PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେବଗଡ : ରିଆମାଳ ରେଞ୍ଜ ନୁଆଁଡିହି ସେକ୍ସନ ଖିଲେଇ ଜଙ୍ଗଲରେ ହାତୀ ଆକ୍ରମଣ ଯୋଗୁଁ ବନ ଶ୍ରମିକ ଗୁରୁତର
  • ||
  • କୋଣାର୍କ : ରୋଗ କଷ୍ଟ ସହିନପାରି ସ୍କୁଲ ହତାରେ ଆତ୍ମହତ୍ୟା କଲେ ବୃଦ୍ଧ
  • ||
  • ଭୁବନେଶ୍ଵର : ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୧୫୦କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ଉପର ତଳ ହେଉଛି କରୋନା ଗ୍ରାଫ୍, ୨୪ ଘଣ୍ଟାରେ ଚିହ୍ନଟ ହେଲେ ୭୩୪ ପଜେଟିଭ୍
  • ||
  • ନୀଳଗିରି : ମାଡ଼ିଆସୁଛନ୍ତି ନୀଳଗିରି ଆଡକୁ ଝାଡ଼ଖଣ୍ଡ ହାତୀ, ଚାଷୀ ଆତଙ୍କିତ
  • ||
  • କଳାହାଣ୍ଡି : ପୋଖରୀରେ ବୁଡି ୨ ଶିଶୁ ମୃତ
  • ||
  • ଜଳେଶ୍ଵର : ବିପଦ ସଂକେତ ଉପରେ ପ୍ରବାହିତ ହେଉଛି ଜଳକା, ବନ୍ୟା ପାଣି ଘେରରେ ୧୦ରୁ ଉର୍ଦ୍ଧ୍ଵ ଗ୍ରାମ
  • ||
  • ଲମତାପୁଟ : ଅଟୋରୁ ୧୦ ଲକ୍ଷ ଟଙ୍କାର ଗଞ୍ଜେଇ ଜବତ, ଗାଡି ଛାଡି ୨ ମାଫିଆ ଫେରାର୍
  • ||

ସିଇଓଙ୍କୁ ବିଜେଡିର ଫେରାଦ, ମୋବାଇଲ୍‌ରେ ମୋଦିଙ୍କ ଭାଷଣ ଲାଇଭ୍‌

ଭୁବନେଶ୍ୱର,୨ା୪(ବ୍ୟୁରୋ): ନିର୍ବାଚନୀ ପ୍ରଚାରରେ ଆଜି ଭବାନୀପାଟଣା ଆସିଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଭାଷଣକୁ ମୋବାଇଲ ଭଏସ୍‌ ମେସେଜ୍‌ ଜରିଆରେ ଲାଇଭ ପ୍ରସାରଣ କରିଛି ବିଜେପି । ନିର୍ବାଚନ ବିଜ୍ଞାପନ ପରିଧି ଭିତରେ ଆସୁଥିବା ଏହି ବ୍ୟବସ୍ଥା ପାଇଁ ମିଡିଆ ସାର୍ଟିଫିକେସନ୍‌ ଆଣ୍ଡ ମନିଟରିଂ କମିଟି ଦ୍ୱାରା ପ୍ରି-ସାର୍ଟିଫିିକେସନ୍‌ ନିହାତି ଜରୁରି । ମାତ୍ର ବିଜେପି ଏହି ନିୟମ ମାନିନାହିଁ । ନିର୍ବାଚନ ଗାଇଡ୍‌ଲାଇନ୍‌ ଉଲ୍ଲଂଘନ କରିଥିବା ବିଜେପି ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ସହ ଏ ବାବଦରେ ହୋଇଥିବା ଖର୍ଚ୍ଚକୁ କଳାହାଣ୍ଡି ଲୋକସଭା ଆସନ ଓ ଭବାନୀପାଟଣା ବିଧାନସଭା ପ୍ରାର୍ଥୀଙ୍କ ଖର୍ଚ୍ଚରେ ମିଶାଇବାକୁ ମୁଖ୍ୟ ନିର୍ବାଚନ ଅଧିକାରୀଙ୍କ ପାଖରେ ଫେରାଦ ହୋଇଛି ବିଜେଡି ।

ବିଜେଡି ଦର୍ଶାଇଛି, ବ୍ଲକ୍‌ ଏସ୍‌ଏମ୍‌ଏସ୍‌ ଏବଂ ଭଏସ୍‌ ମେସେଜ୍‌ ଜରିଆରେ ନିର୍ବାଚନ ପ୍ରଚାର ପାଇଁ ସ୍ପଷ୍ଟ ନିର୍ଦ୍ଦେଶାବାଳୀ ରହିଛି । ଫୋନ୍‌ରେ ଟେଲିଫୋନିକ୍‌ ମେସେଜିଂ ଜରିଆରେ ନିର୍ବାଚନ ପ୍ରଚାର, ଟିଭି ଚ୍ୟାନେଲ୍‌/ କେବୁଲ ନେଟୱର୍କ ଏବଂ ରେଡିଓ ବିଜ୍ଞାପନଠାରୁ ଭିନ୍ନ ନୁହେଁ । ଏଥିପାଇଁ ମିଡିଆ ସାର୍ଟିଫିକେସନ୍‌ ଆଣ୍ଡ ମନିଟରିଂ କମିଟି (ଏମ୍‌ସିଏମ୍‌ସି) ର ପ୍ରି-ସାର୍ଟିଫିକେସନ୍‌ ଜରୁରି । ମାତ୍ର ବିନା ଅନୁମୋଦନରେ ବିଜେପି ଆଜି ପ୍ରଧାନମନ୍ତ୍ରୀ ମୋଦିଙ୍କ ଭାଷଣକୁ ଭଏସ୍‌ ମେସେଜିଂ କଲ ଦ୍ୱାରା ଲାଇଭ୍‌ ପ୍ରସାରଣ କରିଥିଲା । ଏହି ନମ୍ବରକୁ କଲ୍‌ କଲେ ମୋଦିଙ୍କ ଲାଇଭ୍‌ ଭାଷଣ ଶୁଭୁଥିଲା । ମୁଖ୍ୟ ନିର୍ବାଚନ ଅଧିକାରୀ ଏହାକୁ ଗୁରୁତ୍ୱର ସହ ବିଚାର କରିବାକୁ ବିଜେଡି ପକ୍ଷରୁ ଅନୁରୋଧ କରାଯାଇଛି । ମୁଖ୍ୟ ନିର୍ବାଚନ ଅଧିକାରୀଙ୍କୁ ଭେଟିଥିବା ବିଜେଡି ପ୍ରତିନିଧି ଦଳରେ ମୁଖପାତ୍ର ଲେଲିନ ମହାନ୍ତି, ଡ. ସସ୍ମିତ ପାତ୍ର, ସୁଲତା ଦେଓ ଏବଂ ସୁଲୋଚନା ଦାସ ପ୍ରମୁଖ ସାମିଲ ହୋଇଥିଲେ ।

ସମ୍ବନ୍ଧିତ ଖବର