PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗଞ୍ଜାମ- କାଳବୈଶାଖୀର ତାଣ୍ଡଵ। ସେରଗଡ ବ୍ରାହ୍ମଣଛାଇ ଗାଁରେ ଗଛ ପଡି ଦୁଇ ମୃତ
  • ||
  • ବରିଷ୍ଠ ବିଜେଡି ନେତ୍ରୀ ଭି. ସୁଜ୍ଞାନୀ କୁମାରୀ ଦେଓଙ୍କ ଆଶୁ ଆରୋଗ୍ୟ କାମନା କଲେ ମୁଖ୍ୟମନ୍ତ୍ରୀ, ଅସୁସ୍ଥତା କାରଣରୁ ଡାକ୍ତରଖାନାରେ ଭର୍ତ୍ତି ହୋଇଛନ୍ତି ପୂର୍ବତନ ବିଧାୟକା
  • ||
  • ପଶ୍ଚିମବଙ୍ଗରେ ବିଜେପି କାର୍ଯ୍ୟକର୍ତ୍ତାଙ୍କ ଉପରେ ଟିଏମସିର ଆକ୍ରମଣର ପ୍ରତିବାଦରେ କେନ୍ଦ୍ରମନ୍ତ୍ରୀଙ୍କ ଉପବାସ
  • ||
  • ପଶ୍ଚିମବଙ୍ଗ: ତୃତୀୟ ଥର ପାଇଁ ମୁଖ୍ୟମନ୍ତ୍ରୀ ଭାବେ ଶପଥ ନେଲେ ମମତା ବାନାର୍ଜି
  • ||
  • କୋଭିଡ୍ ମୁକାବିଲା ପାଇଁ ୫୦ ହଜାର କୋଟି ଦେବ ଆର୍‌ବିଆଇ
  • ||
  • ବଲାଙ୍ଗୀର: ଡେଲିମାର୍କେଟରେ ସଂଘବଦ୍ଧ ଭାବେ ପରିବା ବିକ୍ରି କରିବାକୁ ପ୍ରଶାସନ ବିରୋଧ କରିବାରୁ ଉତ୍ତ୍ୟକ୍ତ ହୋଇ ରାସ୍ତାରେ ପରିବା ଫିଙ୍ଗିଲେ ବେପାରୀ, ପୁଲିସ ଏବଂ ମ୍ୟୁନିସିପାଳିଟି ପକ୍ଷରୁ ବୁଝାମଣା ଜାରି
  • ||
  • ଗୁଡ଼ଭେଲା: ବିଦ୍ୟୁତ ଖୁଣ୍ଟକୁ ପଟିଲା ଟ୍ରକ ଅଳ୍ପକେ ବର୍ତ୍ତିଲେ ଲୋକେ
  • ||
  • ହାଇଦ୍ରାବଦରୁ ଫେରୁଥିଲେ ପ୍ରବାସୀ ଶ୍ରମିକଙ୍କ ୧୨ ବର୍ଷର ଝିଅ, ସୀମାନ୍ତ ମୋଟୁରେ ଚାଲିଗଲା ଜୀବନ
  • ||
  • ଉପକୂଳରେ ତାତି ଉଭାନ୍‌, ଆସନ୍ତା ୪ ଦିନ ରାଜ୍ୟର ବିଭିନ୍ନ ସ୍ଥାନରେ କାଳବୈଶାଖୀ
  • ||
  • ଆନ୍ଧ୍ର ପ୍ରଦେଶ ଓ ତେଲେଙ୍ଗାନାରୁ ଫେରିଲେ ୧୪ ଦିନିଆ କ୍ୱାରେଣ୍ଟାଇନ୍‌ ବାଧ୍ୟତାମୂଳକ
  • ||
  • ଓଡ଼ିଶାରେ ଚିହ୍ନଟ ହେଲେ ୯୮୮୯ ଜଣ କରୋନା ପଜିଟିଭ ଚିହ୍ନଟ, ଆଖିବୁଜିଲେ ୧୬ ଜଣ ସଂକ୍ରମିତ
  • ||
  • ଓଡ଼ିଶା: ଆଜିଠୁ ରାଜ୍ୟବ୍ୟାପୀ ୧୪ ଦିନିଆ ‘ଲକଡାଉନ୍‌,’୧୯ ତାରିଖ ପର୍ଯ୍ୟନ୍ତ ବଳବତ୍ତର ରହିବ
  • ||

ଜବାବ ରଖିଲା ବିଜେଡି: ନବୀନଙ୍କୁ ପୁଣି ମୁଖ୍ୟମନ୍ତ୍ରୀ ଭାବେ ଦେଖିବାକୁ ଶାହ ପ୍ରସ୍ତୁତ ଥାଆନ୍ତୁ

ଭୁବନେଶ୍ୱର,୨୯ ।୧(ବ୍ୟୁରୋ): ସାଲେପୁର କୁଳିଆରେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ୍‌ ଶାହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ରାଜ୍ୟ ସରକାରଙ୍କୁ ବିଭିନ୍ନ ପ୍ରସଙ୍ଗରେ ସମାଲୋଚନା କରିଥିଲା ବେଳେ ପ୍ରତିଜବାବ ରଖିଛି ବିଜେଡି । ବିଜେଡି ମୁଖପାତ୍ର ଡ.ସସ୍ମିତ ପାତ୍ର କହିଛନ୍ତି, ବିଜେପି କର୍ମକର୍ତ୍ତାଙ୍କ ମନୋବଳ ଦୁର୍ବଳ ଅବସ୍ଥାରେ ଥିବାରୁ ଶାହଙ୍କ ଭାଷଣ କେବଳ ଉତ୍ସାହ ଭରିବାକୁ ଉଦ୍ଦିଷ୍ଟ ଥିଲା । ଆମେ ଆଶା କରୁଥିଲୁ ଶାହ ଓଡ଼ିଶାର ଦାବି ସ୍ୱତନ୍ତ୍ର ରାଜ୍ୟ ପାହ୍ୟା, ଧାନର ଏମଏସପି କୁଇଣ୍ଟାଲ ପିଛା ୨୯୩୦ ଟଙ୍କା ସହ ଅନୁସୂଚିତ ଜାତି ପିଲାଙ୍କ ଛାତ୍ରବୃତ୍ତି ନେଇ କିଛି କହିବେ । ମାତ୍ର ଏସବୁ ରାଜ୍ୟ ସ୍ୱାର୍ଥ ସମ୍ବଳିତ ପ୍ରସଙ୍ଗରେ ଶାହ କାହିଁକି ଚୁପ୍‌ ରହିଲେ? ଓଡ଼ିଶାବାସୀ ନବୀନଙ୍କୁ ପୁଣି ୫ମ ପାଳି ମୁଖ୍ୟମନ୍ତ୍ରୀ ଭାବେ ନିର୍ବାଚିତ କରିବେ । ବିଜେପି ଓ ଶାହ ମୁଖ୍ୟମନ୍ତ୍ରୀ ପଦରେ ପୁଣି ନବୀନଙ୍କୁ ଦେଖିବାକୁ ମାନସିକ ପ୍ରସ୍ତୁତି ଆରମ୍ଭ କରନ୍ତୁ ।
ଡ.ପାତ୍ର ଦର୍ଶାଇଛନ୍ତି, କଂଗ୍ରେସ କହୁଛି ବିଜେଡି-ବିଜେପି ବୁଝାମଣା ଅଛି । ବିଜେପି କହୁଛି ବିଜେଡି-କଂଗ୍ରେସ ସଂପର୍କ ରହିଛି । ଏହା ଅତ୍ୟନ୍ତ ହାସ୍ୟାସ୍ପଦ । ଆମର ଏ ଦୁଇ ଦଳ ସହ କିଛି ବୁଝାମଣା ନାହିଁ । ଓଡ଼ିଶାବାସୀଙ୍କ ସହ କେବଳ ବିଜେଡିର ମେଣ୍ଟ ରହିଛି । ମୁଖ୍ୟମନ୍ତ୍ରୀ ସଭାକୁ ଲକ୍ଷାଧିକ ଲୋକ ଆସୁଥିବାରୁ ବିଜେପି ଭୟରେ ଛାନିଆ ହୋଇପଡ଼ିଛି । ଓଡ଼ିଶା ବିକାଶ ରାସ୍ତାରେ ଚାଲୁଛି । କେନ୍ଦ୍ର ସରକାର ତେଣୁ ରାଜ୍ୟକୁ ଗୋଟିଏ ପରେ ଗୋଟିଏ ପୁରସ୍କାର ଦେଉଛି । ଓଡ଼ିଶା ୨୦ ଲକ୍ଷ ଗୃହ ନିର୍ମାଣ କରିଥିଲା ବେଳେ ୪୧ ହଜାର କିମି ଗ୍ରାମ୍ୟ ରାସ୍ତା ନିର୍ମାଣ କରିପାରିଛି । ୯ ଲକ୍ଷ ଯୁବକଯୁବତୀଙ୍କୁ ଦକ୍ଷତା ବିକାଶ ତାଲିମ ପ୍ରଦାନ ସହ ୨୫% ଗରିବୀ ହଟାଇବାରେ ରାଜ୍ୟ ସରକାର ସଳ ହୋଇଛନ୍ତି । ସେହିଭଳି ମୁଖ୍ୟମନ୍ତ୍ରୀ ଦିଲ୍ଲୀ ଠାରେ ସମୀକ୍ଷା କରି କେନ୍ଦ୍ର ବାକି ରଖିଥିବା ୬୪୦୦ କୋଟି ଟଙ୍କା ମାଗିଛନ୍ତି । ଓଡ଼ିଶାରେ ପାନୀୟ ଜଳ ବାବଦକୁ ରାଜ୍ୟ ସରକାର ନିଜର ବଜେଟରୁ ୩୦୦୦ କୋଟି ଟଙ୍କା ଖର୍ଚ୍ଚ କରିଛନ୍ତି । କେନ୍ଦ୍ର ସରକାର ମାତ୍ର ୧୮୦ କୋଟି ଟଙ୍କା ଏ ବାବଦରେ ମଞ୍ଜୁରୀ କରିଛନ୍ତି ଓ ସେଥିରୁ କେବଳ ୮୦ କୋଟି ଟଙ୍କା ଆଜି ପର୍ଯ୍ୟନ୍ତ ଓଡ଼ିଶା ପାଇଛି । ସ୍ମାର୍ଟସିଟି ଦାରଦ୍ର‌୍ୟ ଦୂରୀକରଣ କାର୍ଯ୍ୟକ୍ରମରେ କେନ୍ଦ୍ର ସରକାର ରାଜ୍ୟକୁ ୨୦୦ କୋଟି ଟଙ୍କା ଦେବା କଥା, କିନ୍ତୁ ଆଜି ପର୍ଯ୍ୟନ୍ତ ଓଡ଼ିଶାକୁ କେବଳ ୬ କୋଟି ଟଙ୍କା ଦେଇଛନ୍ତି । ମହାନଦୀ, ପୋଲାଭରମ୍‌, ସ୍ୱତନ୍ତ୍ର ରାଜ୍ୟ ପାହ୍ୟା ମାନ୍ୟତା, ଧାନର ସର୍ବନିମ୍ନ ସହାୟକ ମୂଲ୍ୟ ଦେଢ଼ଗୁଣ ବୃଦ୍ଧି, ୩୩ଟି ଯୋଜନାର ଅର୍ଥକାଟ୍‌ ଏବଂ ଆଇଏପି, ବିଆରଜିଏ୍‌ ଓ କେବିକେ ଯୋଜନା ଭଳି ୮ଟି ଯୋଜନାକୁ ବନ୍ଦ କରିବା ଆଦି ପ୍ରସଂଗ ଗୁଡିକ ପ୍ରାଞ୍ଜଳ ଭାବରେ ବିଜେପିର ଓଡ଼ିଶା ବିରୋଧୀ ନୀତିକୁ ପ୍ରକାଶିତ କରୁଛି ବୋଲି ମୁଖପାତ୍ର ଡ. ପାତ୍ର କହିଛନ୍ତି ।