PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶିଶୁ ଅପହରଣ ଉଦ୍ୟମ ପଣ୍ଡ, ବାଇକ ରୁ ଲମ୍ଫ ମାରି ଦୁର୍ବୃତ୍ତଙ୍କ କବଳରୁ ମୁକୁଳିଲା ୧୨ ବର୍ଷର ଶିଶୁ ପୁତ୍ର, ଜଗତସିଂହପୁର ଥାନାରେ ମାମଲା।
  • ||
  • ଢେଙ୍କାନାଳ: ସାଇକୃପା ଆବାସିକ ମହାବିଦ୍ୟାଳୟରୁ ୪ଜଣ ଛାତ୍ର କୋଭିଡ ପଜିଟିଭ ଚିହ୍ନଟ, ଆରଟିପିସିଆର ଟେଷ୍ଟ ପାଇଁ ୨୬୦ ଜଣଙ୍କର ସାମ୍ପଲ ପାଠାଗଲା
  • ||
  • କମ୍ପିବ ବିଧାନସଭା: ମମିତା ମେହେର ହତ୍ୟା ଘଟଣା, ଧାନମଣ୍ଡି ଅବ୍ୟବସ୍ଥା, ଦୁର୍ନୀତି ପ୍ରସଙ୍ଗରେ ସରକାରଙ୍କୁ ଘେରିବ ବିଜେପି
  • ||
  • ନରସିଂହପୁର: ପିଉସୀ ଘରକୁ ବୁଲିବାକୁ ଆସିଥିବା ବେଳେ କୂଅରେ ପଡ଼ି ଚାଲିଗଲା ବାଳକ ଜୀବନ
  • ||
  • ନରସିଂହପୁର: ନରସିଂହପୁରରେ ମାତିଲେ ଦୁର୍ବୁତ୍ତ, ସ୍କାଏ ଲାଇଟ ଭାଙ୍ଗି ଲୁଟିନେଲେ ଟଙ୍କା ଆସବାବପତ୍ର
  • ||
  • ଜଗତସିଂହପୁର : ଆରମ୍ଭ ହେଲା ୨ଦିନିଆ ସାଗର କବଚ ଓଡି -୨୧ ସମରାଭ୍ୟାସ
  • ||
  • ଚନ୍ଦ୍ରଶେଖରପୁର : ଜଣଙ୍କ ପାଇଁ ଦୁଇ ପ୍ରେମିକ ମଧ୍ୟରେ ହଣାମରା, ବିଚ୍ ରାସ୍ତାରେ ଚାଲିଲା ଖଣ୍ଡଯୁଦ୍ଧ
  • ||
  • ସୋନପୁର : ସୋନପୁରରେ ଇଷ୍ଟଦେବୀ ସୁରେଶ୍ଵରୀ ମନ୍ଦିରରୁ ଚୋରି
  • ||
  • ଭୁବନେଶ୍ୱର : ଆଜି ଅଭିନେତ୍ରୀ ଗୁନ୍‌ଗୁନ୍‌ଙ୍କ ବିବାହ, ଅଭିସ୍ମିତଙ୍କ ସହ ପଡିବ ହାତଗଣ୍ଠି
  • ||
  • ଭୁବନେଶ୍ୱର : ଆସୁଛି ସମ୍ଭାବ୍ୟ ବାତ୍ୟା ‘ଜୱାଦ୍‌’, ୩ ତାରିଖ ଯାଏଁ ଥରାଇବ ଶୀତ, ୪ରେ ନିର୍ଧୁମ ବର୍ଷା ସମ୍ଭାବନା
  • ||
  • ସୁକିନ୍ଦା : ଶତାୟୁ ପଦ୍ମଶ୍ରୀ ନନ୍ଦ ସାର୍ କରୋନା ସଂକ୍ରମିତ, ଘରୋଇ ହସ୍ପିଟାଲରେ ଭର୍ତ୍ତି
  • ||

କେନ୍ଦ୍ର ଅବହେଳା ହେବ ପ୍ରସଙ୍ଗ: ବିଜେଡି ଆରମ୍ଭ କଲା ‘ହକ୍‌ ମାଗୁଛି ଓଡି଼ଶା’

ଭୁବନେଶ୍ୱର,୧୧ା୩(ବ୍ୟୁରୋ): ଢ଼େର ରାଜସ୍ୱ ଆଦାୟ କରି ଦେଉଛୁ । ହେଲେ ଅନୁଦାନ ବେଳକୁ ଠକି ଦେଉଛନ୍ତି । ଆମକୁ ହକ୍‌ ମିଳୁନି । ଏହା ବିରୋଧରେ ଲଢ଼ିବୁ । ଏମିତି ଅଭିଯୋଗରେ କେନ୍ଦ୍ର ବିରୋଧରେ ବିଜେଡି ଆଜିଠୁ ଆରମ୍ଭ କରିଛି ‘ହକ୍‌ ମାଗୁଛି ଓଡି଼ଶା’ ଅଭିଯାନ । ଲୋୟର ପିଏମ୍‌ଜିରୁ ଏହି ଅଭିଯାନର ମୂଳଦୁଆ ପକାଇଛି ଦଳ । କେନ୍ଦ୍ରୀୟ ବୌମାତୃକ ମନୋଭାବ ଓ ଅବହେଳାକୁ ପ୍ରତିଟି ଓଡି଼ଆଙ୍କ ପାଖରେ ପହଞ୍ଚାଇବାକୁ ରାଜ୍ୟର ଯୁବ ଓ ଛାତ୍ରଗୋଷ୍ଠୀର କର୍ମୀଙ୍କୁ ଦାୟିତ୍ୱ ଦେଇଛି ।
ମାଷ୍ଟରକ୍ୟାଣ୍ଟିନରୁ ଲୋୟର ପିଏମ୍‌ଜି ଯାଏଁ ଦଳର ଏକ ବିକ୍ଷୋଭ ଶୋଭାଯାତ୍ରା ଯାଇଥିଲା । ମନ୍ତ୍ରୀ ଅଶୋକ ପଣ୍ଡା, ବିଧାୟକ ସଞ୍ଜୟ ଦାସବର୍ମା, ପ୍ରଣବ ବଳବନ୍ତରାୟ, ଅରୁଣ ସାହୁ, ପ୍ରିୟଦର୍ଶୀ ମିଶ୍ର ଓ ବିଜୟ ମହାନ୍ତି ଏହାର ନେତୃତ୍ୱ ନେଇଥିଲେ । ସେଠାରେ ଆୟୋଜିତ ଏକ ପ୍ରତିବାଦ ସଭାରେ ନେତାମାନେ କେନ୍ଦ୍ର ବିରୋଧରେ ଖୁବ୍‌ ବର୍ଷିଥିଲେ । ସେମାନେ ଅଭିଯୋଗ କରିଥିଲେ, ପ୍ରତିବର୍ଷ ଆଶାଠାରୁ ଅଧିକ ରାଜସ୍ୱ ଆଦାୟ କରି କେନ୍ଦ୍ରକୁ ଦିଆଯାଉଛି । ହେଲେ ବଜେଟ୍‌ ବେଳକୁ କେନ୍ଦ୍ର ଅସଲ ରୂପ ଦେଖାଉଛି । କେନ୍ଦ୍ରୀୟ ଅନୁଦାନ ଓ ଯୋଜନାରେ ପ୍ରତିଥର ରାଜ୍ୟବାସୀଙ୍କୁ ନିରାଶ ହେବାକୁ ପଡୁଛି । ନିର୍ବାଚନ ପୂର୍ବରୁ ସ୍ୱତନ୍ତ୍ର ରାଜ୍ୟ ପାହ୍ୟା ଦେବାକୁ ଚିଲ୍ଲାଉ ଥିବା କେନ୍ଦ୍ର ନିର୍ବାଚନର ସାଢ଼େ ୪ ବର୍ଷ ପରେ ମଧ୍ୟ କିଛି ପଦକ୍ଷେପ ନେଇପାରୁନି । ଉପା ସରକାରକୁ ବଳିଗଲାଣି ଏହି ସରକାରଙ୍କ ଅତ୍ୟାଚାର । ଅନୁଦାନ ହେଉ କି ସ୍ୱତନ୍ତ୍ର ପାହ୍ୟା । ଏହା ହେଉଛି ପ୍ରତିଟି ଓଡିଶାବାସୀଙ୍କ ହକ୍‌ । ଏ ହକ୍‌ ମାଗିବାର ସଠିକ୍‌ ସମୟ ଆସିଛି ।
ଏହି ଅଭିଯାନକୁ ବ୍ଲକ ଓ ପଞ୍ଚାୟତସ୍ତରକୁ ନିଆଯିବ । ପ୍ରତିଟି ଗାଁ ଓ ପଞ୍ଚାୟତରେ ପଥପ୍ରାନ୍ତ ସଭା କରାଯିବ । ଘରୁ ଘରୁ ଜଣେ ଲେଖାଏଁ ଯୁବ ସଦସ୍ୟଙ୍କୁ କେନ୍ଦ୍ର ବିରୋଧୀ ଏହି ଅଭିଯାନରେ ସାମିଲ କରାଯିବାକୁ ଲକ୍ଷ୍ୟ ରଖିଛି ଦଳ । ଯୁବ ଓ ଛାତ୍ର ବାହିନୀ ରାଜ୍ୟବାସୀଙ୍କୁ ଏହି ବାର୍ତ୍ତା ପହଞ୍ଚାଇବାକୁ ଆଜିଠୁ ଅଣ୍ଟା ଭିଡିଛନ୍ତି । ଏହାର ନେତୃତ୍ୱ ଯୁବ ବିଜେଡି ସଭାପତି ଅମରେଶ ପାତ୍ର, ଉପଦେଷ୍ଟା ସନ୍ତୋଷ ବେଜ୍‌, ଛାତ୍ର ବିଜେଡି ସଭାପତି ରାଣାପ୍ରତାପ ପାତ୍ର ଓ ଉପଦେଷ୍ଟା ଚିନ୍ମୟ ସାହୁଙ୍କୁ ଦିଆଯାଇଛି । ଆଜିର କାର୍ଯ୍ୟକ୍ରମକୁ ମନ୍ଦାକିନୀ କର, ଦୂତି ମାର୍ଥା, ସୁନୀଲ ପଣ୍ଡା ତାରେଣୀ ପ୍ରସାଦ ନାୟକ ପ୍ରମୁଖ ପରିଚାଳନା କରିଥିଲେ ।

ବିଜେଡିର ହକ୍‌ ମାଗୁଛି ଓଡିଶା କାର୍ଯ୍ୟକ୍ରମ କେବଳ ନାଟକ :ବିଜେପି
ବିଜେଡି ସରକାର ପ୍ରଥମେ ଯୋଜନା କପି ପେଷ୍ଟ କରୁଥିଲେ । ଏବେ ରାଜନୈତିକ କାର୍ଯ୍ୟକ୍ରମ ଗୁଡିକୁ ବି କପି ପେଷ୍ଟ କରିବା ଆରମ୍ଭ କରିଦେଇଛନ୍ତି । ଗତ ଦୁଇ ମାସ ତଳେ ବିଜେପି ଯୁବ ମୋର୍ଚ୍ଚା ପକ୍ଷରୁ ଜବାବ ମାଗୁଛି ଓଡିଶା କାର୍ଯ୍ୟକ୍ରମ ଆରମ୍ଭ କରିଥିଲେ ଯାହାକୁ ଅନୁକରଣ କରି ବିଜେଡି ଏବେ ହକ ମାଗୁଛି ଓଡିଶା ଅଭିଯାନ ଆରମ୍ଭ କରୁଛି ବୋଲି ରାଜ୍ୟ ଉପସଭାପତି ସମୀର ମହାନ୍ତି ଅଭିଯୋଗ କରିଛନ୍ତି ।
ଶ୍ରୀ ମହାନ୍ତି କହିଛନ୍ତି, ଡିସେମ୍ବର ୨୫ ରେ ବରମୁଣ୍ଡା ପଡିଆରୁ ଓଡିଶାର ୧୪୭ ବିଧାନସଭା କ୍ଷେତ୍ରରେ ଯୁବକମାନେ କାହିଁକି ବେରୋଜଗାର, ଓଡିଶା ଯୁବକ ଯୁବତୀ ମାନଙ୍କୁ ନିଯୁକ୍ତି ଦେବାରେ ବାଧକ ସାଜୁଛନ୍ତି, ମହିଳାଙ୍କୁ ସମ୍ମାନ ନାହିଁ, ମହିଳାମାନେ ଅସୁରକ୍ଷିତ ପ୍ରସଙ୍ଗରେ ସରକାରଙ୍କୁ ଜବାବ ମଗାଯାଇଥିଲା । ଏଥିରେ ଭୟଭୀତ ହୋଇ ବିଜେଡି ଏପରି କାର୍ଯ୍ୟକ୍ରମ କରୁଛି । କେନ୍ଦ୍ର ସରକାର ଓଡିଶାକୁ ଗୁରୁତ୍ୱ ଦେଉଥିବା ବେଳେ କେନ୍ଦ୍ରୀୟ ଅବହେଳାର କୌଣସି ପ୍ରାସଙ୍ଗିକତା ନଥିବାରୁ ବିଜୁ ଜନତା ଦଳ କେବଳ ନାଟକ କରୁଛି ବୋଲି ଶ୍ରୀ ମହାନ୍ତିି କହିଛନ୍ତି ।

ସମ୍ବନ୍ଧିତ ଖବର