍ଡେନ୍ ଡେଜ୍ ଅଫର ଆରମ୍ଭ କରିଛି । ଏହା ୨୦ ଅଗଷ୍ଟରୁ ଆରମ୍ଭ ହୋଇ ୨୨ ଅଗଷ୍ଟ ପର୍ଯ୍ୟନ୍ତ ଚାଲିବ । ଭିଏତଜେଟ୍ ନୁଆଦିଲ୍ଲୀରୁ ଚିନ ମିନ୍ ସିଟି ଓ ହନୋଇର ନୂଆ ରୁଟରେ ନନ୍-ଷ୍ଟପ୍ ଉଡାଣ ଆରମ୍ଭ କରିବ । ଅଫର ଅନୁସାରେ ୯ ଟଙ୍କାରେ ବେସ୍ ଫେୟାରରେ ବିମାନ ଟିକେଟ୍ ମିଳୁଛି । ଏହି ଫେୟାରରେ ଭ୍ୟାଟ୍, ଏୟାରପୋର୍ଟ ଫିସ୍ ଓ ଅନ୍ଯ ସରଚାର୍ଜ ସାମିଲ ନାହିଁ ।

ଏମିତି ବୁକ୍ କରନ୍ତୁ ଟିକେଟ୍
କଷ୍ଟମର  www.vietjetair.com  ୱେବସାଇଟକୁ ଯାଇ ନିଜ ଟିକେଟ ବୁକ୍ କରିପାରିବେ । ଏହା ବ୍ୟତୀତ ଭିଏତଜେଟ୍ ଏୟାର ମୋବାଇଲ୍ ଆପର ବ୍ୟବହାର କରି ୬ ଡିସେମ୍ବର ୨୦୧୯ରୁ ୨୮ ମାର୍ଚ୍ଚ ୨୦୨୦ ପର୍ଯ୍ଯନ୍ତ ଟିକେଟ୍ ବୁକ୍ କରିପାରିବେ ।

ଫ୍ଲାଇଟ୍ ସୂଚୀ
ନୂଆଦିଲ୍ଲୀରୁ ୬ ଡିସେମ୍ବର ୨୦୧୯ରୁ ପ୍ରତି ସପ୍ତାହର ସୋମବାର, ବୁଧବାର, ଶୁକ୍ରବାର ଓ ରବିବାରକୁ ୪ ରିଟର୍ଣ୍ଣ ଫ୍ଲାଇଟ୍ସ ହୋ-ଚି-ମିନ୍ ସିଟି ପାଇଁ ଯିବ । ହନୋଇରୁ ନୂଆ ଦିଲ୍ଲୀ ରୁଟର ପରିଚାଳନା ୭ ଡିସେମ୍ବର ୨୦୧୯ରୁ ପ୍ରତି ସପ୍ତାହ ମଙ୍ଗଳବାର, ଗୁରୁବାର ଓ ଶନିବାର ହେବ ।

ଫ୍ଲାଇଟ୍ ଟାଇମିଂ
ହୋ ଚିନ୍ ମିନ୍ ସିଟିରୁ ଫ୍ଲାଇଟ୍ ସନ୍ଧ୍ଯା ୭ଟାରୁ ଉଡାଣ ଭରିବ ଏବଂ ରାତି ୧୦.୫୦ ମିନିଟରେ ଦିଲ୍ଲୀରେ ପହଞ୍ଚିବ । ନୁଆଦିଲ୍ଲୀରୁ ରିଟର୍ଣ୍ଣ ଫ୍ଲାଇଟ୍ ରାତି ୧୧.୫୦ ମିନିଟରେ ଉଡାଣ ଭରିବ ଏବଂ ସକାଳ ୬.୧୦ମିନିଟରେ ଚିନ ମିନ ସିଟି ପହଞ୍ଚିବ ।

   ସମ୍ବନ୍ଧିତ ଖବର


ରେମୋଙ୍କ ସହ କାମ କରିବେ ଉର୍ବଶୀ

ହିମାଳୟର ଉଚ୍ଚ ଚଟ୍ଟାଣରେ ‘ଭୀଷ୍ମ’ – ଚୀନକୁ ଚେକ୍ ଦେବାକୁ ପ୍ରସ୍ତୁତ ଭାରତର ଟ୍ୟାଙ୍କ୍

କୃଷି ବିଲ୍ ଉପରେ ମୋହର ମାରିଲେ ରାଷ୍ଟ୍ରପତି

ଏଠାରେ ସେକ୍ସ ୱାର୍କର ହେବା ପାଇଁ ଅଛି ପ୍ରଥା – ଯୁବତୀମାନଙ୍କ ପସନ୍ଦକୁ ନେଇ କୋର୍ଟ କହିଲେ …

ଜିନ୍‌ଗତ ତ୍ରୁଟି ଥିଲେ କରୋନା ମୁକାବିଲା ମୁସ୍କିଲ ହେବ-ଗବେଷଣା

କରୋନା ଭୂତାଣୁ ବିରୋଧରେ ଅତି ପ୍ରଭାବୀ ଆଣ୍ଟିବଡି ଠାବ କଲେ ଜର୍ମାନ୍‌ ବୈଜ୍ଞାନିକ