PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଧାୟକ ପ୍ରଦୀପ ପାଣିଗ୍ରାହୀଙ୍କ ଘରେ ଚଢ଼ାଉ , ତାଙ୍କର ସହଯୋଗୀ ଓ ସଂପର୍କୀୟଙ୍କ ଘରେ ମଧ୍ୟ ଚଢ଼ାଉ , ସହଯୋଗୀଙ୍କ ଘରୁ ୨୦ ଲକ୍ଷ ଟଙ୍କା ଜବତ , ବିଭିନ୍ନ କାଗଜପତ୍ର ମଧ୍ୟ ଜବତ କଲା ଭିଜିଲାନ୍ସ ଟିମ୍
  • ||
  • ଜମ୍ମୁ-କଶ୍ମୀରରେ ୨ ଅଣକାଶ୍ମୀରୀଙ୍କୁ ହତ୍ୟା କଲେ ଆତଙ୍କବାଦୀ , ଯବାନଙ୍କ ପକ୍ଷରୁ ସର୍ଚ୍ଚ ଅପରେସନ ଜୋରଦାର
  • ||
  • କଟକ ଜଗତପୁର ଶିଳ୍ପାଞ୍ଚଳରେ ଅଗରବତୀ ଫ୍ୟାକ୍ଟ୍ରିରେ ଅଗ୍ନିକାଣ୍ଡ , ଏସ୍ଏସ୍ ଏଣ୍ଟରପ୍ରାଇଜର୍ସ ନାମକ କାରଖାନାରେ ନିଆଁ , ନିଆଁ ଆୟତ୍ତ ପାଇଁ ଅଗ୍ନିଶମ ବାହିନୀର ଉଦ୍ୟମ , ଫ୍ୟାକ୍ଟ୍ରିରେ ତିଆରି ହେଉଥିଲା ମଙ୍ଗଲଦୀପ୍ ବ୍ରାଣ୍ଡର ଅଗରବତୀ
  • ||
  • ରାୟଗଡା ସହର ଉପକଣ୍ଠ ନାଗାବଳି ନଦୀରେ ପାରଳାଖେମୁଣ୍ଡି ସହରର ଦୁଇ ଜଣ ପର୍ଯ୍ୟଟକ ନିଖୋଜ ।
  • ||
  • ପାରଳାଖେମୁଣ୍ଡି : ମନ୍ତ୍ରୀ ଜଗନ୍ନାଥ ସାରକାଙ୍କ ପାଇଲଟ ଗାଡ଼ି ଦୁର୍ଘଟଣାଗ୍ରସ୍ତ, ଡ୍ରାଇଭରଙ୍କ ସମେତ ୫ ଆହତ
  • ||
  • ବ୍ରହ୍ମପୁର : ଗୋପାଳପୁର ବିଧାୟକ ଓ ସମର୍ଥକଙ୍କ ଘରେ ଭିଜିଲାନ୍ସ ଚଢ଼ାଉ
  • ||
  • ଭୋଗରାଇ : ବେଳାଭୂମି ନିକଟ ହୋଟେଲରେ ସେକ୍ସ ରାକେଟ୍‌ର ପର୍ଦ୍ଦାଫାସ୍
  • ||
  • ଭୁବନେଶ୍ୱର : ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୨୮୫କୁ ବୃଦ୍ଧି
  • ||
  • ଚଣ୍ଡିଖୋଲ : ପାରିବାରିକ କଳହର କରୁଣ ପରିଣତି, ବୋହୂକୁ ପଥରରେ ଛେଚି ହତ୍ୟା କଲା ଶାଶୂ
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟାରେ ଚିହ୍ନଟ ହେଲେ ୪୪୩ କୋଭିଡ୍ ପଜିଟିଭ୍
  • ||
  • ବାଲିଗୁଡା : ବିଦ୍ୟୁତ ତାର ଲାଗି ଯୁବକଙ୍କ ମୃତ୍ୟୁ ଘଟଣାରେ ତୁମୁଡିବନ୍ଧ ଠାରେ ଜାତୀୟ ରାଜପଥ ଅବରୋଧ, ମୁନିଗୁଡା ଓ ଭବାନୀପାଟନାକୁ ଯାତାୟତ ଠପ୍
  • ||
  • ଭୁବନେଶ୍ୱର : ରାଜ୍ୟରେ ଆଉ ୩ ଦିନ ବର୍ଷା, ଆସନ୍ତାକାଲି ମୟୂରଭଞ୍ଜ ଓ ବାଲେଶ୍ୱରରେ ପ୍ରବଳ ବର୍ଷବ
  • ||
  • ଭୁବନେଶ୍ୱର : ଆଜିଠୁ ଓଜେଇଇ କାଉନ୍‌ସିଲିଂ, ୫ ନଭେମ୍ବରରେ ପ୍ରଥମ ପର୍ଯ୍ୟାୟ ଆଲର୍ଟମେଣ୍ଟ
  • ||
  • ଅଲ୍‌ ଅମିରତ୍‌ : ଆଜିଠୁ ଟି-୨୦ ବିଶ୍ବକପ୍, ସଙ୍ଘର୍ଷପୂର୍ଣ୍ଣ ହେବ ବାଂଲାଦେଶ-ସ୍କଟ୍‌ଲାଣ୍ଡ ମୁକାବିଲା
  • ||

ବାୟୋପିକ୍‌ ଲଢ଼େଇ: ‘ଠାକ୍‌ରେ’ ଉପରେ ଭାରି ପଡ଼ିବ କି ‘ମଣିକର୍ଣ୍ଣିକା’ ?

source:www.ibtimes.co.in

କିଏ ମାରିବ ବାଜି । କାହାର ହେବ ଜିତାପଟ । ଏନେଇ ଆଗୁଆ ଅଙ୍କକଷା ସରିଛି । ଆଜି ବଲିଉଡରେ ଦୁଇଟି ବାୟୋପିକ୍‌ ଚଳଚ୍ଚିତ୍ର ମୁକ୍ତିଲାଭ କରୁଛି । କଙ୍ଗନାଙ୍କ ଅଭିନୀତ ଝାନ୍‌ସୀ ରାଣୀ ଲକ୍ଷ୍ମୀବାଈଙ୍କ ଜୀବନୀ ଆଧାରିତ ‘ମଣିକର୍ଣ୍ଣିକା: ଦ କୁଇନ୍‌ ଅଫ୍‌ ଝାନ୍‌ସୀ’ ଏବଂ ନୱାଜୁଦ୍ଦିନ୍‌ ସିଦ୍ଦିକୀଙ୍କ ଅଭିନୀତ ବାଲାସାହେବ ଠାକ୍‌ରେଙ୍କ ଆତ୍ମଜୀବନୀ ଆଧାରିତ ଫିଲ୍ମ ‘ଠାକ୍‌ରେ’ । ପ୍ରଯୋଜନା ସଂସ୍ଥା ଚାହୁଁଥିଲା ‘ଠାକ୍‌ରେ’ ଏକାକୀ ରିଲିଜ୍‌ ହେଉ, କିନ୍ତୁ ପିଛା ଛାଡ଼ି ନଥିଲା ‘ମଣିକର୍ଣ୍ଣିକା’ । ଶେଷରେ ଆଗ ପଛ ନହୋଇ ଏକାବେଳେ ରିଲିଜ୍‌ ହେଉଛି ଦୁଇଟି ଫିଲ୍ମ । ଟ୍ରେଡ୍‌ ବିଶେଷଜ୍ଞ ସୁମିତ୍‍ କାଦେଲଙ୍କ ମତ ପ୍ରଥମ ଦୁନି ଭଲ ବେପାର ହେବ । ‘ମଣିକର୍ଣ୍ଣିକା’ ଦେଶର ୩ହଜାର ସ୍କ୍ରିନ୍‌ରେ ରିଲିଜ୍‌ ହେବ ଏବଂ ପ୍ରଥମ ଦିନ ୧୫ରୁ ୨୦କୋଟିର ବେପାର କରିବ । ସେହିପରି ‘ଠାକ୍‌ରେ’ ଦେଖିବାକୁ ମହାରାଷ୍ଟ୍ର ଦର୍ଶକଙ୍କ ଭିତରେ ଭାରି ଉତ୍ସାହ । ଅନୁମାନ କରାଯାଉଛି, ପୂରା ମହାରାଷ୍ଟ୍ରରେ ପୁଣି ଥରେ ପରଦାରେ ‘ଠାକରେ’ଙ୍କ ରାଜ୍‌ ଚାଲିବ । ଫିଲ୍ମଟି ପ୍ରଥମ ଦିନ ୯ରୁ ୧୦କୋଟି ଟଙ୍କା ରୋଜଗାର କରିବ । ବିଶେଷ କରି ୨୬ ଜାନୁଆରୀରେ ଦୁଇଟି ଯାକ ଫିଲ୍ମ ଭଲ ବେପାର କରିବ ।
ଉଭୟ ଫିଲ୍ମ ନିର୍ମାଣରୁ ପ୍ରମୋସନ୍‌ ପର୍ଯ୍ୟନ୍ତ ପୂରା ଚର୍ଚ୍ଚାରେ ରହି ଆସିଛି । ବେଶି ଚର୍ଚ୍ଚା ହେଉଛି ‘ମଣିକର୍ଣ୍ଣିକା’କୁ ନେଇ । ୧୨୫କୋଟି ବଜେଟ୍‌ର ଏହି ଫିଲ୍ମର ଅବଧି ୧୪୮ମିନିଟ୍‌ ରହିଛି । ହିନ୍ଦୀ, ତେଲୁଗୁ ଏବଂ ତାମିଲ ଭାଷାରେ ପ୍ରସ୍ତୁତ ‘ମଣିକର୍ଣ୍ଣିକା’ ୫୦ଟି ଦେଶରେ ରିଲିଜ୍‌ ହେଉଛି । ଏହାର ସଙ୍ଗୀତ ସଂଯୋଜନା କରିଛନ୍ତି ଶଙ୍କର-ଏହସାନ-ଲୟ । ମୋଟ୍‌ ୮ଟି ଗୀତ ରହିଛି । ଫିଲ୍ମରେ କଙ୍ଗନାଙ୍କ ବ୍ୟତୀତ୍‌ ଅତୁଲ କୁଲକର୍ଣ୍ଣି, ଡ୍ୟାନି, ଅଙ୍କିତା ଲୋଖାଣ୍ଡେଙ୍କ ଭଳି କଳାକାର ଅଭିନୟ କରିଛନ୍ତି । ଏହାର କାହାଣୀ ଝାନ୍‌ସୀ ରାଣୀଙ୍କ ବ୍ରିଟିଶ୍‌ ଇଷ୍ଟ ଇଣ୍ଡିଆ କମ୍ପାନୀ ବିରୋଧରେ ୧୮୫୭ର ଲଢ଼େଇକୁ ଦେଖାଯାଇଛି । ଫିଲ୍ମର ନିର୍ଦ୍ଦେଶନା କ୍ରିଶ ଦେଇଥିବାବେଳେ ତାଙ୍କୁ ସହଯୋଗ କରିଛନ୍ତି କଙ୍ଗନା । ସେହିପରି ଅଭିଜିତ୍‌ ପନ୍‌ସେଙ୍କ ନିର୍ଦ୍ଦେଶିତ ବାଲାସାହେବ ଠାକ୍‌ରେଙ୍କ ଜୀବନୀ ଆଧାରିତ ଦ୍ୱିଭାଷୀ ଫିଲ୍ମ ‘ଠାକ୍‌ରେ’ । ବାଲାସାହେଙ୍କ ୯୩ତମ ଜୟନ୍ତୀ ଉପଲକ୍ଷେ ଫିଲ୍ମଟି ରିଲିଜ୍‌ ହେଉଛି । ବାଲାସାହେବଙ୍କ ଚରିତ୍ରରେ ନୱାଜୁଦ୍ଦିନ ସିଦ୍ଦିକୀ ଅଭିନୟ କରିଥିବାବେଳେ ଅମ୍ରିତା ରାଓ ମୀନା ତାଇ ଠାକ୍‌ରେ ଚରିତ୍ରରେ ଅଭିନୟ କରିଛନ୍ତି । ଏଥିରେ ୪ଟି ଗୀତ ରହିଛି । ରୋହନ-ରୋହନ ଏବଂ ସନ୍ଦୀପ ଶିରୋଦକର ସଙ୍ଗୀତ ନିର୍ଦ୍ଦେଶନା ଦେଇଛନ୍ତି । ବିଶେଷ କରି ଫିଲ୍ମଟି ମରାଠୀ ଏବଂ ହିନ୍ଦୀ ଭାଷାରେ ପ୍ରସ୍ତୁତ ହୋଇଛି । ଫିଲ୍ମ ରିଲିଜ୍‌ ପୂର୍ବରୁ ପ୍ରଯୋଜନା ସଂସ୍ଥା ଏହାର ସିକ୍ୱେଲ ନିର୍ମାଣ କରିବାକୁ ଚିନ୍ତା କରୁଥିବାବେଳେ ତାମିଲ ଅଭିନେତା ସିଦ୍ଧାର୍ଥ ଫିଲ୍ମକୁ ନିନ୍ଦା କରିଛନ୍ତି । ଏଥିରେ ଥିବା ସଂଳାପ ‘ଉଠାଓ ଲୁଙ୍ଗି ବଜାଓ ପୁଙ୍ଗି’ କିଭଳି ଦକ୍ଷିଣଭାରତ ପ୍ରତି ନକରାତ୍ମକ ଭାବନାର ପ୍ରମାଣ ଦେଉଛି ତାହା ଦେଖାଯାଇଛି । ଏହାଦ୍ୱାରା ଜଣେ ବ୍ୟକ୍ତିକୁ ମହିମାମଣ୍ଡିତ କରିବାକୁ ଯାଇ ଗୋଟିଏ ଜାତିକୁ ଗାଳି କରି ଫିଲ୍ମ ନିର୍ମାଣ କରିବା ଏବଂ ତା’ ମାଧ୍ୟମରେ ଟଙ୍କା ରୋଜଗାର କରିବା ଠିକ୍‌ ନୁହେଁ । ଯାହା ବି ହେଉ, ରିଲିଜ୍‍ ପରେ ଜଣାପଡ଼ିବ କିଏ ହିଟ୍‌ ହେଉଛି ଆଉ କିଏ ଫ୍ଲପ୍‌ ।