PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଉଚ୍ଚ ମାଧ୍ୟମିକ ଶିକ୍ଷା ପରିଷଦ ପକ୍ଷରୁ ନୋଟିସ, ଘୁଞ୍ଚିଲା +୨ ପରୀକ୍ଷା
  • ||
  • ମହାରାଷ୍ଟ୍ରରେ ମର୍ମନ୍ତୁଦ ଦୁର୍ଘଟଣା: କାଠ ବୋଝେଇ ଟ୍ରକକୁ ଧକ୍କା ଦେବାପରେ ଡିଜେଲ ଟ୍ୟାଙ୍କରରେ ଲାଗିଲା ନିଆଁ, ୯ ଜଣ ଜୀବନ୍ତ ଦଗ୍ଧ
  • ||
  • ସରେଣ୍ଡର୍ କଲେ କଂଗ୍ରେସ ନେତା ନବଜୋତ ସିଂହ ସିଦ୍ଧୁ, ୩୪ ବର୍ଷ ପୂର୍ବ ରୋଡ୍‌ ରେଜ୍‌ ମାମଲାରେ ହୋଇଛି ବର୍ଷେ ସଶ୍ରମ କାରାଦଣ୍ଡ
  • ||
  • ଭୁବନେଶ୍ଵର : ରାସନ ସାମଗ୍ରୀ ବଣ୍ଟନରେ ଅନିୟମିତତା ଅଭିଯୋଗ, ସ୍ଥିତି ସମୀକ୍ଷା କଲେ ବିଏମ୍ସି ମେୟର ସୁଲୋଚନା ଦାସ
  • ||
  • ଭୁବନେଶ୍ଵର : ରାଜଧାନୀରେ ଚାଞ୍ଚଲ୍ୟ, ଜଗନ୍ନାଥ ନଗରରେ ବୋମା ମାଡ଼
  • ||
  • ନୂଆଦିଲ୍ଲୀ : ୨୭ ମାସ ପରେ ଜେଲ୍‌ରୁ ମୁକୁଳିଲେ ଆଜମ ଖାନ, ସ୍ଵାଗତ କଲେ ଶିବପାଳ ଯାଦବ
  • ||
  • ଭୁବନେଶ୍ଵର : ରାଜ୍ୟରେ ଖସୁଛି କରୋନା ଗ୍ରାଫ୍, ୨୪ ଘଣ୍ଟା ମଧ୍ୟରେ ୧୦ ପଜିଟିଭ୍ ଚିହ୍ନଟ
  • ||
  • ସିବିଆଇ ପଞ୍ଝାରେ ପୁଣି ଲାଲୁ ପ୍ରସାଦ : ରେଲୱେ ନିଯୁକ୍ତିରେ ଦୁର୍ନୀତି ଅଭିଯୋଗ, ୧୭ଟି ଠିକଣାରେ ଚାଲିଛି ରେଡ୍
  • ||

ଗଡ଼କରୀ ଓ ଧର୍ମେନ୍ଦ୍ରଙ୍କୁ ବିଜେଡିର ଜବାବ: କେନ୍ଦ୍ର ଓଡ଼ିଶାବାସୀଙ୍କୁ ହତାଶ କରିଛି

source:http://www.newindianexpress.com

ଭୁବନେଶ୍ୱର,୬ା୨(ବ୍ୟୁରୋ): କେନ୍ଦ୍ରମନ୍ତ୍ରୀ ନୀତିନ ଗଡ଼କରୀ ଓ ଧର୍ମେନ୍ଦ୍ର ଆଜି ବିଜେଡିକୁ ଯେଉଁ ଟାର୍ଗେଟ୍‌ କରିଥିଲେ ତାର ପ୍ରତିକ୍ରିୟା ରଖିଛି ବିଜେଡି । ଚିଟଫଣ୍ଡ ଦୁର୍ନୀତିରେ ବିଜେଡିର ସମ୍ପୃକ୍ତି ନେଇ ଧର୍ମେନ୍ଦ୍ରଙ୍କ ବାରମ୍ବାର ଅଭିଯୋଗର କଡା ଜବାବ ରଖିଛି ବିଜେଡି । ଅନ୍ୟର ଦୁର୍ନୀତି ପ୍ରତି ଅଙ୍ଗୁଳି ନିର୍ଦ୍ଦେଶ ପୂର୍ବରୁ ଧର୍ମେନ୍ଦ୍ର ମଧ୍ୟପ୍ରଦେଶରେ ବ୍ୟାପମ୍‌ ଦୁର୍ନୀତିରେ ତାଙ୍କର ସମ୍ପୃକ୍ତି ନେଇ ସ୍ପଷ୍ଟ କରନ୍ତୁ । ଏହି ଦୁର୍ନୀତିରେ ସମ୍ପୃକ୍ତ ସୁଧୀର ଶର୍ମା ଜେରା ବେଳେ ଧର୍ମେନ୍ଦ୍ରଙ୍କୁ ଏୟାର ଲାଇନ୍‌ ଟିକେଟ୍‌ ଦେଇଥିବାର ମାନିଥିଲେ । ଏହି ପ୍ରସଙ୍ଗ ସଂସଦରେ ଉଠିଥିଲା କିନ୍ତୁ ଧର୍ମେନ୍ଦ୍ର ମୁହଁ ଖୋଲୁନାହାନ୍ତି । ତେଣୁ ଏହି ମାମଲାରେ ସିବିଆଇ ତାଙ୍କୁ ଜେରା କରିଛି କି ନାହିଁ ତାହାର ଜବାବ ଦିଅନ୍ତୁ ବୋଲି ବିଜେଡି ପକ୍ଷରୁ କୁହାଯାଇଛି ।
ସେହିପରି ଗଡ଼କରୀଙ୍କ ଗସ୍ତରେ ରାଜ୍ୟ ପାଇଁ କୌଣସି ଆଖିଦୃଶିଆ ପ୍ରକଳ୍ପ ଉଦ୍‌ଘାଟନ ହୋଇନି । କେବଳ ଏକାଧିକ ପ୍ରକଳ୍ପ ପାଇଁ ଶିଳାନ୍ୟାସ ଦିଆଯାଇଛି । ନିର୍ବାଚନ ପାଖେଇ ଆସିବା ବେଳେ ଶିଳାନ୍ୟାସ କରିବା କଥା କେନ୍ଦ୍ରର ମନେ ପଡୁଛି ବୋଲି ବିଜେଡି ପକ୍ଷରୁ କୁହାଯାଇଛି । ବ୍ରାହ୍ମଣୀରେ ଦ୍ୱିତୀୟ ସେତୁ ପାଇଁ ଜମି ଅଧିଗ୍ରହଣ ସମସ୍ୟା ନାହିଁ । ରାଜ୍ୟ ସରକାରଙ୍କ କୌଣସି ଅନୁମତି ଦେବା ପ୍ରକ୍ରିୟା ବି ବିଳମ୍ବିତ ହୋଇନି । ତଥାପି କାମ କାହିଁକି ଅଟକିଛି ବୋଲି ବିଜେଡି ପ୍ରଶ୍ନ କରିଛି । କୋଷ୍ଟାଲ୍‌ ହାଇୱେ ପାଇଁ ଯେଉଁ ଘୋଷଣା ହୋଇଥିଲା ତା କୁଆଡ଼େ ଗଲା? କଟକ-ସମ୍ବଲପୁର ଜାତୀୟ ରାଜପଥ ପ୍ରକଳ୍ପ ପାଇଁ କୌଣସି ଜମି ଅଧିଗ୍ରହଣ ବା ଅନୁମତି ଆବଶ୍ୟକ ନାହିଁ । ତଥାପି କାହିଁକି କାମ ଆରମ୍ଭ ହୋଇନି ବୋଲି ଗଡ଼କରୀଙ୍କୁ ପ୍ରଶ୍ନ କରିଛି ବିଜେଡି । ଏହି ପ୍ରସଙ୍ଗଗୁଡ଼ିକ ଉଠାଇ କେନ୍ଦ୍ର ସରକାର ଓଡ଼ିଶାକୁ କରିଥିବା ଅବହେଳା ଲୁଚାଇବାକୁ ଚାହୁଁଛି ବୋଲି ଦଳ ପକ୍ଷରୁ କୁହାଯାଇଛି ।
ସେପଟେ ଚାଷୀଙ୍କ ଆନ୍ଦୋଳନ ପ୍ରସଙ୍ଗରେ ଧର୍ମେନ୍ଦ୍ର ନବୀନଙ୍କୁ କରିଥିବା ସମାଲୋଚନାର ଜବାବ ରଖିଛି ବିଜେଡି । ବିଜେପି ଅଧୀନରେ ଥିବା ଦିଲ୍ଲୀ ପୁଲିସ ଓ ମଧ୍ୟପ୍ରଦେଶ ପୁଲିସ ଗତ କିଛି ଦିନ ତଳେ ଚାଷୀଙ୍କ ଉପରେ ଜୁଲମ୍‌ କରିଥିଲେ । ମଧ୍ୟପ୍ରଦେଶରେ ହକ୍‌ ମାଗୁଥିବା ଚାଷୀଙ୍କୁ ଗୁଳି ଖାଇବାକୁ ପଡିଥିଲା । ୫ ଜଣ ଚାଷୀଙ୍କୁ ମାରି ଦେଇଥିଲେ । ଏଣୁ ଚାଷୀ ପ୍ରସଙ୍ଗରେ ଧର୍ମେନ୍ଦ୍ର କୁମ୍ଭୀର କାନ୍ଦଣା ବନ୍ଦ କରନ୍ତୁ ବୋଲି ବିଜେଡି କହିଛି ।