PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଲାଙ୍ଗୀର:ହାତୀଦାନ୍ତ ରାକେଟକୁ ମାଡିବସିଲା ଏସ୍ ଟି ଏଫ୍ ଟିମ୍, ଦୁଇ ଜଣଙ୍କୁ ଅଟକ ରଖି ପଚରାଉଚୁରା ଜାରି, ବଲାଙ୍ଗୀର ରେଞ୍ଜ ଦେଓଗାଁ ଅଞ୍ଚଳରୁ ରାକେଟ ଧରାପଡ଼ିଥିବା ସୂଚନା
  • ||
  • ଭୁବନେଶ୍ୱର ନୟାପଲ୍ଲୀରୁ କଣ୍ଟ୍ରାକ୍ଟ କିଲର ଗିରଫ ମାମଲା , ଦ୍ୱିତୀୟ ପର୍ଯ୍ୟାୟରେ ୪ଦିନିଆ ରିମାଣ୍ଡରେ ଯିବେ ୨ କିଲର( ସମ୍ପଦ ସାହୁ , ପ୍ରଶାନତ ଦାସ), ରିମାଣ୍ଡ ଅନୁମତି ଦେଲେ ଭୁବନେଶ୍ୱର ଏସ୍‌ଡିଜେଏମ୍‌ କୋର୍ଟ
  • ||
  • ସମ୍ବଲପୁର ସହରର ଟାଂଗରପାଲିରେ ଟ୍ରକ ଧକ୍କାରେ ଗୋଟିଏ ପରିବାରର ୪ ଗୁରୁତର
  • ||
  • ଆସନ୍ତାକାଲି ସକାଳ ୧୦.୩୦ ଯାଏ ବିଧାନସଭା ମୁଲତବୀ , ସର୍ବଦଳୀୟ ବୈଠକରେ ବାହାରିଲାନି କୌଣସି ନିଷ୍କର୍ଷ ବୋଲି କହିଲେ ବାଚସ୍ପତି
  • ||
  • ଗୃହ ସୁପରିଚାଳନା ପାଇଁ ସର୍ବଦଳୀୟ ବୈଠକ ଡାକିଲେ ବାଚସ୍ପତି
  • ||
  • ୧୦ ରେ ବିଧାନସଭା ଘେରାଉ କରିବ ଛାତ୍ର କଂଗ୍ରେସ
  • ||
  • ନାକଟିଦେଉଳ: ବାରହା ମାଂସ ଜବତ, ଜନ୍ତୁ ଶିକାର ଅଭିଯୋଗରେ ଶିକାରୀ କୋର୍ଟ ଚାଲାଣ ।
  • ||
  • ଭବାନୀପାଟଣା: ବସ୍‌କୁ ସଜାଡୁଥିଲେ ଡ୍ରାଇଭର, ଅଚାନକ ଗାଡ଼ି ଜେକ ଖସି ଯିବାରୁ ଚକା ତଳେ ଚାପି ହୋଇ ଚାଲିଗଲା ଚାଳକଙ୍କ ଜୀବନ
  • ||
  • ପୁରୀ: ପୁରୀ ଅଜମେର ଟ୍ରେନରେ ଧୂଆଁ, ଗୋଟିଏ ଘଣ୍ଟା ବିଳମ୍ବ
  • ||
  • ଖୋର୍ଦ୍ଧା: ଭିଜିଲାନ୍ସ ଜାଲରେ ଧରାପଡିଲେ ଖୋର୍ଦ୍ଧା ସହକାରୀ ଯନ୍ତ୍ରୀ, ଜଣେ ଠିକାଦରଙ୍କଠୁ ୧୦ ହଜାର ଲାଞ୍ଚ ନେବା ବେଳେ ଧରାପଡିଲେ
  • ||
  • ଭୁବନେଶ୍ଵର : ଷଷ୍ଠ ଦିନରେ ବିଧାନସଭା ଅଚଳ, ବିରୋଧୀଙ୍କ ଘଣ୍ଟ ମାଡ଼ରେ କମ୍ପିଲା ଗୃହ, ଗଙ୍ଗା ଜଳ ଛିଞ୍ଚିଲା ବିଜେଡି
  • ||
  • ତେଲକୋଇ : ତେଲକୋଇ ଫରେଷ୍ଟ ବିଟ୍‌ରେ ହାତୀ ଉପଦ୍ରବ, ନଷ୍ଟକଲେ ଏକର ଏକର ଧାନ ଫସଲ
  • ||
  • ବାଲିକୁଦା : ବିଦ୍ୟୁତ୍ ଟ୍ରାନ୍ସଫର୍ମର ଲୁଟ୍ କରିବା ବେଳେ ଧରାପଡ଼ିଲେ ୩ ଚୋର, ଖୋର୍ଦ୍ଧାରେ ବିକ୍ରି କରୁଥିଲେ ଚୋରି ଯନ୍ତ୍ରାଂଶ
  • ||
  • କଟକ : ଭିଜିଲାନ୍ସ ଜାଲରେ OSAP ସିପାହୀ, ନଗଦ ୨ ଲକ୍ଷ ୯୪ ହଜାର ଟଙ୍କା ଜବତ
  • ||
  • କଳାହାଣ୍ଡି : ରୋଗୀ ଆଣିବାକୁ ଯିବାବେଳେ ଦୁର୍ଘଟଣା, ଭାରସାମ୍ୟ ହରାଇ ରାସ୍ତା ତଳକୁ ଖସିଲା ଆମ୍ବୁଲାନ୍ସ
  • ||
  • ଭୁବନେଶ୍ଵର: ରାଜ୍ୟରେ ୨୪ ଘଣ୍ଟା ମଧ୍ୟରେ ଆଉ ୧୫୧ ଜଣ କରୋନା ପଜିଟିଭ ଚିହ୍ନଟ, ଆଉ ଜଣଙ୍କ ଜୀବନ ନେଲା କୋଭିଡ୍
  • ||
  • ଗଜପତି: ଏଟିଏମ୍ ଲୁଟ୍ ଉଦ୍ୟମ ପଣ୍ଡ, ୩ ଲୁଟେରାଙ୍କୁ ଗୋଡାଇ ଗୋଡାଇ କାବୁ କଲା ପୋଲିସ
  • ||
  • ଚାନ୍ଦବାଲି: ସ୍ଥାୟୀ ଘରଡିହ ପଟା ପାଇଁ ଦାବି କରିବାରୁ ବାସହରା ହେଲେ ୧୧ ପରିବାର, ରାଜରାସ୍ତାରେ ଶୀତ କାକରରେ କଟୁଛି ଜୀବନ
  • ||
  • ବୁର୍ଲା: ଭିମସାରରେ ୨ ଛାତ୍ରଛାତ୍ରୀଙ୍କ ଠାରେ ଡେଲ୍ଟା ଭାରିଆଣ୍ଟ ଚିହ୍ନଟ
  • ||
  • ପାରଳାଖେମୁଣ୍ଡି: ଭିଜିଲାନ୍ସ ପଞ୍ଝାରେ ଫରେଷ୍ଟର, ଏକକାଳୀନ ୪ଟି ସ୍ଥାନରେ ରେଡ୍
  • ||

ମୁଖ୍ୟ ନିର୍ବାଚନ ଅଧିକାରୀଙ୍କୁ ଫେରାଦ ହେଲେ ବିଜେଡି, ବିଜେପି

source:http://pratisrutiplus.com

ଭୁବନେଶ୍ୱର,୨୫ା୩(ବ୍ୟୁରୋ): ଭୋଟରଙ୍କୁ ଆକୃଷ୍ଟ କରିବାକୁ ବିଜେପି ଏବେ ବି ସରକାରୀ କଳର ବ୍ୟବହାର କରୁଛି । ଉଜ୍ଜ୍ୱଳା ଯୋଜନାରେ ନୂଆ ଗ୍ୟାସ ସଂଯୋଗ ଏବେ ବି ମିଳୁଛି । ଏହାବାଦ୍‌ ବିଏସ୍‌ଏନ୍‌ଏଲ୍‌ର ‘ମେରା ଦେଶ ବଦଲ ରହାହେ’ କଲର ଟ୍ୟୁନ୍‌ ଏବେ ବି ବାଜୁଛି । ଯେଉଁଥିରେ ବିଜେପିର ପ୍ରଚାର କରାଯାଉଛି । ତୁରନ୍ତ ନିର୍ବାଚନ କମିଶନ ଏଥିରେ ହସ୍ତକ୍ଷେପ କରି କାର୍ଯ୍ୟାନୁଷ୍ଠାନ ନିଅନ୍ତୁ ବୋଲି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କୁ ଭେଟି ବିଜେଡି ଦାବି କରିଛି ।
କେନ୍ଦ୍ର ପଟ୍ରୋଲିୟମ ମନ୍ତ୍ରାଳୟ ଦ୍ୱାରା ଚାଲୁଥିବା ଉଜ୍ଜ୍ୱଳା ଯୋଜନାରେ ଆଜି ବି ନୂଆ ସଂଯୋଗ ମିଳୁଛି । ଅଧିକରୁ ଅଧିକ ହିତାଧିକାରୀ ଚିହ୍ନଟ କରି ସଂଯୋଗ ଦେବାକୁ ବିତରକ ସଂସ୍ଥା ଇଣ୍ଡେନ୍‌କୁ ଦାୟିତ୍ୱ ଦିଆଯାଇଛି । ନିର୍ବାଚନ ଆଚରଣବିଧି ସତ୍ତେ୍ୱ ଡିଲରଙ୍କୁ ବେଆଇନ୍‌ କାମରେ ବାଧ୍ୟ କରାଯାଉଛି । ଏତିକି ନୁହେଁ, ନୂଆ ଗ୍ୟାସ ସଂଯୋଗ ବେଳେ ଗ୍ୟାସ୍‌ ଷ୍ଟୋଭର ପ୍ଲାଷ୍ଟିକ କଭରରେ କେନ୍ଦ୍ରୀୟ ବିଜେପି ନେତାଙ୍କ ଫଟୋ ମାରି ହିତାଧିକାରୀଙ୍କୁ ଦେବାକୁ ବାଧ୍ୟ କରାଯାଉଛି । ସରକାରୀ ଟଙ୍କାରେ ବିଜେପି ନିଜର ଖୋଲାଖୋଲି ଭାବେ ପ୍ରଚାର ଓ ପ୍ରସାର କରୁଛି । କେନ୍ଦ୍ର ସରକାରଙ୍କ ଏହି ଉଦ୍ୟମକୁ ଭାରତୀୟ ତୈଳ ନିଗମ (ଆଇଓସିଏଲ୍‌) କାର୍ଯ୍ୟକାରୀ କରୁଛି । ତେଣୁ ନିଗମର ଅଧ୍ୟକ୍ଷ ଓ ଓଡ଼ିଶା ଦାୟିତ୍ୱରେ ଥିବା ଜେନରାଲ ମ୍ୟାନେଜରଙ୍କୁ କରାଣ ଦର୍ଶାଅ ନୋଟିସ୍‌ ସହ ସେମାନଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ନେବାକୁ ନିର୍ବାଚନ କମିଶନ ଓ ମୁଖ୍ୟ ନିର୍ବାଚନ ଅଧିକାରୀଙ୍କୁ ଦାବି କରିଛି ବିଜେଡି ।
ଆଉ ଏକ ପିଟିସନ୍‌ରେ ଭାରତ ସରକାରଙ୍କ ବିଏସ୍‌ଏନ୍‌ଏଲ୍‌ ସଂସ୍ଥା ନାମରେ ଗୁରୁତ୍ୱର ଅଭିଯୋଗ ଆଣିଛି ବିଜେଡି । ନିର୍ବାଚନ ଆଚରଣ ବିଧି ଉଲ୍ଲଂଘନ କରି ବିଏସ୍‌ଏନଏଲ୍‌ କେନ୍ଦ୍ର ଓ ରାଜ୍ୟ ସରକାର ବିଜେପି ପ୍ରଚାରରେ ନିୟୋଜିତ ହୋଇଛି । ଟେଲି ଓ ମୋବାଇଲ୍‌ ସେବା ପ୍ରଦାନକାରୀ ବିଏସ୍‌ଏନ୍‌ଏଲ୍‌ ନେଟ୍‌ୱାର୍କ ମୋବାଇଲକୁ କଲ୍‌ କଲେ, ବିଜେପି ନେତୃତ୍ୱରେ ଚାଲିଥିବା ସରକାରର ସ୍ଲୋଗାନ୍‌ ‘ଦେଶ ବଦଲ୍‌ ରାହା ହେ’ କଲର୍‌ ଟ୍ୟୁନ୍‌ ବାଜୁଛି । ଏହା ଅତ୍ୟନ୍ତ ସାଙ୍ଘାତିକ କଥା । କେବଳ ଓଡ଼ିଶା ନୁହେଁ, ବିଏସ୍‌ଏନଏଲ୍‌ ସାରାଦେଶରେ ଏଭଳି ଭୋଟ୍‌ରଙ୍କୁ ଆକୃଷ୍ଟ କରିବାକୁ ପ୍ରଚାର କରୁଛି । ମୁଖ୍ୟ ନିର୍ବାଚନ ଅଧିକାରୀଙ୍କୁ ଭେଟିଥିବା ପ୍ରତିନିଧି ଦଳରେ ଦଳର ମୁଖପାତ୍ର ସୁଲତା ଦେଓ, ଲେନିନ୍‌ ମହାନ୍ତି ଓ ଡ. ସସ୍ମିତ ପାତ୍ର ଉପସ୍ଥିତ ଥିଲେ ।

ମୁଖ୍ୟମନ୍ତ୍ରୀ ମିଛ ପ୍ରତିଶ୍ରୁତି ଦେଇଛନ୍ତି
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗତକାଲି ନୟାଗଡ଼ ସଭାରେ ମିଛ ପ୍ରତିଶ୍ରୁତି ଦେଇଛନ୍ତି । ଭୋଟରଙ୍କୁ ପ୍ରଭାବିତ କରି ଆଚରଣବିଧି ଉଲ୍ଲଂଘନ କରିଛନ୍ତି । ସମାବେଶ ପାଇଁ ସରକାରୀ ଅଧିକାରୀମାନେ ମଞ୍ଚ ପରିଚାଳନା ଓ ଲୋକଙ୍କୁ ଆଣିବା କାମରେ ଲାଗିଥିଲେ । ଆଚରଣବିଧି ଉଲ୍ଲଂଘନ ପାଇଁ କଠୋର କାର୍ଯାନୁଷ୍ଠାନ ନିଆଯାଉ । ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କୁ ଭେଟି ରାଜ୍ୟ ବିଜେପି ଏହି ଦାବି କରିଛି ।

ରାଜ୍ୟ ଉପସଭାପତି ସମୀର ମହାନ୍ତିଙ୍କ ନେତୃତ୍ୱରେ ରାଜ୍ୟ ବିଜେପିର ଏକ ପ୍ରତିନିଧି ଦଳ ନିର୍ବାଚନ ଅଧିକାରୀଙ୍କୁ ଭେଟି ବିଜେଡିର ଆଦର୍ଶ ଆଚରଣବିଧି ଉଲ୍ଲଂଘନ ନେଇ ତଥ୍ୟ ପ୍ରମାଣ ସହ ଅଭିଯୋଗ କରିଥିଲେ । ଶ୍ରୀ ମହାନ୍ତି ଅଭିଯୋଗ ଆଣି କହିଥିଲେ, ମୁଖ୍ୟମନ୍ତ୍ରୀ ସାଧାରଣ ସଭାରେ ୩୦ଲକ୍ଷ ଯୁବକଙ୍କ ପାଇଁ ନିଯୁକ୍ତି ସୃଷ୍ଟି କରିବା କଥା କହିଛନ୍ତି । ପୁଣି କେନ୍ଦ୍ର ସରକାର ରେଳପଥରୁ ୨୦ ହଜାର କୋଟି ନେଇ ମାତ୍ର ୧ ହଜାର କୋଟି ଉନ୍ନତିକରଣ ବାବଦରେ ଖର୍ଚ୍ଚ କରିଛି ବୋଲି କହିଛନ୍ତି । ଏହି ତଥ୍ୟ ସମ୍ପୂର୍ଣ୍ଣ ମିଛ । ଖାଲି ସେତିକି ନୁହେଁ, ନୟାଗଡ଼ ସଭାରେ ସରକାରୀ ଅଫିସରମାନେ ନିୟୋଜିତ ହୋଇଥିଲେ । ନିୟମ ଅନୁସାରେ ସରକାରୀ ଅଫିସରମାନେ ନିର୍ବାଚନ ପ୍ରଚାର କରିପାରିବେ ନାହିଁ । ଏହା ସତ୍ତେ୍ୱ ଗତକାଲି ନୟାଗଡ଼ ସଭାରେ ସରକାରୀ ଅଫିସରମାନେ ନିର୍ବାଚନ ଆଚରଣ ବିଧି ଉଲ୍ଲଂଘନ କରିଛନ୍ତି । ନୟାଗଡ଼ରେ ଏ ଯାଏ ବିଜେଡିର ପ୍ରାର୍ଥୀ ଘୋଷଣା ହୋଇନି । ଏଣୁ ଗତକାଲି ସଭାରେ ହୋଇଥିବା ସବୁ ଖର୍ଚ୍ଚ ପ୍ରାର୍ଥୀ, ଦଳ କି ମୁଖ୍ୟମନ୍ତ୍ରୀଙ୍କ ଖାତାରେ ପଡ଼ିବ, ତାହା ସ୍ପଷ୍ଟ ହେବା ଦରକାର ବୋଲି ଶ୍ରୀ ମହାନ୍ତି କହିଛନ୍ତି । ପୂର୍ବରୁ ଗତ ୧୩ ମାର୍ଚ୍ଚରେ କାଳିଆ ଅର୍ଥ ବିଜେଡି କର୍ମୀଙ୍କୁ ବାଣ୍ଟିବା, ବିଜୁ ଯୁବ ବାହିନୀଙ୍କୁ ଟଙ୍କା ବାଣ୍ଟିବା, ୧୪ ମାର୍ଚ୍ଚରେ ମନ୍ତ୍ରୀ ପ୍ରତାପ ଜେନା ଓ ରଙ୍ଗେଇଲୁଣ୍ଡା ବିଡିଓଙ୍କ ବିରୋଧରେ, ୧୯ ମାର୍ଚ୍ଚରେ ସଞ୍ଜୟ ଦାସବର୍ମାଙ୍କ ବିରୋଧରେ, ୨୧ ମାର୍ଚ୍ଚରେ ରାଜେନ୍ଦ୍ର ଢୋଲକିଆଙ୍କ ବିରୋଧରେ ତଥ୍ୟ ପ୍ରମାଣ ଦିଆଯାଇଛି । ମାତ୍ର ସିଇଓ କୌଣସି କାର୍ଯ୍ୟାନୁଷ୍ଠାନ ନେଇନାହାନ୍ତି ବୋଲି ବିଜେପି ପକ୍ଷରୁ କୁହାଯାଇଛି ।