PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଧାୟକ ପ୍ରଦୀପ ପାଣିଗ୍ରାହୀଙ୍କ ଘରେ ଚଢ଼ାଉ , ତାଙ୍କର ସହଯୋଗୀ ଓ ସଂପର୍କୀୟଙ୍କ ଘରେ ମଧ୍ୟ ଚଢ଼ାଉ , ସହଯୋଗୀଙ୍କ ଘରୁ ୨୦ ଲକ୍ଷ ଟଙ୍କା ଜବତ , ବିଭିନ୍ନ କାଗଜପତ୍ର ମଧ୍ୟ ଜବତ କଲା ଭିଜିଲାନ୍ସ ଟିମ୍
  • ||
  • ଜମ୍ମୁ-କଶ୍ମୀରରେ ୨ ଅଣକାଶ୍ମୀରୀଙ୍କୁ ହତ୍ୟା କଲେ ଆତଙ୍କବାଦୀ , ଯବାନଙ୍କ ପକ୍ଷରୁ ସର୍ଚ୍ଚ ଅପରେସନ ଜୋରଦାର
  • ||
  • କଟକ ଜଗତପୁର ଶିଳ୍ପାଞ୍ଚଳରେ ଅଗରବତୀ ଫ୍ୟାକ୍ଟ୍ରିରେ ଅଗ୍ନିକାଣ୍ଡ , ଏସ୍ଏସ୍ ଏଣ୍ଟରପ୍ରାଇଜର୍ସ ନାମକ କାରଖାନାରେ ନିଆଁ , ନିଆଁ ଆୟତ୍ତ ପାଇଁ ଅଗ୍ନିଶମ ବାହିନୀର ଉଦ୍ୟମ , ଫ୍ୟାକ୍ଟ୍ରିରେ ତିଆରି ହେଉଥିଲା ମଙ୍ଗଲଦୀପ୍ ବ୍ରାଣ୍ଡର ଅଗରବତୀ
  • ||
  • ରାୟଗଡା ସହର ଉପକଣ୍ଠ ନାଗାବଳି ନଦୀରେ ପାରଳାଖେମୁଣ୍ଡି ସହରର ଦୁଇ ଜଣ ପର୍ଯ୍ୟଟକ ନିଖୋଜ ।
  • ||
  • ପାରଳାଖେମୁଣ୍ଡି : ମନ୍ତ୍ରୀ ଜଗନ୍ନାଥ ସାରକାଙ୍କ ପାଇଲଟ ଗାଡ଼ି ଦୁର୍ଘଟଣାଗ୍ରସ୍ତ, ଡ୍ରାଇଭରଙ୍କ ସମେତ ୫ ଆହତ
  • ||
  • ବ୍ରହ୍ମପୁର : ଗୋପାଳପୁର ବିଧାୟକ ଓ ସମର୍ଥକଙ୍କ ଘରେ ଭିଜିଲାନ୍ସ ଚଢ଼ାଉ
  • ||
  • ଭୋଗରାଇ : ବେଳାଭୂମି ନିକଟ ହୋଟେଲରେ ସେକ୍ସ ରାକେଟ୍‌ର ପର୍ଦ୍ଦାଫାସ୍
  • ||
  • ଭୁବନେଶ୍ୱର : ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୨୮୫କୁ ବୃଦ୍ଧି
  • ||
  • ଚଣ୍ଡିଖୋଲ : ପାରିବାରିକ କଳହର କରୁଣ ପରିଣତି, ବୋହୂକୁ ପଥରରେ ଛେଚି ହତ୍ୟା କଲା ଶାଶୂ
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟାରେ ଚିହ୍ନଟ ହେଲେ ୪୪୩ କୋଭିଡ୍ ପଜିଟିଭ୍
  • ||
  • ବାଲିଗୁଡା : ବିଦ୍ୟୁତ ତାର ଲାଗି ଯୁବକଙ୍କ ମୃତ୍ୟୁ ଘଟଣାରେ ତୁମୁଡିବନ୍ଧ ଠାରେ ଜାତୀୟ ରାଜପଥ ଅବରୋଧ, ମୁନିଗୁଡା ଓ ଭବାନୀପାଟନାକୁ ଯାତାୟତ ଠପ୍
  • ||
  • ଭୁବନେଶ୍ୱର : ରାଜ୍ୟରେ ଆଉ ୩ ଦିନ ବର୍ଷା, ଆସନ୍ତାକାଲି ମୟୂରଭଞ୍ଜ ଓ ବାଲେଶ୍ୱରରେ ପ୍ରବଳ ବର୍ଷବ
  • ||
  • ଭୁବନେଶ୍ୱର : ଆଜିଠୁ ଓଜେଇଇ କାଉନ୍‌ସିଲିଂ, ୫ ନଭେମ୍ବରରେ ପ୍ରଥମ ପର୍ଯ୍ୟାୟ ଆଲର୍ଟମେଣ୍ଟ
  • ||
  • ଅଲ୍‌ ଅମିରତ୍‌ : ଆଜିଠୁ ଟି-୨୦ ବିଶ୍ବକପ୍, ସଙ୍ଘର୍ଷପୂର୍ଣ୍ଣ ହେବ ବାଂଲାଦେଶ-ସ୍କଟ୍‌ଲାଣ୍ଡ ମୁକାବିଲା
  • ||

ଗରିବ ବିଜେଡି କର୍ମୀଙ୍କୁ ମିଳିପାରିଲାନି ସହାୟତା: କୋମାରେ ମୃତ୍ୟୁ ସହ ସଂଘର୍ଷ

ନବରଙ୍ଗପୁର/ନନ୍ଦାହାଣ୍ଡି,୧୦ା୨(ଆପ୍ର): କୌଣସି ଗରିବ ଲୋକର ଚିକିତ୍ସାରେ ଅର୍ଥ ବାଧକ ହେବନି । ସେଥିପାଇଁ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା କରିଛନ୍ତି ରାଜ୍ୟ ସରକାର । ୫ରୁ ୭ ଲକ୍ଷ ଟଙ୍କା ପର୍ଯ୍ୟନ୍ତ ଯୋଗାଇ ଦେବାକୁ ଘୋଷଣା କରିଛନ୍ତି । ଏଠାରେ କିନ୍ତୁ ତା’ର ସାଂଘାତିକ ବ୍ୟତିକ୍ରମ ଦେଖିବାକୁ ମିଳିଛି । ବିଜେଡିର ଜଣେ ଗରିବ କର୍ମୀ ନନ୍ଦାହାଣ୍ଡି ବ୍ଲକ ସରୁଗୁଡା ଗାଁର ତ୍ରିଲୋଚନ ମାଳି (୪୦) ଏକ ଦୁର୍ଘଟଣାରେ ଏବେ ମୃତ୍ୟୁ ସହ ସଂଘର୍ଷ କରୁଛନ୍ତି । ହେଲେ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ପାଇବା ପାଇଁ ପରିବାର ପାଖରେ ଥିବା ବୀମା କାର୍ଡ କାମରେ ଲାଗୁନି । କୋରାପୁଟ ସହିଦ ଲକ୍ଷ୍ମଣ ନାୟକ ମେଡିକାଲ୍‌ କଲେଜ ଓ ହସ୍‌ପିଟାଲ୍‌ର ଡାକ୍ତରମାନେ କୌଣସି ବଡ଼ ମେଡିକାଲ୍‌ ନେବାକୁ କହି ବିଦା କରିଦେଇଛନ୍ତି । ଫଳରେ ୩ ଦିନ ହେବ ଘରେ କୋମା ଅବସ୍ଥାରେ ପଡ଼ିରହି ମୃତ୍ୟୁ ସହ ସଂଘର୍ଷ କରୁଛନ୍ତି ତ୍ରିଲୋଚନ । ବିଜେଡି କର୍ମୀଙ୍କୁ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ସହାୟତା ମଳିପାରୁନଥିବା ବେଳେ ଅନ୍ୟଙ୍କୁ କିଭଳି ଏହାର ସୁଫଳ ମିଳୁଥିବ ତାକୁ ନେଇ ଉଠିଛି ପ୍ରଶ୍ନବାଚୀ ।
ଗତ ୫ ତାରିଖରେ ଉମରକୋଟରେ ମୁଖ୍ୟମନ୍ତ୍ରୀଙ୍କ କାର୍ଯ୍ୟକ୍ରମ ସାରି ଗାଁର ଜଣଙ୍କ ବାଇକ୍‌ରେ ଘରୁକୁ ଫେରୁଥିଲେ ତ୍ରିଲୋଚନ । ଗାଁ ନିକଟରେ ଘଟିଥିଲା ଦୁର୍ଘଟଣା । ଏଥିରେ ସେ ଗୁରୁତର ହୋଇଥିଲେ । ରକ୍ତ ଜୁଡୁବୁଡୁ ଅବସ୍ଥାରେ ତାଙ୍କୁ ଗାଁ ଲୋକେ ପ୍ରଥମେ ନବରଙ୍ଗପୁର ଜିଲ୍ଲା ମୁଖ୍ୟଚିକିତ୍ସାଳୟରେ ପରେ କୋରାପୁଟକୁ ସ୍ଥାନାନ୍ତର କରାଯାଇଥିଲା । ସେଠାରେ ତାଙ୍କ ମୁଣ୍ଡର ଖପୁରୀ ଭିତରକୁ ଏକ ଗୋଡ଼ି ପଶିଯାଇଥିବା ଜଣା ପଡ଼ିଥିଲା । ପରେ ସେ କୋମାକୁ ଚାଲିଯାଇଥିଲେ । ୨ ଦିନ ଚିକିତ୍ସା ପରେ ଡାକ୍ତରମାନେ ତୁରନ୍ତ ତାଙ୍କୁ ବଡ ମେଡିକାଲକୁ ନେବାକୁ ପରାମର୍ଶ ଦେଇଥିଲେ । ରେଫର୍‌ କରିବା ଲାଗି ପରିବାର ଲୋକେ ସ୍ୱାସ୍ଥ୍ୟବୀମା କାର୍ଡ ଦେଖାଇଥିଲେ । ହେଲେ ଏହି କାର୍ଡ ଚଳିବ ନାହିଁ ବୋଲି କହି ଡାକ୍ତରମାନେ ତାଙ୍କୁ ବିଦା କରିଦେଇଥିଲେ । ଗାଁର ଅନ୍ୟ ଜଣେ ବିଜେଡି କର୍ମୀ ଅର୍ଜୁନ ଗୌଡ ଏ ସଂପର୍କରେ ନବରଙ୍ଗପୁର ବିଧାୟକ ମନୋହର ରନ୍ଧାରୀଙ୍କୁ ଯୋଗାଯୋଗ କରିଥିଲେ । କୋମାରେ ଥିବା ତ୍ରିଲୋଚନଙ୍କୁ ଭୁବନେଶ୍ୱର ନେବାକୁ କହି ବିଧାୟକ ଫୋନ୍‌ ରଖିଦେଇଥିଲେ ବୋଲି ସେ କହିଛନ୍ତି । ଶେଷରେ ଗତ ୮ ତାରିଖ ଦିନ କୋରାପୁଟ ମେଡିକାଲ କଲେଜ୍‌ରୁ କୋମା ଅବସ୍ଥାରେ ତ୍ରିଲୋଚନଙ୍କୁ ଡିସ୍‌ଚାର୍ଜ କରିଦିଆଗଲା । ଅର୍ଥାଭାବରୁ ଏବେ ଘରେ ପଡ଼ିରହିଛନ୍ତି ସେ । ବିଜୁ ସ୍ୱାସ୍ଥ୍ୟକଲ୍ୟାଣ ଯୋଜନା ମଧ୍ୟ ଏଯାଏଁ ତାଙ୍କ ପାଖରେ ପହଞ୍ଚି ନାହିଁ ।
ଜମିହୀନ ପରିବାର । କୁଲି କାମ କଲେ ଘରେ ଚୁଲି ଜଳୁଥିଲା । ତ୍ରିଲୋଚନଙ୍କ ଏଭଳି ଅବସ୍ଥା ପରେ ଏବେ ପରିବାରର ଅବସ୍ଥା ଶୋଚନୀୟ । ଏ ସଂପର୍କରେ ଆମେ ବିଧାୟକ ଶ୍ରୀ ରନ୍ଧାରୀଙ୍କୁ ଯୋଗାଯୋଗ କରିବାକୁ ଉଦ୍ୟମ କରିଥିଲୁ । କି୍‌ତୁ ତାହା ସମ୍ଭବ ହୋଇପାରିନି । ତୁରନ୍ତ କୋମାରେ ପଡିଥିବା ତ୍ରିଲୋଚନଙ୍କୁ ପ୍ରଶାସନ ପକ୍ଷରୁ ଚିକିତ୍ସା ସହାୟତା ଯୋଗାଇଦେବାକୁ ନିବେଦନ କରିଛନ୍ତି ପରିବାର ଓ ଗ୍ରାମବାସୀ ।