PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହୀରାକୁଦରେ ପର୍ଯ୍ୟଟନର ବିକାଶ ପାଇଁ ୧୩୦ କୋଟି ବ୍ୟୟ ହେବ
  • ||
  • ଗଞ୍ଜାମ ପୁରୁଷୋତ୍ତମପୁର- ପ୍ରେମିକାକୁ ଜୀଅନ୍ତା ଜାଳିଦେବା ଘଟଣାରେ ଅଭିଯୁକ୍ତ ଯୁବକ ଗିରଫ
  • ||
  • ଭୁବନେଶ୍ଵର : ଅଗଷ୍ଟ ପ୍ରଥମ ସପ୍ତାହରୁ +୨ ନାମଲେଖା ପ୍ରକ୍ରିୟା, ଜୁଲାଇ ଶେଷ ସୁଦ୍ଧା ବିସ୍ତୃତ ତଥ୍ୟ ଅପଡେଟ୍‌ ପାଇଁ ଜୁନିୟର୍‌ କଲେଜଗୁଡ଼ିକୁ ନିର୍ଦ୍ଦେଶ
  • ||
  • ସମ୍ବଲପୁର : ହୀରାକୁଦ ଜଳଭଣ୍ଡାରର ଖୋଲିଲା ଆଉ ୪ଟି ଗେଟ୍, ୧୪ଟି ଗେଟ୍ ଦେଇ ଜଳ ନିଷ୍କାସନ ଜାରି
  • ||
  • ଭିନ୍ନକ୍ଷମ ଓ ବରିଷ୍ଠ ନାଗରିକଙ୍କୁ ଘରେ ଟିକା ଦେବା ମାମଲା : ରାଜ୍ୟ ସରକାର ନେଇଥିବା ପଦକ୍ଷେପ ଓ କୌଣସି ପରିଚୟ ପତ୍ର ନଥିବା ଲୋକଙ୍କ ପାଇଁ ନିଆଯାଇଥିବା ପଦକ୍ଷେପ ସମ୍ପର୍କରେ ଜଣାଇବାକୁ ହାଇକୋର୍ଟଙ୍କ ନିର୍ଦେଶ
  • ||
  • ବଲାଙ୍ଗିର : ରାଜେନ୍ଦ୍ର ବିଶ୍ୱବିଦ୍ୟାଳୟର ୟୁଜିସି ମାନ୍ୟତା ନମିଳିବା ପ୍ରସଙ୍ଗ, ଭିସିଙ୍କୁ ଭେଟି ଆଲୋଚନା କଲା ଛାତ୍ର କଂଗ୍ରେସ
  • ||
  • ରାଜ୍ୟରେ ଅଗଷ୍ଟରୁ ଅକ୍ଟୋବର ଭିତରେ ଆସିବ ତୃତୀୟ ଲହରୀ : ବିଜୟ ମହାପାତ୍ର
  • ||
  • ନୀଳଗିରି : ନୀଳଗିରି ନିକଟ ଆମ୍ବଡିହା ଛକରେ ଦୁର୍ଘଟଣା, ମେଡ଼ିକାଲକୁ ବିଲେଇ କାମୁଡ଼ା ଇଞ୍ଜେକ୍ସନ୍ ନେବାକୁ ଆସୁଥିବା ବେଳେ ବାଇକ୍ ଦୁର୍ଘଟଣାରେ ମହିଳା ମୃତ, ମୃତ ମହିଳା ହେଲେ ଖନ୍ତାପଡା ଥାନା ବରୁଣସିଂ ଗ୍ରାମର ଭିକା ଦାସଙ୍କ ସ୍ତ୍ରୀ ତୁଳସୀ
  • ||
  • କଟକ : ଚୌଦ୍ଵାର କଲେଜ ପଛପଟ ସାହିରେ ଲୁଟ୍, ଘରେ କେହି ନଥିବାର ସୁଯୋଗ ନେଇ ଲୁଟି ନେଲେ ୧୦ ଲକ୍ଷରୁ ଅଧିକ ଟଙ୍କାର ସୁନାଗହଣା
  • ||
  • ରାଇରଙ୍ଗପୁର : ରାଇରଙ୍ଗପୁର ଗ୍ରାମାଞ୍ଚଳ ଥାନା ନୁରୁବାଦଡା ଗ୍ରାମରେ ଟ୍ରାକ୍ଟର ଧକ୍କାରେ ବାଇକ ଆରୋହୀ ମୃତ
  • ||
  • ରାଜ୍ୟରେ କରୋନା ମୃତ୍ୟୁ ସଂଖ୍ୟାର ଚାଲିଛି ଅଡିଟ୍, ଶେଷ ହେବାକୁ ଆଉ ୧୦ ରୁ ୧୫ ଦିନ ସମୟ ଲାଗିବ : ଡିଏମଇଟି
  • ||
  • କେସିଙ୍ଗା : କେସିଙ୍ଗା ପରିଦର୍ଶନ ସହ ବିଭିନ୍ନ ପ୍ରକଳ୍ପ କାମର ସମୀକ୍ଷା କଲେ ପିଡି ଡିଆରଡିଏ
  • ||
  • ନୂଆଦିଲ୍ଲୀ : କର୍ଣ୍ଣାଟକର ନୂଆ ମୁଖ୍ୟମନ୍ତ୍ରୀ ଭାବେ ଶପଥ ନେଲେ ବାସବରାଜ ବୋମାଇ
  • ||
  • ଭୁବନେଶ୍ଵର : ଦିଲ୍ଲୀରୁ ଚୋରି ଭୁବନେଶ୍ଵରରେ ଗିରଫ, କୋଟିଏ ଟଙ୍କାର ଅଳଙ୍କାର ଚୋରି କରି ଚମ୍ପଟ ମାରିଥିଲା ଚୂନଲଗା ଚାକରାଣୀ, ସାଲିହାସାହିରୁ ଧରିଲା ପୋଲିସ
  • ||
  • ଜଗତସିଂହପୁର : ରାତି ଅଧରେ ଧାରଣାରତ ମହିଳାଙ୍କ ଉପରେ ଆକ୍ରମଣ, ମାଡ଼ ମାରି ଗାଳିଗୁଲଜ କଲେ ୫ରୁ ଉର୍ଦ୍ଧ୍ଵ ଦୁର୍ବୃତ୍ତ
  • ||
  • ଭୁବନେଶ୍ଵର : ରାଜ୍ୟରେ ଆଉ ୬୯ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୫୭୦୩କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ଆଉ ୧୭୦୩ ଜଣ କୋଭିଡ୍ ପଜିଟିଭ୍
  • ||
  • ଭୁବନେଶ୍ଵର : ରାଜଧାନୀରେ ଅଣାୟତ୍ତ ଡେଙ୍ଗୁ, ଜୀବନ ସହ ଖେଳୁଛି ବିଏମ୍‌ସି, ମାଡ଼ିଚାଲିଛି ଏଡିସ୍‌ ମଶା ବଂଶ
  • ||

ଟିକେଟ ଟେନ୍‌ସନ: ନବୀନ ନିବାସ, ବିଜେପି, କଂଗ୍ରେସ ଅଫିସ୍‌ରେ ଭିଡ଼

source:updateodisha.com

ଭୁବନେଶ୍ୱର,୧୧ ।୩(ବ୍ୟୁରୋ): ଭୋଟ ବିଗୁଲ ବାଜିବା ପରେ ଜୋର ଧରିଛି ଧାଁ ଦୌଡ଼ । ଦଳୀୟ ଟିକଟ ପାଇଁ ଆରମ୍ଭ ହୋଇଛି ଜୋରଦାର ଲବି । କଳେ ବଳେ କୌଶଳେ ଟିକଟ ପାଇବାକୁ ଆଶାୟୀମାନେ ଦିନରାତି ଏକ କରି ଦେଇଛନ୍ତି । କିଛି ଦିନ ହେବ ଲାଗି ରହିଥିବା ଭୋଟ ରାଜନୀତି ଏବେ ଅଧିକ ତତଲା ଧରିଛି । ବିଜେଡି, କଂଗ୍ରେସ ଓ ବିଜେପି କାର୍ଯ୍ୟାଳୟରେ ଲାଗିଛି ଭିଡ଼ । ନବୀନ ନିବାସରେ ସୋମବାର ସକାଳେ ମିଶ୍ରଣ ପର୍ବ ସହ ବହୁ ସାଂସଦ ଓ ବିଧାୟକଙ୍କ ଭିଡ଼ ମଧ୍ୟ ଲାଗି ରହିଥିଲା । ସମସ୍ତଙ୍କ ଲକ୍ଷ୍ୟ ଏବେ ଦଳୀୟ ଟିକଟ ଉପରେ ।
ଠିକ୍‌ ମାସକ ପରେ ଏପ୍ରିଲ ୧୧ରେ ରାଜ୍ୟରେ ପ୍ରଥମ ପର୍ଯ୍ୟାୟ ଭୋଟ ଗ୍ରହଣ କରାଯିବ । ୪ ପର୍ଯ୍ୟାୟରେ ଭୋଟ୍‌ ପାଇଁ ମୁଖ୍ୟ ନିର୍ବାଚନ ଅଧିକାରୀଙ୍କ ପକ୍ଷରୁ ପ୍ରସ୍ତୁତି ସରିଛି । ଭୋଟ ପୂର୍ବରୁ ନବୀନ ଯେଉଁ ଚକମା ଦେଖାଇଛନ୍ତି ତାହା ବିରୋଧୀଙ୍କୁ ଯେତିକି ଚିନ୍ତାରେ ପକାଇଛି, ନିଜ ଦଳର ନେତାମାନଙ୍କ ହୃତକମ୍ପନ ମଧ୍ୟ ସେତିକି ବଢ଼ାଇଛି । ସୋମବାର ଖୋର୍ଦ୍ଧାରୁ ଟିକଟ ପାଇବା ଆଶାରେ ପୂର୍ବତନ ବିଧାୟକ ଜିତୁ ମିତ୍ର ବିଜେପି ଛାଡ଼ି ଶଙ୍ଖ ଫୁଙ୍କିଥିଲା ବେଳେ ସାଂସଦ ପ୍ରଭାସ ସିଂହ, ରୀତା ତରାଇ, ପ୍ରତ୍ୟୁଷା ସିଂହ, ଅର୍କକେଶରୀ ଦେଓ ମଧ୍ୟ ଭେଟିଛନ୍ତି । ଗଜପତି, ଗଞ୍ଜାମ, ଅନୁଗୁଳ, ଭଦ୍ରକ ଓ କନ୍ଧମାଳ ଜିଲ୍ଲାର କିଛି ବିଧାୟକ ଓ ଟିକଟ ଆଶାୟୀ ମଧ୍ୟ ନବୀନ ନିବାସରେ ଭିଡ଼ ଲଗାଇଥିଲେ । ଏପରିକି ଲବି ଗ୍ରୁପ ମାଧ୍ୟମରେ ଟିକଟକୁ ପକ୍କା କରିବାକୁ ଆରମ୍ଭ ହୋଇଛି ଜୋରଦାର ଉଦ୍ୟମ । ଦଳକୁ ବହୁ ସଂଖ୍ୟାରେ ପ୍ରଶାସକ ଓ ଅନ୍ୟ ଦଳର ନେତାଙ୍କ ଯୋଗଦାନ ବଢୁଥିବାରୁ ଏବେର ବିଧାୟକ ଓ ସାଂସଦମାନେ ଟିକଟ କଟିବା ଆଶଙ୍କାରେ ଅଛନ୍ତି ।
ବିଜେପି ଟିକଟ ପାଇଁ ମଧ୍ୟ ଆଶାୟୀଙ୍କ ତାଲିକା ବଢ଼ି ବଢ଼ି ଚାଲିଛି । ଏଥିପାଇଁ ବିଜେପି ରାଜ୍ୟ କାର୍ଯ୍ୟାଳୟ ସହ ହେଭିୱେଟ ନେତାଙ୍କ ଘର ଆଗରେ ଲାଗିଛି ଭିଡ଼ । ଯେମିତି ହେଉ ପଦ୍ମ ଚିହ୍ନ ଟିକଟ ପାଇବାକୁ କସରତ ତେଜିଛି । ଆଜି ଦିନ ତମାମ ବିଜେପି କାର୍ଯ୍ୟାଳୟରେ ରାଜ୍ୟର ବିଭିନ୍ନ ସ୍ଥାନରୁ ଟିକଟ ଆଶାୟୀଙ୍କ ନାହିଁ ନଥିବା ଭିଡ଼ ପରିଲକ୍ଷିତ ହୋଇଥିଲା । ଦଳକୁ ଅନ୍ୟ ଦଳରୁ ଆଗକୁ କିଛି ନେତା ଆସିବା ନେଇ ଯୋଗସୂତ୍ର ଆରମ୍ଭ କରିଛନ୍ତି । ତେଣୁ ବିଜେପି କ୍ୟାମ୍ପରେ ମଧ୍ୟ ଟିକଟ ଚିତ୍ର ଅସ୍ପଷ୍ଟ । ମାତ୍ର ଆଶାୟୀମାନେ କିନ୍ତୁ ନଛୋଡ଼ବନ୍ଦା । ବିଜେପିର ପ୍ରଭାବଶାଳୀ ଗୋଷ୍ଠୀକୁ ଧରି ଟିକଟ ହାତେଇବା କସରତ ଆହୁରି ତେଜିଛି । ଦଳ ପକ୍ଷରୁ ବିଜୟ ସଂକଳ୍ପ ଅଭିଯାନ ସତ୍ତେ୍ୱ ଦଳୀୟ କାର୍ଯ୍ୟାଳୟରେ ମଧ୍ୟ ଭିଡ଼ ଲାଗି ରହିଛି । ଦଳ ପକ୍ଷରୁ ପର୍ଯ୍ୟାୟକ୍ରମେ ପ୍ରାର୍ଥୀ ତାଲିକା ଘୋଷଣା ହେବ ବୋଲି କୁହାଯାଉଥିଲା ବେଳେ ପ୍ରଥମ ପର୍ଯ୍ୟାୟ ଲୋକସଭା ଓ ବିଧାନସଭାର ଆଶାୟୀମାନେ ନିଜ ଉଦ୍ୟମକୁ ଆହୁରି ତେଜିଛନ୍ତି ।
ପ୍ରାର୍ଥୀ ଚୟନରେ କଂଗ୍ରେସ ବେଶ୍‌ ଆଗରେ ରହିଛି । ସ୍କ୍ରିନିଂ କମିଟି ବୈଠକ ସରିଛି । ସମ୍ଭାବ୍ୟ ପ୍ରାର୍ଥୀ ତାଲିକା ଅନୁମୋଦନ ପାଇଁ ଦିଲ୍ଲୀ ଯାଇଛି । ମାତ୍ର ଏହା ସତ୍ତେ୍ୱ ଆଶାୟୀ ଓ ସମର୍ଥକ କଂଗ୍ରେସ ଭବନ ଛାଡୁନାହାନ୍ତି । ପୂର୍ବଭଳି ଭିଡ଼ ପରିଲକ୍ଷିତ ହେଉଛି । ସୋମବାର ଓଡ଼ିଶା ପ୍ରସଙ୍ଗରେ ହାଇକମାଣ୍ଡ ବିଚାର ବିମର୍ଷ କରିଛନ୍ତି । ନିଖିଳ ଭାରତ କଂଗ୍ରେସ କମିଟି(ଏଆଇସିସି)ର ସ୍କ୍ରିନିଂ କମିଟିର ବୈଠକ ପ୍ରଦେଶ ନିର୍ବାଚନ କମିଟିରୁ ଅନୁମୋଦିତ ହୋଇ ଯାଇଥିବା ନାମଗୁଡିକ ସମ୍ପର୍କରେ ବିସ୍ତୃତ ଆଲୋଚନା ହୋଇଥିବା ସୂଚନା ମିଳିଛି । ବିବାଦ ନଥିବା ଆସନ ସହ ଯେଉଁ ଆସନଗୁଡିକରେ ଦଳୀୟ ବିଧାୟକ ଅଛନ୍ତି, ସେହି ଆସନଗୁଡ଼ିକ ସଂପର୍କରେ କମିଟି ଆଗ ନିଷ୍ପତ୍ତି ନେବ । ପ୍ରଥମ ପର୍ଯ୍ୟାୟ ନିର୍ବାଚନ ହେବାକୁ ଥିବା ଆସନଗୁଡ଼ିକ ପାଇଁ ପ୍ରାର୍ଥୀ ତାଲିକା ଆଗ ଘୋଷଣା ହେବ । ପ୍ରଥମ ଦଫା ପ୍ରାର୍ଥୀ ତାଲିକା ପାଇଁ ଦିଲ୍ଲୀରେ ଆଜି କସରତ ହୋଇଛି । ରାହୁଲଙ୍କ ମୋହର ବାଜିବା ପରେ ଚୂଡାନ୍ତ ତାଲିକା ବାହାରିବ ।
ଦଳୀୟ ଟିକଟ ପାଇଁ ଆଶାୟୀଙ୍କ ଧାଁ ଦୌଡ଼ ଯେତିକି ବଢ଼ିଛି, ଦଳୀୟ ହାଇକମାଣ୍ଡଙ୍କ ଉପରେ ମଧ୍ୟ ସେତିକି ଚାପ ରହିଛି । ଠିକଣା ପ୍ରାର୍ଥୀଙ୍କୁ ଟିକଟ ଦେଇ ବିଜୟ ସୁନିଶ୍ଚିତ କରିବାକୁ ମଙ୍ଗୁଆଳମାନେ ବେଶ୍‌ ଭାବିଚିନ୍ତି ଯେ ନିଷ୍ପତ୍ତି ନେବେ ତାହା ଜଳଜଳ ।